الحب من طرف واحد

بحبه من طرف واحد وهو بيحب صاحبتي

انا بحب واحد وعندى 18 سنة  وهو كمان قدى وانا بحبه بقالى 3سنين وهو بيحب وحده تانية بس كل حاجة بعملها معاية بدل على ان هو بيحبنى وبيغير عليا بطريقة فظيعة وكمان بيخاف عليا وكان زعلان علشان اتقدملى عريس وبيحب يقابلنى كتير وكمان بيقول لصحبتى انا عمرى ما كلمتها اما كنت حاسس بنحيتها انى بحبها وهو وصحبتى صحاب جدا ودايما بيقولو اسرار لبعض وهو انسان كويس ومحترم جدا بس محدش قالى كده لا انا شفت بنفسى وكمان كان بيقولى فى حاجة عايز اقولهالك بس سبيها فى وقتها وقالى ان الحاجة دية بتتوقف عليا اذا وفقت ولا لا وقالى لو رفضت هخسر والحاجة ديه كان نفسى فيها من زمان وافرح لو خدتها وهخسر لو سبتها بس قالى دلوقتى مش وقتها قولتلو امتى قالى بعد سنة او سنتين

مشاكل وحلول ذات صلة

اضيف بتاريخ: Monday, January 17th, 2011 في 23:43

كلمات مشاكل وحلول: , , ,

13 رد to “بحبه من طرف واحد وهو بيحب صاحبتي”

  1. ملاك
    10/08/2011 at 14:34

    اهتمي بدراستك احسلك

  2. A.M
    23/01/2011 at 22:58

    م معنى أنه بيقول لك ” الحاجة دية بتتوقف عليكى اذا وافقتى ولا لا ”
    ده معناه أنه بيحبك وعايز يرتبط بكى بس خايف لتكونى رافضاه أو بتحبى شخص تانى
    ومعنى أنه بيقولك ” بعد سنة أو سنتين ”
    ده معناه أنه منتظر أن ظروفه تتحسن ويتقدم لك
    وهذا يدل على أنه محترم وواخد الموضوع جد
    طمنيه من ناحيتك حتى لايعيش فى عذاب
    وقوليله : أنا موافقة وهستناك

  3. زملكاوى
    22/01/2011 at 15:02

    لا يا ” No Love ” اكيد فى ناس كويسه كتيره
    اينعم بنزعل لما بنلاقى حد كويس ومش يبقى لينا
    لكن قدر الله وما شاء فعل
    ممكن الكويس دا يبقى معانا مش كويس ,, ممكن !!
    وربنا بيقدم اللى فيه الخير , والخير هو اللى بيحصلك دا
    جايز ربنا بيختبر صبرك , وعايز يشوف انتى هترضى بالوضع دا وتقولى الحمد لله ولا هتعترضى
    حاولى تتماسكى ومش تكلميه او تقفى معاه بأى اسباب
    يعنى مش لازم تتهربى منه وانتى معاهم
    لأ حاولى اساساً تتهربى بس من بعيد لبعيد كدا
    يعنى مش تظهرلى خالص ادامهم
    عشان تنسى وان شاء الله ربنا هيكرمك بأحسن منه ان شاء الله وهتبقى اسعد بنوته فى الدنيا معاه
    ربنا سبحانه وتعالى قال فى القرأن فيما معناه
    الطيب بياخد الطيبه والخبيث بيبقى للخبيثه اللى زيه
    وطالما انتى طيبه يبقى هتخدى ان شاء الله حد طيب زيك وكويس
    وهقلك على حاجه عشان اخليكى تقتنعى اكتر
    حبيت بنت من فتره من ع النت وكنت ناوى ارتبط بيها
    والله العظيم كنت كويس معاها اوى وبحبها بكل اخلاص ومش فى اى حد مالى عينى غيرها
    وكانت بتكذب عليا وبصدقها من كتير حبى ليها وكنت بكذب مشاعرى عشانها
    وفى الأخر طلعت بتلعب بيا واتهربت ووصلت انها ذلتنى واهانتنى اوى
    والله اتصدمت بطريقه مش تتصوريها لأنى مكنتش وحش معاها
    كنت بكلم نفسى واقول حد يبقى كويس كدا ويحب حد بالشكل دا وفى الاخر يتهان ويتجرح !!
    مكنتش مصدق لأنها كانت ظاهره بشكل ملااااك ويمكن اكتر
    بس ربنا عايز كدا
    ربنا شايف اننا مش كنا ننفع لبعض وقدر الله وماشاء فعل
    الدنيا مش هتقف على حد

