الحب على النت

ازاى اعرف انه بيحبنى بجد ولا بيتسلى

السلام عليكم
انا طالبة جامعية عندى 19 سنة..
من على موقع تعارف وارتباط على النت اتعرفت على شاب .. مهندس معمارى .. معاه وظيفة .. محترم ومؤدب وحساه خلوق ومتدين ومن عيلة محترمة ومتدينين.

بداية كلامنا كانت مجرد صداقة ودردشة وحكيتله عن حب قديم انتهى بخيانة حبيبى القديم ليا، وقاللى مش تزعلى نفسك على انسان مش يستاهل حبك واخلاصك.

وبعد الكلام ده بحوالى اسبوع او 10 ايام لاقيته بدأ يلمح بحب وانه عاوزنى، قاللى انه حب مرة بس بعد ماعرفها اكتر لاقاها مش كويسة ومش محترمة ومش متدينة زيهم ف سابها، وبعدها خطب وبردو مش ارتاح مع خطيبته لانه كان صالونات مكنش عن حب وسابها بردو.

وقاللى انه حاسس انه اخيرا لقى اللى عاوزها بنت كويسة وبيحبها وعاوز يتجوزها وف الآخر قالها بصراحة انها انا..

صرحلى بحبه بكلام كتير وقاللى انه عاوز يتقدملى وبيحبنى اوى، بس طلب منى اننا لازم نتقابل مرة واحدة بس عشان نشوف بعض ع الحقيقة ونتكلم بقى في موضوع انه يتقدملى والظروف وكده والحل ايه، لان الاهل من الطرفين طبعا هيرفضوا ارتباط من النت ف لازم نشوف حل ف كده، قلتله الفترة ديه صعب نتقابل سيبها بظروفها وبإذن الله نتقابل قريب، هوا للعلم طبعا شاف صورة ليا وانا كمان شفت صورة ليه.

المهم استمرينا في حب وكويسين جدا مع بعض ومفيش اى مشاكل نهائى بيننا..

طبعا انا قلت لحضرتك من شوية انه قاللى انه حب بنت زمان بس لما عرفها اكتر لاقاها مش محترمة.

في يوم النت عنده فصل ومكنش عارف يدخل، وبعدين لاقيت ع الفيس عنده فيه حاجات بتضاف ف بعتله ع الموبايل ازاى بتقوللى النت فاصل وانتا بتضيف حاجات، قاللى والله مافاتح حاجة النت فاصل،  المهم انا علقت كام تعليق على الحاجات اللى اتضافت عنده ديه.

وفجأة لاقيت رسالة مبعوتالى من الاكونت بتاعه بالنص كده:
لو سمحتى احترمى نفسك ومالكيش دعوة بيه عشان انا بحبه وهرجعله تانى غصب عنك، هو ميقدرش يستغنى عنى اصلا، وبعدين ايه العيلة اللى هيبصلها دى ده عايز واحدة كاملة النضوج كملى نضوجك الاول و بعدين ابقى كلمى الشباب، ولو كلمتيه تانى انت متعرفيش انا ممكن اعمل ايه، بس هو للاسف غير الباس بتاع الياهو بس انا هاعرفه برضه، وانت حرة بقى بعد كده استحملى اللى هيجرالك و هغير الباس بتاعة الفيس بتاعته عشان مايعرفش يرجعها الا لما يكلمنى
وفعلا غيرت باس الفيس وعملتلى حظر من عنده..

انا لما شفت الكلام ده بعتله وقلتله اللى حصل؟ قام هوا رد عليا وقاللى هيا ديه البنت اللى قلتلك عليها سبتها لانها مش كويسة، وانا نسيت اغير باس الفيس من وقتها لاننا لما كنا مرتبطين كان معاها الباس، وقاللى انا بحبك وخايف عليكى منها ديه بنت مش كويسة، لازم نبعد عن بعض فترة لغاية ماتصرف معاها..

انا شكيت فيه وقلتله خلاص يعنى قررت تبعد وهيا ايه اللى عرفها بيا اصلا انتا شكلك مش عاوزنى وامسح رقمى من عندك وانسانى انا خلاص مش عوزاك، بس انا مش مسحته من عندى ع الميل وبعد كام يوم لاقيت ميله اتفتح والبنت ديه حطت صورة قذرة جدا وقالتلى انتى مش مسحتيه من عندك هنا ليه وقررت ف الآخر بردو انى امسحه، الكلام ده عدى عليه 3 ايام.

