ابنى فى سن الثامنه من عمره يتلكلك فى الكلام – التأتأة عند الأطفال- ثم يتحسن ثم يعود مره اخرى للتلكلك كثيرا نصحونى بتغير معاملتى له حيث انى شديد معه شويه و بالفعل غيرت طريقتى منذ فتره بعيده و لايزال يعود لهذه الطريقه فى الكلام ثم يتحسن ثم يعود مره اخرى انصحونى اعمل ايه حيث انه متفوق جدا فى المدرسة و لا اريد هذه الطريقه فى الكلام ان تؤثر على مستواه فى الدراسه
تربية الاولاد
ابنى يتلكلك فى الكلام اعمل ايه | التأتأة عند الأطفال
اضيف بتاريخ: Sunday, December 26th, 2010 في 01:55
كلمات مشاكل وحلول: الاطفال, المدرسة, تربية الاولاد
اختي لحالةابنك خطوات لابدمن اتباعهاوالعمل بها وهي كالتالي 1-اتركي وسيلة الضرب نهايا ولاتحاولي تلجي للضرب مهماكانت الاسباب 2- اجلسي تحاوري مع ابنك واسمعي كل مايريد قوله دون مقاطعةمنك اوتقليل اوسخرية منك له 3-كوني حنونةوعاطفيةمعه وضميه لصدرك خليه يشعوربحنانك وحبك له 4-ساعديه في مراجعةدروسه وترتيب اغراضه وملابسه واشعريه بالاهتمام والرعاية 5- اعطيه 3ملاعق من العسل الاصلي يوميا قبل تناول الافطار 6- خلي اباه يحضرله لحمةراس وخصوصا اللسان ياكلهابانتظام كي تساعده عل طلاقة لسانه وصدقيني هذةوصفةمجربة وناجحة وربي يخليه لكم ويبارك لكم فيه
انا كمان بعانى من نفس الموضوع حسه بوجع ضمير لانى حسه انى سبب انا فعلا شديده مع ابنى وكنت ساعات اضربه ومش بسمعله كفايه بس هو عنده ح ركه زايده وكان بيتعبنى جدا ومش بيركز خالص وكان بيرحجنى فى اى مكان اروحه اما كبر بقى اهدى بس لسه معاه مشكله عدم التركيز وزادت بالتاتاه انا دلوقتى بحضتنه اكتر وبكلمه كتير وبسمعله بس لسه مش اتحسن هو عنده 7 سنوات
ابنك محتاج لحب وحنان وثقه كبيره جدددددا لازم الاسلوب يتغير فورا في التعامل يعني نسمع للطفل لغاية اما يخلص كلامو ويكون ردنا عليه بحب وياسلام لو نستخدم لغة الجسد يعني واحنا بنتكلم معاه نطبطب علبه ونحسسه اننا بنتواصل معاه ومدام الحكاية دي بتروح وتيجي يبقى ان شاء الله هتمشي انما لو فضلت مطوله يبقى لازم يروح جلسات تخاطب بس انا اظن ان الحالة مش مستاهله المهم ان يبقى الولد واثق في نفسو يعني منقولش ان ده طفل اش عارفو الطفل بيتأثر بكل حاجه ومن اول سنه وشخصيتو بتتشكل وربنا يبعد عنكو وعننا كل شر
ابنى نفس المشكلة ورحت بيه لدكتور مخ واعصاب وقاللى حالة نفسية وأخد علاج والنتيجة انه وشه ورم ورميت العلاج ولكنه بقى كويس بعد فترة بس عايز اهتمام
بسم الله الرحمن الرحيم
ابنك ده بينضرب وحاليا بقى خايف يتكلم لينضرب حرام عليكى دى مش تربيه ده تعذيب وقله حيله منك دى الامانه اللى ربنا اعطهالك وبتقولى انك شديده عليه شويه يا شيحه خلى حد كده كل شويه بيلطش فيكى وانتى حتشوفى حيحصلك ايه وانتى محتاجه وقت طويلى علشان يثق فيكى وفى نفسه ولو مغيرتيش طباعك معاه سوف يكبر ولن يسمع كلامك وممكن يضربك لانه حاسس الان انه صغير لكن عندما يكبر سوف ياخذ حقه منك لانه سوف يترسب بداخله انك غريمه وليست امه لانك ليستى مصدر الحنان انت مصدر الخوف والرعب والضرب والتعذيب .او سوف تخرجى رجل ضعيف الشخصيه ارجوكى راعى الامانه اللى ربنا اعطهالك وحافظى عليها والله الموفق
اكبر حاجة تخلى الطفل يتاتا انكوا تكونوا بتقاطعوه فى الكلام كل ما يتكلم وحاولوا تحسسوه لما يتكلم انكم بتسمعوه كويس ويشاركم الحديث لو الحديث ممكن ولو قال حاجة كويسة تشجعوه وتفهموه انه كدة شاطر وبيفهم وواحدة واحدة شخصيته هتقوى ويتظبط ان شاء الله والكلام ده عن تجربة
الحل الأكيد جلسات تخاطب , مع الصبر لان المسألة بتأخذ بعض الوقت , والصبر طبعا من الاب والام , والأهم السرعة في البدء وعدم التأخر
انا كنت زي ابنك امي الحبيبه بس ده كان رعب وخوف من امي لانها كان طبعها شديد جدا جدا حاولي لو طبعك شديد معاه او اي شي مخوفه من المدرسه او اخواته او والده شديد معاه حاولي تحسني اطباعكم انما بالحب والموده وعدم الخوف وانه يبقهواثق من نفسه هاتلاقيه اتعدل في كلامه لوحده ربي يسعدك فيه ويجعله قرة عينك امين يارب
والله والله انا كنت زي ابنك بالظبط وكنت بعد في الكلمه ربع ساعه علي ماقولها او احكي مع حد بس بصراحه
انصحك انك تروح بيه على طول لمركز تخاطب ودكتور وتحكى ليه عن مشكلته بالظبط وتخليه يكشف عليه على فكرة فى مركز متخصص للموضوع ده وخد بالك كويس اوى بالله عليك انا بستحلفك تروح على طول واوعى تتأخر يوم لان كل يوم يفوت الفرصه فى العلاج تقل ولو كبر لقدر الله هتشيل ذنبه بقيت حياتك كلها مش بعيد يقولك حسبى الله ونعم الوكيل اوعى تتأخر فى علاجه والحمد لله على نعمه المعرفة والعلم والناس يارب دايما يجعلنا من الناس الى تنصح لوجه الله فى الخير وجزاك الله كل خير