انا فهندسه معجب ببنت معايا ف al section من سنتين ومش عارف ايه شعورها نحيتى …مش بتمشى لوحدها خالص ….عندى على الفيس بوك بس مبتفتحش خالص و لو فتحت بتبئا اوف لاين..انا لمحتلها قبل كده بس عملت عبيط بعدها علطول(مبعرفش اتصرف)… اكبر منى ب 7 شهور ….. شخصيتها تقريبا قويه بس طيبه ..انا انطوائى جدا مع البنات يعتى تقريبا معرفش بنات ف الدفعه … بخاف جدا على شكلى وسط الناس … كل سنه بقول هكلمها السنه الى جيااا و مبيحصلش و السنه الى جبا اخر سنه ……اعمل ايه …. بالتفصيل لو سمحتم :D:D:
مشاكل الشباب مع البنات
معجب ببنت زميلتي ومش عارف اكلمها
اضيف بتاريخ: Friday, June 22nd, 2012 في 20:34
كلمات مشاكل وحلول: البنات, مشاكل الشباب
طب الله يخليك قولها السنه الجايه بدل ماتضيع منك ودتونا فداهيه بتاخيركو دا ههههه
لما انت لمحتلها مره عملت فيها عبيط ليه ؟
انت عارف انها ممكن من المره دي حبتك وبتفكر فيك
البنات دلوقتي من بصه بتحب
هقولك اللى عندى ويارب يفيدك
هحط نفسي مكانك
انا لو ولد يعني
ومعجب ببنت اولا مش هروح اقولها هي عشان الاحراج وكدا
انا هقول لزميلتها هي تروح تكلمها وتجس نبض
وتيجي تقولى
البنت عندها استعداد تدخل فعلاقه معايا يبقا هاخد امى وابويا واروح اخطبها
مش عاجباك فكره صاحبتها
نسك على صاحبتها عادى
بما انك بتكسف واول مره عملت فيها عبيط
تانى مره معرفش ممكن تعمل فيها ايه هههه
اكتب كل اللى جواك فورقه ومعروف ان عالورق بنبقى على طبيعتنا
يعني مش بنكسف
وروح حطها فكشكولها او شنطتها او اديهالهاوامشي
اديها لصحبتها اعمل نفسك هتصور حاجه منها ولما تيجي تديك النسخه
اديها الرساله وقولها
امانه عليكي اعرف رايك عشان اعرف احدد انا هعمل ايه
بعد كدا خليك جد وحسسها انك مسئول ومش بتلعب ومتضحكش زي العبيط
خلي وشك طبيعي وهي بردو هتقول لنفسها لا ده شكله جد مش بيهزر كدا هتكبر فعنيها اوى
على فكره انا بنت وعارفه الحاجات دي
وياريت بقا بلاش شغل النظرات دا عشان فكسان دا غير انه حرام 🙂
يعني بلاش منه خليك ولد دغري هي البنات بتحب الدغري دا
وكمان احتراما لنفسك انت مهندس محترم مش عيل
يارب نسمع اخبار حلوه قريب يا أخى وربنا يوفقكو للخير ويجعلها من نصيبك بالحلال يارب بس خليك واثق من نفسك اهم حاجه
انا معجب بواحدة زميلتي في الكلية و واخدين علي بعض بس هي متعرفش اني معجب بيها انا عايز اعرفها اني معجب بيها ومخصرهاش لو مرضيتش وعايز افهمها كويس
من الواضح أمامي
أن شخصيتها قوية بس طيبة ازي نقرب من بعض اكتر ازي من الآخر اخليها تحبني
انا كمان بحب واحد ومش عارف اخليها تاخد باله منى ولا حتى عارف اكلمها هيا بتبصلى سعات بس مش دايما وانا بجت معجب بيها ونفسى اكلمها حاول كذا مرا انى اكلمها او افتح معاها حوار مش عارف ياريت لو حد يعرف يقلى اعمل ايه
انا عندى نفس الموضوع
انا باحب بنتا زميلتى فى تجاره من سنه تانيه واحنا دلوقتى فى رابعه وعايز اصرحلها بحبى ده علشان احنا خلاص فى اخر شهر فى الكليه وبعد كدا مش هاشوفها تانى وانا مرضتش اكلمها من الاول لان انا عارف ان هى محترمه قوى ومن بيت كويس قوى واكيد هتفهمنى غلط بمعنى ان انا جاى اتسلى ونقضيها مع بعض وده طبعا علشان فيه ناس للاسف كتير كده .طبعا زمانك بتقول دلوقتى ماهى اكيد هتحس بصفاء نيتك مادمت انت نيتك صافيه .هاقلك ماهى بنت باين عليها قوى الالتزام والاخلاق وبعدين انا عرفت من زميلها انها من الاوائل وده باين يعنى مشغوله بالمذاكره دايما
