اسرار البنات

فقدت عذريتي وتزوجت حبيبي من ورا اهالينا ولكن

بسم اله الرحمن الرحيم اود ان اعرض مشكلتى لتساعدونى فيها بأسرع وقت لأنى معذبة فى البداية انا من أسرة متوسطة إبتلانى الله بفقد عذريتى وأنا فى رحله مع أصدقائى وأنا فى كنت وقتها فى السنة الثانية فى الكلية وكانت ليا صداقات كثيرة بس بحدود وكان أكثرها مع الأولاد يعنى كانوا بيقولوا عليا بنت بميت راجل ارتبط مرتين بس مش معتبراهم اى حاجة فى حياتى لانها كانت فترة المراهقة بس بعد الحادثة دى أنا اسودت الدنيا فى عنيا وبعدها بفترة اتعرفت على واحد كنت فى اخر ترم من السنة الثالثة واستمر هذا الحب ثلاث سنوات ونص كنت بحبة جدا وهوة كمان كان بيخاف عليا بس المشكلة كانت انة انا كنت خلصت الكلية وهوة لسة فى سنة رابعة حتى الان مع انة ادىالمهم الناس كلها كانت بتتكلم عن حبنا لبعض وانا عارفة انة بيحبنى اوى وقربنا من بعض ودخل عليا .اتجوزنا من ورا اهالينا ,بقالنا سنتين متجوزين بس حصل دة كلة بسبب اهلة كانوا مش موافقين علشان هوة لسة فى الدراسة وهوة تعب ودخل المستشفى يعنى والمشاكل اللى بتحصل دى المشكلة بقا انى اتخطبت فى العيد لواحد تانى غصب عنى بس خطوبتى استمرت يومين بالظبط ويوم خطوبتى كنت بكلمة حتى وانا بلبس الشبكة وبعدين خرجنا انا وخطيبى وقولتلة انا فى المكان الفلانى وشفنى بس ساعتها كان خطيبى ماسك ايدى وهوة شفنى هوة وابن خالتة واغمى علية فى الشارع وشلوه ونقلوة المستشفى واهلة كلمونى علشان اكون معاه وقريبة منة وعدى الموضوع مع العلم على تصميم ابوة بالرفض بلارتباط وبعد مابقا كويس ابوة قاله مش هاجى معاك مش دى اللى انت كنت بتموت نفسك عشانها مش هتاخدها وكانوا شاكين عندى وعندة ان احنا متجوزين من وراهم فضلنا مع بعض لفترة شهرين كويسين وبعدها لقيتة اتغير معايا مش عايز يكلمنى كتير وبنخرج كل فين وفين وبعدين كلامه ا قولت هوة بيعمل مشروع التخرج والمشروع صعب اوى ممكن يكون متغير علشان كدة بس لقيته بيقولى مش قادر انسى شكلك مع خطيبك وهوه ماسك ايدك انا تعبان اوى والاحسن نبعد مش قادر انا تعبان اتحيلت عليه بس مفيش فايدة انا بحبة اوى انا مليش حد فى الدنيا غيرة هوة غيرنى من ساعة معرفتة وانا مش شايفة غيرة علمنى حاجات كتير كان بيحذرنى من ناس وكنت بقولة لا دول كويسين والقيهم زى ماقال انا بموت دى ابنى وحبيبى وابويا وجوزى ومش عارفة ارجعة ليا ازاى .اسفة على طول الرسالة وارجو الرد بسرعة

مشاكل وحلول ذات صلة

اضيف بتاريخ: Saturday, December 11th, 2010 في 12:04

كلمات مشاكل وحلول: , , , , , , , ,

22 رد to “فقدت عذريتي وتزوجت حبيبي من ورا اهالينا ولكن”

  1. ابواميرة
    16/01/2013 at 22:35

    ربناغفوررحيم يابنتي يقبل توبةعباده المذنبين كفري عن خطيتك واستغفري ربك واطلب منه الرحمةوالمغفرة وزواجكم باطل شرعاوحرام لانومن غير موافقةاهلك اواهله ولابدمن الزواج الشرعي وعقدنكاح جديد بحضوروموافقة الاهل والا كل منكم يذهب لحال سبيله وربي يصلح حالكم ويهديكم ويبعدكم عن الحرام

