انا مشكلتى طويلة جدا… من اربع سنين كنت في كلية كان فى واحد زميلى فى دفعة اصغر منى بس ادى بالضبط فالسن، وحاول كتير علشان يكلمنى وكنا بنتكلم عادى اصحاب قعدنا سنة كنا اصحاب. بعدها اعترفلى انه بيحبنى اديله سنتين.
من اول ما شافنى كان خايف يصارحنى لحسن ارفض انا فاول مكنتش موافقة اوى بس كنت معجبة بيه شوية، هو فى فرق مادى ما بينا بس مش كبير فرق صغير، بس مشكلة اهلى عايزين مستوى اعلى مننا بكتير، وهو اقل مننا بحاجة بسيطة.
كان عايز يتقدملى وقتها وفضل يزن عليا كتير علشان يتقدملى بس انا كنت برفض، وشرحتله وقتها اسباب رفضى لانى عارفة اهلى مش هيوافقوا عليه لاسباب كتير، هو في دفعة اصغر منى وكمان طلبات اهلى كتير جدا وخيالية، لانهم ماعندهمش غيرى وكل عرسان بتتقدم بيمشوا بسبب طلباتهم مع انى بيكون فيهم ناس اغنياء وتقدر، بس خوف وحب اهلى ليا زيادة علشان كده بيطلبوا طلبات كتيرة جدا ومتخيلين انى مافيش بنات غيرى في الدنيا، واللى ياخدنى ده لازم يجيب لبن عصفور.
المهم ارجع لموضوعى وانا عارفة انه مش هيقدر عليها قولتله طلبات اهلى كلها وقتها قالى انا هعمل مستحيل علشان اجبها كلها متقلقيش هما يوافقوا عليا كشخص اول وانا طلبات كلها هشتغل ليل ونار وهعمل اى حاجة ممكنة علشان اجبها.
وقتها كنت حاسة انة بيحبنى جدا وحب مالوش حدود ومستعد يضحى علشانى بحاجات كتير، المهم انا قولتلة خلاص برضو ماينفعش تتقدم على اقل لما نخلص كليتنا لانى اهلى مش هيوافقوا قبل منتا تخلص ابدا.
فضلنا مرتبطين ببعض فترة كام شهر كدة وبعدها اهلى عرفوا الموضوع وعرفوا انى بكلمه وهما شداد جدا ضربونى وزعقوا فيا واخدوا موبايلى وحصلت مشكلة كبيرة جدا وهو حاول يكلمهم بس هما مارضيوش يدولو فرصة ولا رضيوا يسمعوه اصلا، وكان رفضهم ظالم جدا ولدرجة انهم كانوا ناويين يقتلوه بجد، علشان اهلى فعلا شداد جدا وفضلت فترة كبيرة لا انا عارفة اوصله ولا هو عارف يوصلى.
وبعدها انا قدرت اوصله واكلمه هو مكنش مصدق وفكرنى اتخليت عنه خلاص، بس انا بحبه جدا لدرجة حاولت ابعد عنه كتير جدا مش قادرة، ولما كلمتة وقتها قالى انا كنت مسافر بعد يومين اشتغل وابعد عن البلد كلها، لانة مابقاش طايق حاحة بعد مافكر انى خلاص مش عايزاه.
بعده حصل وراح لاغى سفره فعلا علشان يفضل جنبى ومايسبنيش فى فترة صعبة دى ورجعنا نتكلم تانى فى سرية تامة محدش يعرف غيرى انا وهو وصحبه انتيم وصحبتى انتيم بس، واحنا واثقين فيهم لانهم اكتر ناس وقفوا جنبا وحريصين جدا انى محدش يعرف علشان اهلى ميعرفوش ودنيا تسؤ اكتر ماهيا وحشة.
المهم فى خلال فترة اللى مكناش بنتكلم فيها مع بعض عرفت انه اتعرف على وحدة على فيس وكان بيكلمها على فيس لفترات طويلة، بس كلام عادى مافهوش حاجة انا شوفت الكلام كله، بس بنت كان بتلمح انى هيا معجبة بيه من تحت لتحت حتى هو مكنش فاهم، بس لما انا قريت كلام فهمت وفهمتة وخليتة يمسحها من عنده نهائى وهيا دلوقتى وبعد ما عدى تلت سنين من وقتها بتبعتله وانا بخليه مايردش عليها، مهم وقتها بررللى كلامه معاها انه كان بيفضل قاعد على النت فترات طويلة يراقب اكونتى او اكونت اى حد من صحابى علشان يحاول يطمن عليا باى طريقة لانة مكنش عارف يوصلى خالص.
