انا عندى 16 سنة انا الحمدلله ملتزمة الى حد ما وعمرى مافكرت انى سوف ارتبط ولكن دخلت على النت السنة الماضية ودخلت ع الفيس بوك ولم اعرف اى عن الفيس اتعلمت بسرعة عليه وفى اليوم الثالث لى قابلت واحد على الجروب كان له سمعه على الجروب اساسا كويسة واتكلمنا وطلب صداقة ووافقت ومنذ اليوم الاول وانا ملاحظة كلامه وانه يقدم نفسه واسرته ويحاول يعرف حاجات عنى وصارحنى بحبه ولكن انا قفلت الموضوع لان ده على النت وانا مش مؤمنة بالحب الى على النت ولكن حاول تانى ورفضت وحاول تالت ومش عارفة ايه الى حصل والله ووافقت واتكلمنا مع بعض وطلب انه يتقدملى بس انا رفضت علشان سنى وعرف نمرتى والله مااعرفش ادتهالوا ازاى وبدا يتكلم معايا ولكن قليل لان هو عارف ان انا مش موافقة على الكلام فى الموبايل وفى يوم قلت لماما قبل ماروح المدرسة ان فى واحد على النت عايز يتقدملى ولما رجعت من المدرسة لقيت اخويل دخل على الفيس بتاعى وقرا كل الكلام وعمل مشكلة كبيرة فى البيت فانا اخبرته ان اخويا عرف وعامل مشكلة فطلب ان هو يكلم ماما اوبابا اوحتى اخويا وفعلا كلك ماما واتقدملى وكمان كلم ان عمى بس ماما قالتلى انسى علشان انتى لسه صغيرة ومن ساعتها انا وهو بنتكلم من وراهم انا مش عارفة اعمل ايه تعبانة وضميرى بيأنبنى ومش عارفة الارتباط ده صح ولا غلط ولكنى اقدر ابعد وانهى الموضوع بالنسبة ليا ارجوكوا ساعدونى وقولولى اعمل ايه وهل الارتباط ده صح ولا اسفة على الاطالة الشديدة وتقبلوا مرورى
مع انني مش معترف بعلاقات من خلال النت وارى انها غير صحيحة في الغالب ولكن هذا الشاب كان صادقا النوايا معك وجاد في الارتباط والدليل انه تكلم مع امك وعمك واتقدم لك حسب الاصول ولكن امك معها برضو حق انت لسه صغيرة في السن وغير مؤهلة للزواج اهتم بدراستك ومستقبلك واياك والكلام معو من وراء اهلك ولو كان فعلا يحبك لاحترم رغبة اهلك ولاتتكلم معو ابدا واللي فيه الخير يقدمه ربنا لك وانت هتلاقي نصيبك الف من يتمناكي ياقمر