  4. NO LOVE
    21/01/2011 at 21:05

    ميرسى على ذوقك انا هحاول اعمل اللى انت بتقول عليه بس صدقنى انا مش وحشة وانا عمرى ما بعدته عنها لا خالص انا دايما بقوله اوعى تسبها بس كل لما بكلمو وهو يكلمنى عنها متتخيلش انا بنجرح قد اية او حتى تيجى سيرتها بالصدفة انا مبقتش قدرة خالص بس بحاول اتعود على الوضع وفى نفس الوقت كل حاجة هو بيعملها بتقول ان هو بيحبنى وهو قالها بنفسة وانا عجبانى رجولتو اوى ومافيش حد دلوقتى كده وربنا يقف معاية شكرا تانى مرة ليك

  5. زملكاوى
    21/01/2011 at 15:08

    ماشى يا ” No Love ” انا فهمتك أكتر
    اولاً طبعاً ربنا يشفيها يارب ويخفف منها ويرحم ولدتها ويكون فى عونها
    ثانياً عايز اقلك حاجه
    انتى بنت يعنى ربنا خلقك جوهره , اللى عايزها يروح ياخدها من صاحبها , وصاحبها دا اللى هو ” والدك ” ’ كلامى كدا تمام ؟
    انتى لو بتحبيه وهو بيحبك بس فى ظروف وهى وجود البنت دى
    يبقى نعمل ايه ؟
    نحاول نسمع منه اى كلام يقوله بس مش نفكر فيه حالياً
    لأن محدش عارف ممكن البنت دى ربنا يشفيها وان شاء الله ربنا هيشفيها
    بس لو لاقدر الله كمل معاها وارتبط بيها
    هااا وقتها بقى نتصدم ونعيش فتره كبير واحنا مش مصدقين نفسنا !؟
    ارضى بالوضع الموجود حالياً ومش تحبيه الا لو كان مفيش اى حد فى حياته
    انما طول ما البنت دى معاه مش تحبيه لأن جايز يرتبطوا مع مرور الوقت
    وانا مش عايزك تتجرحى , انما عايزك تقبلى وضع موجود
    لغاية اما يقلك البنت دى خلاص اتخطبت او اى حاجه من دى وهو حالياً عايز يرتبط بيكى انتى
    انما اوعى تحبى حد بالشكل دا , هو اه انسان كويس من كلامك ودليل على كدا انه مش عايز يجرح البنت التانيه دى ودى رجوله منه على فكره
    بس محدش عارف الخير فين وهو مش اتخر واحد فى الدنيا دى
    بالله عليكى فكرى كويس ان حالياً مينفعش تتعلقى بيه وتحبيه الا لو كنتى انتى بس فى حياته
    واوعى تخليه يسيب البنت دى , بالله هليكى اوعى تعملى كدا
    حرام عليكى مش تكسرى خاطرها او تجرحيها هى مش ناقصه
    ضحى وان شاء الله ربنا هيقدم اللى فيه الخير
    وبكره هنشوف ايه اللى ممكن يحصل
    انما حالياً بقولها تانى مينفعش تتعلقى بيه

  6. NO LOVE
    20/01/2011 at 20:27

    بص يازملكاوى مع احترامى لكلامك هى البنت مش صحبتى خالص وانا اصلا مشوفتهاش وهو محترم كدا بطريقة كويسة ومش موجودة فى حد وكمان راجل اوى بس هو وصحبتى اصحاب وبيقولو اسرار لبعض وبيقولها ان هو بيحبنى بس مش عايز يجرح اللى معاه علشان هى مش ليها حد غيرو وهى مامتها ميته وهى محتجالو اوى وانا بحاول ابعد عنه وهو اللى بيقرب ليا وانا بصارحة بتعذب جدا ومش مرتاحة ودايما يقولى يارتنى قابلتك من زمان وهو مش زى اى شاب بيمشى مع بنات خالص بس هو بيحب يشوفنى ويحكيلى مشاكله ويقولى انتى الوحيدة اللى برتاح معاها فى الكلام مع ان البنت اللى بيكلمها مريضة مرض وحش عندها السرطان وهو مقلش لحد ان هو مش بيحبنى لا بالعكس هو قالى لصحبتى ان هو عمره ما اتكلم معاية الا لما حس ان هو بيحبنى وشكرا على رائيك ونصحتك ليا

