الحب على النت

ضميرى بيأنبني من حب الانترنت

انا يا جماعه بتعذب ومش عارفه اعمل ايه مشكلتى ببساطه انى عرفت واحد من على النت وبدانا نتكلم مع بعض فى الاول على ان اننا اصدقاء وبعد كده قالى انه بيحبنى وكا ن بيكلمنى فى التليفون بس مش كتير علشان مايسببليش مشاكل هو انسان كويس جدا وانا متاكده من كده المشكله انى كنت دايما ضميرى بيعذبنى كنت حاسه انى خنت ثقة اهلى فيه وانى بغضب ربنا باللى انا بعمله كنت كل يوم بصحى من النوم بحس انى مخنوقه كنت الاول بحس ان البنات اللى بيصاحبوا ولاد بنات مش كويسه وكنت بحتقرهم دلوقتى بقيت حاسه ان انا اسوء منهم كنت دايما بقوله انى مخنوقه لانى حاسه انى بعمل حاجه غلط قالى خلاص لومش عايزه تكلمينى انا مش هكلمك تانى علشان مش حابب انى اكون السبب فى عذاب ضميرك المهم كان نفسى اقوله ياريت بش مش قادره حاولت اتلككله على اى حاجه علشان انهى العلاقه دى وماعرفتش لانه كان انسان بمعنى الكلمه بيخاف على مشاعرى مش بيحاول يضايقنى بيحاول يرضينى باى شكل لدرجة انى مره بعتله طلب اضافه من ايميل واحده صاحبتى وتمنيت انه يضيفنى ورفض طلب الاضافه بعد كده فى واحده صاحبتى قالتلى ماتثقيش فى شباب النت فقلتله قالى ادى صاحبتك ايميلى علشان عايز افهم وجهة نظرها وفعلا اتكلم معاها واقتنعت بكلامه وغيرت رايها تماما وقالتلى هو فعلا انسان كويس بعد كده قالها اعتبرينى اخ كبير ليكى وكانت لما تدخل وهو فاتح بيسلموا على بعض وكان بيقولى انه كلمها وقالها ايه وفى يوم صاحبتى قالتلى انه طلب صورتها انا بصراحه ياجماعه ما صدقت مسكت عليه غلطه وبعتله رساله اوف لاين قلتله ما تكلمنيش تانى ولاتتصل بيه انا مش عايزه اعرفك يومها مابطلش رن عليه لحد ماقفلت التليفون ولما فتحت الايميل لقيته بعتلى رساله بيقولى شكرا على ثقتك الغاليه انا طلبت صورتها لانى كنت عايز اشوف رد فعلها ولو عايزانى مش اكلمها تانى مش هكلمها غير الرسايل اللى بيبعتها على الموبيل واتصالاته فانا قررت اغير رقمى وادخلش على الايميل ده خالص بس انا عارفه انى ظلمته لانه لوعايز يخونى مش هيخونى مع اعز صديقه ليه وضميرى بيعذبنى لانى عارفه انه اتعلق بيه جامد ومتاكده انه هيتعذب من غيرى ولانى جربت الظلم قبل كده ولحد النهارده بتعذب من الظلم ده انا مش عارفه اعمل ايه اكمل واخليه ينسانى ولا اكلمه انا مش مستحمله ان حد يتعذب بسسببى وعلى فكره ان احنا كنا متفقين على الارتباط بس لما هو يرجع من السفر لانه بره مصر

مشاكل وحلول ذات صلة

اضيف بتاريخ: Tuesday, May 10th, 2011 في 22:13

كلمات مشاكل وحلول: , , , , , , , ,

18 رد to “ضميرى بيأنبني من حب الانترنت”

  1. ابواميرة
    12/01/2013 at 15:53

    اوعك تصدقيه داولد بايز ومنحرف بتاع بنات وكل اللي يعملو معك تمثيل واحد محترف بيخدع بيه البنات الهبل اللي زيك كدااتركيه للابد وغيري رقمك وايميلك وربي بيكرمك بخيرمنه يسعدك ويستاهلك

  2. dodi
    03/01/2013 at 04:06

    وعلى فكرة انا اهلى رفضين فكرة مجرد انى اتكلم مع اى شاب حتى لو قريبى كمان

  3. dodi
    03/01/2013 at 04:03

    انا مشكلتى قريبه منك بس اصعب بكتير بس لو انا مكانك لو هو قد المسؤليه يبقى يتقدملك وتتدرسيه وانتم مخطبين احسن علشان كلام الناس جارح جدا