امبارح فتح النت اخيرا وظبط حاله وغير باس الميل والفيس ورجعهم تانى وكلمنى وقاللى انتى ازاى صدقتيها وتكدبينى انا بحبك وعاوزك..

للعلم هوا عنده مرض اسمه “الشبق الجنسى” وقاللى انه بيعمل حاجة كده بينه وبين نفسه كل اسبوع او 10 ايام او لما يحس انه تعبان ومحتاج يرتاح لان الاحتباس المنوى بيتعبه جدا وبيجبله الم جامد..

قاللى انه زى ماحكالى حكى للبنت ديه ايام ارتباطهم، وقاللى انه كام مرة عمل معاها زى علاقة جنسية بس ع النت مش عارفة ازاى، قاللى بس بعد شوية فقت وقلت ازاى احنا عملنا كده ولما قاللها مش عاوزين نعمل كده تانى مش وافقت ولما موافقتش سابها.

وهيا لما كلمتنى ع الميل بتاعه لما فتحته قالتلى انه هوا عاوزها عشان بيرتاح معاها وهيا كمان عايزاه وانا مش بعرف اريحه زى ماهيا بتريحه، وانه مش عاوز غير الجنس..

انا والله مش عارفة اعمل ايه، ارجعله واصدقه ولا لا؟؟؟؟

قولولى اعمل ايه انا محتارة وخايفة يكون بيلعب بيا وبيضحك عليا!! بس انا بحبه اوى ومرتحاله جدا والله ماشفت منه حاجة وحشة لغاية دلوقتى وعيلته ناس محترمين وهوا محترم جدا ..
ارجوكم عايزة حد يريح قلبى ويقوللى الحل

مشاكل وحلول ذات صلة

اضيف بتاريخ: Saturday, June 23rd, 2012 في 02:21

كلمات مشاكل وحلول: , , , ,

41 رد to “ازاى اعرف انه بيحبنى بجد ولا بيتسلى”

  1. ساره
    14/03/2023 at 01:41

    السلام عليكم لو سمحتو انا محتاره جدا انا مسلمه و في شاب عرفني و حبني و كان بيحاول يلمحلي انه بيحبني بس انا كنت بعمل نفسي مش واخده بالي لحد ماكتشفت ان هو مسيحي و فاكرني مسلمه بصراحه اخدت الموضوع هزار و استهيفته جدا بس لقيت ان كل يوم هو بيقلب الموضوع جد كل ده حصل و هو ميعرفش اسمي و لا يعرف عني حاجه لحد ما جه يوم و بعتلي فيه علي الفيس و طلع عارف اني مسلمه و حابب ان انا و هو نبقا اصحاب و انا وافقت و كلمته اسبوع مثلا بس انا بدات احس ان الي انا بعمله غلط و مش عارفه بصراحه نكمل و نبقا اصحاب و لا اعمله بلوك و انسا الموضوع يا ريت يا جماعه عايزه نصيحه علشان انا بجد محتاره جدا و مع العلم انا مشوفتش منه حاجه وحشه لحد دلوقتي و كلامه محترم معايا جدا

  2. mido m♡a
    22/07/2017 at 22:47

    بصى يا بنت الحلال انا عمرى 23سنه بحب بنت على الفيس وبعشقها اسمها a وقلتلها انا عيزيك فى الحلال وعايز اتجوزيك هيا عندها 16سنه حسيت من كلمها انها مش هينفع داوقتى على شان هيا فى ثانوى عام وانا لسا ادامى جيش نهايه القول انا بكلم معاها بكل ادب ولما بفكر مبين نفسى انى فى يوم من الايام هتجوزها وهنبقا فى سرير واحد وعلاقه جنسيه وكدا بحس انى مقدرش اعمل كدا انا بخاف عليها من نفسى حتى احميها بروحى بحس انى عايز احميها بروحى لو قدرت انا بحبها قوى واللهى العظيم وشفت صورتها ومسحتها ومدلها بسورد اميلى الخلاصه.احنا صنف الرجاله لما بنحب بنت بجد مبنفكرش نقيم علاقه جنسيه معاها من الاخر كدا مبيحصلكش اثاره جنسيه ونته بتكلمها بلعكس بتبقا مستعد تموت فى اليوم مليون مره فده شعره منها بس .يا رب تكونى فهمتينى الواد دا بيلعب بيكى يا انسه