  7. زملكاوى
    20/01/2011 at 15:12

    انا لسه راجع من امتحان فمش عارف اركز اوى بصراحه هههه
    لكن اللى فهمته انك بتحبى حد والحد دا بيحب صحبتك . صح ؟
    طيب ازاى اساساً تفكرى فيه مهما كان عنده من مميزات وهو مش بيحبك وبيحب حد تانى ؟
    هنقول مثلاً ان مشاعرك وان دا غصب عنك
    طالما مش قدرنا نتحكم فى القلب يبقى نتحكم فى العقل ومنه هنعرف نتحكم فى مشاعرنا !
    وهقلك ازاى
    اولاً : ركزى فى كلامى كويس اوى ولازم تفهميه وتفكرى فيه
    – دا لو حد كويس ليه اساساً يحب بنت ويكلم بنت تانيه ؟
    انا كشاب مش عايز غير حبيبتى ومش اقدر اكلم بنت من ورا حبيبتى مش بس ادامها
    طيب لو كلمت بنت , يبقى حبيبتى دى مش ماليه عينى من الأخر
    – ازاى انتى تقبلى واحد زى دا ؟ واحد بيحب واحده ومصاحبك انتى بس من كلامك انه بيميل ليكى وكمان بيكلم صحبتك على انها حبيبته وبيقول انه مش بيحبك !!!
    بزمتك دا كلام يتعقل!!؟
    – اختيار الحبيب مش بالشكل ولا بالمظهر انما بالجوهر
    ودا بصراحه شكله كدا من جواه ممكن يعرف ترليون بنت , مش دا اللى حاصل ولا انا غلطان ؟
    – نفترض انه ساب صحبتك وقالك بحبك وهيتقدملك , انتى بقاا هتثقى فيه انه يقف مع واحده صحبتك ؟
    – دا من الأخر كدا بيحب كل حاجه تبقى بتعته لنه مش عارف هو عايز ايه
    بيحب صحبتك وبيحبك ومصاحب مش عارف مين !! ايه دا ؟
    وجهة نظرى :
    * دا شخص مينفعش اساساً تقفى معاه ولا تكلميه , ونصيحة مني اوعى تفكرى تخدى حاجه من حد لأن هتلف الأيام وهيتعمل فيكى دا كله ووقتها تبقى خسرتى نفسك لأنك هتفتكرى ان زمان عملتى كدا مع صحبتك
    و والله حتى لو صحبتك وافقت على حبكم برضوا انتى لازم ترفضيه
    – هو بنحب حد بدافع ايه ؟ صفات كويسه واحترام واخلاق ويعرف يحفظنا ويصونا بأذن الله
    مش واحد مستعد يعرف 10 فى وقت واحد ويكدب على الكل
    واستخيرى ربنا وان شاء الله ربنا يقدملك اللى فيه الخير

  8. NO LOVE
    19/01/2011 at 12:16

    بصو ياجماعة انا البنت اللى كتبت الكلام اللى عن الولد انا طبعا محترمة كلمكم جدا ومقدراه بس المشكله انى حولت كتير اوى انى انساه وتقرى فتحتى على العريس اللى كان متقدملى وبعدين سبتو بعدين اتقدملى تانى هو فى الحقيقة قريبى بس انا مش عايزة احط نفسى فى المشكله دية تانى ومش عرفة انسى اللى بحبة علشان انا وهو بنكلم بعض كل يوم ومافيش يوم بيعدى الا لما بنكلم بعض وحولت امنع المكلامت دية بحجج يعنى عندى صداع وتعبانة معلش نكلم بكرة علشان عايزة انام وانا الحمدلله مركزة فى مزكرتى بس بفكر فىية كل يوم ارجوكم قولولى حل بس محدش يقولى انسية اوابعدى عنه لانى معرفتش وشكرا

  9. همسه
    19/01/2011 at 06:23

    ازاى انتى عارفه انه بيحب واحده تانيه وفى نفس الوقت مستنيه منه يحل اللغز اللى بيقوله بصى يا حبيبتى متفكريش كتير لو حد كويس اتقدملك اتخطبى وحتحبى اللى حيقدرك ولو اللى انتى بتحبيه بيحبك لما يلاقيكى بتبعدى عنه ومركزة فى دراستك ومش مهتمه بيه اوى اكيد حينطق وتعرفى راسك من رجلك متتعلقيش باوهام والغاز والله انا خايفه عليكى عشان كده بقولك سيبك منه لحد ماتعرفى هو بيفكر ازاى

  10. توتا
    18/01/2011 at 17:52

    بصى بلاش تعلقى نفسك اوى عشان لو محصلش نصيب متتعبيش وبعدين لو ليكى نصيب فية هتخدية حاولى تركزى فى دراستك الاول ومستقبلك محدش عارف النصيب فين وممكن يكون كويس بس مش عاوز يعلقك بية عشان هو مش ضامن ظروفة سبيها على اللة وركزى انتى فى مزكرتك وحياتك

  11. اميرة بكلمتي
    18/01/2011 at 16:18

    من راي ان عايز يقولك حاجة صعبة عليه ولو هو شايف ان لسه بدري اصبرى عليه لو بتحبيه

  12. dr:smsm
    18/01/2011 at 15:06

    يا انسة سيبك من اللى انتى فيه ده واتقى الله لانك كدة بتضحكى على تلاتة
    1/ نفسك
    2/ابوك
    3/امك
    اكيد انتى لسة فى الدراسة زاكرى وخلصى جامعة وبعدين ربنا يسهل

  13. خبير
    18/01/2011 at 14:36

    هو عايز حجات بس حجات كدة كدة بلاش تمشى وراء وهم

اترك رداً أو حلاً لهذه المشكلة