مشاكل الشباب مع البنات

مبقاش عندى ثقة فى اى بنت

اضيف بتاريخ: Thursday, April 28th, 2011 في 21:12

كلمات مشاكل وحلول: اصحاب, البنات, الكلية, بنت, مشاكل الشباب

24 رد to “مبقاش عندى ثقة فى اى بنت”

1. الفقير لله

   

   23/04/2012 at 01:10

   والله انا بعتقد يعنى حتى لو كل البنات بتمشى وبتقابل وبتلبس ضيق والكلام ده كله لغايه ماتتخطب عادى بقى انا موافق عليه لما تتخطب بقى كل ده يتمسح من عندها باستيكة بعد لما تكون مخطوبالك ومسئوله منك انت بقى تعرف تمنعها من الحاجات دى كلها ايوة هى كانت فعلا ماشيه مع صبيان وبتقابل وبتلبس ضيق كل ده طيش بنات اما لما تتخطب كل ده بيتنسى وبتفتح صفحه جديده مع خطيبها دا رايى فى الموضوع وياريت اللى هنا يشاركونى فى الرأى دا
2. المحاسب /احمد ناصف غنام

   

   29/09/2011 at 01:28

   كككلامك موجود فعلا فى البنات ومعتش امان ولا ثقة لاى بنت فى الدنيا وربنا يسطر علينا
3. هاني

   

   07/06/2011 at 15:44

   مشكلتي هي مشكلتك يمكن تزيد شويةبس هنعمل أية لنا الله
4. Ahmed Batista

   

   06/06/2011 at 16:20

   والله يا اخى كانى انا اللى باتكلم
   نفس المشكله
   بس احنا صح وهم ربنا يهديهم يا اما ياخدهم
   وبالنسبه لك انت ماتعرفش الا البنت اللى اهلها كويسين
   اللى مايسمحوش لبنتهم تخرج بلبس مش كويس
   عشان تضمن انها متربيه صح
   وماتقولش كل البنات كده ودى الموضه ودى 2011
   لا
   ماتستعجلش
   لو ماتجوزتش احسن من لما تبقى تتجوز واحده كده
   ربنا معاك ويهدينا ويهدى الكل
5. ياسمينه

   

   21/05/2011 at 00:27

   اخى
   لازم يكون عندك ثقه فى نفسك الاول ثم يتكون عندك الثقه فى الاخرين البنات اللى انت شوفتهم ماشى بس الباقى اللى فى المجتمع البيت عليه عبء كبير فلى التربيه وخاصه تصرفات البنات الخارجيه ما تلموش البنات لوم البيت اللى خرجت منه اخى اذا احبيت ان تقوم بالارتباط اسال عن الجار قبل الدار هل فهمت قصدى الشىء اللى اندثر الان هتلقى الشىء اللى انت بتدور عليه حتى ولو كانت منقبه لا يعيب لبسها بس البيت هو الاساس يا اخى الفاضل
6. همسه حنان

   

   14/05/2011 at 12:09

   صوابعك مش زى بعضها واكيد فى بنات محترمه وتستاهل واحد زيك ولما تلاقى بنت الحلال قبل ما تفكر تقدملها استخير ربنا والى ربنا عايزه هيكون
7. samar

   

   10/05/2011 at 01:28

   سلام عليكم..أولا حضرتك مش لازم تعمم لأن صوابعك مش زى بعضها وزى مافيه مش ملتزمين فى كتير جدا ملتزمين وملتزمات والحمد لله وخد نفسك اقرب مثال حضرتك بتقول انك ملتزم _ما شاء الله_ربنا يهديك كمان يبقى لازم تعرف ان فيه بنات ايضا ملتزمات ومش لازم تقلق ابدا من موضوع الخطبه والزواج لأن _الطيبون للطيبات والخبيثون للخبيثات_يعنى مستحيل ان شاء الله هتكون محترم وربنا يرزقك بواحده مش محترمه _دى ارزاق وربنا موزعها من قبل مانتخلق وطول مانت بتراعى ربنا متقلقش ابدا واقرأ سير الصالحين هتشوف فيها خير دليل على كلامى _توكل على الله _ولا تتشائم فالشؤم عند التشاؤم واعلم انه _من اعمالكم سلط عليكم _يعنى اللى عمله خير هيلاقى خير والعكس وربنا يرزقك بالزوجه الصالحه اللى تراعى ربنا فيك ان شاء الله
8. نونا