  2. لؤلؤة الإسلام
    03/02/2011 at 08:40

    اسألى شيخ يا اختى

    ربنا يكرمك ويحفظك

  3. زملكاوى
    13/01/2011 at 00:44

    سؤال
    هو اللى بيحب اليومين دول يتجوز ويعمل علاقه زوجيه ؟
    دا مكنش بيحبك
    دا مجرد متعلق بيكى مش اكتر وخلاص خد اللى هو عايزه منك

    حاولى تجرعى لربنا وتنسيه وتشوفى حل لمشكلة انك مش عذراء حالياً

  4. نصيحة اخ
    11/01/2011 at 16:41

    أرجعى لربنا وتوبى واستغفريه

    هذا زنا واحمدى ربنا ان فيه حد بيتقدملك ده عمره ما هيسعدك حتى لو اتجوزته بشكل رسمى هيفضل فاكر انك فرطتى فى نفسك ليه.. واللى تفرط فى نفسها لواحد تفرط لعشره

  5. دموع
    03/01/2011 at 18:35

    السلام عليكم اولا ربنا يغفر ليكى بجد لان فى كمية اخطاء رهيبة وعقوبهااشدمش عارفة اية الا حصل فقدتى عذريتك طيب ازاى صبرتى كدة لحد الفترة دى وبعدها محاولتيش تحلى مشكلتك وتقولى لاهلك لا حبيتى واتجوزتى واحد تانى برضو من وراهم وبعدين اتخطبتى طيب منين اهلة رافضين ومنين طلبوكى عشان تكونة جنبة دول لو رافضين المفروض يبعدوكى عنة مش يجيبوكى عشان تفضلى جنبة وهو لو بيحبك هيتقدم رسمى بس هو استغلك عشان انتى فقدتى عذريتك وبعد كدة مش هيتجوزك دة رايى والله اعلم بس بجد يا بنتى انتى فى مشكلة ولازم حد كبير يعرف بالموضوع ويقف معاكى وقبل كل دة تعرفى غلطك وتتوبى الى ربنا خلى بالك من نفسك وبقولك تانى لازم حد كبير بتثقى فية يعرف ويساعدك لانك بجد فى مشكلة ربنا يستر علينا جميعا

  6. ليتو
    02/01/2011 at 13:00

    اسمعى هيا حاجة واحدة الى بيحب بجد عمرهة ما يكرهة واتفقى معاهة انكم تعلون زواجكم قدام الدنيل كلها والكل يراضا بالامر الواقع وربنا معاكى

  7. خالد عبد الراضى
    31/12/2010 at 04:03

    نفسى افهم انت جوزك ده زواج بماذون وشهود وماخر صداق وشبكه بس فى السر ولا زواج على ورقه بينكم كما نسمع هذه الايام فهمينا واذا كان الاخير يبق باطل ومش قادر اقول الكلمه التى لا نحبها جميعا انت شخصيه مستهتره لما انت عايزه ترجعى لزوجك كما تقولين والله اعلم بما تفعلين فما ذنب الرجل الثانى الذى تقدم لك صحيح ان كيدكن عظيم مسكين ارجو ان تتركيه فى حاله وتبعدى عنه فهو غفلان عن حماقتك فانت لست جديره به اتركيه وشانه وحلى مشكلتك مع زوجك بنفسك فانت ما اسهل عليك حلها من ان ننصحك وتقدرى تلاقى مليون طريقه لتقنعيه بها ان سياتك مضغوطه من اهلك ومطره بشكل مؤقت الى ان اجد حل يا زوجى وهكذا والله مساكين اهل سياتك ربنا يستر عليهم لو عرفو حاجه من حجاتك وارجع واقول اهلك سبب من اسباب ما انت فيه لان التربيه فى البيت ومن البيت لازم تعرفو اولادكم بيطلعو مع مين من اصدقاءهم مع من يتكلمون بالتليفون ولا ابنى او بنتى تسهر بره وترجع متاخره والدلع للابناء بدون داعى فاضى مليان والفلوس نعطى من غير حساب اول ما يطلبو لا نسال لماذا والنقود رايحه فين لا نراقب عاملين ودن من طين وودن من عجين وطناش وربنا هبسترها يا ريت الناس تفوق شويه لاولادها وتاخذ من هذه القصص الشنيعه عبره لنحافظ على اغلى ما لدينا اولادنا لان فيه ناس مش طايلين الخلفه ولو عرفو المصايب دى يبق قلة الخلفة رحمه ونور ربنا يحفظكم ويحفظ اولادنا من كل سوء امين يا رب

