اولا قبل مبدا انا اسفه جدا لو كنت هطول ف الكلام ..
انا عندى دلوقتى ١٨ سنه ف اولى كليه المهم وانا ف ٣ اعدادى كدا تقريبا حبيت ولد قدى فى السن وهو حبنى واتكلمنا وبعديها بشهور سبنا بعض هو اللى سبنى وطبعا انا انهرت ايمها اووى بعد ماانفصلنا رجع هو تانى بعديها بشهرين تقريبا وقالى انا اسف وندمان وبحبك اوووى وفعلا رجعنا لبعض وحبينا بعض جدا جدا واتعلقنا ببعض اووى وهو كان بيحبنى جدا وهو كان بيحبنى جدا والعلتين كانوا عرفين ونعتبر زى المخطوبين بس من غير دبل لانه مكنش ننفع نتخطب واحنا ف ثانوى فضلنا مع بعض سنتين وبعدين حصل بردو مشاكل وافترقنا تانى .. وبعدين رجه بعديها بفتره وقالى نرجع بس نبقى اصحاب انا عشان بحبه اووى وفقت بس بقا كنا دخلين على الكليه كدا وكل مره ساعات ابين حبى غيره او كدا هو يقولى احنا اتفقنا على ايه وارجع اتاسفله وقله هتغير ومفيش فايده جوايا نار غيره اما يهتم بحد غيرى المهم ف الفتره دى فضلنا مع بعض بس نسيب شويه ونرجع كل مره ع كدا .. هو دبوقتى بقا ف كليه وبقا يكلم بنات عمه وخلاته ويكلمهم بالساعات ويهزر معاهم بس على الفيس يعنى او الواتس وانا بصراحه مش بقدر اتحكم ف غيرتى وبقيت انا نكديه .. المهم حاولت كتير انى اسيبه مش عارفه وهو بردو بيرجع بس بردو بيفضل يكلمهم دلوقتى بقا بقا يكلم بنات غريبه عنه على الفيس ويقولى اصحابى وعادى انتى ليه كدا واما اتناقش معاه ان مينفعش وان مبداك مكنتش كدا يقولى عادى انا مش زى الصبيان اللى بضحك على البنات وكدا ولو بقيت كدا انا انتحر افضلى .. ويدايق منى كل اما اكلمه ف الموضوع داا لانى حسه معاه انى زيي زيهم انه بيكلمهم زى وبيقولى انه بقا اما يكلمنى مش بيضحك بقا يتنكد عليه وهو بيكلمهم عشان يضحك مع انى والله بحاول ادارى غيرتى وانسى عشان اعرف اسعده بس هو لو قلت كلمه واحده غلط يدايق منى لدرجه فظيعه اووى . واليومين دول متغير جواه هموم اعد اقله مالك ميقوليش اقله انا عايزاك تحكيلى عشان ترتاح يقولى معرفش واتكلم معاه واقوله يقولى انتى فكرانى بروح احكلهم حاجه انا والله مش معرف حد خالص همه اما يقولولى مالك اقلهم مفيش ويضحكونى .. انتى بتقلبيها نكد قلتله انا كدا ابقى زيهم وانا مش زيهم عندك صح يقولى اه طبعا قله المفروض انته بترتاح معايا وتحكيلى وتقولى اللى جواك سكت يقولى محدش حاسس باللى جوايا اكلمه بحنيه اقوله مالك قولى يسكت ..يقولى انهارده ومرات عمى بتسالنى مالك دمعت ويقولى انا بعد مببقا عايزه ارجعلك واكلمك اندم تانى انى رجعتلك ويقولى اتغيرتى اووى .. مع العلم عمرى مكلمت ولد غير ولا حبيت غيره هو اول حب ليا وحتى وهو بعيد بفضل مخلصاله وبفضل اعمل زى ماهو كان معودنى .. انا بحبه اووى وتعبانه اووى بقيت انا نكديه وطماعه عشان عايزع اعرف كل حاجه وانا قصدى والله اطمن عليه واذا كنت بساله عن البنات فاانا عايزه اقوله انها مكنتش مبداك .. انا تعبانه جدا قلبى وجعنى اووى كل يوم انام معيطه ووملييش صحاب ولل عارفه احكيلى لحد انا موجوعه اووى ارجوكم ساعدونى ربنا يساعدكم وينور طرقكم .
