الحب الاول

الحب الاول اختفى فجأة من حياتي

انا بحب واحد اكبر مني بسنه و هو بيحبني جدا و كلم اهلي و كل ولدي علشان ييجي يخطبني من اهلي في الصيف و كان ديما يكلم ماما في التليفون
و يقولها انا بحبها و شريها و علطول يقولي انا كدا انا بحبك و ارجوكي ما تسبنيش مهما يحصل و لا تبعدي عني الله يخليك و كان بيخاف عليا جدا و ميحولش يبص لوحده سواؤ انا معا و لا لا و مش بيحب الخيانه و لا الكذب و لما بتحصل حاجه معا بيحكيلي و ياخد راي في كل حاجه حتى في شغل
و في يوم قبل الامتحانات بتعتي علشان انا في جامعه كلمني قلي انا حقبلك بكره بعد امتحانك و حكلمك علطول بعد الامتحان افتحي تليفونك بعد الامتحان علطول ما تنسيش علشان اطمن عليك و خدي بالك من نفسك ، و تاني يوم بعد امتحاني متصلش خالص اتصل انا بيه لقيت تليفونوا مقفول
قلت بليل حيفتحوا ما فتحش بقالي اسبوع معرفش عنوا حاجه خالص لما حتجن اقول ممكن يكون بيلعب بيا او كان بيتسلى او حس نفسوا اتسرع ؟ بس ازاي و هو بيحبني و لي انا بحسوا من نحيتوا ده ايه ؟ كان لما يشفني يبوس ايدي و يقولي علشان تعرفي اني انا ملكك و بعشقك .
و لو مش عوزني طيب يقولي ما انا قلتلوا لو في يوم حسيت انك مش عوزني قولي قالي لا انا مستحيل ابعد عنك و يدايق لما اقولوا كدا
و معرفش خيفه يكون جرالوا حاجه و لا في حاجه و انا مش عرفه اوصلوا و لا عرفه رقم تليفون بيتهم و حتى اصحابوا كانوا بيقعدوا على النت كتير
قلت اسألهم عليه من يوم الاربع مشفتهمش و لا حتى حد فيهم فتح النت . و انا حتجنن عليه و حسى بديقه فظيعه و كل حاجه بتفكرني به حتى بالمشروب الي بيحب يشربوا ايدي لما ببصلها و داني لما بحس بيقولي بحبك و بعشك
انا عوزه اعرف هو كدا استندل معايا و لا بيحبني و عندوا ظروف ؟ و لو استندل معايا كل اهلي ليه ؟ و كان بييجي علشان يقبلني نص ساعه بس
و يمشي

مشاكل وحلول ذات صلة

اضيف بتاريخ: Thursday, June 16th, 2011 في 00:28

كلمات مشاكل وحلول: , ,

17 رد to “الحب الاول اختفى فجأة من حياتي”

  1. عبلة
    08/01/2012 at 00:17

    يمكن عنده ظروف اصبري متتسرعيش بعد تندمي وكان هو كان يدحك اعليك الايام راح تثبتلك انو كان بيلعب اصبري

  2. ساره
    25/11/2011 at 20:33

    لالالالالالالالالالالالالا اصبري شويه واوعي تسيبه استني لما تعرفي ماله ايه اللي خلاه يختفي فجاه كده
    لو انتي فعلا بتحبيه اوعي تعملي معاه كده وتسيبه اوعي ده مش سبب عشان تسيبه ابدا
    استني كده وادعي ربنا ديما ممكن يكون مريض او عمل حادثه ولا حاجه استني كمان اصبري
    اصبري
    لما تعرفي اجابه صريحه منه

  3. basem
    11/07/2011 at 02:46

    هو بصراحه كده عشان انا شاب لو عملت كده معاكي او مع واحده بحبها انا بكلمك بمشاعر الشباب ان دي للاسف خيانه اكيد خيانه بجد اسف

  4. hano
    05/07/2011 at 14:56

    اختي اذهبي الى بيته او الى عمله لا اشىء اخوفك ممكن مريض او بعيد الشر ذخل السجن حاولي ولا تيئسي
    وربما يطمنك عليه يارب

  5. nano
    05/07/2011 at 04:15

    بصى انت لازم تخدى كرار وتفكرى تانى وعمتنا لو بيحبك زى ما بيقول هيرجعلك ومش توقفى حياتك على حد لان الحياة مش بتقف على حد وانتى مش بايدك حاجة بس انت زى ما بتقولى انك متعرفيش تليفون بيتو وتعرفى صحابو من النت معنا كدا انك اصلا فى معلومات نقصة عندك عنو وحولى ترجعى نفسك ولو فلا بيسالة بكرة تلقى الى يحبك بجد وتحبية

