التحرش الجنسي

معقدة بسبب التحرش الجنسي بي

انا مترددة وانا بحكي قصتي بس انا مخنوقة جدا انا بنت عندي دلوقتي 20 سنة طفولتي حزينة جدا كنت للاسف مع قسوة والدي لية كنت بهرب من المدرسة بابا كان بيعرف وكان بيضربني بيعلقني في السقف ويمدني المهم وانا في رابعة ابتدائية حبيت شاب لمدة 3 سنين من طرف واحد وبعد كدة هو عرف كانت اسوء سنة في حياتي لما عرف لانه كان بيعاملني وحش اوي المهم انا كنت بروح مع والدي السوبر ماركت بتاعه وكنت بلعب مع شوية اصحابي وفي يوم واحد من اللي بلعب معاهم اتهجم علية وحاول انه يبوسني ويلمس جسمي بالعافية المهم انا اغمي علية وبعد كدة حصلتلي عقدة من موضوع التحرش الجنسي ده اتعرفت علي بنات في الثانوي وكنت بروح لاستاذ لوحدي لانه كان بيشرحلي حاجات معينة وكان للاسف كان بيلمس جسمي ومش هو وبس لا والاساتذة التانين اللي معاه وبعد كدة قريبي هو كمان كان بيلمسني لما اروح عندهم المهم انا مبكنش عاوزة اعمل حاجة زي كدة بس انا بخاف ومبعرفش انطق خالص وبعد كدة حصلتلي حادثة علي مرتين في اتنين طلعوا علية وحاولوا يخطفوني بس ربنا سترها وبعد كدة كان في كوافير كنت بروحه كان برده بيلمسني وبيعمل معاية علاقة بس والله العظيم انا بخاف ومبقدرش اتكلم خالص ساعتها وبعد كدة ابن خالي برده ولما كنت راكبة التاكسي برده انا عارفة ان كل ده حرام وان كدة زنا بس انا حاسة ان انسانة كويسة بس للاسف في حاجة منعاني عن التقرب لربنا وبعد ده كله اكتشفت ان الانسان اللي كنت بحبه بعد 7 سنين خاني مع قريبتي وانه كان بيتسلي بية انا كتبت قصتي وانا مكسوفة جدا بس علشان عاوزة حل عاوزة اكون انسانة كويسة وربنا يحبني بجد انا من طفولتي وانا انطوائية ومعاملة والدي شديدة جدا كان بيضربني بأيد الهون وفتح دماغي انا مخطوبة دلوقتي بس مش سعيدة وخطوبتي هتتفسخ بس المشكلة ان خلاص انا منهارة ومخنوقة ونفسي ميكنش في مشاكل في حياتي وان لو حد جيه يلمسني مخفش واقول لا ده حرام اتمني الاقي اي حل علشان نفسيتي بقت في النازل خالص اوي انا عارفة ان هلاقي ردود كتير وناس كتير هتحتقرني بس انا عاوزة حل والله يجماعة بالرغم من اللي حكيته انا حاسة بجد ان فية حاجة بسيطة كويسة لان في ناس كتير لما بتكلمني بيحبوني علي طول وبيتعودوا علية ارجوكم نفسي يكون ربنا يكون يرضي عني ويغفر لية قولوي اعمل ايه

مشاكل وحلول ذات صلة

اضيف بتاريخ: Friday, May 6th, 2011 في 14:42

كلمات مشاكل وحلول: , , , , , ,

41 رد to “معقدة بسبب التحرش الجنسي بي”

  1. ########
    21/07/2015 at 07:26

    بصوا انا هقول رائي وعارفة ان ممكن ناس تعارضني انا بقول ان دي مشكلة الاهل اولا لازم الام من وبنتها عندها ٦ سنين تقولها متقربيش من اي راجل حتى ولو كان من الاقارب ومامتي عملت معايا كدا ولحد الوقتي عمر ماحد قرب لي ومامتي كانت تقولي متكونيش مع الاساتذة لوحدك ولو لوحدك حذاري وابعدي عنهم وكانت تبقى قلقانة عليا جدا لو حتي كنت في درس ودا من وانا صغيرة جدا وكانت مبتخلنيش انزل خالص وانا صغيرة ووانا كبيره من قلقها عليا انا كنت مفكرة دا خوف زايد اوي دا لدرجة من وانا في تانية ابتدائي كانت بتخليني اخد الموبايل وترن عليا قبل وبعد الدرس ومتخلنيش اتأخر ثانية بعد الدرس و بعد تفكيري ان هو خوف زايد بعد ما شوفت مشاكلكم قولت انها كانت بتعمل الشي الصحيح خوفها وقلقها عليا كان هو اللي حماني لحد الوقتي وبتمني انك تنسي اللي حصل وتركزي في مستقبلك ان شاء الله