   

   10/05/2011 at 00:15

   بص انا مش هقولك اتجوز اى وحدة علشان فعلا بقى فى بنات كتير سافله بس والله فى بنات محترمه خد بالك ولو لقيت وحدة محترمه بس غلطت مره وقبلت واحد وعرفت غلطها سامح واكيد لو حبيتك هتكون ليك انت وبس بس خد بالك مش كل البنات كويسه وممكن تعرف غلطها
9. doctor

   

   09/05/2011 at 03:43

   السلام عليكم ورحمة الله وبركاته
   احب أولا احييك انك طرحت مشكلتك بكل صراحة وبدون خوف
   وعلى فكرة انت بخير والحمد لله ومفيش عيب فى انك تغير على بنات مجتمعك من الفساد والانحلال وده شئ طيب جدا فيك بس أهم حاجة متوصلش بيك الدرجة إلى إنك تتعقد منهم وتفقد الثقه فيهم وخدها منى نصيحة اذا وثقت فى ربنا ربنا هيزرع فيك الثقة فى عباده المؤمنين فقط ولاد وبنات ستات ورجاله يا رب تكون فهمت النقطه دى كويس أوى
   ثانيا يا سيدى ودى النقطه المهمه أوى إن كل شئ بقدر الله وساعات كتيييييييييييييييير بنشوف قدامنا فى المجتمع تجارب زواج انتهت بالطلاق وقبل الدخله وفى منها بعد الدخله وانجاب الأطفال فأنا هتكلم عن كل حالة بالاختصار المفيد وقبل متكلم لازم الكل يعرف إن ربنا هو اللى بيحرك كل حاجه فى الكون ومفيش قدم تخطى عن قدم الا بإذنه سبحانه وتعالى وبقول الكلام ده عشان اللى بيقولوا ان كل حاجه بتظهر على حقيقتها أثناء فترة الخطوبة وإن كانت دى هى القاعدة العريضة فى الخطوبة فليها شواذ والتجارب اللى كلنا بنشوفها تثبت ده، فممكن الواحد أو الواحده يظهروا على حقيقتهم قبل الخطوبه فيحصل فسخ للخطوبه فى أغلب الأحيان واحنا لسه على البر ، وممكن ميظهروش بسبب تجمل كل طرف للآخر .
   وهبدء أتكلم عن حالتين مهمين أوى بعد كتب الكتاب أو الزواج
   الحالة الأولى : طلاق ما قبل الدخلة ( وده حصلى للأسف بس قدر الله وما شاء فعل وكانت هى وأهلها مصممين على الطلاق لسبب تافه أووووووووووووى )
   وده بيحصل فى اغلب الأحيان لما بتكون فيه فترة بين كتب الكتاب والدخله لا تقل عن 4 شهور مثلا وده من كرم ربنا بالزوجين – حتى إن كان الطلاق هيأثر على الزوجين خصوصا الزوجة أكتر بحكم انها عاطفية أكتر من الزوج – لإنهم ما زالوا على البر بمعنى مفيش ذرية لا أولاد ولا بنات ، فيكفى نطبيق حكم الطلاق حسب اللى عايز الطلاق فلو الزوج هو اللى عايز يبقا يدفع نصف المؤخر لزوجته لإنه مدخلش بيها وده حكم الشرع فى الطلاق ده ، ولو العكس يعنى الزوجة هى اللى عايزه الطلاق ومصممة عليه فبتتنازل عن كامل حقوقها يعنى ملهاش لا نصف مؤخر ولا مؤخر.
   الحالة التانية : طلاق ما بعد الدخلة
   وده بيحصل فى أغلب الأحيان بعد ميكون حصلت معاشرة زوجية يا إما أدت الى حمل قبل الطلاق أو مفيش حمل حصل.
   1- لو حصل حمل قبل الطلاق : يبقا الجنين لما يتم ولادته هيبقا ليه نفقة على أبوه حتى لو بعد ما طلق أمه .
   2- لو مفيش حمل حصل قبل الطلاق : بنشوف بعد الطلاق هل هناك حمل هيحصل ولا لأ لإن الزوج ممكن يكون عاشر زوجته قبل الطلاق مباشرة أو بعدة أيام ولسه مظهرش حمل وطلقها وبعد الطلاق بكام بأسابيع أو بشهر يحصل حمل ودى معلومة طبية لا أكثر ولا أقل.
   أ) اذا حصل حمل بعد الطلاق : بتكون فيه نفقة من الأب على الطفل بعد ما يتولد.
   ب) اذا محصلش حمل بعد الطلاق : بيدفع الزوج فقط مؤخر الصداق للزوجة وقلت المؤخر مش نصفه زى الحالة الأولى للطلاق قبل الدخلة عشان فى الحالة التانية حصلت دخلة وعاشر زوجته فده أوجب لزوجته مؤخر الصداق بالكامل.
   وفى كل أحوال الطلاق بعد الدخله بيدفع الزوج لزوجته مؤخر الصداق بالكامل وبيدفع نفقة أو لأ حسب حدوث الحمل من عدمه.
   كده أكون خلصت كلام عن أهم نقطة فى ردى
