السلام عليكم
انا شاب عندك 18 سنه حبيت بنت بصراحه انا مش عارف دى كان حب من طرف واحد ولا ايه بس انا هحكى وياريت الناس ترد عليا علشان بجد محتاج اسمع كلامكم
كنت اعرف واحده يعنى تقدرو تقولو انها كانت بنت صاحبه ولدتى وكانت بتيجى عندنا ديما هيا وامها بس مكنش فى فى دماغى اى حاجه ولا كان فى
حاجه من نحيتى ليها جت فى يوم اتصلت بيا على الموبايل وقلتلى انا عوزاك فى موضوع قلتلها ماشى المهم قلتتلها على ميعاد تقبلى فيه المهم روحت فى
الميعاد الى اتفقنا عليه لقتها عوزانى علشان هيا كانت بتحب واحد وسبتو وكانت عاوزه ترجعلو تانى بس مش كانت عارفه ازاى لقتها بتقولى انا عوزاك
تقابل لبشخص دى وتتكلم معاه قلتلها ماشى المهم بقينا علطول مع بعض وديما بنشوف بعض وقربنا من بعض اوووى وبقت تحكيلى عن كل حاجه فى حياتها
لقيت نفسى بعد كده علطول بفكر فيها وديما شغله تفكيرى بطريقه غريبه مش عارف بقى حبتها ولا علشان قربتلها الفطره الاخيره بس حسيت انى حبتها بجد
وهيا كمان لقتها بتلمح بكلام بس على المتغطى بمعنى اصح والمفروض انها كانت عوزانى ارجعلها حببها لقيت نفسى مش عاوز ولما كانت بتكلمنى فى الموضوع دى كنت بتعصب اووووى بس مكنتش ببين اى حاجه جت فى يوم لقتها بتقولى بدون اى مقدمات انا بحبك انا بصراحه كنت حاسس نفس الاحساس دى بس مكنتش عاوز اتكلم علشان من المفروض انها كانت بتحب الشخص التانى دى ومكنتش عوزها تسيبو بدل هيا بتحبو بس لما قلتلى كده انا كمان صرحتها وحبتها جدا جدا جدا جت فى يوم لقيت الشخص الى كان بيحبها دى كلمنى فى الموبايل انا لحد ناو مش عارف هو جاب رقمى منين المهم لقيتو بيقولى انا حبيت الانسانه دى بجد وانتا ختها منى وكلام غريب كده قلتلو طيب انتا بتحبها ليه سبتها من الاول بعد كده لقتها مش مهتمه بيا زى الاول وحسيت منها انها اتغيرت معايا وحسيت انها رجعت للشخص التانى دى وبعد كده عرفت فعلا انها رجعت للشخص دى انا بس عاوز اعرف حاجه هيا ليه عملت كده انا حبتها بجد وهيا كمان كانت بتقولى انها بتحبنى جايز كانت تكون بتقولى كده علشان عاوزه تدخل اى علاقه علشان تنسا الشخص دى انا خلاص سبتها بس انا لحد ناو بحبها ومش قادر اعيش من غرها ومش عارف اعمل ايه وعلشان انا بجد حبتها بجد مش عارف اعمل اى حاجه علشان خايف هيا الى تتاذى فى الاخر المشكله انى مش عارف اعيش من غرها لحد ناو ومش قادر اسبها لحد غيرى
يا ريت الناس تقولى اعمل ايه علشان انا بجد تعبان اووووووووى ونفسى ترجعلى تانى …شكرا
لا زمن تشيلهاا من دماغك خالص ومتزعلش لان انتا بطايبتك واخلاقك وباخلاصك اديت لهاا الفرصه انها تعمل كداا شوف مستقبلك وابعد عن اي مكان هياا فيه وحاول متشفهاش خالص ربك هيجبلك حقق
نصيحه منى ليك اوعه تحب من قلبك علشان مفيش حد يستاهل والله مفيش حد يستاهل انا كمان حبيت انسانه ولحد الان بحبها وهى كانت بتحبنى جت في يوم من الايام وقالتلى مبحبكش حاول تكبر دماغك وان كانت بتحبك بجد هترجعلك في اقرب وقت وان مرجعتش ليك في اقرب وقت انساهاااااااا بجد سلااااااااام
انا بجد اتصدمت بعد عملت كده افتراضا ؟ لو اللي كان ده بيحبهاوسابهاوبعد كده رجعلها هوه صح بيحبها وانا اتوقع ان الواد التاني ههه هيحلقلها وهاتجيلك تاني !!! ومش جايز ممكن تطلب منك نفس الطلب وتخليك كوبري ما بنهم تاني …. المهم هيه مش عارفه ان الحب نادر في الاوقات ديه وربنا فلازم واريحلها انها ترجعلك عشان ده الحب .. ومش الارتباط العادي ده والله انا نفسي ترجعلك عشان مش هتلاقي في الاخر حد يحبها زيك كده لانو نادر اصلا تلاقي ولد يحب بجد هههه
