انا طالبة جامعية عمرى ١٨ سنة و اتعرفت على واحد من نفس السن و مع بعض من شهر ٣ حتى الان و طلبت منه انه يفكر نسيب بعض قالى انا هسيبك تفكرى برحتك و تردى عليا و قلت له انك ما بقيتش تحبنى انا عرفة انه لاخنى ولا بيخبى عنى حاجة ليا الحق انى اعرفها يعنى لو مشكلة بين احد العائلة عادى انا مش لازم ادقق, انا برده مش عرفة ان كنت بحبه ولا لا لما قلت له يفكر فى القرار ده و حسيت انى خلاص ممكن مسمعش صوته تانى ولا نفضل مع بعض قلت لا لى نفسى بس ماقلتش له حاجه و انا الجعلنى افكر فى موضوع له عدد مواقف بصراحه خلتنى افكر كان فى الاول بيتريق عليا كتير عادى بضحك و بهزر بس مرة فى مرة بقى الترية شىئ عادى عنده وانا بقيت بضيق منها ,و قلت له بلاش تريقة بيقلى بكل سخرية مقدرش و بيضحك ,لكن هذه السخرية تحولت الى عدم الايمان بقدراتى و مرة كان بيكلمنى مع زمايله فى التلفون يقوم ” طب غورى انت دلوقتى” و وبيضحك طبعا الموقف ضايقني و علقت عليه انا و هو ملناش صحاب كتير يعنى تقريبا انا و هو الاصحاب و الحبايب الموقف ده علقت عليه و اعتذر و بصراحه لما اقول له مش بحب الهزار ده او الكلام ده مش بيعملوا تانى بس ابص لاقى الابشع منه مره فى باص الجامعة احد اصحابه قاله بتكلم مين اله انتا مالك و صاحبه قاله طب ادينى السماعة فانا مكنتش متصورة انه ممكن فعلن يديله اكلمه طبعا افلت السكة و هزقته على الموقف ده و اعتزر برده بس من كتر الاعتذارات حاسه انه ما بقيتش تفرق معا يعنى لو غلط عادى يقول ًهعرف اضبط الدنيا ازاى ً لما قلت له على القرار قلى انتى متاكدة انا المبقتش احبك قال لى مين الكل ما كلمه يقول معلش كنت مع ماما كنت نايمه والفترة دى بقيت اتقمص كتير رغم انى مكنتش كده كان بيهزر و يتريق عادى و اتضحك بس مرة فى مرة بقيت حاسة ان الهزار ده من جواه جد مش مجرد هزار , بس بيقول هزار والله , والله بحبه و دى ممكن تكون الحاجة الوحيدة انا واثقة فيها بس حاسه انه معايه من غير روح جسد بس بس هو استحمل معايه و كان بيشجعنى ساعات ولدتى عرفه و ولدته و بصراحه والدتى مش مقتنعة بى بتقولى عادى متخصريش حد بس مش هو ده و انا بقيت برده عاديه اكيد الحب اقل شويه مش زى الاول اقصد و هو ميكلمنيش يعنى ممكن يكون مشغول الفترة دى بس كان برده اوقات كتير مشغول و كان عادى بطمان عليه بس معرفش لى ديلوقتى حاسه لو سبته هرتاح فى نفس الوقت مش قدرة اتخيل انه مش هيبقى فى حياتى ومش هسمع صوته فى الاول كنت متاكده مائه فى المائه بيحبنى ديلوقى شاكه جدا و غلط انى ظهرتله انى شاكه فيه دى هى مضايقة اوى , انا مضايقه من مواقف كتيرة منه فكل مع كله خلانى اقرر كده من فضل سيادتكم انا اول مره اغرض مشكلتى لى حد ارجو الرد المناسب لى و اسفة لو كلامى طول عليكم .
