السلام عليكم ورحمة الله وبركاته.
أنا تخرجت هذا العام من كلية التجارة، لكنى لم أعرف عن هذه الكلية شيئ، وذلك لأنى التحقت بها هروبا من المشاكل الأسرية، كنت فى الثانوىة العامة محاطة بمشاكل كثيرة كمشاكل مادية وإجتماعية ونفسية حتى الآن.
لكنى فى ذلك الوقت كنت ضعيفة وأتأثر بكل شئ لذلك لم أكن أستطيع أفكر فى تحديد هدفى كنت لا أدرى بحياتى وقتها، لأن كان كل همى حل المشاكل والحياة تكون هادئة، على الرغم من أنى لم أساهم فى حلها ولم أستطيع المذاكرة وقتها.
كان نفسى أحصل على نتيجة عالية وأدخل كلية جميلة على الرغم من حيرتى فى إختيارها، وكنت كل ما أفكر فى الأمر مع أسرتى لم أنال منهم أى نوع من التشجيع، وذلك لأن كان قبلى أخواتى حدث معهم مشاكل فى الثانوية العامة لدرجة أن أبى وأمى كانوا بيفكروا يدخلونى بعد الإعدادية تمريض أو فى البريد لكن لم يحصل.
كانوا يصنفوا كل واحد مننا أن اوأخواتى يدخل أى كلية، مثلا كانوا يقولوا بعض أخواتى شاطرين وأنا ليست للدرجة، كانوا يقولوا عليهم هيطلعوا دكاترة وأنا مهندسة وعلى الرغم من ذلك كنت أتساءل لماذا قالوا عليا أنا مهندسة، ممكن أكون عايزة أبقى دكتورة هو فرض، ويقولوا للناس أنا اللى عايزة أبقى كده، وأنا أصلا معرفش يعنى إيه دكتورة ومهندسة.
كنت أشعر بعدم الإهتمام والتجاهل لى والوحدة، وذلك كان يشعرنى بالتفرقة والقهر لدرجة أن ذلك دفعنى أن أكون متطفلة كى أكون قرىبة منهم.
لما وصلت للثانوية العامة، وبعد ما حصلت المشاكل، كانوا حاطين أملهم فى أخواتى اللى قبلى ولم يعطونى الفرصة للنجاح وتشجيعهم ،كان أبى يقول أدخلي كلية التجارة بدون إختيارى علشان أشتغل بسرعة، ولكن مفيش شغل دلوقتى وكان بيقول خديها على 6 سنوات، وأمى كانت تقول لو حصلت على 80 فى المئة هأعمل حفل،ة حينها كنت أتمنى أحصل على 90 فى المئة، لكنها صدمتنى وأخوتى لم يشجعونى على الإطلاق كل واحد بيفكر فى حاله، على الرغم أنى كنت بفكر فيهم دايما، وكان وقتها اختى ثانوية عامة مثلى وهى أكبر منى بسنة، ولما طلعت النتيجة فرحوا بها والناس هنئوها وأنا لأ ونظروا لى نظرة عادية كإنهم كانوا متوقعين لى ذلك.
ودخلت كلية التجارة لأنى ماكنتش لاقية غيرها، وأختى دخلتها أيضا، وذلك علشان التنسيق اخترتها أيضا ولكننا لم نحبها على الإطلاق، لأنى عن نفسى لم أفهم فيها أى شئ، ولم يسمحوا لى أن أخذ كورسات.
ووقتها أيقنت أنى أتمنى أعيد الثانوية العامة مرة أخرى ولما تخرجت وحصلت على تقدير جيد بدون شراء كتب أو حضور كنت أذاكر وحبيت المذاكرة لكن المواد لم أحبها.
سألت عن اعادة الثانوية العامة ولم أحصل على الجواب، فكرت أن أخذ كورسات لغات ومحاسبة وكمبيوتر لتأهيلى لوظيفة محترمة لكنهم لم يرضوا لتكلفتها، وذلك حين تجهيز أخوتى للزواج فهم مهتمين بهم.
أيضا فكرت أشتغل وأصرف على نفسى ولكنهم رافضين أيضا، وذلك لأنهم عايزين وظيفة محاسبة ولكنى لم أجد غير مندوبة مبيعات، وموافقة عليها ومحتاجة وظيفة ضرورى، لم يهتموا بأمرى وعايزين أبقى مثل أخواتى و خلاص، علشان هيتجوزوا أتجوز أنا كمان، وأنا رافضة هذا المبدأ لأنى نفسى يبقى لى كيانى وشخصيتى اللى أنا عايزاها، مش اللى هما عايزينها يفرضوها عليا.