البنت ماكانت تحبك مثل ماانت متخيل هي كانت زهقانةمن حبيبها الاول وعايزه احد يسليها وتفضفض ليه عشان كدالقيتك انت اقرب ناس لهاوبماانهارجعت له خلاص انساها للابد ولاتفكرفيها وربي يكرمك ويعوضك بخير منهافي الدنيا تقدرتسعدك وتستاهلك
انساها هى لو بتحبك هترجعلك هى اساسا كانت بتتسلى علشان تنسى حبيبها بس لما رجعلها رجعتلوا لو مش نستها او عوضتها بحد تانى هتتعب اوى
حاول تنساهة علشان هى مش بتحبك والبنات فى السن دة بتبقى عيزة تتعرف على اولد كثيرررررررررررررر
لزم تنساهة علشان هى مبتحبكش لو كانت بتحبك كانت رجعتلك
هى مكنتش بتحبك المفروض انك تنساها عيش حياتك عادى وفكر انها خاينة ومش من النوع اللى انت ينفع تحبه لانها مش مخلصة وانت تستاهل حد احسن منها بكتير ويكون مخلص ليك وصدقنى هاتنساها
سيبها يا عم وخلاص واسمع منى لاتجعل من النساء قمة تنظر اليها بل اجعل من نفسك قمة تنظر اليه النساء
بس بس انت مغلطش فى حاجة ولا قصرت ولكن ما فى الموضوع انها كانت بترى انك مدلوء عليها وحتى لو كانت هى استغلتك فانت المفروض متفكرش فيها خالص لان دة هيسببلك تعب كتير والانت فية حب من طرف واحد والحب المن طرف واحد لا ينجح ابدا وربما ما انت فية مجرد وهم ودورك على وحدة تستحقك
من الافضل ان تنسى االبنت دى وتحافظ على كرامتك وما تحاولش تكلمها تانى لان هى كدة جرحتك وانت ما فارقتش معاها ومن الواضح انها كانت عايزة تضيع الوقت اللى كان حبيبها سايبها فيه مع احد
انا بصراحه مش عارف ازاى انت حبيتها اساسا وهى على حد كلامك كانت عايزاك واسطه لحبيبها انا فى رائيي ان دى اخر واحده تحبها ولعلمك دى هاترجع لك تانى وتبقى غلطان ان وافقت ترجعلها تانى
لو فعلا انت حبتها بجد فهي متستاهلش الحب ده لانها انسانة مخادعة حاولت تتقرب منك في الاول عشان حبيبها ولما معرفتش ترجعلو قالتلك انها بتحبك وده لسببين يا اما عشان تحاول تنساه او عشان تحاول تثير غيرته عن طريقك وتخليه يرجعلها بالشكل ده واعتقد ان هو ده السبب بدليل انه جاب رقمك واكيد منها عشان تاكله انها هتضيع منه وهي نجحت علي حساب قلبك ومشاعرك انها ترجع حبيبها ليها صدقني هي مش كويسة ابعد عنها احسن ولو هتتألم دلوقتي احسن ماتتعلق بيها اكتر من كده وتدوس علي كرامتك وعليك في الاخر
يا برنس علشان اجبلك من الاخر انت ممكن تكون بتحسب دة حب بس دة مش حب انت لما هيا كانت عاوزة تعملك كوبرى علشان تقرب لشخص التانى انت اعجبت بيها لاان كان عندك فراغ فى الوقت دة وفين الرجولة يا عم ولا النخوة انك تعرف ان وحدة كانت بتكلم حد قبلك وانت عاوز تكلمها تانى فكك منها وشوف لك حاجة حلوة كدا وعيش معاها الحظة اشططة عليك؟؟؟
بص يا معلم انا مش هقلك ان دا سن صغير والكلام دا
لو على سنك انت فدا سن كبير انما هى الله اعلم بيها لأنك مش قلت على سنها
اذن الموضوع مش هيبقى حب مراهقه بالنسبالك وانما هو حب شىء لأنه ملى فراغك وخلاك تحس انك انسان بجد , صح ؟
بص يا سيدى انت حبيتها بجد لكن هى سابتك
طيب جاوب على الأسئلة دى مع نفسك كدا بس كل صراحه
– ازاى تتعلق بحد خدعك وسابك ؟ اه انت بتحبها بس خلى اللى حصل يبقى دافع ليك انك تنساها
– هى مش ممكن تكون حبتك لمجرد انك وقفت جمبها ومليت فراغها العاطفى ؟ ولما صاحبنا التانى دا رجع حنت لحبها الأول ؟
– تفتكر الأنسانه اللى تبيع الواحد فى ثانية كدا وتغير بين اتنين تستاهل انك تزعل عليها وتعمل فى نفسك كدا ؟
يابنى والله انساها هتخسر عمرك على الفاضى
لأن الزعل والحزن والحاجات دى بتكبر الواحد بسرعه
واللى يبيعك بيعه ودوس على قلبك وعلى مشاعرك واتحمل تعب شهر افضل من انك تفضل طول عمرك تعبان بالشكل دا
فوق لنفسك محدش هينفعك , هى زمانها فرحانه دلوقت وانت اهو حزين وزعلان ومكتئب !!