  6. نرمين
    03/07/2011 at 14:12

    غريبة جداً

    شخص تقدم رسمى و كلم و الدك ووالدتك وما تعرفوش عنه حاجة سوى رقم تليفون موبايله؟؟؟؟
    يعنى و لا مكان عمل ؟ ولا تليفون منزل ؟ ولا عنوان منزل؟ولا والده ومكان عمله
    يعنى بالمختصر ولا أصله ولا فصله ؟؟؟

    طيب أيه ؟؟؟؟؟؟؟؟ يعنى لو أتجوزتية وسافر هتبقى متعلقة كدة؟؟؟ ولو قفل موبايله و بات برة يومين ولا ثلاثة مش هتعرفى عنه حاجة ؟؟؟ دة كلاممممممم

  7. المجروحة
    28/06/2011 at 06:40

    من كلامك عنه دا واحد عنده ضمير وماظنش انه هايجى فى وقت امتحاناتك ويدمرك كدا
    احتمال كبير جدا يكون فى ظروف منعته يكلمك ويطمنك عليه اصبرى واعتبريه مسافر وخلى كل حاجه زى ما هى والوقت اكبر دليل هايكشف اذا كان صادق ولا لا .لان الظروف اللى منعته يكلمك مش هتفضل عنده كتير ولو طلع كداب ومكلمكيش تانى انتى مع الوقت اللى عدى هاتكونى اتعوتى على بعده عنك وواحده واحده هاتحسى قد ايه هو انسان ميستاهلش تزعلى عليه لانه عمل كدا معاكى بعد كل ده وكمان كان فى اكتر فتره كنتى محتاجاه جنبك . هو لاخاف عليك ولا على جرحه ليكى ولا لا على مستقبلك

  8. rasha
    27/06/2011 at 02:02

    غياب متعمد

    انتي بتقولي بقاله اسبوع ما اتصلش فيك وانا بقولك يمكن عمرك ما هتسمعيه تاني انتي مش لازم تعملي في حالك كده واعتبري دي تجربة تتعلمي منها وفيها ايه لو تعرفي كثير قبل ما تتجوزي عشان تبقالك خبرة في الراجل وطبعه ولما تتجوزي تعرفي تتعاملي معاه وتبقي خبزاه زي ما يقولو والحياة تجارب نتعلم منها واعي تحبي حد اكثر من نفسك ودي مش انانية زي ما هو معتقد بالعكس انتي لوكنت مرتاحة تريحي الناس الي حواليكي اعتبريها ايام جميلة في غيرك ما جربهاش اصلا وزادتك خبرة في الحياة والغايب عذره معاه وانا في رايي لما يغيب اسبوع والحركة بتاعت افتحي موبيلك دي مقدمة للي كان عاوز يعملو يعني خطط للغياب !!!

  9. نونااه
    18/06/2011 at 05:05

    حاولي تصبري عليه يمكن عنده حاجه ومش عارف يكلمك معلش اصبري؟.ربنا يطمنك عليه

  10. زملكاوى
    17/06/2011 at 04:07

    احتمال:
    بيتقل عليكى .. الدليل:
    – قالك افتحى الموبايل بعد الامتحان على طول واكد على كدا
    لكنه مجاش ولا قابلك وكمان صحابه ليه هما كمان مش موجودين ؟؟
    جايز بجد يكون بيتقل عليكى علشان يعرف انك بتحبيه بجد ولا لأ
    وكمان عشان يعرفك قيمته بالنسبالك
    الحل :
    ابعتى ” رسائل ” على موبايله اطمنى عليه فيها بس من غير ما تكونى ملهوفه عليه
    علشان البنت اللى بتعمل كدا بتنزل من نظرنا ” كشباب يعنى ”
    لازم تبقى تقيله بس مش لدرجة البرود
    لأ ادى كل حاجه حقها وبس لا اكتر ولا اقل
    هتمسكى موبايلك وتبعتيله تقوليله
    ازيك وعامل ايه .. انا قلقانه عليك انت مختفى فين .. ياريت تبقى تطمنى عليك
    وتبعتيلة مره تانيه تقوليله ان شاء الله تكون كويس ومفيش اى حاجه حصلتلك
    بس كدا
    يعنى من رسالة ل 3 رسائل بس كل يوم او يومين على حسب
    واستنى و داعى ربنا يريح بالك
    وصلى صلاة استخاره وشيلى من دماغك انه بيلعب بيكى بس مش لدرجة اليقين
    يعنى مش تقولى استحاله يكون بيلعب بيا
    لأ هو ممكن يكون بيلعب بيكى بس دا احتمال مش عايزين نفكر فيه دلوقت علشان منظلموش
    جايز عنده ظروف بس الاحتمال الكبير دا تقل منه
    ويارب يرجعلك تانى ويكون حد كويس وتتجوزوا كدا وتعيشوا فى امان
    وربنا يحفظكم يارب ويجمع بينكم فى خير
    ولو رجع مش تخليه يبوس ايدك علشان كدا غلط لأن فيما بعد هيحس هو انه قليل القيمه
    متخلهوش يحس بكدا
    منخلهوش يعمل كدا علشان مش يحس الاحساس دا فيما بعد وكمان انتى مش ينزل من نظرك
    ربنا يجرعه بالسلامه
    ولو عندك امتحانات ركزى فيها واللى كاتبه ربنا هيكون
    وبجد سيبى اى حاجه على ربنا وان شاء الله هتتحل