المهم لما سالت عليها بنات كنت باشفهم واقفين معاها قالولى دى مقرى فتحتها وهى مش لبسه اى دبل وحسيت بشده انهم غيرانين وبيقولو اى كلام والناس صحابى كان ريهم كده بردك فخد بالك من الحته دى ومتامنش للبنات اصحابها لانهم بيغيرو جدا يامعلم
ولما طلبت منهم ان حد يكلمها مطوحونى وكده فاتاكدت من احساسى
وبدات الفت نظرها بان اطلب منها حل شيت مسلا او اى حاجه وطبعا هى حاسه باهتمامى
والخطوه اللى جايه ان شاء الله وده اخر كلام هاروح اكلمها من بكره وزى مايكون وهاصارحها ان انا ايز اتقدم رسمى لو ده مفيهوش اى مانع زى ان يكون حد متكلم عنك او فى اعتراض عليا وطبعا هيبان القبول او الرفض بشكل مباشر او غير مباشر واين كانت النتيجه انا هاكون مستريح لان انا هالوم نفسى كتير لو مانهتش الموضوع ده ونصيحه اقرب طريق الخط المستقيم
وادعولى ان الادرنالين ميزدش وانا باكلمها وانسى اللى انما محضره
من الاخر اتشجع يامعلم زى مانا هاتشجع بكره كده واى معظم الناس اللى علقت كويس اللى هو انك تخش بقلب جااااامد وتخليك واثق من نفسك
بص يا سيدي انت تستخير ربنا
و لو حسيت بالماله لها
تقدم الى اهلها تمام؟
اما اذا كنت عايز تقضيها و طده فحاول تخرج الموضوع ده من الطاسه خالص
وأنا كمان والله بحب واحده زميلتى إسمها لميس من أربع سنين وجربت حكاية النظرات دى بس أنا عن نفسى إتخنقت من النظرات يبقى هى تعمل إيه
أرجوكم أنا كل ما أسأ حد يقولى صارحها كلمها
المشكله مش فى كده المشكله إننا من أكبر علتين فى بلدنا وخايف يكون ردها غير مناسب وتحصل مشكله بس هى أحيانا بتسألنى عن الدروس والمواعيد وكده يعنى ومبتسألش حد غيرى بس أنا خايف من ردها
اخى الكريم انت لو بتحبها وهيا كمان بتحبك اكيد هتلاحظ انها فى الاول هتنظرلك بأعجاب وبعدين نتفضلك لأن البنت فى الحاله ديه 1- بيكون نفسها تشوفك بتحبها فعلا ولا لاء وايه تصرفك نحوها لو حسيت انها مبقتش مهتمه بيك 2- بتكون نفسها تشعر انك بتغير عليها وتتباها امام صحباتها 3- بتكون فاض بيها الملل ونفسها انك تكلمها ومش عارفه هتكلمها امتى , المهم انتا جمع قوتك وكلمها واعرف انها لو مرتدش عليك ان ديه مش نهايه العالم اتقل شويه وبعدها كلمها تانى ولو حتى مبتحبكش هتكون انت عملت اللى يرضيك وذياده المهم ابتعد عن العجز فى الكلام.
اخطر حاجة تخش تكلمها علطول زى الدغوف بعدين تفضحك وسط زمايلها و انت مش هتعرف طبعا
لازم تكون شجاع اكتر من كده و تتقرب ليها الاول و تخش وسطهم على قد ما تقدر كلمها عالفيس سا اخى و اول ما تشوفها فى الكليه قولها ازيك و كده انا زيك على فكرة بس اعمل زى ما قولتلك اخر حاجة
افضل شي انك نحاول تفرب منها باي طريقه وعلشان هيا تحس بالراحه والامان وتشعر انك انسان كويس بعد كدا ممكن تبني معاها علاقه من كثر الكلام معاها ..اهم شيء تشعر بالراحه والامان والله لو ارتحتلك يبقي خلاص امورك تمام
قولها ياحبيبى وشوفها بتحبك ولالا
أخي العزيز….. لازم تزود ثقتك في نفسك…. حاول تلعب رياضة و اتعرف علي ناس كتير في دفعتك… اصحابك فين ؟؟؟
انا في مكانك لازم هاحاول اتكلم معاها…. انتو زمايل و دفعة واحدة يعني مش هتعاكسها….
