السلام عليكم ورحمة الله وبركاتة
انا عندى 16 سنة وفى واحد حبنى عن طريق النت بس احنا كان كلامنا عااااااادى فى الاول هو عندى 21 سنة وانا مكنتش حاطة فى بالى انى فى يوم هحبة علشان السن وانة زى اخويا بظبط ومش اكتر واتكلمنا كتير على االنت وكان بيحيلى كل حاجة عنة وكان بيحكيلى مشاكلة وكل يوم كان بيحاول يلمحلى انة بيستريح معايا فى الكلام وبس مشكلتة انة خاطب دلوقت وهو مش بيحب خطيبتة دى اهلة اللى دبسوة فى الخطوبة دى وهو مش عارف يعمل اية هو مش عايزاها وقلها كدا والبنت دى عندها 14 سنة بس هى مش عايزة تسيبة وهو قلها انة مش بيحبها وانة كان بابها قايلة انة مش هيخلى حد يخطب بنتة الا بعد 18 سنة ومكنشى متوقع ان اهلها هيوافقوا كدا وهو حاليا بعيد عنها لان هى عايشة فى محافظة تانية
وانا بحبة جدا وهو بيحبنى اوى ومش عارفة هو يعمل اية وخايفة اكون سبب فى انى خليتة يسبها ؟ بس هو اللى باين شعورة ليا الاول وانا مكنتش عايزة ابوظلة حياتة بس مش عارفة هو كمان مستعد يخطبنى بس انا مش عايزة دلوقت غير لما اخلص دراستى وهو بيشجعنى بدراستى ومش بيعطلنى عن حاجة وهو مستعد يستنانى لحد ما اخلص تعليمى خالص
بس فى حاجة كمان هو نفسة يشوفنى وانا مش عارفة اعمل اية وبيكرر طلبة دة وانا مش بعرف ارد علية بسبب مقنع انا عمرى ما كلمت حد ولا قبلتة ومش بقدر اعمل كدا ولا اخون ثقة اهلى بس مش عارفة اقولة اية ياااريت تفدونى وتساعدونى وشكرا ليكم
الحب على النت
حبيته عن طريق النت وخايفة اخون ثقة اهلي
اضيف بتاريخ: Sunday, March 27th, 2011 في 17:34
كلمات مشاكل وحلول: الحب على النت, الحب على النت, الخطوبة, خاطب, مشاكل الحب
بصي ياحبيبه قلبي اولا الحب مشاعر راقيه بيحسها اي شخص لما يتقرب لشخص التاني فطبيعي انتم لما تقربتم من بعض ع النت اعجبتم ببعض وهو لو ادى لنفسه فرصه انه يحب خطيبته هيحبهالو تقرب منها زي ماتقرب منك وانتي سنك صغير اوي وممكن الاحساس اللي جواكي ده ميكنشي حب ممكن يكون ارتباط بحد اهتم بيكي مش اكتر وكمان حطي احتمال انه يكون الشاب ده كداب وهو ولا خاطب ولا حاجه وممكن يكون صادق الله أعلم بس ياريت مش تدي ثقتك لحد انتى مش تعرفيه الا من خلال كلامه عن نفسه لان شخصيه الانسان بتظهر بمواقفه وتصرفاته وانتي ولا شفتي مواقف ولا تصرفات وبعدين هو مش شافك ولا انتي شفتيه احتمال كبير جدا لو شفتوا بعض مش تستريحيله ولا هو يستريحلك او مش تعجبيه صحيح في ناس حبوا بعض من ع النت واتجوزا بس ده نسبه ضئيله جدا جدا لما يكون الشخص اللي قدامك صادق وبعدين هو شاب في جامعه قدامه البنات كتيييييييييير اعتقد انها علاقه محكوم عليها بالفشل لان الاساس خاطئ ياريت تنتبهي لمذاكرتك وتنسيه وبكره تحبي وتتحبي كتييير بس اجلي الحب شويه لغايه مايبقى عندك مقدره في الحكم ع الناس وربنا يوفأك ويختارلك اللي فيه الخير ليكي سواء في الشاب ده او غيره وخلي بالك من نفسك وحافظي عليها عشان مش تندمي قدام
متخونيش ثقه اهلك فيكى لانهم لا يستحقوا مننا ده وهم وثقوا فينا وجابولنا نت والله هيكةن صعب شويه لكن هتنسى
بصراحه مفيش حب على النت ده انا مش بعترف بيه خالص وكمان الحب ده جميل ونفسى اوى انى ارقى بنت الحلال الا تحبنى وتخاف عليه وكمان الجواز ده قسمه ونصيب ممكن يكون هو نصيبك وممكن لا والا عاوزه ربنا هيكون لو هو فعلا فى يوم هيكون شيريك طبعا ديه هتكون بتاعت ربنا واكيد انتى طبعا عارفه الحاجه ديه وكمان انتى مستعجله ليه قولى يارب بصوت عالى وسبيها على الله وربنا يوفقك ….
اولا انتى وهو وخطيبتة كلم صغيرين اوى وبعدين انتى واثقة منين انة بيحبك دة واحد متعرفيش عنة حاجة غير كلامة على نفسة ومحدش هيتكلم عن نفسة وحش والشباب مش بيغلبوا فى الطرق اللى بيضحكوا عليها على البنات انا راى تبعدى خالص عنة وانتبهى احسن لدراستك صدقينى كلة ضحك ولعب عليكى
الابنه السائله طريق الألف ميل دايما يبدأ بخطوه يعنى مجرد انك تكلمى ولد على النت ده لوحده غير مقبول وما لهوش مبرر ومفيش حاجه اسمها حب عن طريق النت لانك لا تعرفى ان كان صادق أم كاذب فلو كان صادق ما كان كلمك من وراء أهلك كل واحد وكل واحده بيتكلموا على النت منغير ارتباط يعتبروا بيخونوا أهلهم وهى أيضا تفريط فى حق ربنا . واياكى تخليه يشوفك على النت لانه ببساطه هيرفع صورتك ويأخذ لكى لقطه وربما يعمل أكثر. انتى لسه صغيره وما تعرفيش ألاعيب الشباب فى محاولة الوقوع بالبنت فى الخطأ اقطعى صلتك حالا بهذا الشاب وقربى لربنا وصلى واعرفى انك بالطريقه دى فعلا بتخونى ثقة أهلك وبتخدعيهم . الحب مكانه مش على النت الحب الحقيقى ان واحد يتقدم لأهل البنت ويخطبها من أهلها.
اولا يا اختى انتى لسه صغيرة جدااااااااا مستعجلة ليه علي الحب والارتباط تانى حاجة دة انسان خاطب يعنى مرتب حياتة خلاص ومتقوليليش خطب غصب عنه لان دة شاب مينفعش اهلوا يجبروة علي حاجة تالت حاجة لو هو ساب خطيبتوا عشانك اعرفي ان هيجى عليكى يوم ويسيبك عشان غيرك كما تدين تدان ورابع حاجة ودة الاهم مفيش حب من النت نهائي دة مجرد كلام من وراء ستار او حاجز الله اعلم اذا كان صدق او كدب واوعي تخليه يقابلك او يشوفك اتقي الله في نفسك وفي اهلك اللي وثقوا فيكى ومتخونيش ثقتهم فيكى خليه يكمل حياتة مع اللي خاطبها وانتى ربنا هيبعتلك نصيبك المهم دلوقتى اهتمى بمذاكرتك ودراستك وسيبي الموضوع دة لوقتوا متستعجليش