  4. عيشة زى الزفت
    05/09/2011 at 21:45

    ده ممكن يكون بيتسلى عشان حاسس بغربة فحب يكلم حد من بلده عشان يحسسه بالامان

    بس مش لدرجة انو يتسلى بقلبك

    خدى بالك من نفسك
    ابعدى عن حب النت
    طب تسدقى انو ممكن كمان يكون خاطب بس بيحب يتسلى بالبنات ركزى شوية انتى ماتعرفيش حاجة عنه

    فكك من حب النت واسالى مجربين

  5. 22m2n
    06/07/2011 at 11:50

    pححبيبة قلبى عن تجربة والله كنت زيك وقعدت معاة 3سنين انسى مشوار دة دة مينفعش مش موضوع نت وبس لالالالالالالالالا احسنى الاختيار اقولك حاجة دلوتى بنت الا فى اعدادى بتعرف ولد وبعد اسبوع تقولة هتاجى تقابل بابا امتى لا سبية انا بعد 3 سنين وكان من على نت لما نازل مسالش عنى رمنى مع الا راماة فى سعودية ولا سال عنى عارفة يعنى اية يعنى كنت تسلية اوعى تراجعى بكرة يجيلك نصيبك لحد بيتك الا يحبك ويخاف عليكى

  6. حبيبه محمد محمد مخلوف
    08/06/2011 at 21:29

    الصراحه انتم فضيين الصراحه مع اني صغيره وعندي اميل وبدخل علي الشات بس فعلا في ناس كتير عندي وولاد بيقولو انهم بيحبوني مش عرفين اني صغيره بس انا مش بامن في حب النت والي انتي عملتيه ده عيب اولا من وراء اهلك النت والموبيل حيوصلو الي مقبلات الي ان دي مش فرقه معاكي بس انتي حره في الاول والاخر ودي نصيحه مني كدا عيب وبلاش الحجات دي واكيد حتسمعي كلامي في يوم

  7. LOURA
    04/06/2011 at 07:30

    النت اكبر غلطه للانسان

  8. mohamedd saad
    24/05/2011 at 00:39

    ____ الحل الوحيد انكم تسيبو بعض حبكم ليس بذنب ولا بتعذيب الضمير ولاكن لا حل غير انكم تنفرقو من بعض الحب هذا سوري ثواني انتى ما قولتيش انتي منين انت قولتي انه من مصر بس ما قولتي انتى منين لو انتى من مصر وهوا من مصر كلميه على انه يتقدم ليكي اوك وشوفي رد فعله ايه وربنا يوفقك انشاء الله

  9. سامر
    15/05/2011 at 13:19

    اا اختي صاحبة المشكلة نصيحة من خبير شات عشر سنوات لكل قاعدة شواذ القاعدة العامة هي ان كل بتوع الشات للتسالي والجنس وتضيع الوقت و … لكن الشاذ في الموضوع هو من يقبل الزواج بهذه الطريقة ( هذا فعلا حدث مع ناس اعرفم شخصيا بس لا اضمن استمرارية الزواج وان كان في القليل يستمرون ويعيشون في حب هذة نسبة ضئيلة ) .. انتي قلتي انه مسافر ربما اصحاب السفر يحبون يتسلون افضل من الوحدة من نايحة انه كويس وحترم هل تعلمي ان هناك الكثير من يتقنون التمثيل بهذه الطريقه .. انصحك ابعتدي عن المغامرات هذه انتي لست في حاجه الي مغامره زواجد جديده

  10. زملكاوى
    14/05/2011 at 09:36

    يعنى ايه طلب صورتها علشان يشوف رد فعلها ؟
    دا على اساس انه بيختبرها ؟ طيب وهو ماله بالحاجات دى
    هى كانت حبيبته عشان يختبرها؟
    بصراحه دى مش مقنعه
    لأن اللى بيعمل كدا بيعملها مع اللى بيحبه عشان يشوف رد فعله لأنه حد مهم بالنسباله
    انما دى مجرد صديقه
    لو انتى مخنوقه بمعرفتك بيه وحاسة ان دا غلط
    خلاص سيبك منه عشان نفسك
    وهو مع الأيام هينسى

  11. ورد
    13/05/2011 at 01:13

    انا نفس حكاايتك وحااسه بتاانيب الضميير والله اكنك بتتكلمي عني حتى اانا عاوزه نصايح لاني كتبت هنا وباقي مانزلش الموضوع بس انا الفرق اني عارفه انو مش هيكون بينا نصيب ومع كده ياجماااعه متعلقه فيه بدرررجه ماتتخيلوهاش ياريت حد يكلمني ينصحني يقنعني .. وانا اسفه يااحياتي اني كتبت بمووضعوك بس عن جد عاوزه حل تعبت من كتر ما بعاتب نفسي …..