اعتذر منكم أعلم أنى أطلت عليكم كثيرا ولكننى أرجو مساعدتى كثيرا عاجلا فى حين أنى يأست عن كل شئ فيه حيث أننى محتارة وعاجزة عن ماذا أفعل الآن. سوف أنتظر ردكم الآن وشكرا.
لو سمحت يا استاذ احمد انا دلوقتي كنت ف ثانوي تجاري ولظروف معرفتش اعمل معادله وقتها وادخل كليه تجاره وف ٢٠١٩ دخلت جامعه القاهره ودرست فيها تعليم مفتوح ودي اخر سنه دلوقتي انا عايزه اعيد ثانوي عشان اقدر ادخل الكليه وسعادتي تكون أكاديمي لأن شهادتي هتكون مهني تقدر تفيدني ازاي ادخل ثانوي عام حتي لو خااص هل ينفع اعمل ده ارجو الرد من حضرتك ضروووري
فى حد عاد ثانويه من تانى
ممكن اعرف وصلتو لايه
يا جماعة بالله عليكم ارجو الرد ومساعدتي 🙏🥺
انا دلوقتي في أولي تربية أساسي بس مش حباها عشان كان عندي ظروف في الثانوية دلوقتي عايزة اعيد الثانوية بس من غير ما اسيب الكلية عشان مااضيعش سنين من عمري فينفع اعيد ٣ ثانوي وانا في تانية جامعة عشان نفسي ادخل طب ينفع عشان النظام الجديد ده ولا ايه عشان أنا علي النظام القديم ولو ربنا كرمني ينفع ادخل طب مثلا وانا هكون في ٣ تربية واكمل عادي الكليتين ولا ايه استحلفكم بالله وعلاوة النبي تردوا عليا عشان خلاص همتحن امتحانات الترم التاني ولو كده ايه المطلوب عشان الحق اقدم🥺
اناخريج أزهر وحاليا فكلية مش حاببها تبع جامعه الأزهر وأود دخول الثانويه العامه من جديد من التربيه والتعليم مش من الأزهر بس انا حاليا فالفرقه الثانيه من الكليه ومش عارف اذا كان ينفع اني ادخل ثانويه عام منازل بجانب كليتي ولا مينفعش انا نفسي ادخل كليات القمه وانا بفضل الله وبإذن الله عندي المقدره على المذاكره والاجتهاد علشان ادخل كليات القمه.. نفسي حد يقولي ينفع إني ادخلها بجانب الكليه.. انا حاليا عندي 19 سنه.. يعني الحمد لله لسه العمر معداش.. ارجو الافاده
هل ينفع اعيد ثانوي عام واخش علمي سواء حكومي اوخاص
انا كمان حياتي تعتبر اتحطمت بسبب والدي كان دايما يفرق بيني وبين اخواتي بكلامه ودايما يققلل مني ويكاد يكسرني وكنت لما اطلع الاولي مكرر علي المدرسة في الإمتحانات الشهر بتاعت الاعدادية كان يقلل مني وكان يقولي وماطلعتيش الاولي ليه جيت في الثانوي مارديش يديني دروس ولا يتابعوني اصحك عليا وساعتها مشيت ورا شلة بتلعب وتهزر وقل مستوايا جامد وساعتها يعلم ربنا اني ماكنتش بفهم اي حاجة من المواد جبت 75 % كدة بالبركة بدون اي مجهود ماكنتش بذاكر كنت بقرا كدة قبل الامتحان وخلاص المهم في الاخر دخلت خدمة اجتماعية والغريبة ان والدي كان والدي فرحان فيا المهم انا اتجوزت اي جوازة قبل حتي اعلان النتيجة وه حتي ال غصب عليا المهم بعد الجواز كل شغل البيت طبعا مرمي عليا خرجت اجرب حظي في الشغل خدت دورت علي شغل فاشتغلت مع ناس جبارين اينعم نجحت في شغل الحضانة والتامين ال روحت اشتغلت فيهم بشهادة اصحاب الشغل واختبارتهم ليا بامتحانتهم بس انا سبت طبعا الشغل ده علشان مرتباتها غير مجزية المهم انا دلوقتي نفسي اعيد ثانوية عامة من تاني واذاكر واشوف مستوايا بجد وادخل كلية كويسة اتخرج منها الاقي وظيفة محترمة تسندني في الظروف الصعبة ال انا عايشاها
