انا اكبر منها بسنه و من سنتين كنت كل يوم بعدى و انا رايح المدرسه اشوف بنتين على طول كل يوم مفيش يوم مشفتهمش فيه المهم اعجبت بوحده منهم و هى كمان كانت معجبه بيا بس انا مكنتش متأكد لانها بتتكسف بدرجه رهيبه بس لما تكون صحبتها معاها بتبقى فى قمه الجراءه وبعد فتره بطلت تمشى مع صحبتها نهائى و كل ماشوفها لوحدها تتكسف خالص ولا كأنها تعرفنى على عكس اللى فات و انا لغايه دلوقنى بحبها اعمل ايه و ازاى اعترف بحبى ارجو الرد
مشاكل الشباب مع البنات
ازاى اعترف بحبى ليها
اضيف بتاريخ: Friday, October 28th, 2011 في 09:55
كلمات مشاكل وحلول: الحب, مشاكل الشباب
بص يا معلم # انت تخليها مشيا ليوحدها وتروح تقولها ممكن اقولك حاجه بعد كده تقولها على فكره انا معجب بيكي او بيمعنى اصح مهتم بيكي ونفسي نتعرف:P
طيب ازاى اصارحها مع العلم انها مش عطيانى اى اهتمام خالص ؟
بص دي نفس مشكلتي بس انا حليتها ازاي ….روح مكان بتقف فيه دايما واستناها لما تيجي انده عليها مرتين ..,, وبعدين قولها و بصوت عميق او (رجولي)و متبينلهاش انك هتموت عليها : بصي من يوم ما جيتي المدرسة ..,, وانا بدور علي بنت تكون عندها خلق ومتربية و …وكل الميزات دي انا لقيتها فيكي عشان كده كنت عايز اقولك اني بجبك
مفيش غير انك تروح تقولها وش ممكن كلمة علي انفراد بعدها [بحبك] وهي هتفهمك
بص يا سيدى انا عندى نفس المشكله ولكن انا اصعب شويه لانها فى نفس سنى وغير انها فى كليه غير كليتى بس اللى اقدر اقولهولك حكاية انها لما تبقى مع صاحبتها بتبقى فى قمة الجرأه ممكن ده يكون ان هيه بتحب تعرف زميلتها ان فيه حد مهتم بيها وممكن يكون عشان هيه خجوله وبتتكسف فمابتبصلكش لما لما تبقى لوحدها فالاحتمالين موجودين انما اللى عليك انك توصلها شعورك وتعرفها انك مش بتتسللى او دى تصرفات مراهقه اولا تأكد ان دى اللى انت هاترتبط بيها مبدأيا كده وروح قوللها لما تشوفها لوحدها وش انى معجب باخلاقك وشخصيتك وبلاش بحبك عشان الكلمه دى لسه بدرى عليها اوى عشان فيه بنات لو سمعتها ممكن تتقل وتبقى حياتك بعد كده جحيم لانها اتمكنت من قلبك وتقولها انى اتمنى انك تشاركينى حياتى واوعدك ان مش هايحصل بينا كلام غير لما اجى واخطبك من اهلك وبعد كده ما تستناش رد واكيد انت هاتعرف من رد فعلها ابتسامه او معنى انها وقفت عشان تسمعك ده فى حد ذاته قبول وبعد كده ما تعملش اى حاجه تانيه غير انك تدعى ربك انه يكتبهالك وتعاملها زى اختك لحد ما تروح وتخطبها وساعتها غرقها كلام حب مادام فى علاقه بتربطكوا ببعض وتسمح بالكلام ده لان كلمة بحبك فى اطار علاقه حلال بيبقى معناها اجمل بكتيييييييير جدا من معناها فى غير الحلال وشكرا وربنا معاك
والله يا حج دى مشكلة جيل كامل مش مشكلتك انت بس حكاية الجراة يعنى بس طبعا الى ايده فالمية مش زى الى ايده فى النار فانا هقلك الى المفروض اى حد يعمله بس مبيعرفش لو اتحط فى الموقف يعنى ……….. كل الى انت هتعمله انك تستنى اى وقت هى فيه لوحدها وماشية فى الشارع بس يكون شارع مستخبى شوية عشان متفضحهاش ولا تفضح نفسك وتروح تنادلها مرتين بالظبط بس مش ورا بعض على طول لو مردتش يبقى بتتنك وملهاش لزمة ولو ردت هتقلها على طول كدهوه من غير اى مقدمات بحبك ولو كانت مش بتمشى غير مع صاحبتها خد معاك واحد صاحبك انت كمان ونفس السيناريو يا برنس وربنا يوفقك
تشجع لما تشفوها تاني وامشي عندها اوقول و انت بتشوف فعينيها -انا معجب بيكي-
اوشوف ردها لو تجالتك اومشيت قول ليها بنتظر ردك ، هذا احسن من ان يجي شاب اخر اوياخدها منك
دا رايي شوف انت..