مهم وقتها اتكلمنا فالموضوع ده ونسينا وسامحتة وبدأنا حياتنا من تانى وكملنا 3 سنين من وقتها واحنا بنحب بعض ومافيش اى حاجة معكرة حياتنا نفرح شوية ونزعل من بعض شوية ونتخانق شوية على حاجات عبيطة وهبلة بتحصل بين اى اتنين بيحبوا بعض، حتى وقت مكنا بنزعل او نتخانق من بعض مكنش بنستحمل حتى 10 دقايق وتلاقينا مصالحين بعض على طول، مكناش بنستحمل نزعل من بعض ابدا او نبعد عن بعض لحظة حتى دايما صاحبو وصحبتى بيحسدونا على علاقتنا وحبنا لبعض.
مهم من فترة كدة تقريبا فى شهر 12 اللى فات بدا يقولى نبعد عن بعض وموضوعنا صعب واهلك عمرهم ما هيوافقوا وكلام ده قولتلة جاى تقولى كده دلوقتى منا قولتلك كده من زمان وانتا وافقت ورضيت انك تستحمل وتخطى معايا كل مشاكل ممكن تقابلنا، قعد كام يوم يتكلم كده وانا فضلت اقنعه اننا هنكمل ونستحمل كل المشاكل اللى تقابلنا مع بعض وحبنا اقوى من اى حاجة فالدنيا.
وخلاص نسى وبطل يكلمنى في الموضوع ده بس معاملته بدأت تتغير بيتخنق منى بسرعة مش عايز يشوفنى كتير زى اول ولا يكلمنى كتير زى اول انا كنت بكلمه، وكنت بحس انى لو مكلمتوش مكنش هيتصل ولا يكلمنى.
بقيت اطل والح وازن انى اقابله ونخرج زى اول واقوله وحشتنى وعايزة اشوفك ولا كان يرضى وكان دايما يتحججلى بحجج مش فاضى مافيش وقت الكلام ده.
ولما كنت بكلمة واقولة معاملتك معايا اتغيرت ومابقتش تحبنى زى اول يقولى لا انا بحبك اكتر من اول بس ظروف حياة واحد كل يوم بيكبر ويتعلم، اول كنت بفكر بقلبى بس دلوقتى بفكر بعقلى ومش مندفع ورا مشاعرى انا بحاول اعمل وارتب لحياتنا قدام ومش عايز نخرج كتير علشان اهلك ميعرفوش وموضوع يبوظ كلام كده يعنى.
بعدها بفترة فى شهر 3 اللى فات بدأت كام مشكلة كده بخصوص بنات بتحبه وبيحاولوا يكلموه فمرة كنت انا وهو مع بعض التليفون رن وقالى اية ده عايزه اية دى دلوقتى، انا اتصدمت وبلمت ومين دى واحنا مفروض ثقتنا عمياء فى بعض وعمرنا ما خبينا على بعض حاجة راح مارضيش يرد واتصلت تانى مرضيش يرد فضلت ازن علية علشان يرد عليها ويكلمها قدامى مكنش راضى واتصل بصاحبه انتيم وقالو شوف فلانة عايزة ايه، بعدها رنت عليه ومرضيش يرد كنت هسيبه وهمشى وبعيط، قعد قالى دمعك دى عندى بالدنيا كلها وانا فرحان انى شايف نظرة غيرة في عنيكى وقالى اصلى انا عارفك هتزعلى لو كلمتها قولتله ليه فى ايه بينك وبينها علشان ازعل قالى هيا واخدة عليا وبتكلمنى وبتندهنى باسمى عادى مافيش القاب وهتزعلى، قولتله لا مش هزعل دى حاجة مالهاش لازمة قالى ايه يرضيكى دلوقتى قولتله تكلمها وترد عليها عادى وتورينى هتكلمها ازاى وتفتح السبيكر، قالى بصى هكلمها علشان متزعليش بس قعد على كرسى تانى بعيد عنى بشوية ومش هيفتح سبيكر وقفت وكلمها عادى كنت سامعة صوته وخلاص واتصالحنا ويوم عدى عادي.
