مشاكل الازواج

هل يرتبط زوجي ببنت اخرى حتى نعلن الزواج السري

انا شابة فى الثلاثين مطلقة وعندى ولدين عايشين مع ابوهم بس باشوفهم كل مانزل البلد مانا باشتغل فى القاهرة وهما فى بلد بعيدة عنى حبيت شاب اصغر منى وهو عشقنى واتجوزنا من ورا اهالينا وعشنا سنة من غيرؤ حد مايعرف وهو حب يعرفنى على امة اللى بيحبها جدا ويقنعها بيا
المهم هى اقتنعت واحبتنى جدا ووقفت معاها كتير فى تعبها ومع اخوتة لدرجة انها قالتلى انها لو ماتت مش هتطمن على ولادها الا مابقى معاهم ولانها مش عارفة تواجة الناس قالتلى نسافر ونقول اتجوزنا برة والناس كلامها يقل لحد ما عشمتنى جامد وخلتنى ماترددش وقلتلها اننا متجوزين اساسا اتقلبت 600 درجة وبقيت كرهانى وكدبنا وقلنلها انة كتب كتاب بس لكن بعد فترة لاقيتها بتقول ان حلنا الوحيد نتطلق وهو يتجوز واحدة كويسة و بنت عشان كلام الناس وانى ابعد واسيبة بس لا انا ولا هو نقدر على كدة احنا بنجرى فى دم بعض لحد ما لاقيتة جاى يقوللى ان الحل الوحيد انة يتجوز واحدة ويعمل فرح عشان يرضى مامتة واهلة الشماتينوبعدها يصلرح مراتة وان قبلت يخلينا مع بعض وان رفضت يطلقها ويرجع يخطبنى ويتجوزنى امام الناس وبكدة تكون ظروفنا اتساوت
انا عارفة انة كلام مايتعقلش بس انا راضية وخايفة ومش عارفة اعمل اية

مشاكل وحلول ذات صلة

اضيف بتاريخ: Sunday, December 26th, 2010 في 07:18

كلمات مشاكل وحلول: , , , , , , , , ,

4 رد to “هل يرتبط زوجي ببنت اخرى حتى نعلن الزواج السري”

  1. صفصفر
    30/12/2010 at 06:26

    يا بنت الحلال انا مش عارفة اذاى يبقى حل المشكلة انه يتزوج باخرى بالعكس المشكلة هتزيد ويبقى لها اطراف تانية طيب ما تعملوا زى ما ولدته قالت انكم تسافروا وترجعوا متزوجين او حتى تعملوا فرح وكانكوا لسة متزوجين لو الناس فارقة معاكوا اوى كده المهم انو يتمكسك بيكى وكمان يحاول يقنع امه انه مش هيقدر يسيبك لان رضى امه عليكوا سبب فى سعادتكوا فلا تغفلوه وممكن تكون هى زعلت بس عشان ابنها اتزوج من غير علمها وده حقها فانتوا ممكن تعملوا عليها فيلم صغير تعرفوها انكم سبتو بعض عشان ترضوها بس وبعد كده ابنه يمثل عليها انه عايش فى تعاسة بس ويقولعها مش مهم انا امهم تكونى راضية يا أمى وتسامحينى ده يمكن يخليها تسامحه ولو قالتله يتجوز يقولها انه سابك عشان ارضيكى لكن ما اقدرش اظلم واحدة تانيه معايا واتجوزهاوانا متعلق بواحدة مع الوقت وجوزك بس يحبك الحكايه شوية بشوية شرود على شوية توهان على حبة اهمال فى نفسه لكن يفضل تحت رجل امه على طول مش هتقدر تشوف ابنها كده ولو هى بعد فترة ما طلبتش انه يرجعلك يجس نبضها بالراحة المهم انه يفهمها انه مش هيعمل حاجة هى مش راضية عنه وربنا يفقكم وسيبك من اللى يقولك قوليله حقى ويخليكى تحطى العقدة فى المنشار حاولى تلاقى حل معاه ما يشتتهوش ويخليكى فى كفه وامه فى كفه لانهخ حتى لو اختارك مش هيعيش مستريح وبالتالى انتى كمان مش هتكونى مرتاحةوفى نفس الوقت ما تظلميش نفسك وتخليه يتجوز واحده تانيه ده جوزك مش خطيبك يعنى من حقك تتمسكى بيه باقصى ما عندك وبكل الطرق المتلحة وربنا معاكى

  2. حبيبة الرحمن
    27/12/2010 at 16:04

    مش عارفه بس لو اتزلتي عن حقك وكرمتك هاتفضلي طول عمرك علي الهامش يعني مش هاتبقي في النور انتي قولي ليه لاما في العلن لااله ننفصل وربك هايعوضك خيرا منه لانه اللي بيحب حد وبيزوجه بيبقه في النور ماتنسيش انك معاكي اولاد يعني اي شي محسوب عليكي وبيقعد للولدك

  3. النبيل شارل
    27/12/2010 at 00:21

    اختي كونك مطلقه ليس سببا لتقديمك كل تلك التنازلات انتي امرأة لكي احاسيسك ومشاعرك لا تتنازلي لاي احد عن شي تحسين انه يمس كرامتك او انك ير راغبه فيه اذا كان يحبك وشاريكي فمن المؤكد نه سيتفهم موقفك ويشعر بشعورك الله يسعدك اختي

  4. جوليا
    26/12/2010 at 10:45

    انتي مراته لى سنة الله ورسوله ومن حقك ترفضي زواجو التاني لا تقبلي بهذا الحل لانه ليس بحل انما زواج زوجك من اخرى سيفتح ابواب اخرى على علاقتكم وايه ذنب البنت التانية الي هيتجوزها جوزك تدخل بلعبة من هذا النوع مادام حصل النصيب بينك وبينو وهو بيحبك خلي يرضى بنصيبو ويحاول يقنع والدته مع الايام ممكن تقبلك بس ماتدخلوش بنت تكون ضحية يعني يتجوزهاا ويطلقها عشان الناس ما تتكلمش عليه انو تزوج من غير رضى اهلو لا يمكن ان نحل المشكلة بمشكلة تانية واتمنى لكم السعادة

اترك رداً أو حلاً لهذه المشكلة