  8. الحزينه
    15/12/2010 at 21:16

    اختي الكريمه الحل بيدكي بلغي احد افراد اهلكي القريب معكي وتحسي بي انه بيحبكي ويهتم بيكي وهو يبلغ اهلج على كيف حتى لو يغضبوا عليج لان اذا خبيتي الامر مصيره معروف ويصير الي يصار لان صديقة ماما نفس حالتج وبس هيه هربت معاه وبعدين تركه ولجاءة لاهلهه ومن افتهمو الموضوع رموها في الشط وبلغوا المركز بالحث وقالوا شرفكم هذا لازم يندفن وشكرا على الاطاله

  9. حبيبه
    13/12/2010 at 00:38

    لا بصراحه الموضوع ملغبط بس مش بايدى غير انى ادعيلك ربنا يهدى الجميع

  10. soso
    12/12/2010 at 12:12

    انا بس مستغربه من حاجه انك شرحتي بالتفصيل مشكلتك لكن سؤالك في النهاية انك عايزة تعرفي مننا ازاي ترجعي للشخص ال انتي بتقولي عليه انه جوزك ؟؟؟ مش شايفه انك فعلا غريبه وان العيب فيكي انتي يعني كل ال حصلك انتي السبب فيه اولا لما فقدتي عذريتك ليه ما بلغتيش اهلك مادام مش بايديك واكيد ساعتها هيكون فيه شهداء علي انه فعلا حصلك حادثه في الرحله ؟؟؟ ثانيا هل جوزك ده عرف انك فقدتي عذريتك اكيد طبعا ايوة ووافق انه يحبك ويعاشرك ويضحك عليكي بما انك فقدتي عذريتك علشان يمارس براحته ومن غير خوف من شئ بمعني اصح كنت سهله بالنسبه له …. وبعدين انتي ازاي وفقتي علي انك تتخطبي وهل فكرت اصلا ان الخطوبه لو دامت واستمرت واتت مرحلة الزواج هتقولي لخطيبك ايه ولا لاهلك ايه ؟؟؟؟ انتي وضعتي نفسك في مأزق صعب تطلعي منه غير بأيدك برده بس انتي لازم تبعدي فورا علي ال هو جوزك ده وياما تصارحي خطيبك او تسيبيه وماتكمليش معاه علشان كده هتظلميه معاكي وربنا يصلح ليكي حالك ……….

  11. حبية الرحمن
    12/12/2010 at 10:59

    بجد مافيش كلام يتقال انتم فين اهلكم في الحوارات دي يعني مافيش احترام لاب ولا ام ولا اخ ولا اي حد ومافيش خوف من ربنا قبل الكل مش عارفه بس سيبك منه واستغفري ربك رنك واقعه في اخطاء كتيره قوي بس بجد ليه حق لانه مش هايرتبط بيكي ولا عمري هاتبقي علي اسمه لانك رخصتي نفسك من البدايه اللي بيحب حد وعاوز حد بيقه في العلن المصيبه انك بقيتي مدام ولو تزوجتي واتخطبتي اكيد هاتخدعي زوج المستقبل خافي ربك ربك عقابه عسير

  12. gemy
    12/12/2010 at 10:15

    بسم الله الرحمن الرحبم انا هنصحك نصيحه مع انا عندي 16سنه بس انا شايف انك رخصتي نفسك من الاول ولنتي عملتيه ميعتبرش جواز ومش فرقه معاكي انك تتجوزي رجلين وانا شايف ان الحقيقه مسرها تبان مع الايام ولو جالج عريس لقطه ممكن الي اتجوزتيه في الاول يهددك ويخربلك حياتك فمن الافضل انك تصرحي اهلك واكيد هما عمرهم ما هيضروكي والموضوع هيتنسي مع الايام

  13. رنا
    12/12/2010 at 06:52

    انتي حيرتيني بصراحة ازاي انت متجوزه وتتخطبي لواحد تاني دينك راح فين دي اولا وتانيا حبيبك ازاي اتزوجك وانتي مش بنت بنوت مش سألك عن حاجه زي دي واكيد حبيبك مش حيفكر يعلن زواجكو عشان انتي مش مستقره ازاي تخلي خطيبك يمسك ايديكي وانت متجوزه واحد تاني وكمان اتجوزتية وانتي مش عذراء وعايزاه يتق فيكي ويتجوزك مستحيل طبعا وسوري لو كنت قاسي شوية