انا قصتي مشابهة بالبنت دي
بردو لما بستني الباص في واحد قدي بيعدي كل يوم ويبصلي وكل يوم بشوفه واتعودت عليه والصراحه بقيت معجبه بيه جدا لكن بالرغم من كده كنت ناويه لو جرب يجي ناحيتي همشي ولو كلمنى هرد عليه بقرف وهقول لماما تانى يوم تيجي تزعقله .. عارف ليه ؟؟ لانى يادوب 16 سنه وعارفه ان ده اعجاب وعارفه انى لو اتكلمت معاه هبقى بنت واطيه وبابا معرفش يربيني .. انما اعجابي بيه دي حاجه غصبن عني المهم انى مبتصرفش غلط .. تخيل بقى لو البنت ردت عليك وقالتلك بحبك زي الباشوات اللى تحت ما بيقولوا بالله عليك مش هتستحقر الكلمه بسببها .. لسه بدرى عالحوارات دي احمى نفسك ومتكلمهاش حط اي بنت مكانها وشوفها كل يوم هتلاقي نفسك بتحبها بردو .. ولا اقولك خلى حد تانى يروح يكلمها يقولها بحبك هترضى ترد عليه وتقوله وانا كمان ولا هتحب انها تصده وتحافظ على نفسها وسمعتها .. عموما انت حر
لو بتحبها بجد روح عند باباها و قولو ان حضرتك بتحب بنتو و عاوز تتجوزها و اذا حضرتك طالب لسة يبقى اخطبها و لما تخلص اتجوزها….جرب مش هتخسر حاجة روح و هناك هتعرف اذا بتحبك ولا لا و اذا رفضتك فانت مش اول و لا آخر واحد يترفض و انساها و اتعامل كأن شيئا لم يكن و اذا خطبتها حطها جوا عنيك و اوعى تسيبها و ممكن حتى بعد ما تخطبها و تتعرف عليها اكتر ممكن تغير رايك
قلها بحبك وصدقنى هترد عليك وانا معاك ومتخفش
بص يا اخى هى الحكايه انى انتو محتاجين بدايه مش اكتر وانتو الى الاتنين خايفين تبداؤا فاابدا انت بس من غير حورات انت اول ما تشوفها تروح تقف جمبها وتبص فى عنيها وقلها بحبك ويسلام بقى لو اخوها والى ابوها شافك وضربك يبقى هتتجوزها يمعلم لانها هتموت فيك موووووووت ؟ والله يسهلك الاحوال
فى اكتر من طريقة تكلمها بيها يعنى مثلا لو هيا وافقة عايزة تركب موصلة معينة روح اقف جنبها وقولها هيا موصلات رمسيس من هنا ولا منين وعيش او اركب معاها المواصلة وقولها انا شوفتك فين قبل كدة هترد عليك وتقولك انا كنت واقفة مع صحبتى فى الحتة كذا وعيش فى اكتر من طريقة يا معلم اهم حاجة الجرائة
اتجرأ وروح صارحها .. ومدام هي معجبه بيك مش هتصدك