السلام عليكم ورحمه الله وبركاته انا فتاه ابلغ من العمر20سنه والحمدلله دى اخر سنه ليا فى الكليه ربنا يعديها على خير مشكلتى ان ربنا رزقنى بوش بشوش وانى ببتسم فى وش كل الناس وديما بحسن الظن فيهم وان طيبتى هى اكبر همى لانى بسببها خليت الناس كلها تفتكر انى طيبه ومن السهل يضحك عليا انا ارتبطت بقصه حب مع شخص وفضلت معه فتره واتفق معايا على الخطوبه وبعد ماكلم اهلى واهله جه ف الاخر وقلى انا مش عايزك وعمرى ماحبيتك وانى بالنسباله كنت فتره تسليه وخلصت وعرفت بعدين انه خطب وحده تانى مع انى معملتش معاه اى حاجه وحشه وكنت شارياه لاخر يوم ف عمرى مهما كانت الظروف وضحيت عشانه كتير ووقفت ف وش اهلى لانهم مكانوش موافقين عليه الاول فلما سابنى شمت فيا النس كلها وخلانى صغيره ف نظرهم ومن ساعتها فقدت الثقه ف اى شاب مهما كان لكن حاليا فى اكتر من واحد كان عايزنى وبعد مااكلمه واتعرف عليه بحس انى مش مرتاحه لانى بفتكر الاولانى وكل اللى عشته معاه وبخليهم يبعدوا عنى مع انهم ملهمش ذنب وفضلت ارفض ناس اكتر من مره لغايه ما خايفه ف الاخر انى اعد من غير جواز بس انا اللى خلانى كده صدمتى من الاولانى ارجوكم ساعدونى ازاى اعرف الفرق بين اللى بيحبنى وبين اللى بيتسلى بيا؟ وشكرا
مشاكل الحب الفاشل
الفرق بين التسلية والحب عند الشباب
اضيف بتاريخ: Friday, June 1st, 2012 في 11:40
كلمات مشاكل وحلول: الحب الفاشل, مشاكل البنات, مشاكل الحب
انا كمان كنت زيك بس انا مكنتش بحاول اشغل دماغى اتخبطت منه مرتين بس فى التانية فوقته خبطته على دماغه كان زميلى معايا فى شغلى واتعلقت بيه وكان ليه حركات كنت بحس انه بيتسلى بس مكنتش فاهمة كانت خبرتى ضعيفة جدااااااااا كنت بحاول اشغل دماغى فى فهمه بس معرفتش افهمه لحد م فى يوم اتصدمت انه خطب انا ساعتها اتصدمت بس فوقت نفسى ورجعت اتعامل معاه ولانها كانت سزاجة زايدة عن حدها كنت هقع تانى لحد مقررت افوق نفسى وافوقه وقلتله انت خاطب وواجهته بكل اللى حصل واللى فات معرفش يرد وسكت قلتله من اليوم ده احنا زمايل مش اكتر وقررت احط حدود بينى وبينه طالما احنا مجبرين نتعامل مع بعض بس المرة دى بقى انا فايقة كويس وعارفة هعامله ازاى لان كان لازم اتعامل بس هتعامل بما يرضى الله زيه زى اى حد غريب عنى هبنى جدار فاصل بينى وبينه عشان المة دى انا اللى اخترت مش هو
بس صدقينى فوقى نفسك من اللى انتى فيه وعيشى حياتك عادى لان هو عايش حياته عادى انتى اللى بتخسرنى تبقى خسرتى مشاعرك اللى ادتهاله وخسرتى باقى المشاعر اللى ممكن تعيشى بيها مبسوطة مع غيره لان مسيرك كده كده هتروحى لغيره كده هتيشى خسرانة سادتك طول حياتك
اللي بيحب بجد بيحافظ علي حبيبته من نفسه ودايما يحس بيها ويعرف ايه اللي يفرحها ويعمله ليها ويعمل كل حاجه علشان يكمل عمره معاها ويسعدها وعمره ما يخونها ولا يفكر في واحده غيرها ويبقي شايفاها اجمل واحده في الدنيا وتبقي ماليه عينه واللي بيحب بجد عمره ما بيعد عن حبيبته مهما حصل انما بقي الشاب اللي بيتسلي دا بيتعرف من شكله وتصرفاته يعني مثلا في شباب بيستغلو حب البنت ليهم ويخلوها مثلا :تصرف عليه وتديلو فلوس وفي شباب كتير كده علي فكره ,وفي نوع تاني بقي يستغل حبك ليه ويخليكي تسلمي له نفسك ويعمل اللي هو عايزه ويسيبك , وفي شباب لما تعملي ليهم كل اللي هما عايزينه بتبقي بالنسبه ليهم كارت محروق ويرموكي ويدورا علي غيرك ومعظم الشباب يقولي البنت اللي تتكلم معايا ماتلزمنيش ومش محترمه وفي شباب يقعدو يمثلو عليكي الحب ويقعد يقول بحبك وبموت فيكي ووقت الجد لما تيجي تقولي له تعالي اخطبني تلاقيه بيبعد عنك ويتحجج بقي باي حاجه والحجج بقي كتير في شاب يقولك اصل ظروفي وحشه وشاب يقولي اصل عندي مرض ومش ينفع اتجوز وشاب يقول اصل امي هتخطبني لواحده من قرايبناالحجج كتييييرعلي فكره في الزمن دا قليل لما تلاقي شاب جدع بجد ويحبك ويحافظ عليكي والله حرام لما نحب بجد من قلبنا وفي الاخر نعيش طول عمرنا مجروحين من اللي حبيناهم
