اناا عندى 23 سنه اتعرفت على واحد من الفيس بوك وبقالنا مع بعض 3 سنين ولسه طبعا مفيش خطوبه رسمى عشان سننا واحد ف طبيعى لسه مش جهز نفسه وكده المهم المشكله مش فى كده المشكله انه على طول يحسسنى انى مش محترمه او تدينى قليل مع انى اى حد يقدر يحكم عليا من خلال مقابله واحده بس انى بنت كويسه ومحترمه حتى فى الهدوم وطريقه الكلام وفى حدود بيبنى وبين اى شاب بتعامل معاه هو بقى على يطلعنى انى مقصره ف الناحيه دى والمشاكل كل يوم بينا بتكتر على اى سبب تافهه يغلطنى انا حتى لو حكيتله عن حد كان عايز يتقدملى ربنا يعلم انى بحكى عشان مش بخبى عنه حاجه مش موضوع بشوف غيرته والجو ده المهم هو بيغلطنى ان حد اتقدملى يقولى ما اكيد انتى اديتله مجال يعمل كده مع انى بعامل اى حد بطريقه واحده مش بدى مجال لحد يكلمنى بطريقه مش كويسه كل يوم بقينا نتخانق على حاجات زى كده وانا نفسيتى بقت تتعب جدا الفتره دى اى مشكله بينا بتعب جامد بعدها وهو بيبقى عارف كده بنتصافى وبعدها يجى يتخانق تانى ومش فى باله انى هتعب والكلام ده انا بقيت اخاف احكييله على اى حاجه بتحصل معايا فى يومى زى اى اتنين بيحبوا بعض خايفه يطلعلى بحجه ويغلطنى ف اى حاجه ونتخانق تانى
احنا دلوقتى متخانقين مع بعض وانا وصلت لمرحله انى مش طايقه اكلمه معرفش ده عيب منى انا ولا عيب من طريقته معايا واسلوبه ده بجد انا زهقت وتعبت انا سنى مش كبير اوى بس حاسه ان على كتافى هموم كتير من كتر اللى بيحصل بينا ياريت حد يساعدنى ويقولى اتصرف ازاى اعمل معاه ايه
واسفه انى طولت عليكم
الحب على النت
بيحبنى بس ليه بيعاملنى كده
اضيف بتاريخ: Saturday, October 21st, 2017 في 21:40
كلمات مشاكل وحلول: الفيس بوك, النت, بنت, شاب, مشاكل
استنى نصيبك يابنتى انا كان عندى نفس مشكلتك هو انسان عندة نقص عايزة قعدة جنبوا وخلاص حتى لو مش ها يتقدملك ابعدى عنو احسن ليكى ها تتعبى جدا اقسم بالله بس انا صبرت وربنا بعتلى الا احسن منو بيخاف حتى يقولى كلمة تزعلنى اتقى الله يابنتى فى نفسك مفيش حب على الفيس مفيش راجل ها يحكم على واحدة غير لمايقعد معاها وهو ملهوش حق انو يعاملك كدة اتمنى يكون ردى فهمك حاجة