  2. ابن السعودية
    11/10/2014 at 11:31

    يااختي انسي الماضي والالمه واهتمي بنفسك وحافظي على شرفك واخلاقك وسمعتك هي كنزالحياة لك ماتخليش احد يلمسك اويتحرش بك كان من يكون خليك قوية وحازمة دافعي عن شرفك وسمعتك ايضا بلاش اللباس الضيق كالجنيز اوالتنورة القصيرة خلي لباسك محتشم وساتر لجسمك كي لاتقعي في الفتن والشبهات وزينةالمراةالمسلمة في حجابها الشرعي حتى لاتفتتن ولاتتعرض للاذى وفيه مرضاةالله عزوجل واتباع لاوامره واجتناب نواهيه وربي يسترعليك ويزينك بالعفاف والتقوى ويبعدعنك المحرمات والفتن والمعاصي

  3. ابن السعودية
    11/10/2014 at 11:22

    التحرش الجنسي مش حكر على الرجال فقط لا بل في حتى في النساء يكون مرة حصل معي وانا كنت في سن 13سنة وطالب في مرحلة المتوسطة وكنت واد وسيم وقوي البنية وفي بنت جيراننا كانت في العمارة اللي نسكن بها ودايما تاتي لزيارة الاهل وفي يوم كانوا اهلي مش موجودين في البيت ودق الباب ورحت لشوف من فاذاهي امامي وكانت اكبر منى وتقريبافي سن 20سنة وقالت فين اختك فلانة قلت لها مااحدموجود من اهلي وقالتي ابغا االحمام تبعكم عشان حمامنا خراب ودخلت وانا رحت لغرفتي وهي راحت الحمام للاستحمام واسمعهاتنادي علي وذهبت فاذاهي تكلمني من خلف الباب وهي عارية وسحبتني من يدي وادخلتني الحمام وانا دهشت لمنظرها وهي عريانة وقالت يايلا فسخ ملابسك ووصارت تسوي كل شي من غير ماتحرك ومارست معهاالجنس داخل الحمام وصارت تاتينا وتطلب منى هالشي حتى ربي هداها وتزوجت وراحت لحال سبيلها

  4. شيال الحمول
    22/07/2012 at 11:24

    (الامن تاب وامن وعمل صالحا فاولائك يبدل الله سيائتهم حسنات)على فكره ده ربنا اللى بيقول مش انا لو فعلا انتى عندك النيه للتوبه ربنا هايسعدك…وربنا يستر بنات المسلمين

  5. زيزو
    07/01/2012 at 08:57

    ابوكي منه لله يارب .. عودتك من صغرك ع الخوف فامن شب علي شئ شاب عليه
    وانت كبرتي وكبر الخوف معاكي وبقيتي انسانة سلبية انطوائية (جبانة)
    انتي انسانة كويس لكن مش بالكلام بال(فعل) .. إلبسي كويس اوي وحشم بلاش دلع الجينز والباديهات اللي بتجري ريق الناس عليكي .. والناس اللي ردة وعمالة تقول لها اتحشمي ومش معقولة ومش عارف ايه ! انا نفسي اسال سؤال ياللي بترغي ع الفاضي انت وهو : وهي صغيرة كانت برده مش متحشمة ؟؟ وبعدين انت ايه عرفك انت او انتي انها بتلبس عريان ؟ انت عليك النصيحة بس مش اكتر

    كل دهـ بسبب باباكي طبعا اللي رباكي ع الخوف والجبن
    بس حااقول ايه ! غير انك تقربي من ربنا هو اللي حايحصنك من كل الكلاب اللي بيحاولوا يعملوا كدهـ معاكي
    + مينفعش السكــــــــــــوت انتي اما تبقي ساكتة وهما بيعملوا ككدهـ كانك راضية وهو بيفضل يتمادي وبيفكر انك فرحانة بكده!
    لا ابصقي علي وجه اي كلب يعمل كدهـ لان دول حيوانات وربنا معاكي

  6. true
    10/12/2011 at 18:07

    حاجة تانية اوعي تسيبي خطيبك وراجعي نفسك وشوفي انتي مقصرة معاه فايه صدقيني العقدة اللي اتكونت عندك من اللي شفتيه دا لازم تمحيها ولازم تبقي انسانة طبيعية وتبقى عندك ثقة فنفسك اقري مشاكل غيرك واحمدي ربنا انك احسن منهم وثقفي نفسك واشغلي وقتك واعرفي ان اللي حصل دا مااااااااااضي والماضي عمره ما هيتكرر ..
    حبي خطيبك وخليه يملا حياتك واملي انتي كمان حياته ولما تحسي انك بقيتي تمام ومفيش حاجة ماثرة على مزاجك وتفكيرك .. وقتها تقدري تقرري ازا كان خطيبك دا فعلا هو الشخص اللي تقدري تكملي معاه حياتك ولا لا .. فكري بعقلك وخليكي قريبة من ربنا لانه هو الوحيد اللي عارف اللي جواكي وحاسس بيكي .. وهو اللي هيخليكي اقوى وهييـسرلك السعادة فحياتك ..

