انا مشكلتي غريبه انا من سنتين حبيت واحد قريبي من بعيد عن طريق النت اتكلمنا كتير وهو اعترفلي الاول انه بيحبني وانا كمان اعترفتله هو كان بيشتغل بره مصر واحنا مش شوفنا بعض من زمان وتقريبا محدش فينا فاكر شكل التاني بس شوفنا صور بعض بس المهم هو رجع مصر بس هو في محافظه تاني ولحد دلوقتي مش شوفنا بعض المهم اني بقيت احس انه مش مهتم بيا ممكن يقعد بالايام ميكلمنيش ولما اقوله يقولي غصب عني وانا بحبك والله واحنا مش لازم نتكلم علي طول مع بعض وكده المم ان الاهمال ده خلي حبه يقل جوايا
المشكله دلوقتي ان ابن خالتي بيحبني جدا وعايز يتقدملي بس مش دلوقتي لما يخلص دراسته بس انا مش عارفه ايه احساسي ناحيته او احساسي ناحية الشخص الاول انا مبقيتش عارفه اتمسك باللي بحبه ولا اللي بيحبني مع العلم انا عندي 18 سنه وخايفه يكون السن ده هو اللي مخليني مش فاهمه اي حاجه ولا عارفه افكر صح ياريت تساعدوني
الحب بين الاقارب
ابن خالتي بيحبني هل ارتبط به واترك حبيبي
اضيف بتاريخ: Friday, April 26th, 2013 في 06:56
كلمات مشاكل وحلول: الاقارب, البنات, الحب
لاتكثري بالحديث اختي فهذه اسرارك لاتنشريها واذا حبيني الاستشاره صلي ركعتين استخاره ودعوتي الله يوفقك للاصلح منهم
هل انتي واعيةلماتقوليه وحاسه انوالشاب الاولاني يحبك وصادق المشاعر اذاخليه يتقدم لاهلك فورا يخطبك وان كان شايفه انوبيلعب بك اويتهرب من الحديث معك في الارتباط فاقطع علاقتك به نهايا وفكري في ابن خالتك اللي صارحك بحبه لك والاقربون اولى بالمعروف والمثل يقول – خذاللي يحبك ولاتاخذاللي تحبه – وربي يسعدك ويسترك عليك
قولى لحبيبك دا ان الحب اهتمام وابعدى عنه لو اهتم بيكى يبقى بيحبك يعنى حاولى تعرفى هو بيحبك ولا لأ
لو بردو اهملك يبقى سبيه وشوفى التانى
صلى استخارة
بصي حاولي تبعدي عن الشخص اللي بتقولي انك بتحبيه فترة علشان تعرفي ايه حقيقة المشاعر نحيته بس الاهم انتي عرفتي ازاي ان ابن خالك بيحبك وهل فرق السن بينك وبين الشخص اللي بتحبيه ده كبير مش حاجة كويسة بس الله اعلم بس حاولي تدعي ربنا يقدملك اللي فيه الخير
والله اعلم
اختى العزيزة……….
أذا جيتى للحق سن المراهقة عموما ليس انتى فقط يكاد يكون من الصعب جدا اتخاذ قرار مرهون به الحياة كلها وذلك نتيجة بداية تكوين الانسان لنفسه أو عدم اكتسابه الخبرات زى الكبار أو أو ………..حاجات كتير ما علينا
المهم
لا يد ياأختى وان تعلمين ماهو السبب الذى يجعل هذا الشاب يتأخر عليكى بالكلام والسؤال مع عدم تغيره بالسلوك والمعاملة والتصرفات
هل مثلا عشان شغله كتير فهو شغله بيلهيه ويتعبه فمبيعرفش يكلمك مثلا ؟؟؟؟
ولا عنده ظروف مشعايز يحسسك بيها
عالعموم كل اللى حكتيه من أنه شافك أو مشفكيش أو حبتيه سنتين أو أشغله برة مصر ده كان زمان
دلوقتى هو جوة مصر يعنى ملوش عذر أنه ييجى …..يبدأ يظهر اذا كان بيحبك فعلا يتقدملك ويكلم بابا ده ويخوش البيت من بابه
مفيش اى مانع يمنعه وبعدين مفيش أى حرج من أنك تقوليلوه ابدأ أتقدم أنا عايزاك فى الصورة بدل ما أنت بعيد
اللحظة ديه اللى بتبين الانسان اللى بيحبك أو لأة
وحتى اذا الظروف منعته مفيش مانع انه يظهر بالخطوبة أو قراءة فاتحة مش مستعجلين على الزواج لأنه أصلك مش صغير انتى قلتى انه كان شغال برة
بس كدة
وابقي طمنينا عليكى
أخوكى الانسان الطيـــــــــــــــــــب
السلام عليكم