انااحي الاخت- مغربيةمتفائلة- واضم صوتي لصوتهاواويدهافي كل ماقالت واسال الله عزوجل ان يبارك فيهاويجزاهاكل الخيرويحفظهاوسائربنات المسلمين ويسترعليهن
شوفي يابنتي ربنايهديك ويصلح حالك اولا البنت المودبةوالمحترمة ماتعمل اللي انتي عملتيه ابدا لانواخلاقهاوتربيتهاالكويسةوحرصهاعلى كرامتهاوشرفهاوسمعتهاوسمعةاهلهاتخليهاماتفرطي فيهم ابدا لاي احدكان واعلمي انوالشباب اغلبهم بيجرواوراءالبنت التي تعطي وش وتبادلهم الكلام والهزاروفي الاخريعتدواعليهاويسلبوهااغلى ماعندهاوهو الشرف باسم الحب الكاذب والاوهام الخادعة وبعدماياخذوامنهااللي عاوزينه منهايرموهاولايسالوافيهااطلاقا ومش بعيد يطلعواعليهااشاعات كاذبة تسي لسمعتهاواخلاقها احذري منهم ربنايحفظ ويسترعليك واقطع علاقتك مع الشاب ده فورا وحافظي على نفسك وشرفك وسمعةاهلك بلاش تجني عليهم لاجل نزوات شيطانيةوتاكدي انك لوبطلت تكلميه وتنسيه للابد يعرف انك بنت ناس محترمةوبيتركك في حالك وربي بيكرمك بابن الحلال اللي يطرق باب قلبك ويستاهلك ويقدريسعدك
السلام عليكم ورحمة الله تعالى وبركاته
أثناء تصفحي لعدد من المنتديات ومواقع التواصل الإجتماعية وجدت عبارات من قبيل “تعرفت على فتاة و عندما قبلت الخروج معي أدركت أنها ليست مناسبة للزواج” وأحد الأولاد كتب “من بعيد كانت تبدو لي فتاتا محترمة و علمت أنها تصلي وتقوم الليل وهي طيبة وخلوقة بشهادة من سألتهم ..ولكن سرعان ما اكتشفت عكس ذلك فلا انكر انها في البداية صدتني ولكن عندما أغرقتها بالإهتمام والوعود أعطتني رقمها و سمحت بأن أحادثها دون زواج!! بل إنها لم تعارض عندما أسمعتها الكلام المعسول! فعلمت أنها رسالة من الله بأنها ليست الزوجة الصالحة العفيفة التي أبحث عنها.. يقول الله عز وجل “أتأمرون الناس بالبر وتنسون أنفسكم ”
ما هاته الأفكار وما هاته التصورات وأي منطق تحتكمون إليه؟؟!!!! أي انحطاط هذا بالله عليكم
من اعطاكم حق تقييم الناس؟ يقول البعض انا بذلك أختبر تربيتها !!!و ماذا عن تربيتك يا ؟! أليس من حقها ايضا أن تبحث عن زوج صالح عفيف؟! وهل ديننا الراقي والذي تنتمي له بالاسم فقط ،هل يلزم على الفتاة وحدها أن تعف نفسها و تكون صالحة؟! بينما الذكر يلهو ويلعب كما يشاء وفي سن الثلاثين يقول إن الله غفور رحيم وحان وقت الإلتزام وينقب عن فتاة “نقية” كلا يا عزيزي مهلا لن تأخذ الا من صنفك فإذا أصلك وبذرتك نقية أخذت مثلها و إذا أصلك خبيث عبث ببنات وكسرهن فاطمئن وهدئ من روعك فلن تطول إلا مثلك