استاذ احمد ربنا يجازيك خير قلي ازاي حصلت علي الافاده دي نفسي اعيد ثانوي
انا في اولي كليه الان ولكن عايزه اعيد الثانويه العامه حتي لو خاصه او منازل هينفع ولا
الناس اللي عادتها ده عملتوا اية يا شباب واتخرجتوا منها عادي ولا حصلكم مشاكل
ياريت يا جماعة ارجوكم لو حد جرب الموضوع ده يفيدنا
انا خريخ ثانويه عامه ٢٠١٢ ممكن اعمل تنسيق الان ارجو الرد؟؟؟
انا خريج ثانويه ٢٠١٢ وعملت تنسيق بس مرحتش الكليه ممكن اعمل تنسيق دلوقتى والا ايه ارجو الرد؟؟؟
ينفع اي شخص داخل جمهورية مصر العربية أن يعيد الثانويه العامه تاني بس هيلدا من سنه اولى وانا دلوقتي في سنة أولي وامتحنت وعارفين انى واخد الثانوية قبل كدة عادي الحق نفسك وروح قدم وارفع الحرج لاني فضلت متعطل كام سنة اشوف الآراء وادخل أعلنت وينفع ومينفعش وكدة عمرك ماهاتقدم دة كل الي عندي ودي نصيحة
يعنى مستحيل اعيدثانوية عامة تانى صح
طيب ياجماعة الوقتى بالنسبة للنظام الجديد اللى هيطبق 2018 ان الثانوية هتبقى 3 سنين وكده هيبقى ايه مصير طلاب المنازل ؟؟ كده هيتلغى تقديم المنازل واللى ماخدش ثانوى وعاوز ياخده منازل هيعمل ايه حد عنده فكرة ؟
استاذ احمد وصحبة خير ازاى اتواصل معاكو
سألت كتير قالو لا
طيب يا جماعة لو حد كان في دبلوم صنايع وخد معهد بعدها ينفع يدخل الثانوية من الاول تاني ؟؟؟؟؟
لو سمحتوا يا جماعة الناس اللى كاتبين هنا انهم اعادوا الثانوية العامة
الكلام دة حقيقي فعلا ولا ايه
طيب محدش عنده فكره اخر حاجه ايه ينفع ولا مينفعش ولااي
جماعة كل الناس اجمعوا ان احنا مش حناخد رقم الجلوس ف متحطوش امل على الفاضي
انا بهرب من الوواقع اصلاً خصوصاً اني قدمت فعلاً اولى منازل بس مش حكمل امتحانات
اه انا لما سالت قالو ينفع تعيد من اولي ممكن وبيقولو ف ممكن تعيد ف السودن
يا جماعة الخير قريت كل التعليقات وموصلتش لحاجة.. اللى اخد ثانوية عامة نظام قديم ومتخرج من كليته زى خالاتى بقالى سنين..نقدم ناخدها نظام جديد ازاى ..ايه الورق المطلوب. .ولو ينفع هل هيتعاد تانية وتالتة ولا تالتة بس بما انه نظام جديد ؟؟ اللى عنده معلونة ميبخلش ياخونا
انا اخدت الثانوية العامة نظام جديد 2016 وحاولت اعيد تالته من تانى وسألت فى الادراة وفى المدرسة وكانت الاجابة ان مدام اسمك اتسجل على الكومبيوتر مهما عملت هتتكشف ومش هتعرف تعيد لو عيدت من اولى ثانوى ذات نفسها وجيت لتالته وقدمت الاستمارة بتاعة الثانوى هيبان اسمك وهتتطرد من المستشفى حتى لو انت سافرات الصعيد او روحت اى مكان فالى بيفكر يعيد الثانوى لازم يرشى اى حد علشان اسمه يتشال وبعد كدا يقدر يعيد من تالته ذات نفسها نظام جديد
يعنى هو يا جماعه ينفع بجد وهو لازم من تانيه لو عاوزه اعيد من تالته بس واقولهم انا امتحنت تانيه وانقطعت ينفع ولا لا وهل بنفع اغير المدرسه ايل كنت فيها.
