انا عندى 23 شغالة مدرسة بحكم شغلى بدخل على النت على طول وفى مرة دخلت على الفيس بوك واتعرفت على ناس وكان فيهم واحد طلب الايميل عشان يكلمنى انا تعبت فى حياتى كتير واتقدمتلى ناس بس كنت برفض لانى مش لاقيه الانسان اللى يحبنى ويخاف علية لانه بابا وماما منفصلين وفى يوم كلمنى واحد على الايميل اللى انا عرفته على النت واتكلمنا لفترة وقالى بحبك وطلب من انه يجى يتقدم بس كانت مشكلته انه اتجوز وطلق من شهرين وقالى شوفيهم فى البيت عشان اجى وطلعنا من بلد واحدة وفى مرة كنا بنتكلم جاله تليفون وقالى ثوانى هرد وكانت الصدمة وكل الكلام على الياهو فطلب من انى اكلمه على التليفون ضرورى وكلمته وعرفت انه التليفون اللى جاله من حماته سابقا وقالته انه مراته حامل وهو مش عاوزها عشان خانته وقالى مش هاروح عشان حماته قالته عاوزاك بس انا قولتله روح عشان الوضع اتغير وهو قالى لو مختكيش انتى انا هاموت نفسى لانى مش عاوزها وبيتكلم بجد وعيط كتير وقالى انتى الحاجة الوحيدة اللى عشتها بس كل شويه يقولى كلمى اهلك لو مرضوش انا بجد مش هاعيش لحد غبرك وانا بصراحة حبيته ونفسى ارتبط بيه لانه لقيت فيه كل الى اتمناه وهو حسيت انه بيحبنى جدا وخايفة اكون السبب انه يعمل حاجة فى نفسه بسبى وهو مصمم انه مش هيرجع لوحدة خانته ومش عارفة افكر ولا اعمل ايه بالله عليكم فيدونى بسرعة
بكل بساطة حضرتك صدقتيه وقدر بكلامه المعسول ان يخدعك ويسلب عقلك وتفكيرك مش عارف ازاي اوصفك وبماذا اقول عنك لوكان عندك ذرة من العقل والكرامة ماتكلمت معو من اصله ولقطعت علاقتك به نهايئا وللابد الراجل كداب وكل الشواهد تقول انه كدا ومطلق ومراته حامل فمن الافضل انك تتركيه ولاتفكري فيه وتنصحيه يرجع لمراته ويحل مشاكله معها وربنا بيكرمك ويعوضك بابن الحلال الصالح اللي يستاهلك ويقدرك ويسعدك طوال حياتك