وجزاكم الله كل خير
الحب قبل الزواج
بعد حب 4 سنين بقينا اصحاب
اضيف بتاريخ: Tuesday, May 17th, 2016 في 10:27
كلمات مشاكل وحلول: الحب, الخطوبة, بنت, شاب
السلام عليكم ورحمة الله وبركاته:
الأخت الفاضلة حفظك الله:
الله يهديكي يابنتي انا اعرف ان الحب الأول شئ صعب جدا ولكن هذه مجرد قسمة وهذه قسمتك فلا بأس لو حبيتي واحد تاني واتجوزتي عادي ولا تقولي لا احب احد غيره اليس الذي كنتي تحبي انسان فالاخر سيكون انسان ولا تهتمي بالوجه والجمال بل كل ماعليكي ان تتزوجي واياكي ان تفكري بعدم الزواج لإن الزواج ـ أيها الأخت الكريمة ـ راحة وطمأنينة وسكينة ، وهو خير متاع الدنيا ، وفيه من ذلك ما جعله الله آية للناس ، وذكره في كتابه ليتفكروا ويتأملوا عظيم قدرته سبحانه فقال :
( وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لآيَاتٍ لِّقَوْمٍ يَتَفَكَّرُونَ ) الروم/21
فهل يبقى بعد ذلك كله تردد ؟!
اعزمي وتوكلي على الله ، والله يعينك ، ويهيئ لك الزوج الصالح الذي يعينك على طاعة ربك ، ويرزقك الذرية الطيبة التي تكون ذخرا لك في المعاد عند الله .
وبالله التوفيق.
اختي الحب شي عظيم بين الاثنين بس يكون صادق ونابع من القلب ومن كلا الطرفين مش من طرف واحد بس عموما مانعرفش ايه هي طبيعة المشاكل والخلافات التي حالت بينكم عشان ترتبطوا ببعض لكن المفروض كل واحد منكم يذهب لحال سبيله ويتمنى كلواحد منكم للاخر الخيروالسعادة في حياته لكن ان ترجعوا اصدقاء مافيش شي اسمه صداقة بين فتاة وشاب ده كله حرام وتصرفات غير اخلاقية بالمرة توقعكما في الكثيرمن المشاكل والفضائح وكلام الناس وخصوصا عليك انت كفتاة شابة 18سنة تخلي اهلك وكل المحيطين بك يظنون بك السوء فمابالك بالناس الاخرين وكلامهم اللي زي السم في البدن اقولك الكلام ده وارجواان تسمعيه وتنصت له وتعرفي اني ماريد الا مصلحتك والخيرلك واعتبريني زي اخوكي الكبير واعرف بنات في سنك مروا بالظروف دي ولكنهم تغلبوا عليها بالعقل والتفكير والرضا بالقسمةوالنصيب وعرفوا يختاروا الطريق الصحيح وابتعدواعن الطريق الوحش اللي كانوا ماشين فيه وربنا هداهن وسترعليهن وتزوجن وانصلح حالهن اتمنى انك تكوني زيهم وتعي الدرس وتاخذي العظة والعبرة في هذي الحياة اتركي الشاب وانسيه خالص وتاكدي انه ماهومن نصيبك ولاانت من نصيبه واهتمي بدراستك وحافظي على شرفك وكرامتك وكرامةاهلك وتربيتهم لك وثقتهم فيك وربنا بيعوضك ويكرمك باحسن منه مليون مرة هتلاقي ابنالحلال الصالح اللي يستاهلك ويقدرك ويصونك ويسعدك في حياتك القادمة