    انا بكلمك زي اخت ليكي ويارب تكوني اتقبلتي كلامي

  7. true
    10/12/2011 at 18:03

    عارفة انا كمان كانت بتحصلي نفس المشكلة بس على اخف وانا صغيرة كنت لما حد يلمسني وانا مع ماما فالسوق كنت بسكت بتصدم ومش بنطق ومش بعرف اقول لماما لاني طول عمري حاسة ان في بيني وبينها حاجز وبتكسف منها اوي لانها مش ماخداني عليها وعمرنا ما كنا اصحاب .. ولانها كانت دايما بتجيب اللوم عليا وتزعقلي انا بدل ما تزعق للي غلط فيا مع اني مببقاش عملت حاجة .. ولحد ما كبرت كل ما يحصلي موقف من دا اتصدم ومقدرش اعمل حاجة !! بس من جوايا ببقا بغلي وببقا نفسي اولع فيه لكن كان حواسي اتشلت ومش بعرف احرك ايدي من مكانها !! نفسي اعرف ايه السبب !!
    المرة الوحيدة اللي اتغلبت فيها على نفسي كان واحد سافل وسط زحمة المواصلات حسيت بانه بيتحرش بيا رحت ضربته بايدي على ضهره بس برضه حسيت ان ضربتي كانت مش قوية كفاية ! 🙁

    الله يلعن ابو التحرش على الناس السافلة اللي معندهاش ضمير
    بس انا خلاص قررت بعد كدا اي حد يقرب مني والله افك الدبوس اللي فالطرحة واغرزه جوا جسمه عشان يحرم .. لازم تثقي فنفسك سدقيني اللي احنا فيه دا مش نافع

  8. وسام
    01/11/2011 at 21:05

    اول شيء بريد اقولك عليه انك اذا حاسة نفسك انسانة كويسة فهي خطوة جيدة
    تاني شيء انا بفهم من كلامك انك مش محجبة لانه مافي بنت تتعرض للتحرش 6 مرات ومحاولة خطف الا اذا كانت منفتحة على الناس بشكل زائد واحمدي الله انه انقذك انت بنت ولازم تدافعي عن حالك وعن شرفك انا برأيي انو توبي الى خالقك وتحجبي فلهذا فرض الاسلام الحجاب واساليه ان يحفظك وتزوجي من ابن الحلال واسالي الله السترة

  9. عشاق الدلوعة
    09/09/2011 at 23:47

    انا من رايي قولي لا لانك علي حق ولازم يكون لكي رد فعل جامد مع اي حد يحاول معاكي لان اللي بيعمل كدة بيبقي خايف منك ومن الناس ومن اي رد فعل انتي هتعميلة والله اعلم .

  10. الحائره
    21/08/2011 at 08:05

    والله يا اختى انا حاسه بيكى وبضعفك بس الواحده بتخاف تدافع عن نفسها لانها مش فاهمه حاجه او فاهمه غلط ان لو حد عرف هتبقى فضيحه وكدا بتساعد كل حقير يقرب منها
    وانتى خلاص منتش صغيره وفاهمه كل حاجه دا انتى كمان اتأخرتى عن حقك لازم تدافعى عن نفسك لو بموت اى حقير او بموتك لانيك جوهره خلقها الله_عزوجل_ عشان يتحافظ عليها وتحسى بعزتك وشرفك لما تمشى ومحدش يقدر يقربلك من مظهرك العفيف وصحبتك التقيه ونظرتك التى لاتقع على محرم وبعدك عن الشبهات ونقاء نفسك وقلبك وانتى ماشاء الله شكلك نقيه بس مشيتى فى الطريق الغلط
    لازم تتوبى لربنا وتعرفى ان راحمته واسعه وادعى واعرفى ان الله_عزوجل – سترك فسترى نفسك يا اختى وقربى من ربنا بعبادتك ودعائك واستغفرى فان الاستغفار هو القاضى على كل الذنوب ودواء لجروح النفس .
    انسى اللى فات ومتقوليش لحد استرى نفسك زى ما ربنا سترك ومتجتمعيش مع اى حد اساء ليكى او اى شخص غريب عنك لان بجد صعب اوى الثقه فى حد ولوحد قربلك لازم توقفيه عند حده لانك خلاص تقدرى تدافعى عن نفسك لان الشخص الحقير اللى بيحاول يعمل كدا بيكون ضعيف وجبان وخايف منك لابعد الحدود ولازم بقى والدك_الله يسامحه_ يقوم بدوره لوحد قربلك لازم يتصرف معاه اشغليه شويه بالحفاظ عليكى بدل تعذيبه ليكى.
    ربنا يحفظك ويرعاكى ويكرمك بزوج صالح ويتوب عليكى ويغفرلك ويغفر لينا جميعا