   النقطة الأخيرة اللى أحب أختم بيها متعلقة بحالتى أنا وانى طلقت زوجتى النهارده من 8 ساعات تقريبا لتصميمها على طلب الطلاق فطبعا تنازلت عن كافة حقوقها ومأخدتش لا نصف المؤخر ولا أى حاجة ، عايز أقول لصاحب المشكلة ولأى شاب وشابة بيقرأ كلامى ده إنى اتظلمت منها ومن أهلها لما صمموا على الطلاق وانا كنت بحبها أووووووووووووووووووووى وطبعا مش هعرف أنساها بين يوم وليلة لإنى كنت مخلص فى حبى ليها ، واللى حصل فعلا ان قبل كتب الكتاب وأثناء فترة الخطوبة مظهرش من البنت ولا من أهلها أى حاجة من شأنها تساعد فى فسخ الخطوبة وكانت هتبقى أفضل من طلاق قبل الدخلة بس قدر الله وما شاء فعل ، وبالرغم من اللى حصل دى الا انى مفقدتش الثقه فى البنات مع انى دايما بقول لأمى هنا فى البيت انى مبقتش بثق فى أى بنت ولكن بقول كده من قهرتى واحساسى ان حب حياتى راحت منى ، فكلامى الجاى لصاحب المشكلة : أنا شفت من البنت دى التزام دينى خلانى فى لحظة تغيرها للأسوء تماما أفقد الثقة فى البنات المتدينة لحسن يكونوا زيها متدينين فى الظاهر ووقت الشدة والأزمات ينقلبوا على أعقابهم ، ولكن انا متأكد انى هرجع أثق فى أى بنت مع مرور الوقت ونسيانها للأبد ، فعايز أقولك يا أخى الكريم انك مشفتش اللى أنا شفته وانا شفت اللى انت شفته واكتر فلا داعى لإنك تفقد الثقه فى البنات ، عليك بس الاستعاذة بالله من الشيطان الرجيم ، جهز نفسك وكون مبلغ تقدر منه تجيب شبكة حسب ما تقدر وتأجر شقه اذا مقدرتش على الشقق التمليك وتجيب أوضتين مثلا اللى هما عليك فى الجهاز بتاع الشقة وأول ما تلاقى نفسك واقف على أرض صلبة هتلاقى ربنا بعتلك بنت الحلال اللى تستاهلك ، المهم لازم تستخير ربنا فى كل خطوة قبل الزواج ما يتم وترمى كل حمولك على الله ، وربنا عالم بيك وبإخلاصك فى حبك ليها فلو هى كانت ناوية مثلا على الشر بيك وانها هتتغير للأسوء بعد الجواز ربنا هيصرفها عنك قبل الجواز أو إنه هيرزقك قدرة احتمال فتتجوزها وتقدر تتحملها بعد الجواز ده إذا كانت من نصيبك واللى من نصيبك لازم يصيبك ، ولو كانت ناوية الخير ليك دايما حتى بعد الجواز فربنا هييسرلكم جوازكم وهتبقوا أسعد زوجين فى شارعكم عالأقل ان مكنش فى بلدكم كلها
   فمش عايزك تخاف وتفقد ثقتك فى البنات ، ولو على الغش انا اتغشيت فى جوازتى وظهرت حاجات مكنتش ظاهرالى قبل كتب الكتاب ولكنى الحمد لله راضى بحكم ربنا وهى اللى خسرتنى لإن ربنا عالم انا كنت ناوى أعمل عشانها ايه بس هى اللى أًصرت على الفراق ففراق بفراق بأه وفيه مثل بيقول ( من حبنا حبناه وعز علينا فراقه ، ومن كرهنا كرهناه وحرم علينا لقاؤه ) والحب بيستمر طول ما الطرفين متمسكين ببعض مهما حصلت بينهم من مصايب مش مجرد مشاكل بس إنما لا يمكن يستمر لو هى مش عايزه تكمل معاك أو انت مصر انك متكملش معاها ففى الحالة دى الحب بينتهى وبيموت بينكم
   يا رب تكون وجهة نظرى مع حالتى الشخصية كمطلق تكون وصلتك بالصورة الصحيحة وتكون فهمتها كويس أوى ، وأتمنالك كل الخير انت وكل الشباب والشابات وليا أنا كمان لإنى بقيت زيك ويمكن انت أحسن منى فانت لسه عازب وموقعتش فى بحر الزواج أو الطلاق انما أنا وقعت خلاص ومحدش سمى عليا بس هقوم منها بالسلامه بإذن الله وهقف على حيلى راجل عشان مفيش راجل توقعه الرياح والأعاصير بل بيفضل الراجل ماسك نفسه وواقف على رجليه أيوه وارد انه يتعثر ويقع بس لازم بيقوم بعدها ويبقا أقوى فالضربة اللى ما تموتش بتقوى وده أفضل مثل يصف حالى الآن وبعد كده بإذن الله
   دمت بخير وتقبل تحياتى
   واذا احتجت تكلمنى فى أى وقت بخصوص أى حاجه ممكن تطلب ايميلى من ادارة الموقع
   اخوك فى الله / أحمد
10. محتار