  11. Nana
    16/06/2011 at 23:58

    انا رأيي انك تلتمسيله العذر اكيد عنده ظروف
    حصلت حاجة عطلته اصبري
    و حاولي تسألي حد من اصحابه او اخواته
    و ربنا يطمنك عليه ان شاء الله

  12. علمنى هواك
    16/06/2011 at 16:58

    اختى العزيزه اول حاجه ان مش هقلك غلط ولا صح اللى بيجرى معاكى لان كل الناس بتمر بيه وبدايه اى قصه حب او مشروع خطوبه اوغيره بيتم كده اول حاجه اتصلى بيه اعرفى اخباره ايه انتى بتقولى بقاله اسبوع قافل الجهاز بتاعه كلميه يمكن حصله مكروه او شئ لا قدر الله ودا من باب السؤال اولا وعلشان تطمنى نفسك ثانيا وبعدين لما تتكلمى معاه حاولى تشوفى نهايته ايه معاكى يعنى هيخطبك رسمى ولا عايز يتسلى شويه بيكى كلمه بحبك وبعشقك والكلام ده حاجات نظرى لابد من تطبيقها فى اطار فعلى يعنى خطوبه قدام اهلك وقدام الناس لان الكلام ياختى كتير بس الفعل قليل وربنا يتمملك على خير

  13. اميرة
    16/06/2011 at 12:27

    زى ماقالك الكابتن فكرى دلوقتى ف دراستك وامتحاناتك وتشغيلش دماغك
    ممكن يكون عندو مشاغل ولا حصلو ظروف
    انتى اوعى تسالى عليه والكلام ده علشان متصغريش نفسك
    وهو لو بيحبك بجد وزى ما بيقول انك ملكتو هيتصل بيكى وهيطمنك عليه

  14. نور عيني
    16/06/2011 at 12:04

    حبيبتي انا بن زيك وقدره اللي انتي فيه لاني عشت اللي اصعب منه بجد احمدى ربنا انك ماعتيش معاه سنين وسابك وخطب انتي اهون من ناس كتير ومستعجليش يمكن يكلمك تاني عارفه انتي فكرتيني بايه موضوعك دا حصل مع صحبتي وجه وكلم مامتها واخد العنوان وافل تليفونه واتصل وهيا اعدت تحاول بعدها بشهور كانت هتجنن لغيت مافتحو وقالها انو كان خاطب لغيت دلوقتي بتعيط من الصدمه عرفتي فانتي توقعي الوحش قبل الحلوت

  15. magdy
    16/06/2011 at 11:08

    انتى ما قلتيش هو ساكن فين ومين اهله وتعرفى ايه عنه مش يمكن حصلت ظروف والمفروض تسألو عنه
    او انكم ما تعرفوش شئ عن اهله ودى طبعا مش ظريفه يبقى ما تتعبيش نفسك وتدورى عليه
    وبعد كده لما حد يحاول يتقدم اسألو عن اهله
    ربنا يوفقك

  16. huluk
    16/06/2011 at 06:15

    الحب دائماَ يأتي معه الصبر وإن لم يصبر المحبون على أحبتهم لما كان هناك قيساً ولا ليلى …..أختي الكريمه لا أحد يعرف هذا الشخص أكثر منكي ….. فتذكري نظراته إليكي كلماته وفكري بعمق هل يحبكي فعلاَ …. إن كانت الإجابه نعم….فتأكدي بأن محبوبكي قد شغلته الدنيا عنكي….وكما يقال حبسه حابس الفيل….نصيحه مني بصدق الحب لايأتي كل يوم …..فلا تضيعي من تحبي في أول إختبار في هذه الدنيا….أصبري وحاولي أن تتواصلي معه …. أبحثي عن عنوانه حاولي مكالمة أهله….تحياتي…

  17. كابتن احمد
    16/06/2011 at 03:22

    بسم الله الرحمن الرحيم

    نصيحتي ليكي

    انك تفكري في حياتك ومستقبلك ومتفكريش فيه كتير . هو كان المفروض يتصل بيكي ويطمنك عليه على الاقل . لكن مادام اختفى كدة واصلا مداكيش اي معلومات عنه تنفعك في موقف زي ده يبقى مش بيحبك وكان عايش وهم وخيال في تفكيره ولما اصتطدم بالواقع خاف وتراجع
    واحد زي ده مش موثوق فيه انصحك بمراجعة حساباتك الزواج مش عاطفة وبس

اترك رداً أو حلاً لهذه المشكلة