مشاكل الشباب قبل الزواج

هل هذه العروسة تناسبني؟

السلام عليكم
عيد سعيد للأمة الإسلامية
أنا عندي 25 سنة و أمامي عروسة تناسبني في العديد من الجوانب
و لكن المشكلة تكمن في حجابها
ترتدي حجاب الموضة المنتشر بين البنات هذه الأيام
أي ليس الحجاب الشرعي
هي علي استعداد أن تغير منه بعد الإرتباط
نعم تصلي,نعم تصوم,نعم تزكي
و لكنني أسأل نفسي عدة أسئلة
كيف يتركها أهلها تخرج من بيتها بهذا الشكل؟
و إذا كانت علي استعداد لتغييره,فلماذا لم تغيره من نفسها و قبل الإرتباط؟
البعض قد يسألني لماذا لم تبحث عن من ترتدي الحجاب الشرعي
و لكنني بحثت بالفعل,و جميع من وجدت لا يناسبني,أي ليس هناك اتفاق في جوانب كثيرة
و أغلب البنات ترتدي حجاب الموضة,و من يرتدون الحجاب الشرعي قليلون للغاية
فبماذا تنصحوني؟
هل أوافق و أنظر للأمام بأنها ستتغير؟
أم أنتظر حتي تأتي أمامي فرصة أخري تناسبني في كل الجوانب؟
في انتظار رأي الأعضاء

مشاكل وحلول ذات صلة

اضيف بتاريخ: Saturday, November 20th, 2010 في 08:50

كلمات مشاكل وحلول: , , , , , ,

10 رد to “هل هذه العروسة تناسبني؟”

  1. سلمى
    04/11/2011 at 23:58

    انا عن نفسى محجبه بس مش الحجاب الشرعى بلبس عادى زى كل البنات وانا مش بحب اغيره بس عندى استعداد كبير ونفسى ف دا اوى لما اتخطب او ارتبط بحد يغيرهولى وانا احب انه يطلب من كدا اوى

  2. سلمى
    04/11/2011 at 23:56

    علفكرهمش كل حاجه بالشكل الخارجى واللبس ف منقبين كتير بس مش كويسين

  3. أبو عبد الله
    22/12/2010 at 12:51

    أخي الكريم اسستخير الله وتوكل على الله واتفق معها على كل شيء فإن وافقت فتوكل على الله ولتبدا هي بالتنفيذ مباشرة.

  4. مجرد رأي
    29/11/2010 at 13:06

    الي الي سارة,هل معني إن إغلب لبس البنات كده,يبقي ده مبرر لأهلها إنهم يخرجوهم كده؟حضرتك بتفكريني بالمدعو مصطفي حسني,كان ايه مبرره إنه يقول إن الأغاني حلال؟تفتكري ايه؟قال إن الأغاني بنسمعها ف كل حتة,ف الميكروباص و ف الشغل و و و و,يبقي حلال إننا نسمعها!!!و لا تعليق الي tota أنا مقلتش إن مادام لبس البنت كويس,يبقي البنت كويسة ف كل حاجة,بس ده جزء مهم ف نظري و نظر ناس كتير غيري

    هل

  5. tota
    28/11/2010 at 16:44

    انا بصراحه مش عارفه ازاي بتقيس المسئله من المنطلق ده
    من منطلق الحجاب انا ولا مع الحجاب ولا ضده
    لكن اتعجب جدا من الي بينظروا للبنات من المنطلق ده
    بس احيانا يقال امامي ان الحجاب زي المناطق الشعبيه
    يعني انامثلا مش متحجبه ولا امي متحجبه ولكننا نصلي الوقت بوقته ولا نفعل اي شيء يغضب الله منا

    في النهايه عايزه اقولك انك ممكن ترتبط ببنت متحجبه لكن غير صالحه لتكون زوجه المستقبل فلا تنظر للموضوع من منظور واحد فقط ولكن اختار التي تحبها .

  6. سارة
    23/11/2010 at 01:28

    انا بنت وهقولك حاجة بسيطة البنت بتحب تلبس برة البيت وجوة البيت ومدام هى بتصلى ومتدينة يبقى هى عايزة تعمل خطوة الحجاب الشرعى بس مستنية تشجيع وبالنسبة للاهل فهم بيشوفوا ان كلة بيلبس كدة يبقى خلاص عادى لكن دة مش دليل انهم وحشين ولا ان البنت وحشة
    البنت عشان تغير من طريقة لبسها بتحتاج لدفعة كبيرة جدا
    فخليك انت سبب فى هدايتها

  7. مجرد رأي
    23/11/2010 at 01:11

    شكرا لكل اللي شاركو ف الحل

    للأستاذ EloMMary
    هي ليها اخوات بنات و لبسهم زيها,و مامتهم لبسها برضو مش و لا بد

  8. EloMMary
    22/11/2010 at 13:12

    اقلب القدرة على فمها تطلع البت لامها..؟
    شوف بيتهم ماشى ازاى ومين القبطان وانت حتعرف الحل لوحدك.
    وهداك الله الى من تتقى الله فيك وفى بيتها،،،

  9. صلوا على نبيكم محمد(مسلمه
    20/11/2010 at 18:08

    انت قلت انها على استعداد ان تغير منه بعد الارتباط يبقى فين المشكله؟ وبتقول انها بتصلى وتصوم وتزكى وانها مناسبه لك فى جميع النواحى استخير الله ولو حاسس انها صاحبه دين تزوجها واجعلها ترتدى الحجاب الشرعى واكسب فيها ثواب فيه كثير من البنات كانوا غير محجبين ولا يعرفوا صلاه ولا صوم وربنا بيهديهم وبيلتزموا انت لو شايف الجوهر سليم ومتدينه وبتخاف ربنا ودى المشكله الوحيده يبقى الحل فى ايدك والزمها بالحجاب الشرعى وعلمها اصول الدين

  10. nour
    20/11/2010 at 08:54

    طيب متقولها على اللى مضايقك بكل بساطة وافقت خير وبركة
    يمكن عايزة حد يشجعها خد انت الثواب

اترك رداً أو حلاً لهذه المشكلة