  3. nosha
    07/05/2016 at 11:16

    اولا السلاام عليكم يا اخواتي
    بصي ياحبيبيبتي هو 1000% بضك عليكيي
    متخليش حدد يككسرك ولايزلك بحاجه وحاوللي تادي الصوه باي طريقه لان اكييييد هيعمل مشاكل بيها ةهياذيكي وياذي سمعتك انا بقولك كددا عشااان خخاايففهه علليكي والله مش اكتر ومش حكايه اني بتنصح عليكي ولاا بديكي فحكم ومواعظ والله ابدا انا حسباكي اختي وعلفكره انا بردو لو مكانك هكابر وهقول لالا دا محترم وكويس وبيحبني والعك دا كله دا وهم لكن انتي بالنسباله مجرد تسليه

  4. احب الله
    04/04/2016 at 12:18

    يابنت الناس ده بيلعب بيكى لو بيحبك كان دخل البيت من بابه
    وازاى البنات بيسقو ف شباب النت والله هى حاجه مش معقوله
    وااللى بيتسلي بنات الناس ده معهوش اخوات بنات وحتى لو معهوش اخوات بنات ممكن يحصل ف امه

  5. hoho
    13/10/2015 at 16:18

    سلام في الأيام هاي صعب اتلاقي شخص يحبك بصدق كلو بحب يتسلى بس ازا كان هذا الشب عنجد بحبك يجي لا عندك عل بيتك
    ويطلب ايدك سعتا بي بين ازا عنجد بحبك وهوي رايضك

  6. ده نصيب
    20/09/2015 at 05:27

    هو احتمال بيعمل عليكى فيلم ومافيش بنت فتحت ميله او حاجه وعلى فكره مافيش مرض كده ولو بيحبك بجد هايتكسف يقولك على مرض دى مجرد حجه عشان يصعبك عليكى وتغيرى عليه وترضيه لحسن يروح لغيرك انتى تجيبى م الاخر وتبعتى رساله واحده بس تقوليله اللى عاوزنى يتقدم غير كده لا لو قال اقابلك الاول وافقى بس متكونيش لوحدك طبعا وقوليله هاقابلك مع اهلى وبراحته وبكده تبقى رضيتى ضميرك من ناحيته وتنسيه بعدها من غير ماتندمى وتقولى ظلمتيه ولو هو مريض بجد وغصب عنه كان اتجوز ودعا ربنا يشفيه بس اعملى حسابك انك برضه لازم تبعدى وتنسيه لان دى اكبر ضربه له

  7. دينا
    24/06/2015 at 11:58

    عايزة اعرف هو بيحبني ولا لا بس انا بحبة وهو محترم جدا

  8. ايمى
    06/06/2015 at 13:43

    يا صديقتى هو بيلعب بيكى وبيضحك عليك وعيزك فى الغلط ابعدى عنه الحقير ده وغيرى رقمك وكمان الفيس بتاعك علشان هو مش هيسيبك فى حالك ومفيش اى كلمه من اللى قالهالك صح كله غلط انا عارفه انك تعبانه وانا حسابك بس انتى والله هتنسي ويريت متحبيش حد من على النت اصلا وان شاء الله هيجيلك ابن الحلال

  9. الوجة الطيب
    14/12/2014 at 22:33

    انا استفدت منكم كتير من الكلام دة وجزاكم الله خيرا

  10. мắŗịǻm
    11/12/2014 at 00:14

    يااختى من كلامك واضح اوى انه كداب وكان لازم تفهمى دا بدون سؤال دا لو فعلا بيحبك كان خاف ع الاقل خالص على مشاعرك من كلامه دا لو بيحبك زى مابيقول وعاوزك فعلا كان قالك عاوز اتقدملك وتبقى ليا فى الحلال مش ع النت من ورا شاشة الله اعلم ايه وراها من كدب وضحك ع البنات 90%من شباب النت بيدخلوا للتسلية حافظى على نفسك يابنت الناس محدش هينفعك اختفى من حياتى تماما وانسيه وربنا يحفظك ويحفظنا جميعا من كل شاب كداب .