  11. على
    20/08/2011 at 06:25

    دى حاجه غريبه اوى هو كل ما حد بيشوفك بيلمسك اكيد انت فيكى شىء مثير للكل لان مش من المعقول انا كل هزا العدد بيتحرش بكى شوفى ملابسك وبصى لنفسك فى المرايا ممكن تعرفى ايه السبب

  12. الله اعلم
    11/08/2011 at 09:32

    سبحان رب العرش جل حلاله عما يقوول العابث المستهتره

    توبى الى ربك بكل نيه صافيه ونحن فى الشهر الكريم هذا باذن الله ربنا سوف يحفظك من كل شئ وخذى المصحف القران فى كل مكان وليس المصحف بذاته ب كلامه فى عقلك محفووظ وادعى لربى ورب العالمين بان يصلح حالك وحال المسلمين

  13. الدكتور
    08/08/2011 at 16:17

    اول شى سيبك من اللى راح وابدائى من جديد اولا لاتخطلتى باى شخص وحديكو ثانيا الله يسامح ابوكى علشان المفروض كان يكون حنين عليك وكان المفروض يسئلك انك بتروحى الدرس فى حد معاكى من اصحابك ولا انتى وحدك الاشى دى مهمه البنت لا تذهب الى اى مدرس للوحده ابد كما احب ان اقول لكى كا من الواجب ان تقاوى وتغضبى لكل من يريد ان يلمسك ده رد الفعل للاى وحده حتى لاتكون مطمع لااى حد انتى كده فريسه سهله خاليكى قويه ولا ترضى لااى احد يلمسك مع تحياتى دكتور/ رضا

  14. HanyMoh
    08/08/2011 at 03:38

    سامح الله والدك هذا

    آسف أن أصفه بأنه ليس رجلا

    فالرجل هة الذي يحتوي الضعفاء حتى وإن كانوا أعداء له..

    ولكن ما علينا،، غفر الله له وهداه..

    ولكن ما أود أن أقوله لك سأفرده في عدة نقاط..

    – ما فات قد انتهى ولا داع لذكره أو تذكره،، لا تخبري أي شخص بما حداث لك،، حتى وإن كان زوجك أو خطيبك،، وهذا أمر شرعي وليس كلاما اجتماعيا فقط..

    – من الواضح أنك عانيت كثيرا في طفولتك،، وهذه المعاناة خلقت منك شخصية قوية قادرة على التحمل والصبر..

    – حاولي الابتعاد قدر الإمكان من أي مكان يمكن لأي شخص الخلوة بكِ..

    – وإذا انتهت خطوبتك الحالية فلا تقلقي فإن الخير الأعظم ينتظرك فلا تتعجلي لرزق الله..

  15. muslim
    04/08/2011 at 14:19

    بصى انتى ربنا مكرمك وغليكى ومحرم انك تكونى رخيصه لاى حد زى قبل الاسلام اعرفى ان ربنا مغليكى فمتسمحيش لحد انه يعاملك على انك رخيصه وسهله توبى لربنا وربنا هيفرح بتوبتك

  16. عاشق ميسي
    21/07/2011 at 20:47

    للأخص كلمة رح قولها الك وإن شاء الله تأثر فيكي

    (((((((( ليش انتي خريصة لهالدرجة ))))))))))

  17. فاعل خير
    19/07/2011 at 14:02

    مفيش انسان خالى من المعصيه و ربنا عاوز كل الناس تتوب و ترجعله والا كده ما كانشى خلقنا بس انتى حاول تتوبى من قلبك فعلا

  18. ساره
    12/07/2011 at 22:04

    حاولي تنسي كل اللي حصل ده وابدأي حياه جديده مع خطيبك اكيد هو بيحبك وهيصونك
    وحطي ف بالك ان لو حد بعد كدا قربلك وحاول يلمسك ويحط ايده عليكي انك هتدافعي عن نفسك ومش هتسكتي وتستسلمي ليه

