السلام عليكم…انا فتاة عندى 19 سنه اتعرفت على شاب من الفيس بوك بس مكنش مقصود وتانى يوم روحت لامى وقلتلها وهو طلب منى مخبيش عنها اى حاجه كلمها ف التليفون وقالها انه عايز يجى ويتقدم بس هيستنى شويه لحد منتعرف على بعض اكتر ف امى وافقت وقالت لابى انه يجى البيت وهو وافق وقال يجى ونشوفه هو الحمد لله محترم جدا ومى كمان اما كلمته قالت كدا اسلوبه وطريقته باينين اوى المشكله انه تعارف من الفيس بوك والناس بتاخد الموضوع دا على انه ميصحش ولا وكدا انا قلقانه شويه لانى كان من ضمن مواصفاتى انى تجوز شخص ملتزم دينيا جدا هو الشاب دا محترم جدا وعنده الاساسيات وحسه انه متعلق بيا اكتر منا متعلقه بيه بكتير هو كان بيكلمنى ف الفون وامى كانت عارفه بس بعد كدا امى كلمته انه ميصحش نتكلم ف الفون وتانى وهو وافق وقالها اللى ريحيك انا هعمله وطبعا هى عندها حق انا عايزه بعد اذنكم واحد ملتزم واى حد طبعا يقولى اما يجى البيت اوافق على الخطوبة من الفيس بوك ولا لا مع العلم انى هسكن بعيد عن امى بكتير وانا مرتحاله بس خايفه وجزاكم الله خيرا…..
الحب على النت
قلقانه من الخطوبة و الحب على الفيس بوك
اضيف بتاريخ: Friday, December 10th, 2010 في 10:35
كلمات مشاكل وحلول: التليفون, الحب على الانترنت, الحب على النت, الحب على النت, الخطوبة, الفيس بوك, مشاكل الحب
ابنتي مسالةانكم تعارفتم عبرالفيس بوك والشاب كويس ومحترم ومودب وجاءعندكم البيت واهلك شافوه وسالوعنه ايه المانع انك ترتبط به عملوخطوبة رسمي ونشاءالله يكون اختيارك كويس وربي يسعدك معه وعقبال الليلةالكبيرة باذن الله
اوعي تقربي منه مهما كان في اول مشكلة بينكم هيقولك انتي بتكلمي مبن على النت وانت يكمان لو شوفتيه على الكمبيوتر هتقولي نفس الكلام لازم تقبلي انسان من اهلك او على الاقل تشوفيه ده جواز وقرار خطير جد ا مش حاجة سهلة والله اعلم ،,,,,
نسيت اقولك اهم شىء انك تصلى استخاره وقبل كمان كتب الكتاب زى ما انا عملت وربنا يتمملك بخير لو فيه خير ليكىوربنا يوفقكم
حب النت زى اى حب انا حصل معايا نفس الموضوع بس بابا هو اللى رفض بجد لو حاسه بحبه وانه شاريكى وافقى وربنا يوفقك ياارب
اولا السلام عليكم ورحمة الله وبركاته بصي ياقمر انا بنت زيك وانا كمان اعرف واحد وبيموت فبا بقلنا خمس سنين وكنت اعرفو من الشات العادى وبقابل بعض واول ماعرفتو برضو كلم ماما وقالها هاجي اخطب ولا جه ولا حاجا عرفتي بس انا محبتهوش اوى لاني مضمنش هايصدق ولا لاء في موضوع الخطوبه دا عشان احنا سننا صغير انا في الجامعه وهو في الجيش بس عشان كدا بقلك متسرعيش وتقولي لناس عشان متحطيش في موقف وحش لو مجاش خطبك يعني فهمتي خالي الامور عادى خالص لغيت مايصدق ويجي ولو جه متقوليش لحد انك عرفتيه كدا قولي ابن صحبت ماما او شافك في فرح لانك لو قولتلي انك عرفتيه علي النت الكل هايتكلم عليكي وانتي فاهمه الناس ودماغها
