مشاكل البنات النفسية

معاناتي مع حبيبي وخيانة اصدقائي لي

السلام عليكم ورحمة الله وبركاته
اولا احب اشكر كل العاملين بالموقع لتوفير هذه الفرصه لكل اللي زيي
انا فتاة ابلغ من العمر 18سنه عانيت كثيرا في حياتي من ناس كانوا قريبين كثيرا مني عانيت منهم بشدة من ناحية الخيانه والظلم والحسد؛؛ اعامل الناس دائما بحسن نية ولا اتوقع خيانتهم ولا اضع في ذهني ان الناس بداخلها حقد وكراهيه ويظهرون عكس هذا تماما ؛؛؛ تعرضت لكثير من المواقف التي تعلمني كيف اختار الاقرباء مني وكيف اتعامل مع الناس ولا اثق فيهم بسهولة ولكن طيبتي وحسن نيتي يغلباني واتوقع اكثر طيبتي التي تجعلني اثق بالنس بسهولة واتخذهم اكثر من اخوتي ؛؛؛ امي وابي الحمد لله عايشين وليا اخ اكبر مني ولست قريبه لاي منهم فنعيش في منزل واحد ولكن قليلا ما يحدث بيننا حوار ولو حدث لايتعلق بامورنا الشخصيه وانما يتعلق بالاكل والشرب والهدوم والمال فقط ؛؛؛ اعاني من ضعف قوتي ولكني اثق بنفسي دائما واشعر بتقرب الكثير مني لحسن اخلاقي وأدبي وانا مسلمه وأصلي لكني مقصرة بحق ربي لا اقرأ القرأن كثيرا ولا اصلي باستمرار فصلاتي متقطعه لكني اصلي بعض الفروض يوميا ؛؛؛؛ سأمت من حياتي وطيبتي اللا متناهيه واكتشف بعد ذلك خيانه الاصدقاء الاقربين لي ولم اتوقع خيانتهم لي ابدا ؛؛ اؤكد في ذهني ان الصديق لا يخون صديقه وعندما اعلم بخيانتهم اشعر بأن خيانتهم لي كذب وانهم صادقون معي لا يستطيعون ايذائي لانهم يحبوني ولكن اتصدم بالحقيقه واعلم جيدا بخيانتهم لي ؛؛؛؛ صديقتي بعدت عني الانسان الذي اشعر معه بالامان واحبه كثيرا وهذا لانها تريده وتريده لها فقط ولا تريد ان يحبني واحبه ونعيش سويا معا فقد جاءت الي وكذبت وقالت انه جاء اليها ويريدها وانا بحسن نيتي وثقتي فيها للاسف صدقتها وبعدت عن ذلك الشخص انا اعلم انه يفعل الكثير من الاخطاء ودائما يقول لي اصبري عليا سوف اتغير لذلك صدقتها بسهوله انه فعل ذلك ولم اتوقع كذبها وخيانتها وذهبت معها لصديقه اخري وأكدتلي هذا الكلام بأنه يريدها وهذا كان اتفاق بينهم ليوقعوا بيني وبين حبيبي وبعدت عنه ولم اترك له الفرصه بأن يدافع عن نفسه او حتي يعلم بالموضوع الذي جعلني ابتعد عنه ؛؛؛ وبعد سنه من ظلمي له جاءني وقال لي لماذا ابتعدتي عني انا احبك وعلمت ذلك كثيرا عندما فارقتني وحكيت له ما حدث وأكد لي انها كاذبه وان هذا لم يحدث ( انا ايضا اعلم ان ذلك الفتاه سيئه السمعه لذلك ابتعدت عنها حتي من قبل ما يحدث هذا الموضوع)) وأكد لي انه يحبني وانها هي التي جاءت له وارادت انه تتكلم معه (( بالمصري ,, يمشي معاها )) وانه رفض وفي النهايه رجعت له لاني احبه جداا وكنت اشعر بالوحده والعذاب في فراقه حتي انني نسيت له جميع غلطاته ووعدني بأنه تغير وفعلا انا رأيت ذلك وتحدث معي في حياتنا المستقبليه معا وطلب مني الزواج واراد ان يتحدث مع ابي في هذا الموضوع ليخطبني وكنت سعيده جدا واشعر انه جاد بالفعل وكان يحبني ويغير عليا ويخاف عليا بشده وكنت اشعر بذلك وكنت سعيده ايضا لانه تغير وتعلم من اخطاءه ولا يكررها مره اخري كنت اشعر انني الاكثر سعاده في العالم كأنني الوحيده التي اعطاها الله هدية شعرت بسعاده والكل لاحظ عليا هذه السعاده وكأنني زهره تفتحت وكبرت من بعد ما اسقيناها بالماء واعطيناها فرصه للحياه كنت ذلك ولكن حصلت مشكله وهو انني خرجت مع صديقه لشراء بعض الاشياء وتأخرت فغضب كثيرا وصوته علي عليا ولكني كنت هادئه وكنت احاول تهدئته فكان غاضبا وقفل السكه في وشي وذلك احزنني كثيرا وجعلني لا اتحدث معه لمده يومين رغم انه كان يتصل ولكني لا ارد عليه لاني لا ارغب ان اتحدث معه وهو غاضب ايضا وبعد ذلك اتصل بيا مره اخري ورديت عليه وتكلم معي بشكل عادي وانا ايضا ونسينا ما حدث ولكني شعرت بأنه يخبيء شيء عليا وسألته (انت فين ) قالي انا عند واحد صاحبي ولكني شعرت من صوته انه لا يريد ان يصارحني بشء لا اقصد عن مكانه ولكن عن ما يفعله او ما فعله ولا يريد ان يخبرني به وشعرت من صوته ايضا انه شبه مريض وقلقت عليه كثيرا ولم اسأله لانه قال لي هكلمك تاني كمان شويه ؛؛؛ ولم اعرف ان هذه اخر مره اسمع صوته واني لا اتحدث معه مره اخري اتصلت به مرات عديده وارسلت له رسائل لكنه لم يرد عليا واراسلت له رساله وقلت له اني بحاجه له كثيرا فأتصل بي ولكني كنت قافله الموبايل كان عندي تاني يوم امتحان ولكني وجدته اتصل بي مرتين فاتصل به ولكنه لم يرد عليا وانا قلقانه عليه جدااا ولا اعرف كيف اتوصل لاخباره وانا لا استطيع ان اسأل عنه غير بالموبايل لا استطيع ان اذهب لاهله او اتحدث مع اي من اصدقائه لا يوجد معي اي رقم سوي رقمه هو فقط اشعر وانه تركني وحيده في الدنيا وعدني وخلف بوعده ولكني اخاف ان اظلمه مره اخري وان يكون عنده ظروف هي اللتي جعله يبتعد عني وانه سوف يبتعد عني فتره ويرجع ولكني لا اعرف شيء في هذه الحياه بدونه احبه كثيرا لدرجه اني اعشقه واعلم انه يحبني وليس حبي حب مراهقه فكل ما تعلمته في حياتي يجعلني افرق بين هذه الاشياء اخشي ان يكون حدث له مكروه ادعو ربي دائما بأن يطمني عليه ولكن بلا جدوي حتي الان ولا اعرف عنه شيء اشعر بداخلي شيءا يجعلني اخاف من هذه الحياه وهو انه تركني ولكن يوجد صراع بداخلي يقول لي انه لن يتركك بهذه الطريقه ولن يتركك وحيده ولن يبتعد عنه ؛؛؛ هناك صراح بداخلي واخشي كثيرا من الفراق علي العلم انه عنده 23 سنه ويعمل وانسان ناضج وواعي ؛؛؛ هذه مشكلتي لكن لا تنسي مشكله طيبتي وثقتي في الاصدقاء ومعاملتي لهم بحس نيه؛؛؛ اسفه جداا علي الاطاله وارجو حل لمشكلتي