  11. ديدي
    07/06/2014 at 23:37

    انتي سيبيه وشوفي مستقبلك

  12. ali weka
    29/04/2014 at 15:23

    يا صديقتى نصيحه من اخوكى سيبك من كل ده وخلى بالك من نفسك كويس عشان اليومين دول مش فيه امان خالص ونصيبك هيجى لحد عندك ومعلش برضو انتى متعرفيش الى بيكلمك ده مين وممكن يركب شضخصية اى حدوكمان عاوزه تكلمى اكلمى برحتك ولو فى حد بيحبك اوى كدا قوليلو بيتنا مفتوح قد كلامك تعالى لو رفض سيبك منو خالص انتى كدا تبقى تمام

  13. يوسف في اورباااااا
    06/04/2014 at 22:31

    السلام عليكم يسعد ايامكم الجميع كيفكم اول شي ياصبايا المشكلة منكم يابنات انتي تكلمتي انتي وهو يوم وثنين واسبوع وبعد قولي له تفضل اطلبني من اهلي هيك احسن بعدها تعرفي نوايا صدق ام كذب وشكرا واحترام راي الجميع

  14. انسيه ربنا بعوضك بالاحسن
    12/01/2014 at 03:17

    بتسلى بيك ووقح وشكله مريض نفسي منتحل شخصية بنت تانية وعاملك محترم وهو مريض نفسي مو اكتر

  15. اشرف
    01/11/2013 at 01:34

    الواد ده بيلعب بيكى ومفيش بنت تانيه هوه اللى بيبعث الرسائل ليكى علشان تغيرى عليه

    وتنفذى اللى هوه عاوزه…شرفك

    وموضوع مرضه ده فيلم هندى علشان تقوليله طب خلاص ياحبيبى ابعد عنها وانا هريحك زيها واحسن.

    انتى مش أول بنت تقع فى الفخ ده.

    ياما بنات ضاع شرفها وضاع مستقبلها لانها سلمت نفسها للشيطان.

    واعرفى إنه يوم ماينجح فى اللى هوه عايزه هيعمل نفسه بعد كده إنه مايعرفكيش.

    وساعتها الندم مش هينفع…ياإما إنك تنتحرى وإما إنك تهربى من البيت.

    معظم البنات اللى شغاله فى شقق الدعاره والكبريهات وصلت للى هى فيه لانها مشيت فى نفس سكتك.

    نصيحه لكل بنت الدنيا مابقاش فيها امان…لاتعطى صورك لشاب ولاتحكى لشاب اسرارك.

  16. راء
    23/02/2013 at 08:54

    السلام عليكم نفس الحالة حصلت معي هذا شخص كاذب واني فعلا حبيت مهندس ع النت ومسيحي اول شي اتزوجك واحول للاسلام وبعدين انسحب وقال نبقى اصدقاء احسن واجي اتمتع معك فعلا حبيته هو بصراحه حبني او لا بس احس حب شكلي اكثر انسحبي افضل لان هذا الشخص وان يكون مهندس الانسان باخلاقه وليس بشهادته هو يريد الحرام وليس الزواج مثل الي حبيته

  17. هندوده
    21/01/2013 at 20:59

    صدقينى يا حبيتى ده كداب وبيعمل هيك حاجات علشان يجر رجلك وعارف ومتاكد انك بتحبيه فحتعملى اللى يرضيه ومين قالك انه مهندس اساسا ده بيتهندس عليكى يا اختى حافظى على نفسك ربنا حيكرمك باحسن منه هو فعلا صعب فى البدايه لكن بعد كده حتنسى صدقىينى

  18. سارة اسماعيل
    01/12/2012 at 15:46

    بقولك ايه يا اختى انا حصلت معايا نفس المشكلة لدرجة انه افتكرتك بتتكبمى عنى وانه الانسان دة هو نفسه اللى كان معايا بس للاسف طلع عاوز الجنس بس لا في حب ولا زواج ولا اي شي هو كان عاوز يرتاح من التعب اللى بيجيله دة ولما بيحات دة بيكلمنى بس انا ماخدش منى ولا حاجة والحمد لله انه عدت على خير الاحسن انك تبعدي عنه يا اختى دة مش هايتزوجك دة بيلعب بمشاعرك وبس وبعدين انتى لسه صغيرة وهاتلاقي احسن منه وهاتحبيه هو بس هاتتعبي شوية في الفترة دي بس بعدين هاتنسى صدقنى دي نصيحة نتيجة تجربة بتمنالك التوفيق وياريت نعرف اخبارك دلوقتى