ياجماعه لو سمحتو انادلوقتي بقلي سنين متمحن الثانويه العامه ينفع اعاده تاني منازل وله لا حتي لو في محافظه تانيه عادي وله ايه
السنة ديت لها ظروفها النفسية وبنتى 97% اعدادية ومن الاوائل فى اولى وثانيه ثانوى ولظروف مرض والدتها نجحت بنسبة لاتحقق امالها ولاتمشى مع مستواها ونريد اعادة السنه منازل
انا حاصل على ثانوية عامة 2013 ومجموعى 85 فى المائة دخلت معهد فنى صناعى لاحصل على كلية الهندسة ووفشلت سنتين فعاوذ احول كلية تانية بمجموع الثانوية العامة لانى لا اريد الحصول على المعهد
ان شاء الله يوم الاثنين القادم الموافق 1/8/2016 الساعه العاشرة صباحا اطالب كل طلاب الثانويه العامه الذين لم يحصلوا علي تقديرات جيده في امتحان الثانويه العامه 2016او اي سنه اخري بالتجمع امام 12 ش الفلكى، باب اللوق، محافظة القاهرة للمقالبه سياده الوزير الهلالي الشربيني حتي نطلب منه تغير القرار الذي بخص طلاب الثانويه العامه حيث انه اذا حصل احد الطلاب علي شهاده الثانويه العامه وهو ناجح لا يمكن له اعاده هذه السنه مره اخري حتي لو منزلي نحن سوف نتجمع لنقابل الوزير حتي يجد لنا حلا لان معظمنا قد حدث له ظروف ادت الي اننا حصلنا علي هذه الدرجات ارجوا من الجميع انا ينزل ويعمل شير لهذا البوست حتي يجده كل الناس لان كترت من سوف ينزلوا ستجعل الامر اسهل امام القيادات والله العظيم حرام مش كفايه التعليم بايظ عاوزين كمان تقضوا علي احلامنا
يا جماعة الله يكرمكم وييسر لكم الامور
اللى عنده اى معلومة صحيحة بخصوص موضوع اعادة الثانوية العامة يفيدنا بيها الله يكرمكم
هل فعلا بالامكان اعادتها .. انا حصلت عليها من 12 سنة
هل لو جربت اعيدها من تانية مرة تانية هل هيمشى الحال ولا هيبقى الموضوع مستحيل
وارجو اخواتنا اللى بعتوا وقالوا انهم فعلا عادوها يبعتولنا وسيلة للتواصل معاهم علشان نعرف الخطوات بالظبط
شكرا ليكم
السلام عليكم
انا أخده الثانوية والإعدادية من السعوديه ونفسي أعيد الثانوية
حد عنده معلومه اعمل ايه يفيدني الله يخليكم
يا استاذ احمد ممكن تقولي اخد قرار من الوزارة ازاي باعادة الثانوية العامة حتي لو منازل .
لو سمحتم عايزة حد يفيدني فعلا في موضوع إعادة الثانوية العامة علي النظام الحديث ، انا كنت نظام قديم ، لكن عايزة اعيدها بشكل قانوني
لمخترع المصري عمرو تويج
استفسار انا مخلص ثانويه عامه 2006 نظام قديم
اقدم ازاي لاعاده الثانويه العامه نظام حديث
برجاء الرد للاهمية
و شكرا لافاده حضرتك
يا جماعه فعلا أنا عدتها وحققت رغبتي وينفع تعدها عادي جدا وأنا حاليا في علوم القاهرة
انا معايا بكالريوس علوم وفعلا قدمت عشان اعيد الثانوية وعملت نفس الخطوات ونجحت ف سنة تانيه ولسه مقدمة انهارده استمارة سنة ٣ث بس انا مكنتش معرفاهم اني وخداها قبل كده عشان عارفه العقد بتاعتهم بس مع الاستمارة في اقرار لازم يتمضي انك ما اخدش الثانويه قبل كده عشان كده انا قلقانة لاحسن مايقبلوش الورق ومايطلعليش رقم جلوس ولا الاقرار ده روتين يعني ياريت حد يفيدني
Emy emy و أحمد السيد ياريت تردو عليا
ياجماعه عشان محدش يقعد يهرى ف كلام فاضى وهو مش فاهم وعشان كله يعرف مين اللى ممكن يعيد ثانويه تانى . . .
أولآ / قانون التحسين اتلغى بقانون رقم 160 المادة 29 سنة 1997 واللى كان معمول بيه بقانون رقم 2 لسنة 1994 ومن ساعتها محدش نجح فى الثانوية العامه ينفع يحسن أو يعنى يعيد ثانوية تانى أو يحسن فى مادة دور تانى ذى ماكان بيحصل فى الفتره دى . طب ايه حوار الإعادة . .هقولك ياسيدى بس ركز !!