ان شاء الله ربنا هيقدم اللى فيه الخير وربنا هيجزيك كل خير بس الصبر
وان شاء الله ربنا هيرزقك باللى احسن منها خلقاً وشكلاً وكل حاجه
البنت فى السن ده دايما عاوزة تلفت الانظار وتحس انها مرغوب فيها وكل اللى بيشوفها بيحبها وهى لقيتك انت مكنتش مهتم بيها حبت تجر رجلك عشان تحبها وتتعلق بيها هى يا ابنى بتلعب بالكل مبتحبش حد هى رجعت للتانى عشان هو طنشها ولو انت طنشتها ومسالتش عنها خالص وحست انك اتعلقت بغيرها حتحاول ترجعك باى طريقه دى مشاعر مراهقه هى عاوزة تحس انها اميره القلوب سيبك منها وعلى فكره اى واحده كويسه وجميله غيرها لو اتقربت منها حتحبها وحتنسى البنت دى خالص وحتبقى انت اللى كسبان خليك قوى ودوس على مشاعرك وحتشوف ان اللى بقوله صح ولما تتاكد متفكرش فيها اطلاقا
البنت دى المفروض انك حتى متفكرش فيها الحب دة مش كلمة الحب لة معنى كتير وكبيرة هى بس كانت عاوزة تغيظ التانى واو تنساة بيك لو تقبل على نفسك انك تكون كوبرى او فترة انت حر افتكر انك راجل والراجل المفروض يبقى عندة كرامة ميقبلش ان بنت تلعب بية لو هى اللى حتى رجعتلك الطبيعى انك متقبلش ترجعلها واكيد هى اللى عرفتة رقمك دى انسانة مستهترة وخاينة ومش امينة ربنا يرزوقك ببنت محترمة تحبك انت وتحافظ عليك
انساها هى انسانة متستحقش حتى انك تفكر فيها وحاول انك تشغل وقتك باى حاجة وصلى وقرب من ربنا وربنا هيساعدك وكل لما تلاقى نفسك بتفكر فيها فكر فى حاجة تانية بسرعة واكيد ان شاء الله هتنساها ومتحولش حتى انك تشوفها لانها انسانه خيانة بمعنى الكلمة ومش دية اللى تحافظ على بيتك فى غيابك
انساها انها انسانة لا تستحق منك اي شئ والله – وتذكر انك انسان محترم لا تجعل قيمتك تقل في نظر اي شخص كان من كان
بص دا فى الغالب بتبقى مشاعر مراهقه غير حقيقية وخصوصا سنكوا صغير
وبخبرت اقدر اقولك انك كنت سورى ” كوبرى ” مرحله عارضة فى حياتها حاجه بتنسى بيها حبها الأول والأكيد مش هيكون الأخير انا عارف ان ممكن يكون كلامى جارح شويه ومش بعيد كمان تكون هيه اللى اديتله رقمك وتكون كانت بتغيظه بيك ، الكلام اللى بقولوا دا هوه اللى هيقويك انك تقدر تنساها .. وعلى فكره حتى كمان لو مرجتلهوش كنت هقولك بردو سيبها ..ومتحاولش تتدور على حب تنسى بيه الحب هيظهر فجأه قدامك
بالتوفيق