مشاكل وحلول ذات صلة

اضيف بتاريخ: Monday, July 4th, 2011 في 23:04

كلمات مشاكل وحلول: , , ,

17 رد to “معاناتي مع حبيبي وخيانة اصدقائي لي”

  1. ابواميرة
    18/12/2013 at 15:10

    ابنتي الفاضلة ماتعانين منه نتيجةالفراغ والضياع اللي انتي عايشه فيه ارجعي لربك ودوامي على الصلوات الخمس في اوقاتها واقري القران الكريم واحفظ منه ماتيسرلك من الحفظ وابتعدي عن الثقةالزائدةفي الاصدقاء والتهاون معهم واحسني الاختيار الجيد للاصحاب والرفقاء وابتعدي عن رفيقات السوء والمنخرفات الضالات وبري ابويكي واهتمي بهماوالسمع والطاعة لهما تنالي رضا رب العبادعنك ولاتفكري في الشاب اللي في بالك اهتمي في اخلاقك وادبك ودراستك وربي بيكرمك بكل الخير

  2. خالوه أحبج موت
    23/11/2012 at 13:27

    أكثري من الدعاء لربك وصلي الصلاوات الخمس في وقتها وصلي صلاة قيام اليل اتمنى لك السعادة في حياتك ولاتنسي الله فربك معاك واطلبي من ربك الرحمة والمغفرة

