انا بحب واحده اوى من ايام الثانوية العامة من طرف واحد ودخلنا الجامعة وانا معرفش هى فين كان معايا رقم تليفون بيتها اتصلت بيها وكان معايا واحد صحبى فصحبى عرف اسمها ورقم بيتها واتصل بيها وكلم والدتها وسبب ليها مشاكل ولما رجعت اتصلت بيها تانى قالتلى انت سببتلى مشاكل بس انا والله مظلوم وكل ده وهى متعرفنيش خد رقم تلفونها الموبايل علشان متصلش على البيت كان صحبى معايا فسرق الرقم منى من غير ماعرف بردو واتصل بيها وبقا يكلمها على انو انا وهو عرفها انى عارف عنها كل حاجه وبعتلها رسالة فيها اسمها كامل فهى بنت مودبه جدا وانا بحبها جدا انا قاطعت صحبى ده لما عرفت اللى عمله وهو كمان حب يعمل ليا انا كمان مشكله فاقاطعته تماما حتى لما بقابله فى الجامعة مبكلموش فرجعت اتصلت بيها بعد فتره وشرحتلها اللى حصل وهى متعرفش انا مين وحددت معاها ميعاد وقابلتها ولما شافتنى وعرفت ان انا قالتلى ابعد عنى وانسانى ومتتصلش بيا تانى ومتدنيش فرصه اشرحلها كل حاجه انا مش عارف اكلمها تانى انا بشوفها دلوقتى كتير بس مش بعرف اكلمها هى كانت عارفه صحبى من ايام الثانوى وكانت بتكره بس انا مكنتش بتكرهنى من نظرتها ليا وليه كان بيبان الفرق بس هى فاكرانا زى بعض انا مش عارف اعمل ايه انا بحبها اووى ومش عارف اعمل ايه صورتها مبتروحش من بالى ونفسى افهمها الحقيقه مهما كان واعرفها انى مش وحش زى ماهى متصوره
الحب من طرف واحد
وهم الحب من طرف واحد
اضيف بتاريخ: Tuesday, January 4th, 2011 في 11:02
كلمات مشاكل وحلول: الثانوية العامة, الجامة, الحب من طرف واحد, الموبايل, بنت, تليفون, رسالة, مشاكل الحب
السلام عليكم شوف انت تبعد عنها شويه لحد ماتنسى شويه اللى حصل وتتصل بيها على الموبايل وتفهمها كل اللى حصل وصارحها بحبك ليها وقولها انك بعد اللى حصل ده انك بقيت مابتكلمش صاحبك علشانها وعلشان انت خايف عليها بجد واعتذرلها عن اللى حصل وبعد كده لو تقبلت الموضوع وصدقتك يبقى خلاص كلمها لو نشفت دماغها وقالتلك ابعد عنى خلاص يبقى قولها انك انت كنت بتحبها وبتخاف عليها واوعده انك مش هتكلمها تانى بعد كده وقولها انك بتتمنى ليها كل خير واقفل معاها وبعد كده لازم تنساها
ابعد عنها وخليهل فحالها انت كل ما اقتربت منها راح تبتعد وتكرهك اتركا لمدة طويلة واد مستطعتش تنساها ارسل لها رسالة مع صحبتها ولا في المبايل وخبرها عن كل شيئ وعن اعجابك ليها واد موفقتش تكون معاك انساها مش هي وحدها في الوجود راح تكبر وتتعرف على بنات غيرها
بص انت دلوقتي في سن المرهقه ودا ارخم سن بجد الواحد بيتغزب فيه عزاب وانا مجربه وعارفه بس صدقني لمه الواحد بيكبر بيعقل شويه انا دلوقتي عندى 20 سنه بس ارتحت شويه وبقيت بفكر قبل اى تصرف لاني حبيت وانا في ثانوى برضو واللي حبيته دا طلع عيني واديني مجروحه بس بجد حاول تفهما تاني ولو كلمتك خلاص لو مكلمتكش سيبها يمكن في دماغها حد تاني ومتخافش محدش بيموت من الحب بس اللي بيضاق الواحد انه يكون عايز حاجا والحاجا دى مش عايزا بيبقي احساس رخم اوى انا عارفه وانت مضيقش نفسك وحاول تهدا بكره هتشوف اكتر واكتر وحاول تسيتر علي نفسك شويه