تلك الفتاة التي حدتثك هي فعلا خلوقة وتقيم الليل ..ولكنها ساذجة لأنها وثقت بنذل مثلك وارتكبت إثما في حق نفسها لأنها اذنبت ..تألمت وبكت عندما اهنتها و دعت الرحمن ان يعفو عنها ،فعفى عنها الكريم و تاب عليها التواب وأصلحها ورزقها زوجا صالحا ..وأنت يا من خدعتها و فتنتها و جعلتها تتعلق بك ..ثم تركتها وقلت لها كلاما جارحا.. أنت أيضا سامحك الله عندما “التزمت وتبت ” ولكن ماذا عن ظلمك لها ؟؟ هل تعتقد حقا أن العدل الحق المبين سيفوت هذا الظلم و يعفو عنك بشأنه بهده السهولة دون عقاب؟ إن الله يا عزيزي يغفر بسهولة ما بين العبد وربه ،ولكن ليس الأمرسيان فعندما تظلم الناس فذلك شأن آخر و تأكد تماما وأيقن أن ما فعلته في تلك الفتاة سيأتي آخر و يفعله في أختك او ابنتك الصغيرة ..فتلك الفتاة أيضا لها اب يعزها و يخاف عليها
كثير من الناس يقولون” لو كانت فتاة خلوقة ومتربية حقا لما وثقت بأحد بل إن لها استعدادا لفعل السوء “و من منا ليس لديه استعداد لذلك ؟!!فعلا البعض يحسب نفسه منزها ويعطي الحق لنفسه في محاسبة خلق الله
لم يا أمة محمد لا تنشغلون بأنفسكم قليلا وتدعون الخلق للخالق ، كل البشر لديهم استعداااد للخطأ و للمعاصي والا لم جعل الله باب التوبة مفتوحا؟
أقول لكل شاب إذا أحببت فتاتا تقدم لأهلها وان لم تستطع لانك لم تجهز بعد فاجعل كلامك معها قليلا ومحدودا عافاكم بلا كلام أفلام (أحبك ، أشتاقك ..وغيره) إذا تحبها فعلا ادرس جيداو ابحث عن عمل فورا وابذل أقصى مجهود حتى تحصل عليها وادع في صلاتك في جوف الليل ان يجمعك بها وأسرع وتقدم لها حتى لو لم تصبح جاهزا كليا، عندما سيرى والداها دينك وخلقك وتشبتك وإصرارك على ابنتهم لن يملكوا الا ان يقبلوك ، واقول لكل فتاة إذا كان شخص فعلا يحبك فسيظل يحبك ويتقدم لك فلا تتساهلي ابدا ولا تخرجي معه ولا تقولي له كلاما رومنسيا .. ليبقى بقربك فمن يحبك فعلا سيسعى لتكوني زوجته وأم أبناءه ولن تكوني مطالبة بأي شيء هكذا ببساطة فلا تغضبي خالقك لأنك في النهاية ستلومين نفسك ؛ اما خزعبلات أختبرها وتختبرني بلاش منها ،وفيما يخص من يعبث لأجل ان يرضي نزواته أقول له افق من سباتك قبل أن يوقظك تداول الناس لأخبار اختك التي وثقت بواحد مثلك و لعب بها
“إن الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق” صدق الله العظيم
لكل واحد ظلم واعتدى اطلب العفو من الخالق واطلبه ممن ظلمت عسى أن يعفو الرحمن عنك ههذه الآفات تنشأ في مجتمعاتنا نتيجة التربية
كل أم و فتاة وأب و خال وعمة..لا تسكتي وتتساهلين عند رؤية ابنك يكلم فتاة ويصاحب أخرى ..وتنتفضين إذا علمت الشيء ذاته عن ابنتك .. بل إن بعض الامهات سامحهن الله يفرحن ويبررن هذاك رجل ! حرام عليك انت بذلك تكرسين أمرا في غاية الخطورة و تربين جيلا يحتكم للعيب و المألوف أي جيلا يخاف الناس ولا يخاف الله ،وهذا بعيد تماما عن الإسلام .. فلنعد للقرآن الكريم وللسنة النبوية الطاهرة ولنجعلهما المرجع الأساسي ولنحتكم للحلال والحرام فالخوف من الرحمن عبادة