  19. حنون
    01/11/2012 at 19:19

    انتى تسبيه احسن هتتعبى فى الاول بس هترتاحى بعدين … وبعدين انتى بتقولى انه من على النت يعنى هيشق فيكى هيقول زى منتى دخلتى النت وكلمتينى هتكلمى غيرى هيبقا مفيش ثقا وان شاء الله هيجى الافضل منه ابعدى عنه دا الافضل ليكى

  20. hamada
    28/10/2012 at 10:46

    عاااوزة راى سيبك منو دة مش هينفعك وى لو دخلتى معه فى علاقة ارتباط وى كدة هتتعبى جدا” وى هتندمى وانتى لسة صغيرة اكيد هيكون فى حد احسن منو عشااااااااااان هوة من كلمو مش يريح

  21. ياسمين
    06/10/2012 at 01:34

    بسى ياستى الحل الوحيد انك تتجنبى الكلام معاه ومهما يقولك متصدقش كلامو لانه واضح جداانو كداب

  22. سالي
    21/08/2012 at 11:33

    اتركي يا اختي احسن لكي عشان الكلب دي يتسله بكي مو عوزك شباب مافيهم امان بحبو يحكو هيك كلام اتركي الله ينعل اصلو حقير

  23. venus
    03/08/2012 at 03:00

    ده بنى ادم واطى وللاسف اللى زيه كتير فى مجتمعنا ده لدرجة اننا مابقيناش قادرين نفرق بين الكويسين والزبالة اللى زيه ابعدى عنه احسن وانتى ع البر كده بدل ماتدخلى فى متاهات انتى فى غنى عنها وكل ماتفتكرى انك بتحبيه قولى حسبى الله ونعم الوكيل وبس وربنا هيخلصلك حقك

  24. love allah
    31/07/2012 at 00:13

    مش هو دة الانسان الي يستهلك دة واحد كداب ومعندوش دم ومش مهندس انتي صدقتي انه مهندس ومافيش واحدة تانية ولا حاجة بيضحك عليكي علشان شافك طيبة وعلشان يجر رجلك ابعدي عن الانسان الحقير دة لانه ممكن يضمر حياتك

  25. صافى
    30/07/2012 at 10:06

    نسيت اقولك ازاى تخلصى من الحقير الكلب دة لانك لو اتخانقتى معاة هيحوطك فى دماغة ومش هيسيبك غير لما يربيكى افهى منى بقى انتى فجاة كدة وبلا اى مقدمات تختفى فجاة وكانك الارض انشقت وبلاعتك تقفلى رقمك والاميلات وكل حاجة واياكى تدخلى على الاميل وتعملى نفسك مخفية لانة بيعرف وهيبان ولا الفيس ولا اى حاجة اقطعى اى حاجة فورا واوعى حتى تدخلى ولو بعد سنة ولو حتى اتجوزتى وخلفتى اللى زى دة معدوم الشرف ويبيع ابوة واللهم بلغت اللهم فاشهد

  26. صافى
    30/07/2012 at 09:59

    ههههههههههههههه انتى ضحكتينى بجد بطلى هبل واعقلى الواد دة خنزير وزبالة ولو فضلتى كدة يا حلوة مسيرك تروحى معاة شقة وتبقى فضحتك بجلاجل هو مايسويش فى سوق الرجالة ربع جنية وياسلام بقى يا حلوة لو كنتى بتعيلة صورتك هيفضك بيها عالنت ويشهر بيكى ونصيحة لكل البنات والولاد كمان ما حدش يبعت صورتة لاى حد ولا يدى معلومات عنة لحد ولا ارقام هواتف ولا عنوايين الله يهديكم وما تخليش واحد كلب زى دة يعلم عليكى ويفضحك دة عايز ينام معاكى فى التليفون يا هانم ياكبيرة روحى بقى زى الهبلة اعملى اللى هوة عايزة ومش بعيد يسجلك ويهددك عشان تفضلى معاة لحد ما يزهق منك ويرميكى زى الكلبة واللى زى دة عمرة ما هيتجوزك وتلاقية بيتف عليكى بعد ما بيكلمك هو كلامى قاسى انا عارفة بس انا بقولك الحقيقة انا عندى 29 سنة وخايفة عليكى يا بنت الناس ما تخليش قلبك يفرمك ويخليكى انتى اللى ما تسويش ربع جنية فى سوق الحريم وهتلاقى الناس تحتقرك فى الاخر وماحدش هينفعك يا فالحة