إدارة الفتوى بالشئون القانونية بالوزارة أصدرت فتوى ف 3 أكتوبر 2013 بتفيد بأحقية الطلاب اللى درسوا على النظام القديم ” المرحلتين ” وبالنص كدا ويرغبون فى التحويل إلى النظام الحديث اللى هو بقانون رقم 20 لسنة 2012 اللى هو فيه نظام الثانوية مرحلة واحده ” المادة 28 ” وانهم يتقدموا لأمتحان 2 ث منازل نقل وبعدها 3 ث شهادة وده فقط للطلاب اللى كانوا نظام قديم تمام
والكلام واضح ياجماعه يعنى بلاش أسئلة من نوع طب مفيش للنظام الجديد طب انا كنت السنه اللى فاتت والله اتمنى بس هيا دى الفتوى وهيا دى القررات وعالعموم هما كمان الغوا الفتوى دى يعنى كمان لا بقى قديم ولا جديد وحتى الناس اللى دخلوا تانيه وعدوا ونجحوا منعوهم يكتبوا استمارات تالته ذى حالاتى
مع ان ده مش قانونى لأن المفروض تنفيذ القرار من تاريخ صدوره مش بأثر رجعى يعنى انا خلاص بقى ليا شخصية قانونيه واجتزت سنه 2 ث بشكل قانونى مينفعش اتمنع بس ماعلينا قضية مستعجله فى القضاء الأدارى بالأوراق اللى معايا بعد تظلم هقدمه فى الوزارة وربنا يقدم اللى فيه الخير . .
الكلام الأخير للى قدم فعلآ عالقرار واتمنع يعمل اللى قلته وهيكسب القضية ان شاء الله
وانا مبحبش اكتب ولا اهرى وبمل بس والله عشان الناس تستفاد وتعرف الخلاصه ومتتعبش نفسها
وهعمل كام محاولة كدا ان شاء الله عشان القرار ده يرجع تانى عشان متأكد ان فيه ناس كتير تستاهل فرصه تانيه وهتفيد الناس والبلد بجد
انا غالبآ مش داخل تانى . . مش بتابع انا . . . بس لو القرار رجع تانى ان شاء الله هدخل اعرف الناس المهتمه. . ايوا ايوا ( احسن دكاتره وأشطر مهندسين !! لو خدوا فرصه تانيه )
سلااااام
االسلام عليكم …انا خريج تربيه وموظف ولكني اطمح في الاعاده وادخل صيدله عشان احسن دخلي ودخل الاسره …هل يمكن ولا ,,,استاذ احمد السيد حضرتك بتقول قدم صوره البطاقه طيب مهو مذكور فيها الوظيفه…عادي ولا مشكله ارجو ارد
يا جماعة أي حد مخلص ثانوية ينفع يعيد من أول تانية ثانوي بس ميقولش أنه حاصل على ثانوية قبل كده لأن الخطوات اللي هقولها قانونية للنظام القديم وغير قانونية للنظام الحديث أولا تستخرج بيان نجاح ثالثة إعدادي وبيان نجاح أولى ثانوي من الإدارة التعليمية التابع لها بعد كده تاخد ٦صور شخصية صغيرة وأصل شهادة ميلاد وبيانات النجاح اللي أنت طلعتها وصورة بطاقة شخصية وتروح لأي مدرسة ثانوي قريبة منك وتقولهم أنا عاوز أقدم تانية ثانوي منازل هياخدوا منك الورق وهيطلبوا منك ١٥ أو ٢٠ جنية رسوم دخول الإمتحانات وهتمتحن عادي بس دلوقتي أمتحانات نص السنه قربت تخلص فمفيش مدرسة هتردى تاخد منك الورق وتدخلك السنه دي ممكن تدخل السنة الجاية وعلى العموم أنا هسأل لو ينفع التقديم السنة دي وتمتحن الترمين على بعض أو تمتحن الترم التاني وتبقى تدخل الدور التاني في المواد اللي مش هتنجح فيها وهفدكم برده وبالمناسبة أي حد حاصل على ثانوي منازل وجاب مجموع يؤهله لدخول الكليات العملية زي طب أو هندسة أو كليات القمة الأخرى زي ألسن أو أقتصاد وعلوم سياسية ينفع يدخلها وأي حد عاوز يستفسر عن أي حاجة أنا تحت أمره
