احساسي بالذنب ناحيته مخليني مكملة معاه

انا مش عارفه ابتدى الحكايه منين , لانها طويله اوى الحكايه دى كانت من 3 سنين فى الوقت اللى اول مره كنت ادخل فيه على الشات و على النت عامة و اتعرفت بالصدفه على شاب فى نفس سنى و طبعا كغيره من الشباب كان بيتعرف على البنت و يقولها انا بحبك و يتسلى , و حاول يعمل ده معايا اكيد و كانت اول حاجه قالها انا بحبك طبعا لانها كلمه سهل اوى انه يقولها , المهم بعد ما اتعرفنا على بعض اكتر و قولتله سيبك من الكلام ده حكالى انه كان مرتبط و انه كان بيعمل كده لانه كان عايز ينسي و كان عايز ينسي بيا انا و تقريبا عرفت عنه كل حاجه و طلب اننا نتقابل و رفضت و طلب رقم تليفونى و رفضت و كنت كل ما بعمل كده كان هو بيتعلق بيا اكتر و اكتر لغايه اما وصل بيه ان مكانش فى اى حد فى حياته غيري انا , كان بيقولى كده و مكنتش بصدقه صاحبتى كنت عرفتها عليه قالتلى ده بيحبك جدا و انا برضو مكنتش بصدق , يمكن اكون انا حبيته كمان فى وقتها بس مكنتش بصرح بحبى ده ليه ابدا فى النهايه , سيبته اختلقت مشكله من الهواء عشان ابينله انه غلط فيا و سيبته و قولتله احنا ممكن نبقى اصحاب بس تحب كده و الا لا قالى لا مش هقدر و بعدنا بعدها …. صحبتى اللى كنت قولتلكوا انى عرفتها عليه بقت هى اللى بتكلمه و رسمت عليه كنت انا حاسه بكده بس كنت بقول احسن عشان ينسانى و عشان مفضلش حاسه بالذنب و عشان انا اقدر اعيش حياتى بعيد عن تأنيب الضمير , فاتت سنه تقريبا او اكتر شويه بعد الحكايه دى كنت حزفت ايميلاته من عندى خالص بس معملتش اجنور و كان من وقت للتانى بيبعت رسايل شوق و غرام و نا كنت بتجاهلها تماما , لغايه ما بعد سنه تقريبا من ما يبنا بعض قالى انا محتاج اتكلم معاكى لانى تعبان اوى و سمعته و هو فى الحقيقه كان عايز يرجعنى ليه و خلاص رغم انه كان ارتبط وقتها بصحبتى دى بس مقاليش , و انا رفضت اننا نرجع تانى و رفضت باسلوب جارح جدا و مهين جدا جدا و الغريب انى مكنتش بلاقى منه غير السكوت و الصبر و المحاوله مره تانى لغايه ما عرفت ان صحبتى كانت مرتبطه بيه , هى اللى جت و قالتلى انها عملت المستحيل عشان ينسانى و يحبها هى لانها بتحبه بس هو معرفش ينسانى و انها فشلت فى ده , كان الرد منى انى قولتلها خلاص مش عايزه اعرفكوا انتوا الاتنين و على العموم انتوا لو احتاجتونى هتلاقونى جنبكوا بس انا مبقتش عايزه اعرفكوا و قولتله هو كمان الكلام ده و طلبت منه يطلع بره حياتى نهائيا و بشكل مهين جدا تانى و الغريب برضو انه صبر و حاول يفهمنى انه مش مستعد يخسرنى و لا مستعد انه يكون فى نظرى كده و ان هى اللى لعبت عليه و هو كان فى وقت صعب بعد منا سيبته مكانش قدامه غير انه يستسلملها , قعدنا فتره كل اللى كان بينا انه يسلم و انا ارد عليه السلام و بس حوالى 6 اشهور , لغايه لما اكتشفت بالصدفه انه ارتبط ببنت تانيه دخلت و هنيته و قولتله الف مبروك و هو قالى ان البنت دى هو بيحبها اوى و انها عملت عشانه كتير جدا و هى بتحبه جدا عشان كده هو كمان بيحبها , البنت دى انا اتعرفت عليها و البنت