  27. ميدو
    27/06/2012 at 17:44

    من الآخر مفيش بنت تانية ولا حاجة وهو بيشتغلك وهو اللي بيدخل وبيشتغلك بيها هو ولا بيحبك ولا حاجة عايزك لأغراض أخرى فى رأيى دخول البنت عالشات غلط وهتخسر نقاءها غصب عنها

  28. نور عيني
    27/06/2012 at 17:44

    اى يابنتي اللي انتي فيه دا محترم اى بعد كل الكلام دا ابعدى عنه دا واحد عايز يلعب علي دى ودى وفي الاخر هايتجوز واحده تانيه خالص وبعدين دا حتي بيدخل شات عشان الحنس والحاجات دى بصي من الاخر خلي بالك من نفسك وماتروحيش تقبليه هما شباب النت كدا دخلين لغرض معين وبس

  29. وحده
    27/06/2012 at 00:46

    من الواضح انو بتسلى فيكي والدليل انو قالك انو بيرتاح بالكلام بالجنس مع البنت الي كان بحبه لانو لومحترم ما بقولك هيك كلام وبلمحلك بهالقذاره فاحذري من هالحقييييير

  30. ريم
    25/06/2012 at 23:59

    اوعى تقبيليه دا واد كداب وزباله وبيعمل كدا وعامل بنت تقولك انه بيرتاح معاها اكتر عشان خاطر تعملى زيها دا واد زباله وقليل الادب

    مهندس ايه فى مهندس فاضى انه يدخل ع شات ويتعرف

    دا واحد سافل وفاضى

  31. lara
    24/06/2012 at 23:06

    حبيبتي دة واحد كداب صياد نساء خودي بالك اوي دة شرح لك هو عايز ايه منك ده عايز جنس مايك او لما تقابليه مين يعرف حيعمل لك ايه لو نيته شريفه يجي من الباب

  32. نيره
    24/06/2012 at 00:03

    يا حبيبتي ارجعيله انتي بتقولي انه محترم وعيلته محترمه وهو بيحبك وبدام انتي بتحبيه اوي يبقي خلاص وهو قلك ان البنت دي مش كويسه وحكايه المرض دي عادي دي مرض زي اي مرض ارجعيله هو بيحبك والبنت دي لازم تتصرفوا معاها وعجلوا في خطوبتكم وخلوا الحكايه رسمي شويه *اتمنالك التوفيق والسعاده معاه*

  33. عـــابر سبـــــيل
    23/06/2012 at 18:26

    السلام عليكم
    الي الاخت الفاضله صاحبه المشكله
    عنوان مشكلتك بدا بسوال؟
    اجابتي عليه لو كنتي متئكده انو صادق ومحترم وبيحبك وداخل جد مكنتيش فكرتي تكتبي هنا ..

    ثانيا والاهم مفيش حاجه اسمها حب من النت دي اكبر كدبه بنخترعها وبنصدقها وبنتحايل بيها
    دا رئيي الشخصي في الحب
    حبتيه !!! ولا حبيتي كلام حلو واسلوب واحد معا وحده مش عايذ يزعلها ولا يضيعها من ايدو ؟
    انتي حبيتي شكل صوره وحبيتي اسلوب وده غير الحقيقه علشان شخصيتنا في الحقيقه مش مجرد كلام حلو بنكتبو ولا شكل ربنا خلقنا بيه الحقيقه غير كده خالص

