اول شي انا عمري هلأا19 سنة وبحب واحد من خمس سنين وكان هو اول حب لالي اول سنتين كانت العلاقة بيناتنا عادية ومافي هالحب الكبير وبعد سنتين من علاقتنا هو اتزوج ومن بعد ماعرفت انو اتزوج وكنت احكي معو شوي شوي صرت اتعلق فيه كتير كتير وهو كمان صار يحبني كتير واتعلق فيني ومن وقتها لهلأ يعني من تلت سنوات ونحن منحكي مع بعض كل يوم كل يوم متواصل وفي بناتنا علاقة حب قوية كتير كتير وصار مشاكل ومرتو صارت تتصل وتعملي مشاكل مع اهلي وهو يصيرله مشكلة
اخر شي انا حكيت معو وقلتلو انو انا تعبت وماعاد فيني كمل وخلص رح اتركك لبيتك وهو يقلي لا انا بحبك وبدي ياكي وبوعدك رح اتزوجك وبيقلي انو هو لما اتزوج كان طايش وصغير وماعرف شو بيعمل وهو رح يتركها.
انا زعلت لاني بخرب بيت انسانة وقلتلو وهو كان جوابو انو انا ما رح اترك مرتي بس مشان قلبي انا رح اتركها لاني مابحبها ومابدي كمل معها وبيقلي اصلا عايش معها ومابحب شوفها
وبالفعل هو بيطلع من البيت 9الصبح ع شغلو مابيرجع لل2او3وجه الصبح وبيكون عم يحكي معي عالتليفون وبيدللني وبيموت علي وبيغار علي وانا بحبو كتير وبعشقو وبموت عليه هو انسان طيب وحنون وانا ما رح الاقي متلو ابدا؟
انا محتارة ومو عارفة اذا غلط هالشي بس احيانا بقول انو هالشي مو ذنبي ولا ذنب مرتو بس اذا هو مابيحب مرتو وبيحبني وانا بحبو مافي غلط بهالشي؟
شو رأيكن؟؟
الحب الاول
بعد زواجه تعلقت بيه اكتر
اضيف بتاريخ: Monday, January 22nd, 2018 في 05:39
كلمات مشاكل وحلول: الزواج, بنت, زواج, شاب
غلط وستين غلط،،انت بتلعب بالنار،،وانت له مجرد نزوة،،لو كان يريدك كان اتزوجك قبل ماياخذ مرته،،فوق لنفسك واقطع علاقتك به فورا،،لأنك طول ماانت متواصلة معه مش حتشوف غيره وحتقطع نصيبك بيدك،،اعط لنفسك فرصة تفتح صفخة جديدة،،الحب الحقيقي بعدالزواح،،فوق قبل فوات العمر
حرام عليك تعمل هيك في روحك وعايزه تخرب بيت غيرك الشاب تزوج وانتهى الموضوع خلاص اتركيه ولاعاد تردي عليه نهايا واياك ان تستمري معو في العلاقة لو مهما يصير شو ماعندك كرامة ولاخايفة على سمعتك وسمعة اهلك وكرامتهم وكلام الناس عنك بيقولوا دي خطافة رجاله وخربت بيت مراتو وصدقني هذا الوغد الخاين السافل مافيه خير لك وغير محترم ولاعندو ذرة من الرجولة ابدا مثلما يخون مراته معك بيفعل هذا معاك ولاامان له ماعدموا الشباب من الدنيا هتلاقي نصيبك مع ابن الحلال اللي يستاهلك ويقدرمشاعرك ويسعدك طوال عمرك