الحب على النت

اعمل ايه انا فى انتظار ردكم ليا

اتعرفت على شاب من موقع زواج وحبيته وارتبطت بيه لكان مشوفنش بعض غير كام بس وهو مشفنيش كام صور بس واتكمنا وحبيته وعجبنى اسلوبه اوى لكان اتغير من ناحيتى اوى بعد كدة مبئقش زى الاول معيا الاول كان مكاملات على طول وكنا متقربين لبعض اكتر دلوقتى لا مبقش يتصل بيومين وتلاتة عادى ولا بيسال غري نادر ر ولما اساله يقولى شغل معلش انا مطحون شغل غصب عنى بس نفسيتى تعبت بجد بقرب منه انا لكان كرامتى خلاص علما بانه فى مدينة وانا فى مدينة تانية خالص عارفة الا حتقولوا كلكم انه بيضحك عليا وانه بيتسلى بيا وانه وانه عارفة بجد لكان احساسى مشاعرى انا اتعلقت بيه انا عمرى حسيت انه بيجرى بجد مع انى اكبر اخواتى والاخت الا بعدى مخطوبة والا صغر كمان مش غرور فى نفسى لكان انا الحمد على قدر من الجمال ومن اسرة محترمة اوى وموهل كويس بس ليه ايه السبب بسال نفسى العيب فيا ولا فيهم ولا اهي بالطبط اعمل ايه علشان ارجعه ليا ولا من رايكم اسيبه وابعد عنه انا بحترم رايكم اوى كلكم وانا فى انتظار ردكم

مشاكل وحلول ذات صلة

اضيف بتاريخ: Wednesday, September 15th, 2010 في 01:12

كلمات مشاكل وحلول: , ,

13 رد to “اعمل ايه انا فى انتظار ردكم ليا”

  1. رأفت
    18/09/2010 at 19:35

    نسيت أقول شيء … بلاش يابنات حكاية الكام دي مع الشباب … حتى مع الى انتو خاطبينهم … مين عارف .. ممكن تنتهي كليباتكم على اليوتيوب … و ممكن كمان من ناس انتو مش متوقعين إنهم راح يعملوا كده

  2. رأفت
    18/09/2010 at 18:47

    أنا بنت خالتي تعرفت على شاب إبن حلال من النت و لهم الآن 10 سنين متجوزين و مخلفين عيلين فلا نظلم النت. خلاصة الكلام… لو عايزك بجد فليتقدم … وإذا حسيتي إنو مش جاد … تعرفي على طول إنو بيتسلى و إذا كان بيتسلى أعرفي على طول إنو مش إنت الوحيده الي هو بيعرفها .. ممكن يكون بيتسلى مع وحده تانيه من أوكرانيا كمان.
    بداية الحل بإيدك … تقولي له “إحنا تعرفنا على بعض بخصوص الجواز وإذا عايزنا نكمل المشوار … ده عنوان بيتنا”

  3. امير البحار
    17/09/2010 at 08:39

    يا جماعة النت بتحصل من وراه مصايب وخصوصا الفيس بوك ده يا ساتر عليه خرب الدنيا كلها وبوظ تفكير الشباب والبنات الله يستر علي اولادنا وبناتنا من الفيس بوك

  4. امير البحار
    17/09/2010 at 08:36

    بصي يا اختي الفاضلة مافيش حاجة اسمها حب علي النت لابد ان يراكي وترينه وجها لوجه وتعرفي كل حاجة عنه عن حياته عن اسرته وبعدين الجواز مش لعبة ولا تسلية دي مسئولية وبيت واولاد حياة كاملة فلابد ان تبنيها علي اساس حتي لا تتهدم وتحدث عنها كوارث انتي في غني عنها

  5. للقلوب السليمة
    16/09/2010 at 06:04

    الرد أتركيه فورا.لقد قرأت نصائح المعلقين مشكورين وأزيدك لربما أخذ الوقت للتفكير في موضوع الإرتباط بك ثم عدل في التفكير وهناك سياسة غير طيبة وهي الباب الموارب فلا هو أراحك ولا هو أكمل لذا حتى لا تتبهدلي وتتعطشين لكلامه ثم تتجرعين الآلام عليك بترك الأمر فورا. وقد يكون قد إستقر رأيه على غيرك بالفعل ويماطل إلى أن تستقيم أموره كلها وهذا قمة الظلم لك. من حبنا حبناه ومن تركنا تركناه وأبدا لا تجعلي الحب بهدلة. من لم يعرف قيمة حبك ليس جديرا به. هذا قبل الزواج أما داخل الأسرة وبعد الزواج فالأمر يختلف. إن هذه الفترة يفترض أنها الفترة الذهبية للعلاقة لو كانت ستثمر فإن صرفه تعب أو عمل فلأنه ملّ من العلاقة ولا يجد بها الراحة أو بمعنى آخر زاغت عينه فلا تندمي على ما فات وأسألي الله التوفيق في ما هو آت. يسر الله لك ورزقك من تقر به عينك وتطيب به نفسك ولا تجعلي تأخر أمرك عن أخوتك عائقا لك وأكثري من الدعاء لله رب العالمين الذي لم يتخذ صاحبة ولا ولد بأن يكفيك هم الصاحب والولد. ولك من الدعوات القلبية بالتوفيق والسداد لموجبات رحمته وعزائم مغفرته والغنيمة من كل بر والسلامة من كل أثم