لو سمحت يا emy emy
ازاى بتعديها ممكن تقوليلنا الطريقة لو سمحت
ينفع اعاده الثانويه وانا دلوقت بعيد وادعولي ادخل طب
انا كنت ثانوية عامة 2015 وحصل عندي ظروف وكمتن ظلمت في نتيجة الثانوية ودخلت كلية رياض اطفال انجلش وكنت عايزة اعيد الثانوية العامع لان كان حلمي اكون دكتور وباذن الله ساكون دكتور جراحة قلب ولكني في اولي كلية والترم الاول علي وشك الانتهاء فهل ينفع اني اخذ اولي ثانوي مع تانية جامعة وتانية ثانوي مع ثالتة جامعة وثالثة ثانوي بعد رابعة جامعة وهل لو حصلت علي المجموع الذي اريده في الثانوية سالدخل الكلية التي اريدها ولا هيفرق درجات المنازل عن العام وشكرااا جزيلا للاستماع واسفة عن الاطالة
والله انا اتمنى انهم يرجعوا القرار دة تانى بتاع اعادة الثانويه العامه انا مش عارفه هيخسروا ايه يعنى دة كدة بيأثر علينا تأثير سلبى والله انا حصلتلى ظروف ف ثانويه عامه السنه دى وماقدرت اركز ظروف تعب اثناء وقبل الامتحانات وضغط من اهلى وكره للمذاكرة بشكل مش معقول وسرحان باستمرار حتى مش عارفاه بسبب ايه وجبت 78% وهموت واعيد والله عيشت ايام صعبه واتمنيت الموت الف مرة وسألت ع الاعادة دى قالولى ماينفعش ولو ينفع هيكون من اولى ………. بس عايزة اعرف لو من اولى هيكون ف المدة اللى نختارها احنا يعنى مثلا لو طلبنا نعيد اولى ف كام شهر بس وتانيه برده لغاية مانوصل لتالته ولا دة هيكون بالسنه زى مادخلنا قبل كدة وكمان عايزة اعرف لو اخدناها منازل بيفرق معانا ف الدرجات يعنى بيساوونا مع اللى بيحضروا عادى وندخل الكليه اللى احنا عايزنها ولا دة بيكونله كليات معينه يعنى غير الطب والصيدله والهندسه ؟؟؟؟؟؟ اتمنى انكوا تردوا عليا
الحكومة بتحب تضيق على الناس وخلاص
هيجرى اية يعنى لما تسمح للناس يعيدوا الثانوية تانى
بالعكس دا ممكن يحل جزء من مشاكل البطالة
بس الحكومة مش عايزة تحل – عاوزة فلوس وخلاص
لو سمحت لو حد متاكد من حوار الاعادة ده ياريت يقول انا سالت عندنا فى ادارة شبرا قالولى مينفعش هل فى حل ؟؟؟؟؟؟؟؟؟؟؟
انا جايبه 60% علمى علوم عاوزه اعرف انا ممكن ادخل ايه
استاذ احمد انا خلصت ثانويه عامه فعه 2015 و لظروف خارج عن ارادتى حصلت لى مشاكل و جبت 77% و نفسى اوى اعي واحسن مجموعى لانى بجد منهاره ياريت اعرف حتك عملت اه حتى لو حأعي من اول تانيه
لو سمحتوا انا جايب 90% وعايز اعيد الثانوية العامة بس انا نظام حديث اعمل ايه بعد ما كل الابواب قفلت فى وشى
ده بالنسبة للنظام الحديث ولا للقديم بس
بصو هو ينفع بس من اولي ثانوي انا عندي قريبي عمل كدا ودخل كليه حقوق بعد ماكان ضايع خالص حب يعدها تاني ودخل حقوق
حبيبتى ينفع والكلام ده موثوق منه مليون المية بس متقوليش انا عاوزة اعيد ثانوى تقولى عاوززة اقدم ثانوى منازل
والاجراءات كالتالى
تروحى مقر الادارة التعليمية ادارة النقل وتاخدى اقرار نجاح اولى ثانوى اول حاجة بتروحى هناك تقولك روحى البريد ادفعى 10 جنيه بياخدوا منك 16 جنيه بالظبط ويدوكى وصل تروحى هتدخلك اوضة مليانة ورق تدورى مع نفسك بقى على اسم مدرستك وتطلعى اسمك هتشوفها وتتأكد من طلبك وبعد كدا هتختملك ورقة وتمضيلك بختم الوزارة وبعد كدا هتكتبلك فيها انك اخدتى فعلا اولى ثانوى ونجحتى وتطالبى بنقلك لثانية ثانوى منازل تبع مدرسة كذا فاهمة قصدى وطبعا الاجراءات دى هيعرفهوالك هناك بالتفصيل
