خطيبتى تعرفت عليها فى العمل هى انسانة محترمة وجميلة ولكن من اول يوم خطوبة وهناك مشاكل بينها وبين أهلى كما انها لا تقوم بالواجبات المفروضة مع اهلى عللى الرغم أن اهلى واخوتى يتعاملون معها معاملة جيدة جدا مثلا يوم الخطوبة لم تسلم على اهلى بعد نهاية الخطوبة وتكلمت معى بطريقة سيئة امام جميع اهلها ولا تكلم اهلى نهائيا الا فى الاعياد اختى عملت عملية لم تسال عنها وحاولت مرارا ان اغير منها الا اننى لم استطع وخائف الا تتغير بعد الزواج لان ذلك يعنى ابتعادى عن اهلى وانا الولد الحيد ولى اربع اخوات وذلك خلاف مشاكلها معى فماذا افعل اتركها على الرغم من ادبها أم استمر ومن الممكن ان تتغير مع العلم اننا مخطوبين منذ سنتين
مشاكل الشباب قبل الزواج
سوء علاقة خطيبتى بأسرتي وكيفية تحسينها
اضيف بتاريخ: Saturday, February 16th, 2013 في 13:47
كلمات مشاكل وحلول: الزاوج, مشاكل الخطوبة
بص ياأخى أنت بصراحة حيرتنى معاك الأفعال اللى أنت بتقولها تناقد الأوصاف لكن هناك قاعدة عامة لا يوجد اسنان بدون خطأ فنحن بشر ونخطأ.
ولكن حلاوة الانسان كما قال نبينا صلى الله عليه وسلم كل اين ادم خطاء وخير الخطائين التوابين.
ياأخى ما عليك أن تحاول فعلا من أن تغيرها للأحسن أذا كانت أنسانة جميلة محترمة وبالأوصاف الجميلة ديه ومؤدبة كمان حتستاجبلك وحتتأسف حاول قبل ما تسيبها تعمل كل حاجة عارف ليه ؟؟؟؟؟؟ عشان تريح ضميرك يمكن تعد تحاول معاها فى سنتين وفى لحظة معينة من اللحظات تستاجبلك
اذا كانت انسانة طيبة ومؤدبة وبالأوصاف اللى أنت قولتها فصدقنى حتستاجبلك .
وان لم تستجيب لك وحسيت أن الحياة بينها وبينك مستحيل تم فى ظل تلك الظروف فأنصحك لا تظلمها ولا تظلمك وبردوه بكدة تكون ريحت ضميرك عشان يوم لما ضميرك مثلا يأنبك فى يوم ويقولك ليه سبتها رغم أدبها و…و….و…..؟؟؟
تعرف ترد على نفسك وترتاح.
وسلامى لك ياأخى
السلام عليكم
انا بصراحه مستغربه من رد فعلها ده وليه بتعامل اهلك كده بس قووووووووووولي هو اللي بيحب حد مش بيحاول يعمل اي حاجه عشان تسعداللي بيحبه ؟ هل في فتره الخطوبه ومع مرور سنتين كمان وعلاقه كده هتتغير للاحسن بعد الزواج طيب ازاي ؟ تفتكر هيا تستاهل هيا او اي بنت غيرها انك تبعد عن اهلك عشانها ؟ ايه مفهوم الادب والاحترام عندك هو عدم تقدير الناس ومعاملتهم معامله مش حلوه عدم الاحساس بالاخرين والوقوف معهم في وقت الشده مفيش اصول ولا واجب ولا انسانيه !!!
اتركها ستسبب لك المشاكل في المستقبل ، اهلك هم الاهم من تعبوا على تربيتك لا يجب ان تسمح لاي شخص بالكون بمعاملتهم هكذا ، تخيل انك تمسح تعب امك عليك بسبب فتاة ، اخي العائلة هي الاهم ، العائلة هي الاهم .
جملة غريبة اوى ( اتركها بالرغم من ادبها ) فين ادبها فى سؤ معاملتها لأهلك فين جمالها وهى لا تستطيع ان تجامل اهلك وتبرهم كاسرتها فين اخلاقها فى ان هى تسال على مريض وما بال ان المريض اخت زوجها .. الغريبة ان مش زى كل الحكايات ان اهلك قلولك سيبها علشان برودها فى التعامل معاهم . خايفة تكون انك غلطت فى الجملة الاخيرة ويكون جواك ( اتركها برغم جمالها ) .. علمونى وانا صغيره اوى جملة بسيطة عن الادب <> اسأل نفسك سؤال واحد هى دى اللى هايكون بينك وبينها موده ورحمه ؟؟