بعدها عرفت انة مكلمهاش وعمل نفسه بيكلمها علشان مزعلش وقتها، وقعد بعد كده يلمحلى على بنات كتير معجبين بيه وبيحاولوا يكلموه ومكنش عمره بيجبلى اى سيرة عن بنت اتصلت وانا معاه ابدا.
بعدها قعد حكالى عن وحدة تانى بتلكمه وتتصل تسأل عليه من فترة وفترة بس هو عمره ما هيفكر فيها اصلا وهيا صايعة وكلام داة قولتله ماشى حاول تقطع معاها قالى ماشى هقطع بطريقتى مش على طول كدة قولتله ماشى.
وفى مرة كنا بنتكلم في التليفون بالليل ومرة وحدة قالى هروح الحمام وهرجع قولتله ماشى، اتأخر فالحمام جدا وكنت برن علية غير متاح رحت بعتلة مسج وصلنى تقرير استلام فساعتها فعرفت انى بيتكلم مع حد ومحول موبيل علشان لما ارن علية مدخلش ويتنج رحت فتحت اكونت فيس بتاعة لاقيت فى شات مابينهم وهزار وكلام ووخدين جامد على بعض بعده بشوية فتح موبايله وكلمنى اتخانقت فيه وفضلنا نزعق فى بعض جامد واقوله انتا مكنتش مفهمنى انكم بتتكلموا باسلوب ده مع بعض وكمان ضايفها على فيس وبتكلمها وهزار قالى انا مش ضايفها وبالعند فيكى انا هبعلتها طلب اضافة قولتله اوكى يا انا يا هيا، قالى انا مايتلويش دراعى وهبعتلها طلب اضافة قولتله اخر كلام عندك قالى اه رحت قفلت.
تانى يوم رن عليا فالعصر كدة منمتش عارفة ارد عليه رديت وقولتله مش عارفة اتكلم دلوقتى لما اعرف اتكلم هرن عليك فالعشا كدة رنيت عليه مردش قمت فتحت فيس بتاعه من غير ما يعرف لاقيته بيتكلم هو وهيا وشغال هزار معاها ومافيش اى مراعاة لاحساسى ولا اننا متخانقين بسببها وبتبعتله اغانى عبد الحليم وقمت استفزاز انا دمى غلى قمت بعتلها رسالة من اكونت باسم ولد شاتماها ومبهدلها وقولتلها تبعد عنه اصلا بعدها هو اتصل بيا وقعد يصالحنى ويقولى مش هنبطل نزعل من بعض ومش هضيفها علشان خاطرك وكلام دة و وهو بيكلمنى هيا دخلت عليه ويتنج قالى طيب ثانية هشوفها عايزة ايه قولتله اا عارفة هيا عايزة ايه وقولتلة انى بعتلها على فيس من اكونت باسم ولد وشتمتها راح اتعصب عليا جامد وقالى طيب اقفلى لما اشوف انتى عملتى ايه؟؟ اتصل بيها وكلمها وانكر انى اللى بعتلها ده يكون من طرفه اصلا وممكن يكون حد بيعمل فيها مقلب؟؟
بعدها اتصل بيا وقالى انا هكلمها دلوقتى تانى واحاول اصلح شكلى اللى انتى بوظتية ؟؟ قولتلة وهيا فارقة فى اية قالى طبعا فارق شكلى قدام ناس وقدام اى حد فالدنيا؟؟ راح قفل وفضل يتكلم معاها ساعة كاملة فالتلفون وانا بنهار وعماله اعيط وحاسة انى موت كان ارحملى وقتها ؟؟
بعدها اتصل بيا قلتله كنت بتقولها ايه قالى كنت بحاول اصالح شكلى وانا اغلب الوقت مكنتش بتكلم ومكنتش عارف اقولها ايه؟؟ وقعد يقولى دى اخر وحدة ممكن افكر فيها وقعد يصالحنى ويشرحلى وطلب يقابلنى تانى يوم وفضل يصالحنى ويترجانى ويقولى ماليش غيرك قولتله اللى يرضينى انك تكلمها وتقولها متتصلش بيك تانى قالى لا مينفعش وخصوصا بعد اللى عملتية قالى يا ستى اوعدك هقطع معاها خالص فى اقرب فرصة بس بطريقتى واتصالحنا وعدى كام يوم وخلاص.