    

    08/05/2011 at 23:23

    شوف ياابن الناس الي قدامك ده زيك كدا بظبط انا كنت هتغش في واحده عمله نفسها شريفه بس لولا ولاد الحلال انا كان زماني مركب دش كبير اوي .. فالحمد الله .. ربنا قال في كتابه العزيز
    الطيبون للطيبات والخبيثين للخبثات .. وهوا ده الي مطمني .. بدام انا ماشى بما يرد الله وبراعي ربنا اكيد ربنا هيعوضني بالانسانه الي استهله وهيا تستهلني .. ربنا معاك ومعانا
11. بطه

    

    06/05/2011 at 16:04

    اولا ليه جبت سيره البنات المنتقبه حرام عليك البنات المنتقبه اادب بنات المهم مش كل البنات وحشه روح انت وشاور ع بنت تكون مشيتها وطريقه لبسها وشكلها ف الشارع كويس و لو عاوز ترتبط بيها يا ريت بس اتاكد من اخلاقها يعنى راقبها مثلا او شوف بتتعامل مع مين او شوف اصحابها نوعهم ايه كده يعنى وربنا يحفظ بنات المسلمين ويرزقك يا رب
12. مدريدي

    

    03/05/2011 at 10:39

    كلنا زيك نعاني بس أش نعمل, شوف أنته بنت تعجبك بعدين روح عنده انصحة انه تكون بنت مودبه, يعني قوله أنا يعجبنا البنات المودبات بعدين بتفهم قصدك بس قوله بعد ماتجرج معه ب4أيام, بعدين هي بتعرف الغلظ, لأنه البنات يحسبوا أنه هذه يلفت النظر عند الشباب والسلام وعليكم ورحمت الله وبركاته
13. مونى

    