  19. NOHA
    30/06/2011 at 02:51

    بصى احسن حاجة تعمليها توقفى كل حاجة فحياتك و ابدئى من اول و جديد و لو ظروفك تسمح اعملى عمرة قربى من ربنا هتلاقيه بيقربلك اقرى قران وروحى اى مسجد قريب و احفظى قران و يا سلام بقى لو حفظتى انتى القران لغيرك …….صدقينى هتلاقى حياتك اتغيرت 100 المية انا عارفة انو صعب عليكى فى الاول بس لازم تحاولى و خليكى قوية و ياريت تكملى مع خطيبك متسيبهوش و خليه يقف جمبك و يساعدك ……….و ربنا يحبب فكى خلقه

  20. محمد صلاح
    29/06/2011 at 07:13

    ابدئى بالصلاه وبعد كده ربنا هيفتحلك ابوابه

  21. sweet heart
    22/06/2011 at 02:31

    اول شئ احب اهنيك ع صراحتك وهاي بدايه للتغير في حياتك وانك تكوني انسانه عايشه صح راضيه
    ربك واهلك وبارفووووووووووووووووووووا
    وكلمه وحده راح اقولها لك حافظي على نفسك البنت مالها غير عفتها وطهراتها وسمعتها
    الي يحاول يسمك امحيه عن وجه الكون ولا تسمحي لحد انه بس يمس منك شئ
    خليكي قويه واعرفي كيف تتصرفي بلحظات متل هيك سوي شئ يخيلهم يخافوا لو حد منهم للي لمسك قبل
    كذا يعمل ليكي حساب امسحي بكرامته وجهه الارض
    صراحه معرف كيف رضيتها ع نفسك والله كوني قويه ولا تستلمي لمن من كان بكره وراكي حياه
    وزوج كيف تقدري تحطي عييونك بيعويينه لزوجك ونتي حتى مقاومتي الشئ او رفضيته او دفاعتي عن حالك امام الهشئ ادعيليك بالستر يارب
    ولا يمهك كلام الناس كله بربره وكلام فاضي حطي بين عيونك ربك واركي اخرررررررررره
    عادي حتسمعي انتقادات كتيره طنشي وابدي حياه جديده الي صار صار وماتقدري ترجعي الزمن لورا
    او تمحيه حسني من نفسك قبل لايصير شئ لكي مو حلو ومترضيه ع نفسك
    الي يرشك بالمي رشيه بنارررررررررررررررررر واحرقيه فيهااااااااااااااااااا
    سلام يا قمررررررررررررررررررررر

  22. صراحة الناس مش عاوزها
    14/06/2011 at 13:13

    ونسيت حاجة من عندي كمان
    أجعلي من نفسك شي صعب المنال علي كل من حولك
    اجعلي نفسك كقنفز الصحراء ان اقترب احد منة لم يأخذ الا الاذي
    اجعلي نفسك نار محرقة من يقترب منها
    اجعلي نفسك ماء باردة لنار تقترب منكي
    اجعلي نفسك محجبة تحجبي تحجبي الحجاب فرض عليكي يا اختي
    أقرأي سورة النور الاية 30 و31

  23. صراحة الناس مش عاوزها
    14/06/2011 at 13:08

    كلامك يدل علي وجود حاجة جميلة جوالكي وانك انسانة تايهة عن طريق الحق
    واللي ناقص بس هي الخطوة الاولي وانك تقدري توصلي لمكان أنارة الطريق
    والاهم من دة كلة قدرتك علي الوصول لمرحلة بداية اليقين بالله
    استعيني بالله اولا ثم
    1-الصلاة في اوقاتها دوما
    2-ورد قرآن يومي
    3-صوم يوم اسبوع علي الاقل ثم اثنين وخميس
    4-لاتفكري ولا تندمي علي اخطاءك فكل ابن آدم خطاء
    5-فكري في المستقبل وأنسي الماضي
    6-اكتبي اسماء اصدقاءك في ورقة وقيمي مين اللي المفروض اكمل معاها صداقتي
    شكرا اخيكي في الله نادر فراج عبدالعال

  24. سفير الحب
    22/05/2011 at 18:46

    اسلم حل انك تقربى من ربنا وتدعى انو يغفرلك من العك اللى عكتى بة حياتك ..بس لازم تاخدى بالك من نفسك وانك تنوى وترفضى كدة من جوااااااااكى الاول

  25. رجاء خالد
    21/05/2011 at 08:57

    خدي بالك علي نفسك واقتربي من الله عز وجل والتزمي بالملبس الواسع خليكي قويه وجدعه وصدي اي حاجه تهينك

  26. دنيا
    17/05/2011 at 02:22

    ربنا يسترها معاكى ومع بنات المسلمين بس حاولى تلبسى لبس محتشم لان الموضوع كدة زاد عن حده وكدة غلط