بعد كدا تاخدى الورقة وطبعا انتى بتقولى انك فى كلية يعنى اكيد هتلاقى معاكى ورقة نجاح او اقرار نجاح ثالثة اعدادى دورى عليها هتلاقيها ويا رب متكونيش ضيعتيها لان خلى بالك مش بياخدوها منك فى تقديم الكلية يعنى اكيد عندك فى البيت ” كدا معاكى اقرار نجاح اولى ثانوى وثالثة اعدادى وتاخدى معاكى ثلاث صور وتروحى المدرسة وتقدمى ثانية منازل وتدفعى المصروفات وتقدمى ورقك وتختارى المواد وبس كدا
خلى بالك كلامك هيكون كالتالى يا قمر خلى بالك بالله عليكى
يا جماعة انا اخدت اولى ثانوى وانقطعت عن الدراسة كذا سنة وعاوزة اكمل ثانية ثانوى منازل متجبيييييييييييش سيرة انك اخدتى ثانوى قبل كدا لان قانونيا مينفعش خلى بالك الله يكرمك لان الروتينيات العقيمة فى البلد مش بتخلى حد يمشى خطوة قدام توكلى على الله وادعيلى معاكى واتمنى اكون افدتك
ممكن يا استاذ احمد تبعتلى صورة الافاده دى بعد اذنك لانى محتاجها ضرورى جدا او حتى قولى على مكانها لو ف آخر الدنيا هروح اجيبها باى طريقهلانى محتاجها فعلا ضرورى . حتى لو مش هنام لحد م الاقيها واجيبها بعد اذنك
يا استاذ احمد الافاده دى انا محتاج صورتها ضرورى بعد اذنك جدا لان انا عايز اقدم بأى طريقه لو سمحت . محتاجها جدا . او عرفنى ادور عليها فين حتى وانا هجيبها بأى طريقه بعد اذنك حتى لو فآخر الدنيا هجيبها بس لو سمحت عرفنى ازاى بجد.
انامخلص ب.صيدلةدفعة95 ونفسى اعيدالثانوية لانى للان مش حاسس بنفس
والله العظيم حرام .. ربنا بيقبل التوبة والحكومة مش عاوزة تقبلها .. افرض ان في ناس بسبب ظروفها ماعرفتش تدخل الكلية اللي بتحبها بسبب التنسيق تقوم الحكومة تحرم عليها انها تحسن من وضعها وتحاول من جديد وتجتهد
ياريت يا جماعه اليعرف حاجه عن اعاده الثانويه العامه منازل ده يفدنا ارجوكم لانى مهتمه جدا بالموضوع ده واليعرف حاجه ياريت يكون من مصدر موثوق فى مش اى كلام
ياريت يا احمد لو موضوع القرار ده بجد تتواصل معانا وتقولنا ازاى وعملت ايه علشان فى ناس كتير اوووى بتقول مينفعش ياريت تفدنا ؟؟؟
استاذ احمد هو حضرتك عملت كدا ازاى ياريت تفدنى
يااااااااااااارب والله نفسى اعيدها بس مصر دى بلد ضد التعليمهما بيقولا ينفع فى السودان وسنة واحدة كمان
سالت كثيراااااا فى الادارات وسط وشرق وكان الرد مستحيل بعد ما تنقلت على المكاتب حتى وصلت الى فوق السطوح … لانك نجحت فى الثانوية انا خريج كلية اداب وكنت الثانى على الدفعة ولكنى اعشق المجال العلمى من لديه جديد ياريت يفيدنا ما زالت ابحث هشوف المدارس الخاصة والمنازل ان شاء الله من لديه حل ياريت يقولنا
طب لو انا حاصل على ثانوية عام 2004 ينفع اعيد تانى ث عامة ولو مينفعش ينفع ادخل ث أزهرية أفيدونى بسرعة
هو الكلام دة ازاي !!! انا لسة كنت ف وزارة التربية و التعليم و قالولي مينفعش حتي لو من اولي ثانوى !!!