  3. فافى ليبيا
    06/10/2012 at 06:39

    يا عبونى ربي معاك وانا نفس الحالا الى انعانى منها ونفش المشكلة بالظبط بس احسن شئ اكتشفته انى اخلى كل صلاة فى وقتها وتجنب انى اعطى اسرار لى اى حد وانا حالى النفسية تعبانه من بعد ما تركنى حبيبي لان اسرارى كلهن كان عند بنت عمى وهيا مقربا لى راحت وقالتلا اسراري كلهن وتركنى فانا جاتنى بدل الصدمه اتنين والحمدالله مداومه ع الصلاة وتريحت نفسيا ومن قبل ماكان عندى صبر ولان بعد مداوم الصلاة ودكر الله الحمدالله كل شي اتحملا وربي معاك اختى

  4. NoOr bSk
    05/05/2012 at 15:01

    ربي يصبرك اختي مبقيتيش تمدي تقتك لأي وحدة ميسهلوش الاصدقاء هاد الشي

  5. مرىم مىمو
    10/02/2012 at 06:01

    روحي شوفي صلاتك الاول قبل الناس والخيانة والحجات اللي اولتي عليها والمداومة عليها اول ما يحسب عليه العبد يوم القيامة الصلاه هذا حديث صحيح انت فكرة ان عدم المداومة علي الصلاه دي حاجة سهلة وحتي لوا بدومي عليها في اعمال كثيرة جدا غيرها علشان ربنا يكون راضي عنك متزعليش مني كل ده بيصب في مصلحتك الله يهديكي يارب ويقرب اليه وجزاك الله خيرا

  6. نفسي أحب
    14/12/2011 at 06:20

    انتي عملة نادرة يا اختي الكريمة
    نفس المشكلةكانت معي لكن تغلبت عيها ,, كل اصدقاء كنت اتكلم معهم بكل تفتح وبدون حواجز
    دائما بقدم النية الطيبة ,, بحس بيهم وكنت فعلا صديق لهم بمعنى الكلمة لكن استغلوني ورموني
    زي الدواء يستخدم وقت الحاجة ,, لكن من وقت ما داومت على الصلاة وبقيت ادعي ربنا واسأله الاصدقاء الصالحين
    ربنا وفقني في دراستي ورزقني باصدقاء من ذهب ,, واعيش حياة جميلة بيهم

    انتي صغيرة في السن لو كان بيحبك كلن مازال متواصل معك ,, لكن انه يقطع بالشكل ده يبقى لا يستحق الا ان يكون مجرد تجربة خرجتي منها بخبرة تخليكي تعرفي الشخص ده بيحبك ولا لآ
    ولازم تثقي في نفسك اكتر وتثقي في ربنا انه بيعملك الي فيه الخير دائما ,, ربنا يوفقكـ

  7. لميس
    25/08/2011 at 04:08

    بصي هوة جميل جدااااااااااااااا وانا احترم رائيك واللة يكون في عونك

  8. salah
    12/08/2011 at 07:53

    انا اوافق كلام الماجيك لان عتاب الندل اجتنابه

  9. صاحبة المشكلة
    12/07/2011 at 21:37

    ههههه يارب ..شكرا يا قمر وربنا يوفقك انتي كمان ان شاء الله

  10. مريم
    12/07/2011 at 02:22

    حببتى فرحتينى انا قولتلك الكلام ده لان والله يابنتى قليل اوى لما تلاقى انسان مخلصاوحتى انسانه كويسه انا حسيت بيكى اوى وربنا يسعدك يارب انتى وهو ويتمملكو على خير وتتجوزو بقى وتريحونا هههههههههههههه

  11. صاحبة المشكلة
    08/07/2011 at 14:08

    بجد بشكركم اووي علي كلامكم وبالذات (مريم) ميرسي ليكي علي كلامك ونصايحك
    بالنسبه (للانسان اللي بحبه) فهو رجعلي ؛؛ كان عنده ظروف هو حكالي ايه حصل معاه بجد كانت اول مره اشوفه مدايق كدا ؛؛؛ هو كان بعيد عن الناس كلها ووعدني انه مش هيعمل كدا تاني وحتي لو حصله ايه هيكلمني وقتها ؛؛؛ وانا اكتر واحده عارفاه وواثقه ف حبه ؛؛؛ ومتأكدا ان اللي حصلنا ده (من موضوع صحبتي واللي عملته معانا ) ربنا قاصد انه يعلمنا حاجه منه واننا نعرف مشاعرنا ونتأكد منها ؛؛؛ وموضوع انه بيتهرب او مش عايزني ده مش بفكر فيه خالص لاني واثقه فيه ومن حبه ولو عليه هو جاهز وعايز يكلم اهلي دلوقتي بس انا اللي بقوله يستني شويه عشان دراستي وان شاء الله ربنا مش هيفرق بينا تاني ولا يفرق ما بين اتنين بيحبوا بعض ان شاء الله…
    بالنسبه لصحبتي دي انا بعدت عنها من زمان حتي قبل الموضوع ده ما يحصل وده لسوء اخلاقها وسمعتها في المنطقه اللي احنا ساكنين فيها وكان كل اللي بينا اتصالات بس ودلوقتي مبقاش في بينا اي حاجه ؛؛؛ احب اشكر (الماجيك) علي كلامه وفعلا من اليوم لن يخدعني احد اوعدك اني هاخد فعلا بالجمله دي وربنا معايا ؛؛؛؛ انا كل اللي مدايقني صعبانه عليا نفسي اني ظلمتها من ناس بجد متستاهلش
    بشكركم كلكم علي ردكم وافادتكم ليا وربنا يكرمكم ان شاء الله

