السلام عليكم اخواتي واخواني
انا خريجة جامعة وخلال فتره الدراسة عمري ماكلمت ولد ولا اختلطت باحد كنت ناويه لما احب احب في الحلال لحد ماجه يوم وصلت نت للتعلم مش اكتر واتعلمت ازاي اعمل شات فقلت اجرب ايه اللي بيحصل اول مره والله دخلت لقيت ناس بتتكلم في روم قولت اتناقش معاهم ونبقي كلنا مش حد معين وبعدين جه واحد اتكلم معايا لقاني طيبه وماليش في اي حاجه عرفني علي صاحبه وقالي ده زي اخويا وممكن تتكلمي معاه برده لاني بثق فيه بقيت اتكلم معاهم كااخواتي والله جه الشخص التاني في مره دخلت لقيته موجود فبسلم عليه وكده قعد ينصحني ابعد عن الشخص الاول قالي برده انتي طيبه وعلي نياتك وهو قالي كلام كتير عنك وكده المهم قالي انا والله خايف عليكي وحسيت من كلامه انه فعلا عنده حق وبقيت اتكلم معاه واحكيله وينصحني ومنعني من دخول الشات اصلا وبقي قريب جدا مني لحد جي يوم قالي عايز اسمع صوتك فكلمته ع الموبيل وكان بيطمن عليا من وقت للتاني وجه يوم صارحني انه بيحبني وعايز حلال بقيت استهبل واعمل مش فاهمه لحد ماهو فهمهالي اكتر انا وافقت وبقيت اكلمه بس قولتله كلم ماما الاول وكلم ماما تليفون وبعد كده قابل عمي الكبير بس في مكان غير البيت وكان معاه اخوه الكبير وعمي وافق وبدات اثق فيه اكتر واكلمه وبعدين جه يوم بقوله مش هتيجي البيت قالي هتصل بعمك واخد منه ميعاد المهم بعد كده اتقطعت اخباره وعرفت من صحبه ان اخوه الكبير مش موافق بس مش عارفه ليه مع ان اهله كلهم كلموني قبل كده المهم اخوه الايام دي بيكلمني ويوبخ في اخوه وكل شويه يبعتلي كلمني انا مش عايزه ارد عليه تاني وانا تعبانه اوي وكل يوم عند دكتور بسبب الموضوع ده فيدوني اعمل ايه انا بحبه وعايزه اقنع اخوه وعلي فكره انا مسافره البلد اللي هوا فيها ونفسي اواجهه بس مش عارفه ازاي اوصله واعرفه اني موجوده معلش طولت عليكم بس والله انا تعبت فعلا
الحب على النت
حبيته على النت ونفسي اوصله
اضيف بتاريخ: Sunday, October 31st, 2010 في 20:17
كلمات مشاكل وحلول: الانترنت, الحب على النت, النت, جامعة, روم, شاب, شات, موبايل
يابنت الناس اتقي الله في نفسك وفي شرفك وسمعةاهلك وكرامتهم ابعدي عن الشاب السافل المنحط وتاكدي انه شيطان يريد اغواك في المحرمات والرذيلة واغلب علاقةالنت كاذبةورخيصة وليست بصادقةابدا الكل بيلعب ويتسلى على الاخر احذري من التمادي والتهاون في العلاقات عبرالنت وربي يسترعليك ويهديك
ابعدى عن حب النت ده كله كدب والله صدقينى انا جربته كتير
نصيحه ابعدى عن النت لانى حاسس ان دى اول تجربه حب ليكى– لكنها للاسف وهم وليس حب –انتى تستاهلى ناس احسن من كده بكتير — ابعدى عنه –و بعدين انا عارف الشات كوبس واعرف ان 99.99999999 من الشات كلام غير محترم اطلاقا و مجرد قلة ادب— ابعدى عن الشات و خليكى مع ربنا عشان يكرمك و يرزقك بحب حقيقى
لاتكلمى احد على النت تانى التزمى بالاستغفار والصلاه وحضور دروس العلم وهيجيلج زوج جميل مؤدب هو الى هيدور عليكى
انتي بتفكريني بفليم عن العشق والهوي بس هو فعلا لو بيحبك هيخسر الدنيا كلها علشان خطر
ربتا يوفقك
اختى انتى زى ما قولتى لم يسبق ليكى الارتباط والتعامل مع الشباب ودا ممكن يعرضك لمواقف سخيفة ممكن يكون هو الشخص الاول اللى حب يعمل معاكى مقلب انتى عامليهم الاتنين على انهم اخواتك ولو حسيتى انك بتميلى نحية حد حاولى تتختبرية انا ولد واقولك ان الولد لية الف حيله علشان يرتط ببنت احذرى يا اختى
انت بنت ناس والباب مايتوهش وشكلة انسان غامض ولعبى ولاتتعبى ولاتروحى للدكاترة اقوللك نصيبك هيجى لحد باب بيتك واصبرى ماتتسرعيش مش من على النت ودى غلطتك تقربى من اللة وادعى ربك بالرزق الطيب وامشى صح يحتار عدوك فيك ولما يزهق هيجيلك من سكتك وساعتها هتقدرى تتعاملى معاة فى بيت ابوكى وتفهمية كويس اوى وانصحك بلاش ماما ولا اى حد غيرها انت من يذوق الطعم وانت الاقدر بالحكم علية