الحقيقه ان انا عندي نفس مشكلتك انا اولي كلية علوم يمكن حياتنا كتير قريبه من بعض مع وجودبعض الاختلا فات اليسيطه ياريت لو تقدري تتوصلي معايا يمكن نقدر نساعد بعض “اتمني اسمع ردك”
مبروووووك لكل اللي عايزين يعيدوا الثانوي انا طلعلي قرار من الوزاره اني الحاصلين علي الثانويه العامه ينفع يدخلوه تاني بس منازل ومن سنه ثانيه ارجوكم اسعو الي الادارات التعليميه التقديم مفتوح ولو حد فيكم واجه مشاكل او صعوبه في اي شيئ انا تحت امره وقريبا هصورلكم الافاده اللي طلعتلي انهارده من الوزاره او وواحد تاني من البيدج هنا انا اتعرفت عليه وروحنا مع بعض وقدمنا والله العظيم وهو داخل علمي وبيذاكر وفي الدروس والامتحانات يوم 2/1/2014…انا هبقي اصور الافاده من مكتب الوزير هي باسمي بس بتطبق علي كل الحالات اللي زيي يعني الحاصلين علي الثانويه العامه اتمني لكم مستقبل مشرق وحياه افضل..السلام عليكم
انا كنت ثانوية ازهرية وسالت في الادارة عن اني اعيد في تربية وتعليم قالولي ينفع منازل او مدرسة خاصة بس ترجع من اولي ثانوي معرفش ده علشان انا خدتها من الازهر ولا كله لازم يرجع اولي ثانوي تاني، المشكلة ان صعب جدا ازاكر من اولي ثانوي وانا في كلية ولو حعملها بعد الكلية العمر حيضيع وممكن لما اتخرج من الكلية الي انا عايزها ملاقيش شغل
انا سالت على اعادة الثانوية مرة اخرى قالوا نعم ينفع بس تجيبى استمارة نجاح بس دة فى حالة تكونى لسة طالعة من 3 ثانوى السنة دى واتمنى لجمعونا التوفيق
انا فى نفس الاذق ولاكن سالت وقالو ممكن بس تعيد من اول سنة اولى ثانوى
اعرف كتيير دخلوا ثانوى منازل
انا والله اتخنقت ونفسي ادخل كليه كويسه واعيد الثانويه العامه بس للاسف مش هينفع لاني اتخرجت من كليه تجاره 2010 وكان نفسي اذاكر ثانويه عامه علمي وادخل طب او اسنان
للاسف كان مسموح قبل كده انك تعيدي الثانوية العامة لكن القرار ده تم الغاؤه انا مثلك برغم اني في كلية قمة لكن لا احبها كنت اتمني دخول كلية فنون جميلة او فنون تطبيقية ولكن فوجئت ان فنون تطبيقية تشترط اكون علمي وكلية فنون فنون جميلة تشترط اجتياز اختبار الفنون وانا مدخلتوش غير ان الواحد في الثانوية مبيكونش عنده خبرة لكن لازم نرضي بنصيبنا ونحاول نلاقي نفسنا في حاجة تانية
مستحيييييل تقدري تعيدي الثانوية العامة طالما نجحتي فيها مرة.
أنا سألت لأني بردو تخرجت من آداب إنجليزي وبردو دخلتها عن غير رغبة مني، وكنت حابب أعيد الثانوية العامة عشان أدخل سياسة واقتصاد بس ما ينفعش، كل الجهات اللي سألت فيها قالوا ما ينفعش تعيد الثانوية العامة طالما نجحت فيها مرة.
احترامي، وأتمنى لكِ التوفيق.
للاسف ياجماعة انا سألت كتير فى كذا جهة وكان الرد لايمكن اعادة الثانوية العامة مرة أخرى وحسبى الله ونعم الوكيل
انا بصراحة كنت مهتم جدا بالبحث في هذا الموضوع .. ومازالت حائراً في الرد .. ولكن ما اعرفه جيدا هو
انا اعلم جيدا واعتقد ان كل منا يعلم افرادا في محيطه قد خاضوا تجربة إعادة الثانوية العامة وقد انتقلوا لكيات القمة مثل الطب والهندسة .. ودائما لا يريدون ان يفصحوا بما اتخذوه من اجراءات وكأنها اسرار عسكرية قد تضر بهم ..منقول
للتقدم للثانوية العامة منازل يجب
1-استخراج بيان نجاح للصف الثالث الاعدادى
2- التقدم للالتحاق بالصف الاول الثانوي منازل حتى الحصول على الثانوية مرة اخري
منقول
انا لا اعلم اذا كان يمكنك ان تعيدى الثانوية ولكن صلى لربنا انه يقف معاكى واذهبى واسألى على هذا الموضوع لكن صلى لربنا جامد وهو هيجيبلك الخير فى كل مشاكلك وشكرا