  14. ♣♥♣ فارس ♣♥♣
    11/12/2010 at 23:07

    انتى اخطاتى كتير اوى لدرجه انو صعب حتى انتى تغفرى لنفسك كل واحد اتقابل معاكى اخد منك الى هو عايزو وبعدها رحل ومظنش انو فيه اصعب من اللحظه الى البنت بتفقد عزريتها فيها من باب اولى عدم نسيان الشخص الى افقدك لعزريتك لاكن متحزنيش على انو الشخص ده هيسيبك او يبعد عنك احزنى على الى فات من عمرك وانتى بتهدرى كرامتك من شخص للتانى هو كده كده هيسيبك ان اجلا او عاجلا والحل بقى انو انتى ترجعلى لصوابك وترجعى لربنا علشان يغفرلك ذنوبك وتقررى التوبه وتبعدى فعلا عن الماضى المشين وتبتدى حياه جديده تحافظى بيها على بعض من كرامتك لعل وعسى ربنا يرزقك بانسان يقدرك ووقتها بتعرفى فعلا انو الماضى بالنسبالك كان ماضى سخيف وابتدى بالحاضر وارجعى لربنا لعل وعسى يغفرلك ذنوبك وشكرا

  15. النبيل شارل
    11/12/2010 at 22:38

    اختي ابدأي من جديد قد لا تكون سهله عليكي لكنها الحل الامثل لمشكلتك لم افهم ما تقصدين بقولك تزوجنا هل هناك ما يثبت الزواج اذا كان هناك ما يثبت الزواج فل يرمي عليكي يمين الطلاق وابدأي حياتك من جديد كمراة مطلقه ولا تقلقي اختي سيأتي من هو خير منه

  16. الصياد
    11/12/2010 at 20:04

    هقولك ليه مش هيتجوزك لانك فقدتي عزريتك ودي مش هينساها لانه ميعرفش مين ودي الي مخلياه مش هيتجوزك مش علشان شافك ماسكه ايد خطيبك الجديد وربنا معاكي

  17. بالعقل
    11/12/2010 at 19:54

    يقول النبى صلى الله عليه وسلم بشروا ولا تنفروا الاخت الكريمة ان شاء الله ربنا هييقف جنبك ويخرجك من ازمتك لان الله رؤؤف ورحيم ولكنه ايضا شديد العقاب الله طيب اطيب من اى حد واول ما الانسان بيتوب بجد ربنا بيخرجه منمحنته من حيث لا يعلم وده والله عن تجربة كنت لسة فى مشكلة كبيرة وده من يومين بالظبط ولكن الله عز وجل عندما رجعت اليه وسالته من فضله العظيم ان يغفرلى ويسامحنى وجدت الله تواب رحيم كل اللى عملته استغفرت ربنا بجد وتوبت بجد وربنا الحمد لله كرمنى وسترنى يا ريت يا ريت اول واحد تلجأى اليه هو الله عز وجل ويا ريت يكون فى نص الليل وتبكيله وتعيطى وهو بيوعدك انه يتقبل منك صديقينى واللهى باذن الله هيساعدك لا نه قال عز وجل ادعونى استجب لكم وترجعى عن اللى انتى فيه واسال الله العظيم رب العرش الكريم ان يسترك ويستر بناتانا وبنات المسلمين فى الدنيا والاخرة اللهم امين يا رب العالمين

  18. دودو
    11/12/2010 at 18:01

    موضوعك دا غريب بجد مش عارفه اقولك ايه ، شوفى يابنتى اولاا ربنا يستر عليكى، ثانيا اللى انتى متجوزاه!! دا واضح جدا من موقفه معاكى وكلامه ليكى انو مش واثق فيكى ، والغريب بجد انك خرجتى مع خطيبك دا وسمحتيله انه يمسك ايدك عادى !، ودا معناه انك معندكيش مانع انه يكمل معاكى ، !! انا بجد محتاره فيكى ، شوفى انت شكلك صغيره فى السن، بس هانصحك نصيحه اخت انتى لازم تسيبى جوزك لانه مش جوزك اصلا وتفهمى ان كل حياتك معاهك كانت غلط، والراجل اللى عاوز يتجوز بيتجوز سواء كانوا اهله موافقين ولا رافضين انتى رخصتى نفسك، وحاولى تنضفى حياتك من كل الاخطاء دى ، لان اللى انت بتعمليه دا حرام. انت بتدمرى نفسك دنيا واخره، ارجعى للربنا واطلبى منه المغفره وانشاءلله هايغفرك وهايخفف عليكى اى حاجه انت خايفه منها،وربنا هايرزقك بالراجل بجد اللى يحافظ عليكى ، من الاخر انسى كل اللى عشتيه وادى ربنا يغفرهولك وبصى لبكره . ربنا يهديكى ويسمحك