  27. salma
    08/05/2011 at 21:40

    انتى تصلى وتلبسى الازدال لان بصراحة كدا مش كويس ليكى انتى
    وتحولى تقربى من ربنا شوية حتى عشان يغفرك وبيعد عندك التحرش ده
    يارب احمى بنات المسلمين جميعا امين يارب

  28. Mno
    08/05/2011 at 02:05

    اعرفي ايه اللى يرضي ربنا عنك واعمليه
    ابتداء من الصلاه والزكاه ولبس محتشم
    والبعد عن رفقاء السوء

  29. محتار
    08/05/2011 at 01:43

    انا مش عارف اقولك ايه … غير اني بس عاوز اقولك انتي عملتي ايه طيب علشات تتقربي من ربنا ؟؟ ياترا بتصلي ؟؟ حاولتي تصلي وتتنظمي ؟؟؟ وبعدين انتي بنت بنوت ولا لا بعد كل الي حصلك ده ؟؟

    صراحه حالتك غريبه مش عاوز اقول انك مستحليه الموضوع اكون بظلمك .. بس ربنا معاكي .. واى حد يحاول معاكي قولي له لا ده الي انا اعرفو ماهوا لما بيلاقي انك بنت سهله بيسوق فيها

  30. lola
    07/05/2011 at 16:41

    ممكن انتى هاظرك وى اسلوبك يخليهم يفهموكى غلط وى يعملو معاكى كده حاولى تغيرى من شخصيتك وى وى اسلوبك اكيد فيكى حاجه غلط مخلياهم شايفينك موش كويسهوى وى البنت الكويسه ماتخفش لازم تقول ده غلط وى حرام الحاجات دى مفهاش خوف وى هما تمادو معاكى فى العلاقه دى عشان انتى سكته بى المعنى الاصح مبسوطه من كده قاربى من ربنا وى ادعي ان ربنا يسمحك وى يهديكى

  31. ahmed
    07/05/2011 at 02:18

    بصى انك تبقى مش راضيه على اللى انتى فيه ده هوه ده بدايه الحل لانك نفشك تخرجى من الحياه دى بس ازاى ؟ عن طريق انك تقربى من ربنا وتحاولى تصلى ومش هقولك بقى صلى واقرى قرأن واعملى كل حاجه لاء انا عايزك تبدأى بالصلاه دلوقتى واهم حاجه التوبه والندم على اللى انتى عملتيه حاولى تستغفرى كتير وربنا غفور رحيم وكل ابن أدم خطاء يعنى متيأسيش من رحمه ربنا ربنا ده عظيم جدا وغفور بس حاولى تبدأى بالصلاه كده وربنا يهديكى وان شاء الله تتجوزى وتكونى أسره سعيده ..ربنا معاكى ويغفرك يارب

  32. النهر الخالد
    07/05/2011 at 00:53

    حاولى تلتزمى بالصلاة و قراءة القراّن… إن الصلاة تنهى عن الفحشاء و المنكر و البغى…و تمسكى بالجزء الطيب اللى جواكى إبدأى حياه جديده طاهرة و شريفة…ربنا يهديكى

  33. حنين
    07/05/2011 at 00:14

    اولا ربنا يهديكى ويهديناجميعاً انتى انسانة كويسة وكونك عاوزة تقربي من ربنا لازم تحاولى تقربي باكثر من حاجة منها التوبة والشجاعة على نفسك توبي لربنا ولما حد اى حد يقرب منك قوليله انت بتعمل ايه ومتخفيش خليكى جامدة دى نفسك انتى وجسمك انتى وانتى مطالبة تحمى نفسك من اى حد يحاول يقرب منك خصوصا لو غصب عنك , في مواصلات مع قرايبك اى حد بيحاول يكرر خطأ سبق ان عمله معاكى قوليله ياريت تبعد ايدك عنى وتعملى حاجز بينك وبينه وتفهميه انك الاول كنت عيلة ومش فاهمة دلوقتى كبرتى ولو حاول بالقوة سيبي المكان واهربي باى طريقة وربنا هيقف جمبك طالما انتى مش عاوزة تغضبيه ربنا يحفظك من كل سوء بس ياريت تغيري طريقة لبسك عشان محدش يطمع فيكى واقرئي قران كتير كل اللى فات وعملتيه لو توبتى توبة حقيقية هتبدل ذنوبك حسنات تخيلى كمية الحسنات اللى منتظراكى ربنا يثبتك يارب ويبعد عنك اى حد يحاول يسئ اليكى ويحفظك برحمته وعفوه يارب.