    حاجه تاني ومهما في القضيه دي انا عمري مسمعت عن حاجه اسمها احتباس منوي وبيتعب كل اسبوع ولا 10 ايام ولازم يرتاح ؟؟؟ يرتاح يعني ايه ؟ يزني مثلا ولا يعمل العاده السريه ؟
    واما هوا في مرض كده متعلجش منو ليه لو افترضنا مجرد افتراض انو هوا صح وصادق ؟؟ طيب بيقلك كده ليه ؟ علشان تريحيه زي ما البنت التانيا بتعمل ولا ادالك المعلومه دي ليه دانا خاطب عمري متكلمت معاها في الجنس والحجات دي!!
    بصي يابنت الناس من كلامك انتي بتستغلي وبتستخدمي مجرد استخدام معا واحد مريض
    وبعدي ربنا يسترك ويسترها معاكي متخليش الشيطان يزينلك سوء اعمالك واعمال الكذاب ده باسم الحب والكلام ده
    اهلك ميستهلوش منك كده ولا ربوكي علشان توصضلي لكده
    بيتكو ليه باب ولو طالب الحلال من حقو ييجي يشرف في البيت ويشوفك ويتكلم معاكي والله الموفق
    اما تعالي نخرج وهيكون في مكان عام والحركات المفضوحه دي المره الجيا هيكون في شقه مفروشه علشان اول مره دي بتبقا الصناره اللي بتصطاد الفريسه
    ما كان لك سياتيك علي ضعفك وما ليس لك لن تناله بقوتك
    خلي بالك
    ربنا بيقول ولا تتبعو خطوات الشيطان
    ربنا يكرمك بالحلال ابعدي عن السكه دي علشان اخرها مكتوب في مشاكل البنات في الموقع ده شفيها وعرفيها يا بنت الحلال
    والسلام ختاب
    ربنا يحفظك
    معلش طولت عليكي في كلامي بس الموجوع بقا كلامو كتير
    ارجو المتابعه

  34. نصيحة لله
    23/06/2012 at 17:59

    اختي اتمنى تسمعي نصيحتي لاني من اكتبة كاني اكتبة لاخت اصغر مني
    احذري من هالشاب لانة باين علية ذئب خافي ع نفسك واتقي الله في نفسك ولاتخرجي معاه ابدا مهما حاول يقنعك هو مية بالمية بيضحك عليكي وانت نفسك متاكدة من هذا الشي وانا واثقة لاتصدقي كل من يقول يحبك لان الحب افعال وليس كلام لو كان بيحبك يجيلك من الباب ويقول لاهلك انو شافك بالصدفة وغير هيك هو شكلوا حس بالملل من علاقة البنت الي مش كويسة ع قولوا وجايز بيكذب وحب يستمتع بوحدة تانية وكانت انتي ولما يمل منك ح يسيبك ويقول عنك زي ماقال ع اللي عرفها قبلك احذري والله كل الشباب الي بيتعرفوا ع النت مش ممكن يتجوزوا من النت لان حتى لو كانت البنت كويسة هما ح يشكوا فيها والله نصيحة من اخت اكبر منك سيبية هذا بيتسلى فيك لاتقبلي ع نفسك انك تكوني رخيصة خافي ع دينك واهللك وشرفك ونفسيتك
    هما الشباب عارفين ضعف البنت انها بحاجة لحب فبيستغلوا هذا الضعف وكلنا فعلا محتاجين للحب بس صابرين ونطلبوا من ربنا وحده وخلي شي في بالك من ترك شي لله عوضة الله خير منه اسفة اذ طولت عليك لاتنسيني من دعائك

  35. حمدى
    23/06/2012 at 16:57

    بصى يا بنتى وحيات ربنا انتى باين عليكى غلبانه اوى وبجد صعبتى عليا بس لو عايزة نصيحة اخ الولد دة مش محترم ولا متربى ولا هوة مهندس اصلا لية بقى 1 كلهم بيقولو كدة اول ميتعرفو على بنات خصوصا النت 2:مفيش حاجة اسمها الشفق الجنسى انا ولد ومسمعتش عن دة اصلا هوة بيعمل العادة السرية وبيحاول يجر رجلك 3:وحيات امى مفيش بنت ولا حاجة دة هوة الى بيعمل كدة وبيمثل عليكى الشخصيتين عشان انتى تحاولى تقعى فى الغلط 4:لو هوة محترم مش هيمارس الجنس بكاميرات النت اصحى شوية وفوقى والله العظيم 80%من شباب النت بيتسلو ويلعبو على البنات والله على ما اقولة شهيد

