مش عارفة ابدا ازاي بس الي حصل حصل .. بنت خالتي السنة دي قاعدة معانا ف نفس البيت لان اهلها مسافرين وهي ف نفس سني جيت بعد مالسنة انتهت كلمتني وقالتلي ان في موضوع خبتو عليا وهي صحبتي جدا جدا من الطفولة اصلا قلتلها خير ؟ قالتلي انا كنت خايفة اوترك او اقلقك عشان ضغط المذاكرة والثانوية والكلام ده قلتلها قلقتيني قالتلي فاكرة الموضوع الي حكتهولك عن واحدة صاحبتي عمها حاول انو يقرب ليها وهي خايفة وتعمل ايه ؟؟ قلتلها اه قالتلي دي مش صاحبتي دي انا قلتلها طب مين الي عمل كدة بتقلي عمي قعدت قلتلها اسامي اعمامها كلهم قالتلي لا قلتلها امال قالتلي هو حد زي عمي قلتلها مين قالتلي باباكي !!!!!! انا اتصدمت وقلبي كان بيتقطع ومكنتش عارفة اعمل ايه هل احاول اهديها ولا احاول ادافع عن بابا ولا اعمل ايه بس قررت افهم الموضوع بهدوء قالتلي انو 3 مرات طوال السنة كان بيكلمها عادي ويديها بوسة ع خدها وبعدين واحدة ع بقها بس سريعة ؟؟؟!!! قلتلها طب حاول يتقرب او يعمل حاجة تاني قالتلي لا.. وهي مبتعرفش تصد او ترد فكانت بتسكت ومكنتش بتحكي بس فعلا اوقات كتير الاقيها بتعيط اقلها مالك تقلي بابا وماما وحشوني فكنت بهديها .. و ف نفس الوقت اقسم بالله ان بابا داخل ع 60 سنة ياجماعة وعمرو ماحرمنا من اي حاجة انا واخواتي وبعدين احنا 3 بنات يعني لو كان ف حاجة كان الاولي يشوف اخواتي الكبار بس انا مش عارفة اصدق مين ولا مين ولا اتصرف ازاي ولا احكم ازاي .. انا قلتلها تمشي من عندنا وتروح عند عمامها تبات معاهم عقبال ماتسافر لاهلها ومتجيش تاني وقلت لاختي الكبيرة وهي كمان اتصدمت بس سايبنها ع الله ان بعض الظن اثم … الي ممكن يفيدني ويقلي اعمل ايه ياريت يقلي والي هيتريق يبقي ونبي بلاش لانها مش ناقصة وجع قلب
التحرش الجنسي
ابي تحرش بابنة خالتي وانا اتعذب
اضيف بتاريخ: Sunday, July 13th, 2014 في 18:30
كلمات مشاكل وحلول: التحرش الجنسي, بنات, بنت
اولا هى قالتلك انه بيبوسها من بؤها بوسه سريعة ولما سالتيها عمل حاجة تانية غير البوس قالت لا لية حكمتى على والدك ان نيتة مش كويسة مش يمكن هو بيعاملها على انها بنتة وبنت خالتك هى اللى بتتخيل او بتتوهم انه قصدة مش شريف اتقو الله ولاتظلمو ابوكم ان بعض الظن اثم
رأيي اننا بني أدمين ويجوز ابوكي يكون غلط وده مش معناه انه انسان مش كويس وده بشهاديتكو انتو … رأيي الشخصي زي ما قال احد الاخوه في تعليق سابق انكو تعرضوا عليه الجواز لو هو ارمل وفي جميع الحالات لازم البنت دي تمشي من البيت
شوفى يا بنتى
زى ما تفضل بعض الاخوة وقالوا
ان والدك ماكانش يقصد كده خالص وانه بيعاملها على انها زى بناته
وهى اخدت ألامر بحساسية مفرطة .. وربما كان يقصد
اللى يقدر يفصل فى الموضوع ده هو انتى واختك الكبيره لانكم اكتر ناس تعرفوه وتعرفوا اخلاقه
لكن سواء كان ألامر حقيقة او حساسية زيادة منها فأسلم حل هو ما فعلتيه
واتقوا الشبهات
الي الاخت الفاضلة صاحبة المشكلة – بالراحة استرجعي كلامك – باباكي كان بيبوسها من خدها وواحدة من بقها علي الطاير – ربنا سبحانه وتعالي يعلم النوايا – وبعدين هو زي ابوها – ولو في نفسه حاجة كان الموضوع تطور كان هيحصل منه حاجة اكتر – لكن ربنا سلم – احمدي ربنا – وبنت خالتك اكيد ملاحظة وراصدة افعاله – يمكن هي حاسة بالبوسة دي بتعمل عندها انفعالات بتأثر في عاطفتها – يمكن هو يقصل – يمكن هو ميقصدش – ربنا هو وحده علام الغيوب – ممكن تنصحيها تغير وتزور اعمامها وتقعد عند كل واحد من اعمامها فترة – وربنا سبحانه وتعالي يصلح الاحوال – اتمني لكي ولها التوفيق والسعادة – وكل عام وانتم بخير –
أختي ملاحظة : إذا حلفت فحلفي بالله فقط .