  34. ahmed
    06/05/2011 at 23:18

    يا أيها الذين آمنو لا تقنطوا من رحمة الله إن الله يغفر الذنوب جمياً أنه هو الغفور الرحيم

  35. semsem
    06/05/2011 at 23:04

    يابنتى انتى اولا غلطانه وانتى عارفه كدا كويس وحرااام عليكى اللى عملتيه فى نفسك يابنتى جسمك دا مش ملكك دا امانه انتى بتحافظى عليها علشان تسلميها لجوزك لما تتجوزى . يابنتى انتى من البدايه لو اى انسان حاول انه يلمسك كنتى تدافعى عن نفسك باى طريقه مكنش دا حصل يعنى لو المدرس دا حاول يلمسك وانتى قولتيله احترم نفسك انت ملكش خوات بنات او قولتيله انا حنقول لبابا يربيك والله كان احترم نفسه وهرب زى الكلب او انك مكنتيش روحتى الدرس دا تانى . يابنتى الزمن دا الضعيف فييه بيتاكل . يابنتى حافطى على نفسك واوعى حد يلمسك تانى ومتسكتيش لحد اللى بيلمسك دا موقفه ضعييف لانه بيعمل حاجه حراام وغلط انتى لو قلتى اى كلمه حيترعب ويبعد . وبعديين اكييد الناس دى بتحكى لبعض على اللى بيصل معاكى علشان كدا بيحاولوا يلمسوكى ارجعى لربنا وصلى وربنا يحمييكى وخلى بالك ممكن حد يصورك وحد تانى بيلمسك ويهددوكى بالفيديو وتضطرى انك تسلميلهم نفسك اوعى يابنتى وخدى بالك من نفسك

  36. زائر
    06/05/2011 at 21:39

    عزيزتى السائله المحترمه التى عاشت حياه قاسيه مع أب شديد فى طفولتها وطبعا ده ترك أثر عندك من عدم الثقه والخوف لدرجة انه لو حد حاول يتحرش بيكى لا تستطيعى عمل أى شىء أكيد يا عزيزتى اللى حصل معاكى صعب وأكيد انتى لما كتبتى مشكلتك كنتى جاده فى ايجاد حل وان شاء الله طول ما فيه أمل فى ربنا وفيه ايمان يبقى مفيش مستحيل أنا عايزك تكونى قويه بالله عزيزه بالله كريمه بالله لا تعلقى أى أمر يخصك الا بالله هو القادر أن يحل لكى كل مشاكلك بس بشرط انك تكونى قريبه منه
    يعنى ترمى كل مشاكلك القديمه وراء ظهرك وتنسى كل القديم وتفتحى صفحه جديده مع
    ربك تكلميه وتقولى له يا رب يا رب انت أدرى بظروفى وانت سامع شكوتى وما ليش غيرك . لازم تكونى متأكده ان ربنا بيفرح لما عبده يكلمه ويشتكى حاله . وافتكرى الأيه الكريمه ( بسم الله الرحمن الرحيم )( واذا سألك عبادى عنى فانى قريب اجيب دعوة الداع اذا دعان ) صدق الله العظيم.يعنى ربنا بيستجيب للمؤمن لما يرفع يديه ويسأله بصدق واخلاص وتوبه من المعاصى وأنا شايف انك انسانه رقيقه وحساسه وتعرضتى للاسائه والضرب كثيرا وانتى صغيره وطبعا ده ساب أثر عندك
    لكن قوة ايمانك بعدل ربنا هيخليكى تثقى فى نفسك وما تخافى من أى حد قربى من ربنا ولا تنسى الصلاه الصلاه الصلاه وحاولى تشوفى مسجد قريب منك يكون فيه تحفيظ
    قرأن هتلاقى ناس طيبين كمان هيساعدوكى كتير لغايه ربنا ما يصلح حالك . ولا تسمحى لأى حد يلمسك أبدا ولا تخافى واذا كنتى مش لابسه الحجاب البسيه واسترى نفسك علشان ربنا يسترك ويبعتلك ابن الحلال اللى يستاهلك أرجوا منكى اذا احتجتى لأى مساعده فى حل مشكلتك تكتبى تانى هتلاقى كلنا معاكى وقبلنا ربنا معاكى. والسلام

  37. رجل قانون
    06/05/2011 at 19:13

    مفيش حد هيحتقرك خالص على شان انتى صادقه مع نفسك وربنا غفور رحيم

    بس ارجوكى مفيش حاجه اسمها ان حاجه بتبعدك عن ربنا

    انا هطلب منك طلب ولو بتحبى ربنا اعمليه

    اول ماتشوفى رسالتى جربى تقومى تاخدى دوش وتتوضى اكنك لسه داخله الاسلام جديد وتصلى ركعتين وتبكى وتشكى همك لربنا وتطلبى منه المغفرة والهداية صدقينى ربنا احن حد عليكى احن من والدك ووالدتك