حاولي متفكريش إذا كان ده حب و لا لأ و فكري أكتر في مستقبل العلاقة دي هتلاقي أن ملهاش مستقبل و كدة كدة هتنتهي من نفسها قريب فالاحسن إنك تنهيها من نفسك عشان تفوقي أكتر لحياتك و لما تلاقي حد مناسب فعلا ميكونش دماغك مشغولة بحد مش مناسب زي اللي بتكلميه دلوقتي و اللي ممكن تفضلي مشغولة معاه لفترة طويلة تكوني بتضيعي فيها وقت من عمرك و بتضيعي فرص بتيجي قدامك
لو سألتيني هقولك أن اللي انتي فيه ده أوحش من الفراغ و لو الواحد يقعد فاضي و مبيعملش حاجة أحسن بكتير ما يضيع وقته في حاجة ممكن تؤذيه في المستقبل و كمان قربي من ربنا أكتر هتلاقي الدنيا أحسن , اقولك علي حاجة أقري صفحتين من المصحف بعد كل صلاة هتلاقي حياتك أحسن بكتير اوي
الحب مو كل شي بالدنيا وانتي ما تحبينه انتي حبيتي تعبين الفراغ ألي بداخلج وبس وانتي توج صغيره يعني الطريج جدامج طويل ويبيلج وكت على ما تعرفين الحب يعني.وادا كان هوه يحبج صج جان ما تردد وله لحظه انه يي ويتقدملج ويخطبج من اهلج لانه يحبج ويبي يصونج.وادا كان عن الغشمره حلو الواحد يتغشمر بس في اوقات لازم نكون جدين في حياتنا ولو يهمه مشاعرج جان يخلي الغشمره لها حد وما يتماده بمشاعرج جدام أحد مهما كانت الغشمره كل شي لها حدود وأسمحيلي اختي انتي عطيتيله ويه زياده عن اللزوم علشان جدي اهوه قاعد يستغل شخصيتج ويهزها جدام غيرج
بصي يا حبيبتي انتي احاسيسك صح انا لو مكانك هسيب الشخص ده ده مش حب اساسا وزي ماقلتي هيزعلك ويرجع يصالحك ماهي سهلة يادوب كلمتين
بالنسبة لموضوع الهزار بصي متهيالي الانسان مش هيموت لو مهزرش فما بالك لو كان الهزار ده بيضايق اللي قدامي وكدة ده بيستهتر بيكي انا راي بصراحة تسيبيه وهتلاقي الاحسن منه 100 مرة
عزيزتي بكل الأحوال إن كان حب أم لا فعلاقتك به مرفوضة شرعا فهل برأيك الأتصال بشاب دون علم الاهل ليس خيانة لثقتهم بك ؟
وقوله تعالى (ولاتواعدوهن سرا) أين أنتي عنه ؟ الحب الحلال هو بالعيون ودقات القلب فالمحب الحقيقي يشعر بمن يحب دون أن يكلمه ويأتي يوما ويطرق باب منزلك ويبارك الله فيه . اما الحب الذي كثر في مجتمعنا العربي حاليا ويبرر بموضوع الأنفتاح فهو لا عذر له ولاقيمة تذكر.
لذلك أبتعدي عنه عزيزتي كفاكي الله شر الذئاب
بصى الحب مش بيستخبى يعنى انتى مش بتحبية ولا حاجة وهوة لو بيحبك هيقدرك ويحترمك الواد دة بيظبط مع بنت مش اكتر من كدة انتى اتقلى شوية وربنا هيبعتلك الحب لحد عندك متستعجليش وبيعى الى يبيعك اوعى تشترى حد مش عاوزك نصيحة من اخ
استخيرى ربنا انا حصل معايا نفس المشكلة قبل كده وكنت مترددة ومش عارفة اعمل ايه بس قررت اننا نبعد فترة عشان اقدر اقرر واشوف نفسى هقدر اعيش من غيره ولا لا واستخرت ربنا كتير وانا دلوقتى نهيت الموضوع من كام شهر والحمدلله مش بفكر فيه وبرضو كان بسبب انه عمل مواقف كتير دايقتنى وبعد سنتين من حبى ليه اخدت القرار ده
كل الحكاية محتاجة وقت وان شاء الله ربنا يوفقك ويعملك اللى فيه الخير