السلام عليكم ورحمه الله وبركاته
محتاج بجد انى افضفض معاكم شويه يارب تكونو حاسين بيه اعتبرونى اخ ليكم وهاتكلم معاكم بكل صراحه
ومحتاج للمساعده ارجو المساعده انا مشكلتى انى حبيت بجد بنت فى الثانويةعرفتها عن طريق المستشفى انا شغال فى المستشفى وهيه كانت بتعالج مامتها فى نفس المستشفى اللى انا شغال فيها شوفتها وانا بعالج مامتها ماعرفش ايه اللى حصلى قلبى شدنى ليها اوى انا مابصيتلهاش الابصه واحده بس وهيه كمان حسيت بيه وبقلبى المهم انا خلصت شغلى وروحت مكتبى شويه ولاقيتها جتلى بحجه انى اقيس لها الضغط ليها هيه مش لمامتها قولت دى حاجه من عند ربنا نقرب من بعض روحت قيستلها الضغط وكانت مامتها جنبها ضغطها كان واطى جدا علقتلها محلول يظبط الضغط بعد ماعلقته قالتلى خليك هنا عشان شويه وهاتشيله وقفت جنبها مامتها فضلت تكلم فيه وتتعرف عليه المهم بعد ماخلصت قولتلها الف سلامه قالتلى ممكن تسجل رقمك على تليفون ماما عشان لو ماما تعبت نكلمك انا ماخبيش عاليكم فرحت جدا سجلتلها الرقم وبعد ماروحت لاقيتها بتتصل بيه انا فرحت جدا جدا كلمتها وقولتلها على اللى حاسس بيه من ناحيتها قالتلى هيه كمان اعجبت بيه وتبادلنا شعورنا مع بعض وبعد اسبوعين بالضبط مش بترد على التليفونوبعتلها رسايل مش بترد على اى حاجه مش عارف السبب لحد الان ومش قادر انساها لان كانو احلى اسبوعين فى الدنيا فيهم ذكريات جميله اوى ياريتنى ماشوفتها ولا حبتها الحب ده كله انا بجد تعبان اوى شفولى حد ارجوكم
اكيد في سبب لانها ما بترد ما تظلمها وما تستسلم اذا كنت بتحبها لانو انا متاكدة انها بتعمل هيك حتى تهتم اكثر فيها
يعنى انت ناوى تتجوزها؟مستعد للجواز ؟طيب سألت عليها كويس قبل ما تتجوزها؟طيب عرفت عنها كل حاجة؟وتعرفت على ناسها وعيلتها اللى هتناسبها؟لو حصل ده كله روح أسأل على عنوانها واتقدملها
شوف يااخى
لو ليك نصيب معاها اكيد هيجمعكم ربنا تانى ولو مفيش نصيب يبقي خلاص انساها لان محدش بياخد غير نصيبوا خليها علي الله وحاول تتصل تانى بيها ولو انت جاد فعلا يبقي لازم تتقدملها وترتبط بيها وربنا يجمعك بمن تحب في الحلال امين يارب
ما تتادملها وتريح نفسك طلاما انتوا الاتنين بتحبو بعض
كل ال حكيته كلام جميل بس من كلامك ان كل حاجه جات بالساهل وال بييجى بالساهل بيروح بالاسهل فخلى ايمانك بربنا قوى لا هيا ولا غيرها يستهالوا الحب داواللى فيه الخير يقدمه ربنا
عارف فكر في ربنا وصلى صدقنى مفيش حد يستهل الحب ده الا ربنا هو بس عارف لو فكرت في ربنا مش هتفتكر اى واحدة ياريت كل حد يقول سبحان الله وبحمدة وسبحان الله العظيم الله اكبر
ان شاء الله بتلقاها واذا ما لقيتها عرس عشان تنساها
السلام عليكم ممكن يكون عندها ظروف هى اللى منعها تكلمك اصبر وهى فى يوم من الايام عترد عليك وذى ماقولت انك اتعرف على مامتها اكيد انت تعرف عنوان البيت جرب روحلها وانت مش عتخسر حاجة ورحلها باى حاجة المهم تتطمن
أولا كده، ده مش حب، ده إعجاب، لأن الحب مش بيجي من أول نظرة
أنت متعرفش حاجة عن أخلاقها ولا ثقافتها ولا أهلها
إنما الحب بيكون للروح قبل الجسد أو الشكل.
ربنا يكتبلك ويكتب لها الخير
ومحدش عارف هي ظروفها ايه، يمكن مخطوبة أو مرتبطة بحد وكان سايبها ورجعلها تاني
يمكن عندها ظروف قوية تمنعها عنك، خليها على الله ومتفكرش كتير.
الأخ العزيز…..حاسس بيك و عارف ما تعاني… لو هي صادقة تأكد من انها هتحاول توصلك….انت مش عارف ايه الظروف اللي عندها دلوقتي؟؟ أوقات كتيرة بنحاول نفسر حاجات علي مزاجنا او عشان خايفيين من فقدان حد…
النصيحة: اصبر شوية و لعله خير ان شاء الله
بص انا مش عارفة ابتد كلمى منين بس كل الى هقولو ليك انى البنت دى كانت بتتسلة بيك مش اكتر لانى الى بيحب حد بجد مبيقدرش يستغنى عنو مهمن حصل ربنا يعوضك خير وان شاء الله هتلقى البنت الى تحبك بجد واهية فترة وهتعدى
انا بأكدلك ان البنت دى فى فترة مراهقه وكان الموضوع مجرد تجربه فانساها
اول شي انت لازم تفترض حسن النية وتحط اعذار لألها لأنو يمكن عندا شي ظرف خلاها ما ترد عليك ابعتلها شي رسالة ع الموبايل او ع الاميل وانطر منها الرد وازا خلال شهر ما ردت عليك فأنا من رأيي انو هية بتكون حست حالها اندفعت بشعورها اتجاهك وندمت وما حبت تحكيلك اياها بشكل مباشر وع كل حال ازا بتحبك فعلا رح ترد ع رسائلك وازا ما بتحبك…وبالحالتين أنت المستفيد وبعدين انت فيك تطلع حالك من حالتك هي بأنك تغير جو مع اصحابك وتمارس هواياتك المفضلة ومع الوقت بتنساها وبالنهاية بحب احكيلك انو لا تتسرع وانطر ردها ع الرسائل يلي رح تبعتها الها…والله يجمعك فيها ازا كان فيها خير لأ لك وتقبل ردي ع الموضوع