    وقولى لنفسك انا خلاص هتغير عشان اخرتى انا عايزة اكون انسانة تانية ولو خطيبك انسان كويس وهياخد بأيدك ويقف جمبك خليكى معاه وغيرو بعض للحسن وربنا معاكى يارب ويحفظك

  38. احمد ايطاليا
    06/05/2011 at 18:49

    اولا انا بشكرك عارفة لية علشان خرجتي من صمتك واتكلمتي ودي اول مرة تتكلمي فيها ودي بداية الطريق انا موش عاوز اقسو عليكي بس انتي ضحية معاملة سيئة والدك بيخاف عليكي بس بطريقة تخليكي انطوائية وجعلتلك ممنوعة من الكلام عن اي حاجة بتحصلك خيفة انة يرجع يضربك بس كان المفروض تخدي موقف من الا حصل معاكي داة كلة طب فين دور والدتك او اخواتك الشباب المهم لازم تقربي من ربنا لازم الاول تصوني نفسك واضح من كلامك انك موش ملتزمة بالزى الاسلامي او الحشمة في البس علي الاقل ودي بداية الطريق لازم تصوني نفسك بلبسك باسلوبك تبدئي تصلي وتعرفي عن الدين وعن ربنا خصصي كل يوم شوية اقرائي فيهم جددي نشاطكبس اول خطوة لازم تعملية تغيري طريقة لبسك والباقي هيجي لوحدة وكمان لو خطيبك كويس ومحترم وبيحبك نصيحة بلاش تخسرية وتسبية يضيع وانتي الوحيدة الا تحكمي وربنا معاكي

  39. حسن
    06/05/2011 at 17:40

    انا حسن انا هقولك حاجة كويسة اوى حاولى تقربى من ربنا وتصلى بس بشرط النية الصافية وانسى اللى فات من حلوة ومرة وابدئى صفحة جديدة انا واثق انك انسانة كويسة

  40. حازم الاهلاوى
    06/05/2011 at 17:05

    اختى
    انسي الماضي فانتى كدا كدا مش حترجعيه تانى لانه انتهي
    انتى انسانه في قمه الطيبه بس مش لازم يكون عندك طيبه مفرطه كدا
    لازم يكون عندك شخصيه قويه اقوى من كدا بكتير
    اللى يحاول يلمس شعره منك بس بهدليه ومتسكتيش لحد احنا في زمن “” الطيب فيه ملوش مكان “”
    تخلى ربنا يحبك بانك تكونى معاه دايما لازم تصلى باستمرار مره في مره هتلاقي نفسك مش قادره تفطرى فى حاجه اسمها ” الصلاه ”
    اتفرجي ع القنوات الدينيه ع التى في والنت
    في كتاب للدك عائض القرنى اسمه “” لاتحزن “” اشترى الكتاب ده .. ده كتاب في قمه الروعه لا اكتر من ممتاز حتلاقي فيه كل حاجه انتى محتاره فيها
    حاولى تتعرفي ع اصحاب قريبين من ربنا وملتزمين ” بنات طبعا” روحي معاهم المسجد واسمعى الدرس واحفظى معاهم قرءان وحتلاقي نفسك اتغيرتى مليون في الميه بس المهم خليكي صادقه في توبتك لربنا لانه مفيش غيره اللى بنلجاله ومفيش غيره اللى بايده يغير حالك
    وربنا يكرمك ويوفقك يارب “”””

  41. بيبسى
    06/05/2011 at 15:06

    مفيش غير انك تبعدى نفسك عن اى حاجة انتى مقتنعة انها غلط ومتعمليش غير اللى انتى مقتنعة بيه انه صح
    قربى من ربنا واظبى عالصلاة اقرى قران ادعى ربنا واترجيه انه يبعدك عن اى حاجة غلط او اى حاجة تضرك
    ربنا مش بينسى حد بس لازم الحد ده يقرب من ربنا ويديله حقه عشان يكرمه
    وبالنسبة للناس اللى بتحاول تلمسك او كدة فى ردود افعال كتير تقدرى تصدى بيها اللى قدامك وتمنعيه عن اى حاجة
    وملحوظة صغيرة اللى بيعمل حاجة زى كدة بيبقى جبان جدا وخايف اى حد ياخد باله
    انتى لازم يكون ليكى رد فعل قوى فى ساعتها يخلى الناس تعملك حساب
    وربنا يكرمك ويوفقك ويصلحلك الحال

اترك رداً أو حلاً لهذه المشكلة