هل انهي علاقة الحب بيننا او اتفاهم معه

مشكلتي بدات لما بدأت ازن واضغط عليه في وقت كانت ظروفه مش مضبوطة لانه كان ترك شغلاته وبيعمل في مكان مؤقت وفي وقت كان المفروض يسافر وتعثر سفره بالفعل.. وكانت نفسيته مش كويسة وكنا المفروض متفقين علي الارتباط الرسمي بميعاد مناسب لنا احنا الاتنين .. فأجي اليوم اللي كنت مضايقة من ظروف عملي ومضايقة منه عشان مكلمنيش في هذا اليوم ومتصلش بيا قمت كتبت عل الفيس بوك كلام يفيد بأنني مش مبسوطة بهاك الارتباط وان الواحدة تعيش سينجل أفضلها كتير قام زعل بعدها كتير من كلامي هذا وقال لي اني بعك في الكلام وخصوصاً ان كلامي اجى في وقت ظروفه مخلبطة كتيييير .. فكلامي كمل عليه..
ومن بعدها ظل في حالة صمت رهيب أكلمه ع الموبايل يرد عليا علي قد الكلمة واعتذرت له كتييير وقولتله انا اسفة بس انا كنت مضايقة كتيير في شغلي ومضايقة منك حساك بعيد عني ومع ذلك ظل زعلان كتييير واقوله طيب احكي شو بك بلاش الصمت ده .. فطبعاً هو رافض الكلام لانه بطبعه ما بيعرف يتكلم او يفضفض وهو زعلان من حدا فسبته يوم ومع ذلك مش اتصل ولما جيت كلمته تاني بعدها بيومين واقوله خلاص المسامح كريم يرد ويقوللي خلاص انا بس مش ههدأ ولا اعرف اتكلم الا ما اكون كويس لان في كذا حاجة في حياتي مش تمام وخصوصا موضوع الشغل..
المهم عرفت انه طالع رحلة فقررت اروح الرحلةمن غير ما يعرف عشان اعتذرله وتبقي مفاجأة له فلاقيته استغرب وقالي شو اللي خلاكي تعملي هيك رديت وقولت عشان مش هاين عليا اسيبك زعلان طول هيك الفترة (5 أيام) فرد عليا وقال مش معني كده ان موقف مجيئك راح يخليني لسه مو زعلان أنا في حاجات في حياتي مضايقاني.. فتعاملنا في اليوم ده عادي عشان زملائه بالعمل وفي نفس الوقت كان مهتم وعينه عليا في كل مكان.. المهم بعد ما روحت يومها متأخر ما اهتم ولا اتصل ليطمن عليا وعلي وصولي البيت مع العلم ان روحنا كلنا من الرحلة متأخر ..
المهم تركته 3 ايام ومع ذلك ما اتصل .. فزعلت انا كتيير جداً فقررت اتصل وافهم منه سر الصمت ده ايه معني كده انه قرر ننفصل او يبعد بسبب المواقف اللي انا عملتها ولا ايه .. فقولتله انا مش عرفة شو موقفي الان فطلبت منه يقوللي لو هيبعد خالص يقوللي عشان ابقي فاهمة رد وقاللي انا لو عايز انهي العلاقة قادر انهيها بدون خجل وقاللي انا مش ندل وجبان عشان اختفي علي طول كده وبعدين قاللي موقف انك جيتي الرحلة ده قرار خاطئ افرضي كنتي جيتي ومو وجدتيني وخصوصا انك مش ليكي اصحاب فيها وطالعة الرحلة وحدك بدون اصحاب فلما قولتله السبب قاللي غلطانة ولو في نصيب بينتنا التصرفات اللي بدون عقل هيك ممكن تعمل مشاكل ..
فلما قولتله انت هتظل كده كتير صمتان رد وقاللي انا قولتلك قبل كده اني مش بعرف افضفض
الا لما اهديء،، فكنت منهارة وبعييط كتير وببكي بسبب اني مش عارفة اعمل ايه فقاللي اهديء وقعد يهديني كتيير وقولتله انا خفت تكون سافرت من غير ما اعرف ناوي علي ايه رد وقال السفر اتلغي وقاللي مش بقولك ان في مشاكل كتيير مخلايني مش قادر اتكلم ولا قادر اكون كويس فقولتله يعني هنظل كتير متخاصمين كده قولتله هبقي اطمن عليك طيب رد وقاللي لأ انا لما ابقي كويس هبقي اكلمك ولحد الان مو اتصل بقالنا حوالي 8 ايام من اخر مكالمة وبردو مفيش اي احتكاك بنشوف بعض ع الفيس بوك والواتس اب وبردو في حالة صمت منه ومنني ومش قادرة اتكلم عشان كرامتي بردو
بس للأمانة انا ذغطت عليه كتييير وزنيت عليه اوووي بس أنا مش عارفة الصمت ده معناه ايه ((معناه انه خد القرار انه يختفي ونخرج من حياة بعض ولا بيشوفني هسمع الكلام اني ما اتصلش بيه ولا ايه .. ولا بيفكر هيعمل ايه ولا ده عقاب منه ليا)
مش عارفة اعمل ايه؟؟
لو ظل السكات والصمت ده كتييير بزيادة اسكت واقفل الصفحة دي من حياتي ولا اتكلم معاه وافهم موقفنا ايه من بعض

مشاكل وحلول ذات صلة

• بحب واحده واتقدمت وشرط باباها اني اخد شقة في القاهرة
• شك فيا لمجرد اني تجاهلته بسبب تصرفاته
• خيبة بعد الزواج واشمئزاز من زوجي
• حبيته بس هو دايما مطنشني
• هل اهرب واتجوزه بعد ما اهلي رفضوه
• عاوزة ربنا يباركلنا و نتجوز كده اكون غلطانة
• فسخت خطوبتي قبل الفرح باسبوعين و نفسيتي مدمره