وفى يوم تانى بعدها اتقابلنا وهيا اتصلت بيه واحنا قاعدين رد عليها عادى وقالتلة هكلمك تانى بعد شوية قالها ماشى بعدها انا وهو قمنا روحنا واحنا فالتاكسى مسكت موبيل بتاعه وقلبت فالمسجات لاقيت مسجات مبعوتة من رقم متسيف باسم صاحب اتنيم مسجات دى بنص كنت عايزة اول وحدة تقول كل سنة وانتا طيب .. خلاص ماشى مش عايز ترد براحتك بس متزعلش منى وربنا يوقفك … خلاصة مسجات حب و رسائل عتاب من وحدة بس متسيف باسم ولد صاحبه انتيم قولتله اية دة قالى دى فلانة ” البنت اللى اتصلت قبل كده واحنا مع بعض ومرضيش يرد عليها قدامى” قالى هفهمك هيا بتحبنى وقالتلى بحبك بس انا مش بحبها وهيا بس صعبانة عليا وكده، بعدها وصلنا ونزلنا من التاكسى وانا طلعت بيتى على طول اتصل بيا وقعد يشرحلى ويقولى هيا بتتصل بيا وبتحبنى ومعجبة بيا من اول يوم شافتنى فيه وحوارات وقالى انة مالوش ذنب خالص وفضل كذا يوم يصالحنى ويحلف انى مافيش اى حاجة من ناحيته هيا اللى مفكرة انه بيحبها بس هو خجول ومكسوف يقولها وهيا بتحبه.
وبعدها من غير مهو يحس اخدت رقمها من عندة وسيفته عندى وبقيت كل ما الاقية ويتنج ارن عليها رنة صغيرة علشان اعرف بيكلمها ولا لا، وفى مرة رنيت كان هو وهيا ويتنج في نفس الوقت وخلصوا في نفس الوقت رحت كلمته وقولته انتا كنت بتكلم فلانة قالى لا كنت بكلم ماما وفلانة فعلا اتصلت من شوية بس دلوقتى قولتلو كانت عايزة ايه قالى بتسألنى فى حاجة بينه وبين البنت التانية ” اللى انا بعتلها شتمتها على الفيس” فقولتله وهيا بتسألك كدة بأمرة اية قالى بامرت انها مفكرة انى بحبها .. قولتلة مافيش بنت بتعمل كدة ولا تقول لولد بحبك ابدا من غير ما يكون قالها هو اول، قعد يزعق انتى مش واثقة فيا وانا مش هخاف منك ولو فى حاجة هقولك عليها، عدينا موضوع وكل ما كانت تجى سيرة البنت دى يحلف انة مالوش ذنب ووحدة بتحبة هو مالة وهو مابيحبش غيرى وبعدها وبنت اللى شتمتها هو فعلا بدا يقطع معاها شوية بشوية زى ماوعدنى.
وبدانا ننسى مشاكل وخلاص وعلاقتنا فضلت هادية شوية صغيرين بعدها بقى بحاجة بسيطة ومن حوالى شهر كدة بقلب على فيس بتاعة وجروبات لاقيت جروب مابينة هو وصاحبة البنت اللى بتحبة بيتكلم معاه فيها علشان هو عارف انى بشوف مسجات فهمت من جروب دة بقى انى هيا فعلا كانت بتحبة اول بس هو اللى قالها بحبك اول وكان بيكلمها وكان بيجبلها هدايا ساعات عيد ميلادها وساعات فلاتنين وكان بيكلم صاحبتها دى علشان يعملها مفاجاة وكان بيقبلها وهيا مع صحبتها دى.
