انا فتاه عمرها 23 سنه كنت عايشه لوحدى فجاه وحد قريب ماما شفنى واعجب بيا وبعدين كلم بنت خالى لو كنت انا هوفق عليا ولا اى وبعدين بعد اقنع من بنت خالى وماما واقريبى وافقت الاول قالى اول لما اخويا يتزوج هاجى واكيد برضو حطيت ماما معايا فى الصوره قالتو ماشى طالما انت بتحبنى وانا كمان بحبك خلاص واسنيت وبعدين جات مشكله جديده انى بابا هو عايز نتجوز عندهم بعلم من حبيبى انى بابا مش هيوفق انى اتجوز فى المكان ده بس انا قولت ممكن بابا يرضا وافقت انا برضو وبعدين قالى اصل مش هينفع انى اجى استنى شويه عليا الشى المضحك انو يوم ما خلاص قراره انى انى هو يجى بابا هو اتصل بى امى وقالها انو عايز يكلم بابا ورسمت احلام وردى وبعدين بعد ماكان مش بيقدر يزعلنى بقا عادى عنده انى يزعلنى جاى قعد مع بابا بس بابا شافانى هو ظرفو مش هبقا انا مرتاحه فيها بس انا مش عارفه لسا بضو بحبو بس مش مبينه لاى مخلوق وكل ما حد يقولى انا جايبك عريس قولو لا انا خلاص مرتاحه كدا
بجد هبقا مشكوره لو حد قالى ابقى ع الحب ولا ابيعه
ابقى ع الحب ولا ابيعه
(ليس أقدر من الشخص نفسه على حل مشكلتة فأنا لا أحل المشكلة جذريا ولكني أضيء له الأنوار ليرى فيها جوانب لن يراها من نفسه )
بسم الله الرحمن الرحيم – هو حضرتك ليه بتسميه (بيع) مش بيع ولا حاجه هو أصلا لم يشتريكي بعد فهو لايزال في تردد واتصالات عقيمة لاتسمن ولا تغني من جوع وأنتي أوضحتي وقلتي :
(انه بعد ماكان مش بيقدر يزعلنى بقا عادى عنده انى يزعلنى)
الله أكبر يزعلك على إيه ؟ !
هو لسه بان له كرامات ؟
هو لسه عمل عندك بصمة ؟
أنتي تعلقتي بحبال دايبه – لا لا لا متتعلقيش وكبري دماغك أنا لو مكانه كنت أقمت الدنيا ولم أقعدها طالما إتصلت بوالديكي ووضعت نفسي في مسئولية أدبية وإجتماعية – إنما من أولها أبقى مش عارف راسي من رجليه – لا دا تعبان أوي بلا هم بلا نيلة – وأنتي ليه تقولي للي جايبلك عريس ( لأ خلاص أنا كدا مرتاحة )
مرتاحة فين يا اختي ؟ إيه هو دليلك على أنك اخترتي صح وأنه عريس ميتعوضش ؟ ولا شيء ويدك تقبض على الهواء ورصيدك منه صفر – واللي كبر الموضوع عندك هو حرصك على عريس مضمون – ودا من حقك طبعا محدش يقدر يغلطك أو يلومك لكن انتي متعلقة بحبال دايبة – ومش متغطية ودفيانة بعريس واضح المعالم – أنتي تعلقتي بسراب ويجب أن تكوني أكثر كياسة وحرصا على الإختيار السليم – وأتركي الأمر للكبار ذوي الخبرة الزواج له رجل يسعى صح مادام اختارالصح – طبيخه لم ينضج على النار ولا يجب عليكي أن تمدي يدك إلا بعد أن تشتهي الطعام – محدش بيبلع حاجة غصب عنه – ولا اتنسي أن عمرك 23 سنه يعنى لسه ورور- وياما هييجيلك ناس من كل الأشكال والأصناف –
الخلاصة : لاتتعلقي بما يبرق بعينيكي فليس كل مايلمع ذهبا وثقي بنفسك وزيدي حرصك على الإختيار- ولا تسدي الطرق أمام مستقبلك ومن يتقدم لك – إنتي لسه مشفتيش حاجة تجعلك ترفضي آخرين – لا لا لا ياختي انتبهي ولاتقللي من شأنك – ربي يصلح حالك ويحقق لك أمنياتك ويروق بالك – آمين
شوفي يااختي الزواج قسمةونصيب وماحدش ياخذغيرنصيبه اللي قدره الله له في هذةالحياة لوكان الشاب فعلا يحبك وشاريك بالغالي لتقدم لااهلك وخطبك منهم حسب الاصول اماانه يتحجج ويتهرب فلافائدة من الابقاءعليه اوانتظاره ابوك معه الحق يريدان يطمئن عليك ويشوف مصلحتك اسمع كلامه وربنابيرضى عليك ويكرمك باحسن منه وتلاقي ابن الحلال الصالح اللي يستاهلك ويصونك ويقدريسعدك في حياتك