  12. لوجى
    06/07/2011 at 23:56

    بصى والله حصلى نفس الكلام بس انا صاحبتى وقعت مابنا علشان كانت فى مشكله بينى وبينها وكمان واحده تانيه من صحابى علشان كانت شايفه ان فى واحد تانى معجب بيا فى الكليه وعايز يخطبنى فمن غير ماتعرف حاجه راحت قالت للانسان اللى انا مرتبطه بيه انى مش بحبه وهختار التانى وخلته ارتبط بصاحبتها وانا مش عارفه ازاى ارجعه واقوله ان كل ده ظلم وكدب وانى مظلومه حد يساعدنى بجد عشان انا مش عارفه اعيش وبحبه وكمان اللى ارتبط بيها دى صحبتى واعرفها

  13. مريم
    06/07/2011 at 01:44

    ياريت تبقى تطمنينى علكى وترودى

  14. مريم
    06/07/2011 at 01:30

    هقولك حاجه ياحبيبتى اولا بالنسبه للاصدقاء انا حصلى نفس الى انتى بتحكيه بالظبط بل اسوء من كده باختصار ان صدقتى هيا الى قالتلى انو عايز يخطبنى والحت عليا وانا وافقت واتعلق بيه وكنت خلاص هيكت كتاب راحتلو وفرقت بينا بكلام على لسان اهلى وصدقتها والى عايزه اوصلهولك انو لو كان مظلوم وبيحبك كان عمل المستحيل عشان يوصلك ويعرف الى حصل او على الاقل كان قالك صحبتك الفلانيه جتلى وقالتلى كذا وانا بنصحك تبعدى عنها لانها خاينه ولو حتى كان بعتلك الكلام ده فى رساله مكنش هيخسر حاجه ومتثقيش فى حد بسهوله حتى لو كانت بنت لان احنا فى زمن وحش اوى والله هو فى ناس كويسه بس قليل اوى وبذات صعب انك تلاقى صديقه وبالنسبه ان هو اختفى هقولك حاجه ومتزعليش هو بيهرب منك بصى لو هو عندو مشاكل الدنيا والاخره وبيحبك هيكلمك ولو دقيقه مش هتخسر من وقتو حاجه صدقينى لو باقى عليكى وخايف انك تروحى من اديه هيكلمك ومش هيخسرك حاولى تنسيه وشوفى مستقبلك واتقربى من ربنا هيقف جمبك وانتى ربنا بيحبك عشان هو مش كويس متزعليش من كلامى بس انتى زى اختى وليا تجارب ليا واصحابى وشفت كتير من القصص دى وممكن تلاقيه يرجعلك ويألفلك حوار انتى لسه صغيره وقدامك الحياه والمستقبل ولسا هتقابلى كتير فى حياتك وربنا يبعد عنك كل شر انتى والى زيك قولى امين

  15. الماجيك
    06/07/2011 at 00:11

    لا اله الا الله

    بصراحة وبدون زعل

    محتاجة تقفى مع نفسك شوية وبدون جلد لنفسمك او تعذيب

    فكرى بعقلك شوية

    اعطى عواطفك اجازة لمدة اسبوعين

    صلى كويس

    وخدى قرار بيمك وبين نفسك من اليوم لم يخدعنى احد

    من اليوم ان اهتم الا بمن يستحق

    ضعى لقريبين منك فى اختبتارات ولا تندمى على خائن او خسيس

    اتفهم مشكلتك جيدا

    افلقادنا للحب ولاهتمام يجعلنا نفقد الكثير لمن ييدى لنا ادنى اهتمام

    لا تنسى اختاه من اليوم لن يخدعنى احد

    دعواتى لك بالتوفيق

  16. دينا
    05/07/2011 at 21:18

    تعرفى انك شبهى بس الاختلاف ان انا اللى زهقت منه وحاسه ان مشاعره بارده مش حاسه منه اى كلمه حتى لو كان صادق فيها

  17. banota
    05/07/2011 at 18:44

    حبيبتي ياريت توضحي مشكلتك شوية وتختصريها وتكتبي بطريقة اسهل عشان نعرف نركز انا توهت ونفسي اساعدك والله

اترك رداً أو حلاً لهذه المشكلة