الحب وفارق السن

دموع الحب بسبب رفض الاهل لفرق السن

انا وزميلي في الشغل بنحب بعض جدا  ومتفاهمين جدا بس اهله رفضوا الجواز عشان انا اكبر منه بتلات سنين وسبعه شهور وحاول معاهم بقاله تلات سنين خناق ومحايله بكل الطرق واهله بيرفضوا اكتر وبيهددوه كتير ودايما مش بيكون قدامنا غبر الرضى بالامر الواقع والفراق لكن…..مش بنقدر على العذاب والشوق وبنرجع لبعض تاني بدموعنا ودعينا ربنا كتيير يسهل لنا الموضوع لكن لسه مفيش اي امل حتى الان ومش عارفه اعمل ايه ومش بقدر على البعد من شدة عذابي على الفراق ومش عارفه اعمل ايه ومش عايزه اتجوز حد غيره كل ما يجي حد ارفضه عشان حبيبي ومفيش حل وانا خلاص مش قادره اتحمل كل الحزن والدموع والعذاب دا واهله مش موافقين وهو مش بايده حاجه ومش عارف يعمل مع عند اهله ايه … ارجوكم انصحوني وادعولي

مشاكل وحلول ذات صلة

اضيف بتاريخ: Saturday, February 2nd, 2019 في 05:23

كلمات مشاكل وحلول: , ,

2 رد to “دموع الحب بسبب رفض الاهل لفرق السن”

  1. البرنس
    27/07/2019 at 18:03

    صدقيني حصل مع اختي مثل قصتك دي كانت تحب واحد زمليها في العمل ولكن اهله عارضو زواجه منها لانها اكبرمنه ب 4سنين ولم يقدر على اقناعهم على الموافقة وفي الاخر تركته وقطعت علاقته به وانتقلت للعمل في شركة اخرى حتى تبعد عنه وتنساه وربنا كرمها بخير تقدم لها شاب كويس وابن حلال ومن عيلة كويسة وخطبها من الاهل وهي سعيدة معه وتستعد للزواج منه قريبا وربنا يسعدهما ويتمم لهما بالخير وعقبالك انت ياست البنات

  2. ابوالبتول
    27/07/2019 at 17:58

    يااختي الزواج قسمة ونصيب وماحدش ياخذ غير نصيبه اللي كتبه الله له في هذة الحياة ازاي تقبلي على كرامتك الزواج من شخص اهله مش راضين عنك ولاموافقين عليك دي اهانة لك ولكرامتك وكرامة اهلك انت لازم تتركيه وتنسيه خالص ولاعاد تفكري فيه وربنا بيعوضك ويكرمك بحسن منه الدنيا لسه بخير وتلاقي نصيبك مع ابن الحلال اللي يستاهلكي ويقدرمشاعركي ويسعدكي العمركله

اترك رداً أو حلاً لهذه المشكلة