شوف هي تعرف مين و اتوصل للي هيسهلك انك تكلمها و بعد كده لما تتعرف عليها شوف الدنيا هتمشي ازاى …. بس دايما فكر انها زميلة لك و حافظ علي الاحترام….احلي حاجة في الدنيا الصراحة …. لو اعجبت ببنت و نفسك ترتبط بها لازم تقلها
والله يا أخي مالك غير حل واحد .. أنك تستجمع شجاعتك و تصارحها باللي انت حاسس فيه .. لأنه إذا اجلت الموضوع و راحت عليك ما رح تسامح حالك ابدا .. صدقني .. لا تخاف ما رح تخرب الدنيا اذا رفضت .. المهم ترتاح انت لانو اذا اجلت رح تتعب كتير .. فريح حالك و فضفض لها و شوف يلي رح يصير معك
اسمع مني من الاخر انا زيك في هندسة دي يا معلم البدلهااااااا في الذرة 😀 لا قصدي البدلهافي كل المحاضرات ديما اسئل عليها حتحس انك بتقرب منها لا انت مش بتقرب انت بتقتحم ولو حسيت بكدة يبقي مبروك عليك وبعدين افضل اسئل صاحبتها عليها يعني هي … مجتش كدة هي.. مبتجيش ليه هما البنات بتحكي لبعض وبكدة بردو انت ماشي في سكة انك بتقرب منها اول متحس انها حسيت انك بتقرب منها المرحلة الاخيرةوهي انك تدبس يا معلم وتروح تطلب ايدها وبكدة ربنا يكون سهلك وانت طلما جد في كلامك ومصدق نفسك انك بتحبها هي وبس يبقي هي كمان حتحس بيك لو عملت كل ده ومفيش فايدة فكك وروح تجارة بنات هندسة مقفلين شوية وهيعنسو 😀
والله انا عندى نفس المشكله ومش عارف اعمل ايه بس انا فى كليه تجاره وهى كليه علوم بس نفس الجامعه بس لسه سنه اولى ونفسى اعبرلها عن حبى وعن الى جوايا بس مش عارف اعمل ايه المشكله انى مش قادر اعيش من غيرها . وهى بالنسبه ليا كل حياتى . وعندى مشكله انى محرج اكلمها ازاى لانى عمرى ما كلمت بنت فى حياتى لانى بحبها من 4 سنين وكاتم جوايا
يا أخي الكريم ..
ماذا تريد انت بالتحديد منها ؟؟
صداقة وحب مثلا …
أم زواج !!!
إذا كان مرادك صداقة وحب فاعلم انه من فضل الله عليك ان منعك من الدخول لوحل الخطأ
أما إذا كان غرضك الزواج أو الخطوبة ..
فأفضل الأبواب هو الباب الرئيسي …
فاطرق البيت من بابه
اذا هدفك نبيل و هو الزواج تجرأ و توكل على الله و لا تخشى من الحرج و مهما كان الرد فهو متوقع اما قبول و اما رفض
و شكرا
على فكره دى مشكلت جيل بحاله لزم تعترفلها بحبك قبل ما حد تانى يخطفها منك والحب مش عيب اى نتيجه فى الحالتين وفقت او موفقتش اهو انت طالعت حاجه كانت جواك احسن مايجى اليوم انك تندم انك مقولتلهاش
طب الله يخليك قولها السنه الجايه بدل ماتضيع منك ودتونا فداهيه بتاخيركو دا ههههه
لما انت لمحتلها مره عملت فيها عبيط ليه ؟
انت عارف انها ممكن من المره دي حبتك وبتفكر فيك
البنات دلوقتي من بصه بتحب
هقولك اللى عندى ويارب يفيدك
هحط نفسي مكانك
انا لو ولد يعني
ومعجب ببنت اولا مش هروح اقولها هي عشان الاحراج وكدا
انا هقول لزميلتها هي تروح تكلمها وتجس نبض
وتيجي تقولى
البنت عندها استعداد تدخل فعلاقه معايا يبقا هاخد امى وابويا واروح اخطبها
مش عاجباك فكره صاحبتها
نسك على صاحبتها عادى
بما انك بتكسف واول مره عملت فيها عبيط
تانى مره معرفش ممكن تعمل فيها ايه هههه
اكتب كل اللى جواك فورقه ومعروف ان عالورق بنبقى على طبيعتنا
يعني مش بنكسف
وروح حطها فكشكولها او شنطتها او اديهالهاوامشي
اديها لصحبتها اعمل نفسك هتصور حاجه منها ولما تيجي تديك النسخه
اديها الرساله وقولها
امانه عليكي اعرف رايك عشان اعرف احدد انا هعمل ايه
بعد كدا خليك جد وحسسها انك مسئول ومش بتلعب ومتضحكش زي العبيط
خلي وشك طبيعي وهي بردو هتقول لنفسها لا ده شكله جد مش بيهزر كدا هتكبر فعنيها اوى
على فكره انا بنت وعارفه الحاجات دي
وياريت بقا بلاش شغل النظرات دا عشان فكسان دا غير انه حرام 🙂
يعني بلاش منه خليك ولد دغري هي البنات بتحب الدغري دا
وكمان احتراما لنفسك انت مهندس محترم مش عيل
يارب نسمع اخبار حلوه قريب يا أخى وربنا يوفقكو للخير ويجعلها من نصيبك بالحلال يارب بس خليك واثق من نفسك اهم حاجه