  36. نونو
    23/06/2012 at 14:35

    أولا يؤسفني أن أقول لكي إن هذا الشاب كذاب جدا جدا وكذبه واضح جدا بس إنتي شكلك طيبة لإنك مفهمتيش كذبه أو يمكن لإنك بتحبيه فمش قادرة تطلعي حبيبك في نظرك كذاب وبيلعب بيكي وبمشاعرك ومستغل طيبتك في إنه بيكذب عليكي ،،،،،
    ثانيا لو فعلا هو بيحبك فالمفروض إنه بعد ما شاف صورتك وكلمك ف التليفون يتقدملك
    وبعدين منين هوه ساب البنت اللي مش كويسة دي ومنين لسة بيكلمها وعارفة الباس بتاعة ،،،
    عارفة لو هوه صادق فعلا كان غير رقم الباس من لحظة ما سابها ،،،بس هوه كذاب
    والله أعلم هوه بيعمل كده ليه
    ثالثا إزاي بتقولي أنه محترم ومتدين وهو بيفعل معصية مثل هذه لاء وكمان لم يستر علي نفسه وقالك علي معصيته وقالك إنه بيفعلها كل 10 أيام يا أختي ده لو فعلا محترم وعلي خلق كان ستر نفسه وتاب إلي الله
    أخيرا نصيحة مني لكي أنسيه ومتكليمهوش تاني ،،،وفكري بعقلك شوية هل هذا يصلح لإن يكون زوجا لكي وإدعلي ربنا إن ييسر لكي أمرك ويقدم لكي الخير ويصرف عنكي الشر
    وكل حاجة هتبان بعد كده هيبان إن كان بيحبك ولا بيلعب وبيتسلي بيكي
    وياريت متزعليش من رأيي بس حقيقي الشباب في الايام دي ليس لهم شغل إلا اللعب بمشاعر الفتيات لإرضاء شهوتهم فقط فأحذري يا أختي الفاضلة وربنا يقدملك الخير

  37. HanyMoh
    23/06/2012 at 14:25

    بعد ما قرأت رسالتك اتأكدت إنه شخص مش هينفعك حتى لو كان مش بيخدعك.

    أنا عارف إنك مش هتقبلي كلامي، لكن أنا أكبر منك وعندي خبرة أعلى منك وده رأيي.

    خاصة لما قال إنها مش متدينة زيه

    هو أصلا مش متدين ولا محترم، يعني وافق يغلط معاها على النت أو التليفون ويقول إنها مش زيه!!!

    هي زيه والطيور على أشكالها تقع، نصيحة اتركيه وأنتي غلطتي لما بعتيله صورتك لأنه شخص غير ثقة.

    واوعي تقابليه لأنه مش مضمون.

    العملية منتهية ومعنديش أي حل غير تركه نهائيا، وسنك لسه صغير وهتقابلي أحسن منه ألف مرة.

  38. بسمه
    23/06/2012 at 13:53

    بصى حب النت مش مضمون والشباب بيكدبو كتير انا اتكلمت مع ناس كتير وسمعت الكلام ده كتير بس عشان تتاكدى انه صادق معاكى خليه يجى البيت على طول وقوليله كفايه انه شاف صورك وباقى التفصيل اتكلمه فيه فى التليفون وشوفى رد فعله بس متثقيش فيه وصلى صلاه استخاره وربنا يقدملك اللى فيه الخير

  39. اسامه توحيد
    23/06/2012 at 10:11

    اختي انا هقولك كلام مختصر خالص وصدقيني ان شاء الله هيكون هو الصواب … انتي لازم مش تكلمي الشاب ده خالص وتعرفيه انك انسانه غاليه ومحافظه ومش بتاعة مقابلات ولا غيره ….وهو لو عاوزك فعلا يجي عندكم البيت ويخطبك …. صدقيني حافظي علي نفسك ومش تعملي غير كده …. هو احنا الشباب كده بنموت في اللي تجننا وتتقل علينا … لكن اللي تجري ورانا منفكرش فيها …. اوي تروحي تقابليه او حتي تكلميه غير مره واحده وبس وهي انك تفهميه بالحرف الواحد كده … انت لو عاوزني تعالي واخطبني من اهلي …. بس كده وهو لو عاوزك وبيحبك فعلا هييجي ويخطبك … ولو مجاش وكان كداب هتكسبي انتي احترامك لنفسك وحاجات تانيه كتيره اوي هتعرفيها بس لما تكبري شويه … ربنا يوفقك حافظي علي نفسك ومش تتنازلي ابدا علشان متخسريش نفسك او كرامتك صدقيني

  40. مجرب
    23/06/2012 at 09:13

    نصيحة(لا تنزلي الى الخطوط الحمراء معة والبائي بس اللة يعلمة)وشكرا

  41. DR-AMr
    23/06/2012 at 04:31

    يا اختي انت قيمتك اكبر من ان يتم اصطيادك من الانترنت

    اتركيه وكانه لم يكن … واهتمي بدروسك … واستني ابن الحلال الواقعي مش الوهمي

اترك رداً أو حلاً لهذه المشكلة