ومن كلامة مع صحبتها دى بيقولها انة بيحبها ومش عارف يقولها ازاى وانة بيتعذب كل يوم بسبب موضوع دة … شوفت تاريخ كلام دة لاقيت موضوع دة بدا تقريبا فى نفس فترة اللى كان بيقولى فيها نبعد عن بعض واهلك مش هيوافقو … انهرت جامد اول ما شوفت كلام دة وكلمتة ووجهتة قالى انا عارف دى غلطة انا غلطتها فى حياتى وندمان عليها جدا وكانت ساعة شيطان لعب فدماغة وصاحبة انتيم هو اللى شجعة وقالى وحدة بتحبك واية مشكلة يعنى وكان محتاج مصلحة من خال بنت دى قالى عليها مصلحة دى مكنتش هتنفع غير لما يمثل عليها انه بيحبها .. قولتة انتا مش عارف انة كما تدين تدان مفكرتش لما نتجوز ونخلف بنت ممكن يحصل كدة فى بنتنا قعد قالى والله انا ندمان وكنت عايز اقولك وكل يوم مبنمش بسبب موضوع دة وكنت مستنى انهى موضوع خالص وبعد كدة اقولك علية علشان متزعليش وفضل يبررلى كتير وقالى اللى انتى عايزاة اعملهولك .. رحت طلبت منة طلب وقتها انة يكلم بنت دى قدامى ويفتح سبيكر ويقولها متتصليش هنا تانى وهو اصلا مرتيط بوحدة وانة عمرة ما حبها وانها زى اختة مش اكتر ويقولها متتصلش بيه تانى ولا يبقى فى اى علاقة بينهم تانى … عمل كل اللى قولتلة عليه فعلا قدامى وقعد يقولى سامحينى انا عمرى ما حبيت غيرك وبحبك اوى اللى عملة وقتها خلانى اسامحة.
بعدها بقى ولحد دلوقتى معاملتة ليا رجعت زى زمان خالص زى اول علاقتنا وبيعاملنى حلو جدا ووعدنى انى لو اتصل بيه تانى او هو كلمها تانى هيقولى ومش هيخبى عليا اى حاجة تانى ابدا ؟؟ وكل شوية اسألة واقوله كلمتك او كلمتها تانى يحلفى ويقسملى بالله انة لو حصل اى حاجة هيقولى على طول ومش هيخبى عليا؟؟مشكلة انى مش قادرة اصدقه تانى مش قادرة اثق فية زى اول ؟؟ حاسة انة لسا بيكلمها ومش عايز يقولى؟؟ ومش مصدقة انه الموضوع ده انتهى على كده وكل ماتجى سيرة البنت دى او اتكلم عليها وحش يدافع عنها ؟؟
ومن اسبوع كده كنا بنتكلم بالليل ورقم دخل علية ويتنج قالى اقفلى بسرعة بسرعة؟؟ قفلت على طول وشكيت ورنيت على بنت دى من عندى ولاقتها هيا كمان مشغول في نفس الوقت واول ما هو خلص ويتنج هيا مابقيتش مشغول؟؟ هو مطولش دقيقة او دقيتين؟؟ بعدها قولتله انتا كنت بتكلمها قالى لا ده واحد صاحبى عايز منى حاجة مكنتش مصدقاه فضل يحلف رحت قولتله انى رنيت عليها وهيا كانت مشغولة فى نفس وقت قالى ازاى تعملى كدة قولتله هيا اصلا متعرفش رقمى عادى زى اى رقم غريب بيرن على اى حد قالى وافرض اتصلت بيكى قولتله مش هرد عليها.
وقعد يحلفى انة مكنش بيكلمها وقالى هوريكى اول مشوفك سجل المكالمات وانه واحد صاحبى، بعدها بيومين اتقابلنا وورانى سجل مكالمات واحد صاحبه فعلا بس انا برضو مش مصدقة ومش قادرة اصدق وكل شوية اساله عنها ونتخانق ويقولى انسى بقى غلطة فى حياتى ومش هكررها ولو عملت اى حاجة تانى هقولك قبل ما اعملها وطلعيهم من حياتنا ومتفكرنيش بيهم؟؟
انا مش قادرة اصدق انه مش بيكلمها لدرجة حاسة انة معاملته حلوة ليا رجعت علشان ما اشكش فية تانى؟؟ وبقيت بفسر كل حاجة بيعملها على اساس ده؟؟ انا محتارة جدا مش عارفة اعمل ايه بجد؟؟ انا بحبه جدا بس نفسى ارجع اطمنله واثق فيه زى اول؟؟