الحب يعنى السقوط .. من نظر المجتمع المصرى والناس واحيانا ممكن تقعى ف ايد واحد يخليكى تغمضى عينك وتمشى وراه .. وف الاخر ..ولا اى حاجه ..الله ينتقم من كل شاب ضحك على واحدة او واحدة استهترت بمشاعر واحد حراااااااااام بلاش نجرح القلوب ارجوكم
من يحب امرأة بصدق .. يحب مرة واحدة فى عمره
مشكلتلك انك اخدتى انطباع عن الكل بسبب البعض …. واحد خلاكى تكرهى الباقى
انتى لو وسعتى مجالك فى التعامل مع اى شاب …… هتعرفى تميزى كويس من الحب الصدق من الزائف
انا مريت بهذا التجربة بس عادى الحياة مواقفتشى قدامى تلنتنى ماشية وربنا بعتلى واحد احسن منة ولحد دلوقتى احنا مرتبطين وعلى فكرة جية خطبنى فا فكك من الاولانى وبصى لقدام
بصى يااختى البنت هى اللى تقدر تحدد ازا كان الانسنده ستاه حبا لا مايستاهلش ولو اختارت غلط من الاول بتوصل لى نتى فية ووقتها ماتلومش اى حد غير نفسها على اختيارها الغلط
السلام عليكم بصى بفا انا شاب زى اى شاب فى الدنيا ده والحمد لله عارف دماغ الشباب دول هما الخاينين والبنات معظمهم بيرتاحو للشباب بس الشباب دول ذى التراب لو الهوا مطيرهمش تدوسى عليه بالشبشب بس انتى لازم تعرفى البيتسالا بيكى واللى خايف عليكى من وجهيت نظرو ليكى والحب مش بالكلام لازم تديه افعال يعملهاليك ذى اى حاجه صعبه عاوزه تعمليها وهو مش حيتاخر لوبيحبك مش بالكلام الحب بالافعال ذى ياخد منك الاحزان يديلك الفرحه فى وشك وحاجات كتيرررررررررررر اوى انتى عارفا بقى………………ز
السلام عليكم انتى متعرفيش النصيب فين وسبيها على ربنا.
بلا حب بلا وجع قلب ويش جانا من ها الحب
اختى العزيزه انتى لسه سنك صغير ولسه الحياه قدامك . ولام نتعرض لصدمات فى حياتنا بس الصدمات دى لازم تقوينا مش تضعفنا وكمان الصدمات بتكسبنا خبره فى الحياه والى حصل ده من رايي انه نقص فى الخبره عندك . بس ده مش عيب بالعكس ده دليل على انك بنت كويسه ومحترمه وسيبى الامور تاخد وقتها لانك لسه صغيره وانتى الوحيده الى فى ايدك انك تخرجى نفسك من الى انتى فيه .. استعينى كده بالله وتوكلى على الله .
فى الزمن اللى احنا فيه دا يا انسه معظم الشباب بتتسلى مع البنات والعكس صحيح عشان كدا من الصعب تفرقى بين الحب اللى بجد والتسليه لان احسن من الكلام والكدب عند الناس مافيش
فا نصيحة يعنى بلاش تتسرعى فى الحكم على اى شاب عايز يرتبط بيكى وانسى التجربة الاولى لان كلنا فى حياتنا لازم تكون فى حاجة تعلمنا وتاثر فينا ….وربنا معاكى فى الدراسه ويوفقيك ان شاء الله
قصة فاشلة ليست معناه نهاية العالم
هي تجربة لنستفيد منها ونصبح اقوي من قبل
ادي لنفسك فرصة مع شخص تاني في اطار الدين والاحترام وربنا يكتبلك الخير
من الاخر ربنا بيحبك و حابب يعيشيك و يديلك فرصة احسن من الي كنتي هتخديها و انقذك .. دي حاجة تعلمك مش تعقدك …
@فؤاد
السلام عليكم 🙂
مشكلتك أختاه كمشكلة الكثيرات من بنات جيلك
نقص الخبرة مع سوء نية الشباب وضياع نخوتهم.
لا أعلم كيف أوجهك لأن كشف نوايا الناس مرتبط بالخبرة والتعامل بالعقل معهم، ومن الواضح أنك ضعيفة جدا في هذه النقطة.
عموما لا ترفضي شخصا ثبت لك أنه طيب ومتدين واستشيري أهلك فيه واسألي عنه جيرانه فهم أدرى الناس بأخلاقه.
ولا تجعلي واقعة واحدة تضيع حياتك كلها، فليس كل الناس مثل بعضهم.
السلام عليكم
اختي الغاليه
انا مريت بنفس مشكلتك وحبيت واحده جداااااااا ومكنش لينا نصيب نبقي مع بعض
وحسيت بنفس احساسك دلوقتي ان مفيش واحده تستاهل افكر فيها او اخلص ليها وكمان اي واحده بتبقي في مقارنه مع الانسانه دي كانت دايما بتطلع خسرانه لاني لسه بحبها
بس تفتكري احنا كده هنبقي مستفيدين ايه لما حياتنا توقف؟؟
لازم تفكري في بكره وتنسي الماضي
بصي لحياتك ومستقبلك
لازم في الدنيا هنتصدم كتير بس الاهم اننا نتغلب علي كل الظروف ونكمل
انسي اللي فات ومش كل الناس شبه بعض
وطالما ربنا ارد ان موضوعك مع الشخص ده ينتهي يبقي اللي هيجيليك هيكون احسن منه مليون مره ان شاء الله
وبخصوص سؤالك فسهل جدا تعرفي اللي بيحبك واللي بيتسلي بيكي
اللي يحبك هيخاف عليكي وهيحافظ عليكي واول حاجه هيعملها هي انه يتقدملك رسمي ويدخل البيت من الباب
واي حد هيعمل غير كده يبقي بيتسلي