النت زى الدنيا بس ع حجم صغير ع فكره انا مخطوبه من ع الشات مش ع الفيس بوك كمان واحب اقولكم اننا اسعد التنين فى الدنيا انا وخطيبى توكلى ع الله ووافقى
بصى يابنتى عصفور فى اليد خيرا من عشرة على الشجرة وكمان دا جة لغايه البيت مش ضحك عليكى وقالك لازم نتعرف الاول ونتقابل زى اى واحد عايز يتسلى بس لازم تخلى بالك منة لو حصل خطوبة وتخلى بقالك من كل تصروفاتةعشان سعات بيحصل بس مش كتير انة يخطب عشان يتسلى وانتى عارفة ان دلوقتى مفيش شبكة يعنى كلة دبلة وخاتم يعنى حاجة بسيطة وممكن فى اى وقت يقولك احنا مش متفاهمين
احسن حاجة تريح قلبك هى صلاة الاستخارة صليها بس لازم تصليها اكتر من مرة انتى ووالدتك ولو موضوع الخطوبه دة مشي والدنيا تمام وانتى مرتاحة يبقي ربنا كاتبهولك وهو نصيب وهيبقي نصيب حلو ومش هتندمى عليه ان شاء الله لكن لو موضوع مش بيمشي وبتحسي انك مخنوقه يبقي ابعدى عنه خصوصا انك مش متعلقه بيه اوى ولا تتعلقي بيه بس لازم تصليها اكتر منن مرة وتقولى الدعاء وربنا يوفقك ويكون زوج صالح يحبك ويخاف عليكى ويصونك
هو لو مابيحبك وبدو تعيشي معاه بجد ماكان كلم اهل حضرتك
وماكان وافق انو مايكلمك عشان مامت حضرتك مش واقفه انو يكلمك على التليفون
ولو كان بيلعب فيكي كان فضل معاكي على الفيس وبس وماكان وافق انو يقابل اهلك
وممكن تصلي استخاره والله يقدملك الي فيه الخير ياعسل
السلام عليكم
هو الشاب ممكن يكون فعلا بيحبك وهيتقدملك زى محضرتك قولتى
بس لو حصل زواج هو هيشك فيكى ع طول وممكن تتحول حياتك كلها لجحيم
لانه ممكن يجى ف دماغه انك زى ما اتعرفتى عليه من ع النت ممكن تتعرفى على اى حد تانى
او تكونى اتعرفتى على حد قبله هتكون حياتك ف نكد ع طول ولو حصل زعل بينكم هيقولك
دنا عارفك من النت وانتى ليه تحطى نفسك ف موقف زى دا وانتى ف ايديك انك تخليكى لما يتقدملك
واحد تعرفيه ويكون زا خلق ودين وتعرفى أهله ووحياته عامله الزاى
وبعدين الزواج دا رزق والرزق من عند الله ” وما عند الله لا ينال الا بطاعته ”
ويارب تفكرى كويس وربنا يوفقنا لما فيه الخير
بس انا عن رأى لا يجوز
انا بعترض علي التعليق الاول في جزء منه
ان مش معني انه من الفيس بوك يبقي شخص مش كويس لا ممكن يكون كويس ومحترم وطالما حيدخل البيت من بابه يبقي وماله؟؟
طالما هو حييجي ويخطبك يبقي ده يثبت انه مش بيهزر وطبعا الجواز ينفع او لا ده في فترة الخطوبة حيبان ويظهر وتعرفي اذا كان كويس ومحترم ولا لا
اهم حاجة يكون حيتقدم رسمي في اسرع وقت واتأكدي منه
تبا للنت ولغيره من الفيس بوك يا بنت ليش ما عاد في شباب عندكم في المنطقة او اقاربك لحتى تتعرفي على واحد من النت او تتزوجيه
على كل حال النت مشان معرفة الكون والطبيعة ليس إلا الزواج على النت فاشل