انا عرفته صدفه من النت وحبيته وهو كمان حبني اوي بصراحه في البدايه كنا بنكدب علي بعض في حاجات كتير عاديه حتي مره علشان ابعده عني قلتله اني عندي سرطان بس بعد كده عرف وقابلته وعرفت انه بيحبني اوي من عبنيه وبيخاف عليا اوي وكل اللي حواليه مامته واخته وكل الناس بتاكد انه بيحبني اوي وانه اتغير وبقي بيتحمل المسؤليه علشاني بس متاكده ان لو في حد من اسرتي عرف اني عرفته من النت مش هيوافق وهيزعلوا مني اوي مع ان اهله عارفين انه عرفني من النت اه هو اصغر مني بسنه بس بحس انه اكبر مني وبيحكمني لاني كل اللي عرفتهم بحس اني مسيطره عليهم مش عارفه اعمل ايه وعندنا هيجي يوم ويعرفوا ممكن حد يسعدني
الحب على النت
انا حبيته وحبني من النت بس اهلي هيرفضوا ارتباطنا
اضيف بتاريخ: Friday, September 3rd, 2010 في 06:31
كلمات مشاكل وحلول: الحب, الحب على النت, النت, حب, سرطان
صارحي اهلك بكل شيء وهم يكونا بجوارك
السلام عليكم
اختى لا يصح انك تخدعى اهلك ومتقوليش عرفتيه ازاى ده اسمه غش يا جماعه مينفعش اهلها ميكونوا عارفين كلامكم غلط معلش متزعلوش منى ولكن ما بنيا على باطل فهو باطل يعنى لما تقولى انك عرفتيه من اى طريق تانى كده حرام شرعا وكلام الاستاذ malek صح 100%
مش لازم تقولى انه عرفك عن طريق النت المهم انه يجى يخطبك و بعدين يحلها ربنا و المهم انه يكون انسان كويس و لو طلع كده اهلك حتى لو عرفوا انه عن طريق النت هيسكتوا
انا مشكلتى زيك حببيت واحد من النت وهو كمان بيحبنى ومشوفتوش غير مرتين ولما اتفقنا انه هيكلم اهلى وبعد ما كلمهم قال لاهله
اهله رفضونى لمجرد انى من اسكندريه
عشان واخدين فكرة غلط عن اسكندريه من غير حتى ما يشوفونى حكمه عليا كدة
ولما عرفوا انى من النت اصبح الموضوع مستحيل
انا مش عارفه اعمل ايه انا بحبه اوى وهو قرر يبعد عشان ميظلمنيش من غير فايده
مش تقولى انك عرفتى من علي نت وخلاص قلفو حوار ان هوشافك وجة يتقدم كدة مش لازم تقولو ان من النت يعنى وكذبة وخلاص
اذا انتي متاكد من شعوره تجاهك خليه يتقدم وماتقوليش انك عرفتيه من النت
حافظو على الارتباط دة علشان بتحبوا بعض وان شاء اللة ربنا هيسعدكم علشان العلاقة بجد صح
أنصحك أختي ألا تتخلي عنه وتستمري معه ولا تخبري أحد بأنك تعرفتي عليه من النت .. خليه ييجي يتقدملك بشكل رسمي وان شاء الله يصير بينكم نصيب .. موفقين مع بعض
UU على الانسان الذي لديه وقت فراغ ان يستغله بالعبادة , لا ان يمضي وقته في اللهو مع الاخرين دون ذكر لله . قال رسول الله صلى الله عليه وسلم (( نعمتان مغبون فيهما كثير نت الناس : الصحة والفراغ )). فالزواج نصيب من عند الله , لا يكون من نظرة في الطريق ولا من محادثة على النت , غهذا الشاب الذي يحب فتاة تتكلم معه على النت فهو لا يلتزم بأوامر الرسولوكذلك العكس. قال رسول الله صلى الله عليه وسلم (( إذا جاءكم من ترضون دينه وخلقه فزوجوه)) و قال رسول الله صلى الله عليه وسلم((تنكح المرآة لاربع : لدينها ونسبها وجمالها مالها )) اختاه , عليك بتقوى الله , والابتعاد عن النت إلا في شيء يرضي الله عز وجل . والسلام عليكم .
مش لازم تقولى انك عرفتييه من النت و حتى لو عرفو بعد كده مش مهم لأنكم خلاص هتكونو ارتبطو وظبطو حياتكم
ربنا يوفقك انا عندى نفس المشكله