  19. فارس
    11/12/2010 at 17:38

    ا انتي بمية راجل ووقعتي في الزنا طيب لو كنتي براجل واحد كنتي عملتي ايه ؟؟ ياشيخة حرام عليكي ابعدي عن هذا الرجل الذي قبل على نفسه أن يتزوج من بنت بدون علم اهلها ده عمره ما حبك لأنه كدة حب الشهوة والعلاقة المحرمة الآثمة التي آخرها الفضيحة لك ولأهلك والعذاب الشديد من الله تعالى فاستغفري لذنبك وارجعي لربك واندمي على فعلك وصارحي أهلك والله يفغر لك ويحفظنا من الوقوع في المعاصي والله غفور لمن تاب إليه وأناب وأخلص له التوبة .

  20. ا/نهله طلعت
    11/12/2010 at 13:10

    يا استاذ متابع ربنا غفور رحيم وانت اوانتى مش هتقول عقاب ربنا ولو هى فعلا تابت لى الله يبقى ربنا هيواقف بجانبها ان شاء الله ولزم لم تحل لحد مشكله تديلو الامل واللجواء الى الله لان بكلمك دا عمرها ماهترجع عن اللى هى فيه هتقول ما ربنا كده كده غضبان عليه يبقى خلينى فى اللى انا فيه وربنا يسترها ولك الشكر والتقدير منى(نهله طلعت)

  21. ا/نهله طلعت
    11/12/2010 at 13:04

    انا بجد مش عارفه اقولك ايه انتى غلطتى مش فى نفسك بس لا دا فى نفسك واهلك وظلمتى واحد كان داخل يجوزك بجد وكمان ارتكبتى حاجه من الكبائر هى الزينه طبعا انتى مش مدركه ايه هى عقاب الزينه عند ربنا ومش حتى بتفكرى انك ترجعى لربنا الاول لا دانتى عايزه ترجعى لى الرزيله من تانى انا هديكى نصيحه لربنا اولا ارجعى الى ربنا واستغفرى وتوبى لله توبه نصوحه ثانيا اغسلى نفسك من الزنوب اللى ارتكبتيها بقراءت القراءن وانتظام فى الصلاه ثالثا ودا المهم انك تعترفى لى اهلك انك مش بنت وهم هيتصرفو ويوقفه بجانبك والمهم انك تكونى بجد توبتى لله ولم تفكرى فيه فكارى ان ليكى رب وشايفك ومطلع عليكى وربنا يسترها عليكى وعلى البنات المسلمين (نهله طلعت)

  22. متابع
    11/12/2010 at 12:21

    أزاي تبقى على علاقة غير شرعية معه ودخل عليكي من ورا أهله وأهلك وبطريقة غير شرعية يعني زانية معه وعايزة ربنا يقربكم من بعض في الحلال ويباركلكم في حياتكم؟؟؟؟

    كان أمامك الحلال والإنتظار وإقناع أهلك وأهله ثم الزواج والعلاقة الشرعية التي يبارك الله بها لكما في حياتكما مع بعض .. وأيضاً كان أمامك العلاقة غير الشرعية المحرمة وهي الزنا

    فإخترتي الزنا .. فماذا ترثدين من رب العالمين ؟؟؟ أن يبارك لك حياتك ويجمعك به في الحلال ؟؟؟؟

    مستحيل يحدث ذلك .. من أمتنع عن شئ في الحرام عوضه الله خيراً منه في الحلال
    وأعلمي أنك مازلتي في الحرام مع خطيبك الجديد لأنك تخدعينه وتكذبين عليه وتخونينه بعلاقتك السابقة مع هذا الشاب.

    أستغفري وتوبي عن علاقتك القديمة وأقطعي هذه العلاقة فوراً حتى يتقبلك الله ويبارك لكي في حياتك القادمة .. وإن لم تفعلي فلا تلومين إلا نفسك وإنتظري غضب وسخط الله عليك وإنتقامه قريباً

اترك رداً أو حلاً لهذه المشكلة