البنات المراهقات

ابويا وامي في حرب وانا متبهدلة بينهم

أنا بنت داخلة علي 18 سنة و أهلي مطلقين و دايما محطوطة في خيار بين أمي و أبويا و بقال أسبوع أنا و ماما بنتخانق بدون توقف لأنها هي بتبتدي و أنا مبقاش ليا خلق أبلع الكلام و أسكت أمي و أبويا في حرب و بيعاندوا فيا أنا كل واحد فاكر نفسه ما بيغلطش أبدا و أمي كل شوية تقولي أنا كفاية أني قاعدة بيكي و انا كان ممكن أرميكي زي ما رماكي و أتجوز و ذل ما بعده ذل الصراحة مع كل خناقة و ممكن يكون سبب الخناق اصلا سؤال ملهوش اي لازمة زي لو أبوكي أتجوز هتبقي ردة فعلك ايه ؟ و كل شوية تصرخ و أنتي مش عارفة أنا حاسة بايه طب و لا هيا حاسة كم مرة نمت بعيط و صاحية بعيط و هما و لا خاسيين و كنت هحاول انتحر بردة و هما ولا حاسيين و دلوقتي بقيت أنا الي مش متربية عشان برد و لا معنديش دم عشات مش بقعد معاها و أحنا في كل قعدة بنتخانق اصلا

مشاكل وحلول ذات صلة

اضيف بتاريخ: Sunday, December 17th, 2017 في 18:53

كلمات مشاكل وحلول: , , ,

ردود to “ابويا وامي في حرب وانا متبهدلة بينهم”

  1. ابوالبتول
    18/12/2017 at 23:29

    مهما حصل بين ابوك وامك من خلافات ومشاكل انت خليك بعيده تماما عن كلدي المشاكل واهتم بدراستك ومستقبلك ولاتجعل هذا ياثر على مستقبلك كل واحد منهما اختار طريقه في هذة الحياة ابوك راح تزوج وعايش مبسوط مع مراته وامك لوجاها النصيب سوف تتزوج برضو ودي سنة الحياة عايزك تكوني قريبة من امك وماتتخليش عنها فهي مهما كان ست والمراة ضعيفة ومكسورة الجناح لاتكون انت وابوك عليها خفف عنها وعامليها بكل الادب والاحترام والسمع والطاعة وماتزعليش من كلامها لك ومالها احد غيرك انت وصدقينى انها سوف تهدا وتحسن معاملتها لك وتكون راضية عنك وعمرها ماتزعل منك ابدا واياك والتفكير في الانتحار حرام يابنتي الله سوف يغضب عليك ويكون مصبرك النار من قتل نفسه فهو في النار استغفري الله وتقرب منه في صلاتك والمحافظة عليها وكثرة قراءة القران والدعاء لخالق عزوجل بان يؤفقك في دراستك ويصلح لكم الاحوال ويستر عليك انت وامك ولايحرمكم من بعض ويرزقكم من واسع فضله ويعوضكم خيرا في هذةالدنيا

اترك رداً أو حلاً لهذه المشكلة