انا بحب واحد صاحب اخويا و فى يوم اعترفت لخويا انى بحب صاحبة وامى لاحظتها عليا بس معملوش اى حاجة واعترفت لخالتى
وبعدين كان كل لما يجى لاخويا انا كنت بخرج ارد علية وكان كلامنا كله عبارة عن ثوانى وهينزل او دا نايم او دا مش هنا
وعرفت من اخويا ان هو مش بيفكر فى الحب ولا الكلام دا وفى يوم حس انى انا معجبة بية فحصل مشكلة وواحد تانى صاحب اخويا بردة
هو الى حل المشكلة وفى النهاية الى انا بحبة قال ان هو مش هيجى هنا تانى وهو ساكن فى اخر الشارع بتعنا بس دا بقى يمشى منشارع تانى عشان
مشفهوش لو انا واقفة فى البلكونة بالصدفة حتى هو فى بنات كتير بتحبة واحلى واجمل منى بميت مرة وفى بنات اتصلت بية وقالت لة ان هما بيحبة
وبنات تانية راحة اعترفوا له هو عنده 17 سنة وانا عندى 15 سنة بس انا معملتش زى ماهما عملوا انا سكت بس كنت بحب اشوفوا
بس انا والله عمرى ما كلمت حد ولا حتى ع النت لان احنا هنا زى الصاعيدة بس بخرج بحدود ومحجبة ولبسبى بردة بحدود
وانا فى ناس كتير قالوالى انسية انتى لسة ادامك العمر طويل بس حاجة صعبة جدا انى انساة وحولت انى انساة بس مش عرفة خالص وعيشة ع امل انى اخس وهو ممكن يبصلى ودائما ادعى الله ان يكون من نصيبى والكلام دا طبعا اثر فى نفسيتى جدا لان قلبى حاليا محطم ودائما كئيبة حتى اهلى واخواتى
اتخنقوا منى من كتر الكأبة الى انا فيها وبحاول اخرج نفسى من الى انا فية بس مش عرفة وانا نفسى اتخنقت
وفى يوم عرفت ان بيتوا فى اخر الشارع امام بيت زميلتى وانا وهى كان فى خلاف بيننا فجيت ع كرمتى وعملت نفسى انى راحة اصلحها
معئنى كنت راحة عشان اشوفة وشوفتة وشافنى بس زميلتى كانت قليلة الزوء معايا وكلمتنى بطريقة وحشة جدا بس جيت ع نفسى تانى وعملت انى راحة اسلم عليها وفى اليوم دا سمعنا واحنا بنتكلم فقرب تقريبا عشان يسمع احنا بقول اية ولا كان جاى يعد عادى ولا اية مش عرفة وخايفة موت ليكون فى حد فى حياتة بس مستنى لما يخلص جامعة ويتقدم لها
وفى يوم ببص لقيتة جاى لاخويا كذا مرة بس هو كارة انى اشوفة ولما بشوفة مبعرفش انزل عينى من علية
انا مش هكمل لانى طولط عليكم جدا
بس والنى انا انتظر ردودكم
ده حب من طرف واحد وهو انت اما الشاب صاحب اخوك فلاهو يحبك ولاعمرو فكرفيك ابعدي عنه وانسيه تماما وفكري في دراستك ومستقبلك ابرك لك يابنت الناس وانت لسه صغيرة على الحاجات دي واوعي تخلي تصرفاتك دي توثر عليك وعلى سمعتك وخلاقك وسمعة اهلك وكرامتهم عيب اوي البنت المحترمة ماتعملش كدا ابدا وربنا يصلحك ويهديك ويسترعليك