    30/04/2011 at 14:27

    لو سمحتوا يا جماعة ممكن اقول حاجة هو مع ان البنت بكلم واحد تبقا مش محترمة ساعات الظروف بتبقا اقوى منها وبتخليها مش قادرة تتحمل انا عارفة ان مفيش حاجة تبرر الغلط بس بجد اوقات الواحد بيبقا مش قادر يتحمل وبيبقا نفسه يحس ان فى حد جنبه
14. صاحب المشكلة

    

    30/04/2011 at 12:28

    اولا احب اشكر كل اللى رد واتفاعل معايا واحب اقولكم انا كنت محتاج اعرف انا صح ولا غلط ومبسوط جدا ان فيه اخوات كريمات عندهم نفس الشعور وادعو الله ان يرذقنا واياهم العمل الصالح والسعاده فى الدنيا والاخرة
    ثانيا انا عندى طلب من كل اخت كريمة محترمة تشوف منظر من ده تنصح عشان ممكن الراجل ميقدرش ينصح او حتى لو نصح النصيحة بتاعته مش هتتقبل

    ثالثا احب ارد على الاخت الكريمه”مؤمنة” انى مينفعش اعمم!!
    فأنا معممتش ان كل البنات مش كويسيين انا عممت انى مبقاش عندى ثقه فى اى بنت وده مش ذنبى بس ذنب المجتمع اللى احنا فيه ….. انا بتمنى اشوف مناظر ايجابية مش بلاقى حتى الامهات النهارده بيشوفو الغلط فى بناتهم وبيشجعوهم على ده …… ربنا يهديهم

    وانا برجوكم تدعولى كتير ….. وبشكركم تانى على اهتمامك وردكم على مشكلتى سلام عليكم
15. عمر

    

    30/04/2011 at 11:34

    بص يا سيدي نفس المشكلة بتواجهني فقررت اني اتجوز من العائلة بس عايز اقولك حاجة انت ممكن جدا تلاقي واحدة كويسة ولو خايف تتغش فيها صلي صلاة استخارة قبل ما تقوم بأي خطوة
16. دنيا

    

    30/04/2011 at 11:30

    متخفش ان شاء الله ربنا هيكرمك بواحدة محترمة بجد تقدرك وتصونك الطيبون للطيبات بس ممكن طلب لو بعد الشر لو نصيبك وصلت لوحدة كانت عرفت حد قبل كده لو كانت تستحق انك تسامحها سامحها فى ناس بتعمل كده عشان ظروف انا عارفة ان كلامى غريب بس فى ناس بجد مش بتقدر تتحمل المشاكل والتعب النفسى فبتلجأ لكده
17. milky

    

    30/04/2011 at 03:16

    سيبك انت من المناظر الى بتشوفها دى عندك فاكهة واقف عليها دبان وفاكهة تانية مغلفة (بنوتة محترمة وبنت ناس) مهو فى الوحش وفى الحلو
    لو فضلت خايف كدة من البنات والى بيعملوا هتتعقد ان باذن الله كدة اخطب البنوتة الى قلبك يخترها وترتحلها وصدقنى خلال فترة الخطوبة كلة بيبان ومتقلقش ذكاءك مش هيخونك وهتعرف اخلاقها وشخصيتها كويس
    وبعدين دة الطيبات للطيبون
18. engineer

    

    30/04/2011 at 01:05

    صحيح بنات كتير دلواتى انفصلو عن الدين والادب والاخلاق والحياء والعفهو وانجرفوخلف الفجور والتبرجوالعلاقات المحرمه مع الشباب ألاان لسه فيه بنات محترمات وعفيفات وعلى دين واخلاق عاليه وعلشان تفوز بالبنت دى لازم انت نفسك تكون كويس من جواك وتكون شاب على اخلاق ودين وربنا هو اللى هيوفقك لهذه الفتاه
19. ايمى الزملكاوية

    

    29/04/2011 at 17:05

    اخويا وحق لا الة الا الله البنات مش زى بعض دة حقك وانت صح وتفيرك صح ودة من الا بنشوفوا اغراءات وقلة ادب انا بنت وبمشى بشوف كمية بنات ببنطلونات يعلم بيها ربنا والله بتكسف من نفسى ربنا يهدى وهيكرمك ببنت الحلال الا تقدر تسعدك وتخاف عليك وتخاف من ربنا وترعى ربنا قبل ما تراعيك
20. الباكيه الي الله

