الحب الاول

سبت حبيبي علشان مستقبلي

انا طالبة في الصف الثالث الثانوية العامة اتعرفت علي شاب اكبر مني ب سنتين علي الفيس حبينا بعض واستمرينا مع بعض ل3 سنين كان تواصلنا مكالمات بس ع قد ما انا بحبه ع قد ما واثقه انه حبني ولكن محاولش ياخد خطوة يعرفني ع اهله ولا اي حاجة فانا بعدت عنه لأني حسيت بالقلق من ناحية اهلي وكنت خايفة اخسر ثقتهم فيا وكمان حسيت اني لأول مرة افكر صح واني لازم اعمل حساب لربنا واخيرا علشان انا تالتة علمي رياضة نفسي ادخل هندسة وخفت حلمي يضيع ومفيش اي خطوة عملها علشان تشجعني افضل معاه هل انا كده غلطت ممكن حد يفهمني موقفي  
ارجوووو الافادة انا تعبانة اووي ومش قادرة انساه وحياتي كلها اتلغبطت من يوم ما بعدت نفسي انساه علشان اركز في مستقبلي ارجو حد يرد عليا ؟؟

مشاكل وحلول ذات صلة

اضيف بتاريخ: Monday, August 10th, 2015 في 04:36

كلمات مشاكل وحلول: , , , ,

2 رد to “سبت حبيبي علشان مستقبلي”

  1. دموع
    19/09/2015 at 19:41

    انا شايفه انك كده صح الصح ادعي عشان مش تفكزي فيه تاني وزاكزي والله يوفقك ويبعتلك الافضل منه

  2. LuKa
    20/08/2015 at 01:07

    بصي اللى انتي عملتيه دا غلط خالص لأنك هتتشتي جدا ومش هتعرفني تذاكر وكل لما تذاكرى هتفكرى فيه وتضايقي جدا ومش هتبطلي تفكير انتي ممكن تقسمي وقتك في المذاكرة ووقتك معاه و تكلميه عادي وكمان هيشجعك ع المذاكرة … انا دخلت هندسة عادي و كنت بحب عادي وقت الدراسة وكنت بكلها وكنا بنشجع بعض ع المذاكرة والحمدلله دخلت الكلية اللى عاوزها وهي كمان دخلت اعلام.
    دا مش مبرر انك تسيبه لان الثانوية دي زي اي سنة ف حياتك مش نهاية الدنيا يعني وحتي لو مجبتيش مجموع دخلك هندسة مثلا هتبقي كسبتيه هو و حتي وانتي بعيده عنه ومدخلتيش الكلية اللى نفسك فيها تكوني خسرتيه وخسرتي حلمك ولو بقيتي معاه ودخلتي الكلية اللى انتي عاوزاها هتكوني كسبتي الاتنين 😉 بس اهم حااااجة نظمني وقتك ..

اترك رداً أو حلاً لهذه المشكلة