بسم الله الرحمن الرحيم
انا شاب عندى 24 سنة ليا بنت عمتى اصغر منى بحوالى 10 سنوات , احنا محافظين شويه , مفيش حاجه اسمها كلام ولا سلام بس ممكن ازورهم فى العيد بحكم القرابة
لكن اختى متجوزة ابن عمتى الى هوا اخوها فا ساعات ممكن اروح عندهم
المهم انا مش عارف مشاعرى ناحيتها بالظبط و ده لانى مش متعود عليها وهى خجوله اساسا و بتتكسف منى بس عادى لو انا موجود ممكن تيجى تعد معانا ممكن تتكلم معايا عادى بس بحس انه بتتكلم معايا باختلاف شوية عن باقى الشباب الى فى العيلة زى ولو شفتها بالصدفه بتحس انها مبتسمة كدة وممكن تقولى ازيك بس انا ببقى فى نص هدومى وكسوف واحمر واخضر وكده
لكن الغريب انها من فتره ولا بشوفها حتى بمجرد الصدفه طبعا هى مش ساكنه بعيد عنى و عارف ظروفهم كويس
يعنى مفيش سبب يكون غايب عنى…الاكتر من كده ان انا كمان مليش فى موضوع البنات ولا الكلام معاهم و مش اجتماعى
اوقات بحس انى بفكر فيها عشان معرفتش غيرها وانها مجرد خجل وليس حبا.
.و انا مش فاهم احساسى ناحيتها وخايف اتوهم انى بحبها ومع انى مش متاكد من مشاعرى ناحيتها لكن بغير عليها ومش عايز اى واحد يشوفها باى طريقه ولا عايزها تسمع اسم اى انسان تانى غيرى
بس فى اتنين شباب بيروحو عندهم دايما بحكم انهم من العيلة بحس انهم اقربلها بس عادى زى الاخوات خايف ان دا يتحول لحب حد فيهم وانا اضيع مش عارف اعمل ايه وانا ظروفى متسمحش انى اتقدم دلواتى
وحتى لو حد اتقدملها اكيد هيترفض لانها صغيرة ولسة مدرسة وكدا بس انا عايز اوصلها احساسى بحيث انها تتعلق بيا لحد بس ما الظروف تسمح واتقدم
حد عندو حل للمشكلة دى
يااخي دي لسه عيله صغيرة ماكملت 15سنة وفي سن المراهقة ايه اللي جرى لك عاوز ترتبط بوحدة في السن دي طبعا اهلها واهلك سوف يرفضوا تماما ويقولو عنك انك مجنون لو تكلمت معهم في هذا الموضوع اتركها وابتعدعنها وعاملها زي اختك الصغيرة واصرف النظر عن التفكير في الارتباط بها وربنا بيكرمك ببنت الحلال اللي تستاهلك وتقدرمشاعرك وتسعدك العمر كله