  6. omar filsof
    16/09/2010 at 04:17

    بصى يا جميل معلش ده اسلوبى طوز فيه يغور انتى مش وحشه و العيب مش فيكى هما الى دمغهم كدا شخصيتهم منفصله
    لو عايزه تغلطى نفسك تغلطى انك بدورى على الحب اوعى تدورى على الحب لانك لو دورتى عليه مش هيجيلك و لو مش دورتى هيجيلك ….الفلاسفه قالوا لا تدخل تجربه و انت لا تعرف عنها شئ و باين كدا على حضرتك انك مش تعرفى شئ عن الحب لازم تعرفى الحب و انواعه و طرقه و اسلوبه و خطوره و سالبياته لازم بدل ما تتجرحى فى حياتك او تتخانى فى يوم
    تحياتى عمر

  7. كبرياء انثى
    16/09/2010 at 03:28

    هو لو مكتوب ليكي حتى لو بينكم بلاد الدنيا دي كلها والله هيبقى ليكي لكن لو مش مكتوب ليكي و البلكونه قدام البلكونه و الدنيا كلها موافقه يبقى مستحيل يبقى ليكي انتي متتعبيش نفسيتك ابدا يا قمر و ادعي ربنا ان يبعد عنك كل شر و يقرب منك كل خير و ربنا يوفقك يارب في حياتك

  8. العرض حالجى
    16/09/2010 at 02:52

    انا حاسس ان الشخص ده كان بيكدب عليكى فى حاجات كتير عن نفسه ولما حس بحبك الكبير له خاف عليكى خاف انك تكتشفى كدبه وساعتها هايخسر حتى الحب اللى جوا قلبه وعايش بيه او انه شخص مستهتر كان بيلعب وخلاص خلصت الحدوته دى

    وفى كلتا الحالتين لازم تبعدى او على الاقل المثل بيقول الشىء الذى تتركه بقوه فأن عاد لك فهو ملكك

    حسام

  9. المديون
    16/09/2010 at 00:43

    من رأيي المتواضع ان تعطيه فرصه ممكن يكون فعلا عنده ظروف صعبه ومخبي عليكي ولا يجب عليكي ان تصارحيه بقلقك الشديد من بعده عنك وان تسأليه هل هو سيكمل ما بدأ ام غير رأيه وان كان هو بوجهين فأن الله نجاكي منه

  10. sma
    15/09/2010 at 19:54

    سبيه فورا وهو لو نييته هيحاول يوصلن دك لو نيته مش سليمه متزعليش لانه بكده ميستهلكيش وخليكي قويه في قرارك وصدقيني هيضلع في الاخر كان بيسله شويه

  11. كنزى
    15/09/2010 at 02:12

    بصى عندها حق وبجد ربنا يكرمها القطه الجريحه فعلا كل شىء قسمه ونصيب وكل حاجه حصلتلك فى حياتك ربنا عايز كده وربنا وربنا قال عسى ان تكرهوا شيئا وهو خيرا لكم ومش معنى انك كبرتى تستعجلى على الجواز وترتبطى بأى حد ليه تعملى فى نفسك كده وترخصى اهلك ومع انك قولتى انك جميله وحتى لو انتى مش جميله بالذات فى الجواز ربنا كتبلك حد معين وفى الوقت المعين حتى لو عندك خمسين سنه قربى من ربنا واستنى نصيبك وارضى باللى ربنا كتبهولك واصبرى ان شاء الله ربنا كتبلك حاجه كويسه

  12. القطه الجريحه
    15/09/2010 at 01:39

    حببتي كل شئ قسمه ونصيب انك لسه مش اتجوزتى ده مش معناه انك تتعرفى على حد من موقع نت للزواج كلهم بيكونوا كدابين وممكن كمان تلاقيه لاقى بنت تانيه بنفس الطريقه مس تتسرعى انك تكونى عايزه ترتبطى فتتنازلى عن كرامتك علشان مش فى حاجه تستاهل انتى على قدر من الجمال والثقافه واهلك محترمين يبقى ليه تنزلى من نفسك كدا استنى نصيبك هيجيلك علشان مش تعملى حاجه غلط انشاء الله ربنا هيكرمك ولازم تبعدى عنه ده احسن ليكى ولكرامتك.

  13. مهندس/محمود
    15/09/2010 at 01:28

    صدقنى الى بيبعك بيعه أنتى من اسره محترمه ومتهنش نفسك والله لو رخصتى نفسك أنتى الى هتندمى وبعدين انتى متعلمه بجد أنتى الى هتخسرى وحرام عليكى اهللك بصى لو عايزك يجللك البيت ومتتعلقيش به أكتر من كده

اترك رداً أو حلاً لهذه المشكلة