أما بالنسبة لمشكلتك ، فصراحة لا أملك لكي إلا الدعاء أن يظهر الله الحقيقة وأن يستركم
حاسه انها بنت بتحوور والله مش حاسه انها صريحه في كلمهاا وبعدين هو ازاي بباكي يبوسها وهي تقعد سكته الموضوع مش بالساهل انها تسكت
الله ينور عليكي الحل ده كويس برضو تبعديها عنه مش مامتك لسة عايشة لو مش عايشة اعرضو عليه الجواز يا انسة وعلي فكرة ممكن يكون شايفها عادي وهيا بتحور بس الحل اللي انتي عملتيه صح واعرضو عليه الجواز لو ماما متوفية وشكرا
هوممكن يكون حصل من باباك تحرش بالبنت وده خطير وماينبغي التهاون اوالسكوت عليه اطلاقا لانه ممكن يحصل معك انتي اواحدمن خواتك البنات لان التحرش الجنسي يدل على خلل في اخلاق صاحبها وقلة وازعه الديني الافضل انكم تخلوا بنت خالتك تروح عنداحد من اقاربها لتعيش معهم وتخلوابالكم من تصرفات اباكم ماتفكروش ان الموضوع خلاص انتهى لحدكده لازم تحرصواعلى انفسكم وتجتنبوا الملابس المغيرةاوالعارية امامه وتحاولوا تتجنبوا الخلوة معه لان اباكم مريض بداءالتحرش ومش بعيد يفكر في تحرش باقرب الناس له وهم بناته وان تكرر منه هذي التصرفات الغيراخلاقية عليكم بمناصحته وتخويفه بالله لعله يرتدع ويتوب عن هالافعال المحرمة والا اودعوه اقرب مستشفى صحي لعلاجه واتقاء فحشه وسلوكه المشين ربنا يهديه ويصلح حاله
زي ما انتم اتصرفتوا خليها تسيب البيت وتنتقل عند أقرباء آخرين
بس ما تعرفوش أبوكم عشان ما يبقاش محرج منكم لو ده حقيقي
وربنا يهدي
انا مقدر ان المشكلة هيا انك بتحترمى باباكى واتصمدتى لما سمعتى الكلام دا .. لكن شخصيا شايف ان الحق احق ان يتبع مهما كان هيتطبق على مين .. لو فى حالة ان الكلام دا صح انا شاء ان لازم قريبتك تعيش فى مكان تانى وتنفصل تماما عن العيش معاكو فى مكان واحد .. منها تحمى والدك من اى فكرة غلط وتحمى قريبتك من اى خطر ورغم ان اللى حصل دا غلط لكن الحمد لله ان الموضوع مش اكبر من كدا ومتطورش .. اللى لازم تحاولى تعمليه انك تلاقيلها مكان وبسرعة تعيش فيه دا الحل الوحيد فى نظرى
انت يا حبيبتى احسن حاجة تروح عند عم من عمامها هم اولى بيها