دى طلبت منه انه ميكلمش بنات تانى و هو نفذ رغبتها و حذف كل ايميلات البنات اللى عنده و جه للايميل بتاعى و رفض جدا و قالها مش هقدر انى احذف البنت دى من عندى و اتخانقوا بسبب الموضوع ده كتير بس هو مكانش بيقولى حاجه من دى خالص و مرت فتره و سابوا بعض و بعدها كان هو حطام انسان اكتئب جدا جدا و كنت بحاول اخفف عنه بس مكنتش عارفه و كنت شاكه ان سبب حزنه الكبير ده مش تركه لحبيبته بس كنت حاسه ان انا سبب من الحزن ده , حاولت اقف جنبه زى ما هو طلب منى و قالى محدش هيقدر يقف جنبى غيرك و وقفت جنبه كصديقه و اخت بس انا كنت متأكده انه مش شايفنى كده ابتدى يطلب منى تانى اننا نتقابل و طبعا رفضت بصراحه خد رقم موبيلي و طلب منى انى مكلمش ولاد تانيين خالص زى ما كان بيطلب منى زمان لما كنت بحبه و لما سألته عن السبب قالى عادى خايف عليكي بس مش اكتر الدنيا مابقتش أمان و انتهزتها فرصه لانى كنت عايزه ابعد عنه و قولتله تمام اوى انا فعلا مش هكلم ولاد تانى و انت من ضمنهم لان مفيش اى ميزه تميزك عنهم !! ,, عملت كده لما حسيت انى هرتكب نفس الخطأ تانى و اعلقه بيا قررت اطلع من حياته و قولتله الكلام ده ,, طبعا الاول مردش و قالى براحتك فات اسبوع تقريبا رجع و كلمنى و قالى حرام عليكي يعنى انتى مرتاحه كده انا ندمت انى طلبت منك كده بس اقسملك انى خايف عليكي مش اكتر ,, و احنا اصحاب و بس و اخوات , و للأسف رضخت تانى لضغوطه عليا و رجعت اكلمه تانى بس فهمته انه معجبه بواحد تانى و بفكر فيه بس الشخص ده مش حاسس بيا الاول طبعا اتضايق جدا بس حاول انه ميبينش بس اتفاجئت بعد كده انه تناسى الحكايه دى تماما و رجع تانى يكلمنى و يقولى وحشتيني و الكلام الرومانسي ده و انا اقوله افتكر اننا اصحاب و بس , كل ما احاول ابعد عنه يستخدم معايا سلاح الاحساس بالذنب , انه يحسيسنى ان كل اللى هو فيه ده من حزن هيبقي بسبب انى سيبته و يقعود يترجى فيا كتير جدا بيعرف نقطه ضعفى كويس , بس فى نفس الوقت بيذل نفسه اوى , وصلت ان فىى مره قولتله انك عايز تنسي حبيبتك اللى سابتك و عايز تنساها باى حب جديد و خلاص و ملقتش غيرك قدامى كانت النتيجه انه قالى انه كان ممكن يعمل كده لو عايز و قدامه بنات كتير و بكى كتير جدا و قالى حرام عليكي اسكتى متسمعنيش الكلام ده كفايه و فضل بعدها ايام كتير ميكلمنيش و انا قلقت عليه و مكانش بيرد عليا و فى الاخر هو كلمنى و قالى انا كنت مقرر انى مردش عليكي تانى بس مقدرتش و اديني كلمتك تانى ……… مش هطول عليكوا اكتر من كده بس انا بجد احترت مش عارفه اعمل ايه ابعد عنه حاولت كتير بس كان هو بيعمل المستحيل و بيذل نفسه اوى بجد لدرجه انه صعب عليا اوى و ارجع و اقول ايه اللى هيجبره على كده ؟؟
اعمل ايه ؟؟؟ حد يقولى اعمل ايه عشان انا تعبت و احساسي بالذنب هيقتلنى

مشاكل وحلول ذات صلة

• خايفة تكون علاقتي بيه حرام او غلط
• حب الشات المزيف
• حاسة دلوقتى انى رخيصة ومنافقة
• حبتنى من غير ما أقصد
• عاوز اطلبها من اهلها مش تجينى او تهرب
• هل حبنا ممكن ام مستحيل ؟
• بحب شاب من النت ومحتارة