  12. منال
    12/05/2011 at 16:07

    بصي ياستي مشكلتك دي شبيهة بمشكلتي تماما كأنها نسخة مني أنا والله مابقتش أثق في أي حد بعد اللي حصل معايا وحضرته اللي عرفته برضه إنسان محترم جدا لأبعد حد وكمان بره مصر أنا لما قريت مشكلتك اتصدمت حسيت ان انا اللي باحكي مش حد تاني انتي لازم تتأكدي الأول من حبه عشان ماتتصدميش زيي في الاخر

  13. hoda
    12/05/2011 at 04:40

    بيضحك عليكى لا تصدقيةوفتحى عنيكى كويس دا لئيم جدا

  14. tfrota
    12/05/2011 at 03:02

    Uعلى فكره كل لا بيتكلم على النت بيسلى وانتى ما تثقيش باى حد على النت وممكن كان عايز يتعرف على صديقتك المقربه عندك علشان يسلى معها ومن نحيه تانيه يعرف اخبارك بس انا نصحتى ليكى ما تديش لحد فرصه انو يلعب بماشعرك بس انا شيفه انو بيسلى بيكى انتى وصدقتك ولا تسمحى لنفسك انك تتكلمى معاه تانى وغيرى نمرة التليفون ويابنتى خلى املك بربنا كبير وربنا هيبعتلك نصيبك ولا تفقدى ثقت اهك بيكى

  15. عمري ضاع
    11/05/2011 at 23:02

    \من الا خر لو مفيش نية ارتباط يبقي بلاش احسن واصلا انتي غلطانة من الاول

  16. MOHAMED
    11/05/2011 at 21:10

    انا مشهقدر اقوليك الا خدى اللى يحبك ولو انتى صحيح قلبك حب حبيه ولا تخسرى انشاءالله اقعدى معاه فى اى مكان مفتوح وتكلمى معه بعقليك قبل قلبك وافهمى معنى كلامه كويس واعملى له امتحان فى اى شىء هل هو غيور ام عصبى او هو مناسب لكى ولو عايزة تأخذى معكى صديقة
    خذى بس تكون حكيمه صبوره وانتى كذلك لازم تكونى حكيمة وصبورة العمر بيجرى بينا وعايز اقول
    كلمه اذ اراد الله بأنه زوجا لكى لم تفرى من قدر الله عزو جل ولم يصبنا الا ما كتب الله لنا
    والله الموفق

  17. crazygirl
    11/05/2011 at 16:30

    بصى بجد عن تجربة هو انتى غلطانة وهو كمان المفروض مكنش يطلب منها صور ليهاولا يشوف رد فعلها لانها متخصهوش فى حاجة وموضوع انة رفض الاضافة دى علشان هو ميعرفش مين وجابت ايميلة منين بس لو دخل على شات هيقبل عادى بصى متكلميهوش تانى علشان متتعلقيش اكتر ولو ليكى نصيب فية هتخدية لو ملكيش خلاص وطالما انتى محترمة وبتخافى على زعل ربنا واهلك بلاش خليكى مع اهلك وصحابك اتبسطى واخرجى وانسى كل حاجة وبكرة يجيلك نصيبك لغاية عندك وخلى جوزك يبقى اول راجل فى حياتك ومتزعليش مفيش حاجة تستاهل

  18. حازم الاهلاوى
    11/05/2011 at 13:05

    اختى
    انتى مقولتيش انتى بتحبيه ولا لا ؟؟ بس طالما انتى شايفه انه شاريكي كدا وبيحبك في الزمن الاغبر ده اللى بقي صعب فيه الحب الحقيقي خليه يكلم والدك ووالدتك يعني تبقي حاجه في النور كدا ويبقي ضميرك مرتاح شويه ولو انتى مش عاوزه تعزبيه زى ما بتقولى اتفقى معاه انكم تقللوا الكلام مع بعض يعني يا دوب تطمنوا ع بعض وبس لو كل اسبوع مره الغايه ما ينزل مصر ويتجوزك
    بس الاول قبل كل ده لازم تسالى عنه وعن عيلته في الواقع مش لازم تثقي فيه لدرجه كبيره اوى ولو طلع محترم ع الواقع زى ما هو ع النت يبقي تمام
    انا اللى عاوز اقولهلوك بس انو سهل انك تحبي حد لكن صعب انك تلاقي حد بيحبك ,,
    وربنا يكرمك ويوفقك “”

اترك رداً أو حلاً لهذه المشكلة