السلام عليكم ورحمه الله وبركاته: اولا انا بنوته ولسه طالبه وعندى ايميل ع الفيس بوك وعرفت عن طريقه شخص استنييته حوالى 6 شهور ولا انا اعرفه ولا هو يعرفنى طول المده دى لكن كان عندى امل ف ربنا ان ييجى عليا يوم واعرفه ونتكلم والحمدلله جى اليوم ده فعلا واتكلمنا مع بعض ولما اتعرف عليا اكتر حب شخصيتى اوى خاصه لما عرف انى مش زى بنات اليومين دول خروجات وسهر وفسح ومشى مع ده ومع ده والاكتر لما عرف انى حافظه القرءان كله وبصراحه انا كمان حبيته جدا واخد رقمى واتكلمنا وربنا يشهد والله هو اول واحد انا اكلمه ف التليفون مكلمتش حد غيره واختى الكبيره عارفه بكلامنا مع بعض وهو كان بيلمح على انه ييجى يتقدم بس ف الاول كان بيكلمنى كتير اما دلوقتى خف شوية يعنى ممكن ف الاسبوع مرتين تلاته بس بصبر نفسى بحجه شغله وانه ظابط واحوال البلد مقلوبه وكدا.وحصلت بينا مشكله وبعتله مسج وقولتله انى مش هكلمه تانى وبقالنا شهرين دلوقت ولا اتكلمنا ولا يعرف عنى حاجه ولا اعرف عنه حاجه ودلوقتى انا ندمت على اللى عملته لانى حسيت ان الموضوع مكنش يستاهل.. بس هو دايما كان يقولى انتى انسانه غاليه كفايه انك حافظه كلام ربنا وانا عمرى مااعاملك زى اى واحده تانيه مش كويسه ولو ربنا مكتبلناش نصيب مع بعض نفسى يرزقنى بواحده ربعك حتى 🙁 وانا دلوقت مش عارفه اعمل ايه الموضوع ده صح ولا غلط انا ماشيه ف طريق اخرته ايه ؟؟؟!!!
مع العلم ان اى شاب تانى بكلمه بديله ريق مش كويس ومبديش رقمى لحد ومش شايفه حد غيره اصلا ورفضت ناس كتير عشانه :/
الحب الاول
بحب ومش عارفه انا صح ولا غلط
اضيف بتاريخ: Tuesday, December 19th, 2017 في 17:29
كلمات مشاكل وحلول: الحب, بنات, بنت, حب, شاب
الاخت الكريمة مش عاوزك تبنى احلامك على لاشي لازم تعرفي هل الشاب جاد في الارتباط بك اما قاعد يتسلى ويلعب وهل عندو الاستعداد يتقدم لااهلك ويخطبك اما انك تتكلمي معه فهذا هو الغلط واللي ماحدش يرضاه ابدا هو الان ماعاد كلمك وماحدش عارف ظروفه شكلها ايه خليك واثقة من ربنا عزوجل وفوضي امرك لله فان كان لك نصيب مع هذا الشخص فسوف يجعله الله من نصيبك وان ماكانش فكل شي قسمة ونصيب ولاتزعلي ابدا لسعاك صغيرة وشابة زي القمر والف من يتمناك ربنا سوف يكرمك باحسن منو ان شاء الله طالما انك تريدي الستر والحلال وتخافي الله عزوجل وربنا يؤفقك ويسترعليك ويكرمك