    

    29/04/2011 at 10:45

    اولا : اخي الكريم
    ليك كل الحق فعلا في احساسك اللي بقيت فيه وده طبيعي للي بيحصل واللي بنشوفه من البنات ربنا يسترنا كلنا ويغفر لنا ويهدينا ويهديهم يارب
    بس علي فكره دده مش احساسك لوحددك او احساس الشباب المحترمين انما ده كمان احساس البنات المحترمات اللي كرها كونهم بنات عشان للاسف النظره بقت للبنات تشبه بعضها مفيش شب بيتعامل مع بنت علي اساس انها محترمه لا لازم الاول يطاول ولما يعرف انها مختلفه ومتربيه وملتزمه يبتدي يتعامل بطريقه محترمه وده للاسف راجع للي البنات بتعمله من لبس ومسخره واسلوب رخيص وغيره

    بس :
    بجد مش كل الناس زي بعض ومش كل البنات وحشين والله في بنات عفيفات ومحترمات ومتربين بفضل الله مش كل الجواهر فلصوا في جواهر غاليه جدا مش ممكن ابدا حد يجرحها او تتكسر لانها جواهر صح وجواهر غاليه جدا

    اولا انت انسان محترم مشاء الله واكيد ربنا سبحانه وتعالا حيرزقك بالانسانه اللي تشبهك ” الطيبين للطيبات والخابثين للخبيثات ”

    ثانيا : انت عليك بالدعاء وعليك انك تتقي الله اكتر واكتر وانشاء الله ربنا يكتبلك الخير

    اختك في الله
21. هايدي

    

    29/04/2011 at 10:17

    علي فكرة انت عندك حق انا عن نفسي طالبة جامعية وبجد حال البنات اليومين دول مش عاجبني من جميع النواحي وربنا يسترها مع الجميع امين يارب العالمين
22. سلام

    

    29/04/2011 at 02:57

    ما شاء الله عليك
    في الزمن ده بقى نادر انك تلاقي ناس محترمه
    بس انت استمر على طريق ربنا و انشاء الله تلاقي اللي انت عايزها
    خلي ثقتك بالله كبيره
23. رانا

    

    28/04/2011 at 23:27

    على فكرة والهى العظيم مش كل البنات على فكرة زى ما فيه الوحش اكيد فيه الحلو بس قليل بس اللى هيدور هيلئى وربنا يرزقك ان شاء الله ببنت الحلال اللى تحفظ اسمك وزى ماانت محترم هتلاقى اللى زيك وتحدى
24. مؤمنة

    

    28/04/2011 at 22:47

    مينفعش تعمم ان البنات كلهم اخلاقهم سيئة انت مش شايف ان في شباب كمان اخلاقهم معدومة ومحدش ينفع في الحالتين يعمم في بنات وشباب لسة محترمين واخلاقهم عالية وهتلاقيهم هو ممكن يكون صعب بس هتلاقيهم اما انك تريد ان تعيش في المدينة الفاضلة وتريد البنات يكونوا كلهم كويسين فدة حلم كلنا نتمناه ودة مش للبنات بس وللشباب ايضا اللي هيبقو اباء المستقبل واللي بيهملو زواجاتهم وابنائهم ويضعوا كل المسئولية في تربية الابناء علي عاتق الزوجة ودة غير صحيح هما مش كل مسئوليتهم هي توفير الماديات ولكن دورهم التربوي غاب ورغم ذلك في لسة امل عند ناس كتير ان يوجد ما يتحمل مسئوليته كاملة وايضا البنت ممكن تلاقي اللي كويسة وتصونك حتي في غيابك ووممكن لا
    بس انت هتعرف تميز بين الجيد والسيء لو اتبعت دينك بان تغض نظرك عن الخبيث منهن وتبحث عن ذات الدين واتمني ليك ان تجدها ودعواتي ليك ان تجدها قريبا
    ونصيحة ليك لما تشوف اي منظر لا يعجبك استفر ربنا كثيرا ولا تضع الموضوع كثيرا ي بالك حتي لا تصبح وسوسة عندك تمنعك عن الزواج او تصيبك بالشك في الناس من حولك