انا فتاة عمرى 25 سنة مشكلتى حياتى كلها شبه بعضها مفيش تغير انا خلصت الكلية ومبشتغلش لان عاوزة وظيفة حكومية يعنى حياتى كلها فى البيت وكمان مش بحب اخرج كتير انا كمان معرفش حد ومبكلمش حد حتى مبكلمش حد من على النت
انا جالى عرسان كتير لما كان عندى21 سنة ودايما كنت برفض فى الى شكلة مش عجبنى انا بقا دلوقتى محدش بيتقدملى
وممكن مش عارفة اختار العريس المناسب لان مفيش حد ممكن ينصحنى
بجد كان نفسى يكون بابا عايش عشان كان ينصحنى
حتى عمتى والجيران بيقوا عليا حلوة وازاى متجوزتش لحد دلوقت وعمتى بتقول لاختى ان انا كنت احلى واحدة فى العيلة وكل قريبى الاصغر منى اتجوزو
انا عارفة كلة نصيب بس الى بيضايقنى كلام الناس وسنى
حتى( الصحاب تبع مصالحهم ) انا كان لية واحدة صحبتى عملتها زى اختى قلت اديها عريس من الى بيجولى وفعلا اتجوزو ودلوقتى ولا حتى بترفع السماعة وتكلمنى
خليكى قريبه من ربنا بالصلاه والدعاء باستمرار وانشاء الله حتحسي انك مرتاحه مع نفسك وبعدين حتقدري تتعاملى مع الناس على حسب قربهم منك ,وان شاء الله خير ودايما قولي الحمد لله لان فى غيرنا مشاكلهم اكبر يكتير
حبيبتي والله انا حاسة بيكي لان كلام الناس كتير بس انتي ولا يهمك كلامهم وانشاء الله هيجيلك واحد احسن من اللي اتقدمولك بس كوني مع ربنا دايما و انا يتيمة زيك
متقلقيش من سنك
وكمان متقلقيش إنك يتيمة الأب
بالعكس البنت اللي ملهاش أب بتكون محل أنظار الشباب أكتر
المهم عاملي الناس بشكل طبيعي ومتقلقيش ولا تشغلي كل تفكيرك بالجواز
وهتلاقي نصيبك جاي فجأة والله.
بصي حبيبتي انتي 25 سنه عيشي سنك والجواز هيجي هيجي وانتي لسه صغيره وسيبك من كلام الناس طالما انتي محترمه وعارفه ربنا كويس خلاص والجواز ده نصيب وثقي في الله ان ربنا طالما انتي كويسه ربنا هيعوضك خير وتتجوزي انسان يحبك ويبقي كل حياتك انا والله مش بقولك كده كلام وخلاص بس انتي لسه 25 يعني مفيش داعي للقلل خالص حاولي بس تخرجي تصاحبي ناس في حياتك جديده انزلي شوفي شغل محترم ومنها تغيري جو وتخرجي وتستمعي بحياتك واي هوايه ليكي اعمليها دوري علي ابسط الحاجات اللي تسعدك واعمليها وربنا يوفقك ان شاء الله