مشاكل الشباب النفسية

الناس بتعاملنى على انى عبيط واهبل

ايوه بجد والله عبيط واهبل أنا 35سنه ومفيش فايده من ايام ثانوى مليش أصحاب ودائما لوحدى كنت بعد فاخر الفصل ودائما بتكلم مع المهمشين اللى زييى عشان دائما كنت بباقى نظره فعيون الناس انى اهبل ومليش لازمه حتى لما اتكلم مع حد معرفوش بتلعثم فالكلام وبلاقيه ليحاول ينهى الموضوع معايا ولو اتقابلنا صدفه يعمل ميعرفنيش خلصت ثانوى وروحت الجامعه الترم الاولانى كله مليش صحاب مفيش حد اقوله ازيك ولا اقعد معاه الترم التانى عملت أصدقاء كنا حوالى خمسه او سته التي التوب وناس دحيحه والعبيط اللى هو انا وواحد صاحبى كنا اتنين عبط فالشله كبرت واتخرجت واشتغلت ولسه عبيط واهبل فعيون الناس يا جماعه انا بعد عالقهوه الجرسون بيعاملنى بقرف غيرت القهوه برده من وسط الناس كلها بيعاملنى كأنه شايف واحد عبيط اخر مره اللى دمرتنى نفسيا بجد كنت مع اهلى وعديت الشارع اشترى حاجه من بقاله بسال البياع بكام الحاجه دى مردش عليه عدت السوال عليه بيقولى غور فداهيه تاخدك وتاخد اهلك والله ما غلط وبطلب بأسلوب محترم ساعتها اتسمرت فمكانى من المفاجاه ولومته ومحبتش اطول معاه عشان أعلى مياخدوش بالهم انجرحت مستحمل بقالى سنين بس انجرحت انا 35سنه يعنى راجل ومتجوز ومخلف المفروض اتعامل احسن من كده معظم الوقت مبخرجش مع مراتى وبنتى وبعمل دائما مشغول خايف أخرجهم معايا وحد يهزقنى قدامهم انا مجروح يا جماعه مع انى شكلى كويس والله ويلبس كويس بس بجد مجروح جدا دائما الناس بتعاملنى على انى هفأ واهبل وعبيط قطعت الصلاه ومبقتش اعمل خير وخائف ومجروح وبكره نفسي واللى حواليا الرحمه يارب

مشاكل وحلول ذات صلة

اضيف بتاريخ: Monday, March 23rd, 2020 في 12:17

كلمات مشاكل وحلول: , , ,

2 رد to “الناس بتعاملنى على انى عبيط واهبل”

  1. شكرآٱا
    30/04/2020 at 11:19

    خليك زي منت صدقني انت شخصية رائعة ونموذجية ومثالية لو مثلك كثير يعيش الناس بسلام ، لا تزعجك التسميات ،اهبل او عبيط واي تسمية كلها صنعها الاغبيأء ، من گلامك عرفت انك متواضع ومتفهم كثير بس لا تخرب هذه الصفات التي في شخصيتك بردات فعل مختلفة ،وزدها جمال بتقبل سوء تصرف الناس ببرود ولا مبالاة وهدوء، انا ااعرف مثل شخصيتك قليلين وجميلين اينما وجدو ببراءة تصرفاتهم وطيبة نفوسهم ،لا يأتي منهم الا الخير ولن ترى منهم سوء او أذى ومع اهلهم مثل الخدم، هؤلاء والله هم سادة الناس وملوك الدنيا باخلاقهم العالية وتواضعهم

  2. ابواميرة
    31/03/2020 at 16:24

    شوف يااخي انت فاقد الثقة في نفسك وضعف شخصيتك دا هو الذي خلا الناس تسخر منك و تسئ معاملتها لك لازم تترك الضعف والوهن اللي انت فيه دا وتقوي شخصيتك وتكون راجل قوي وشجاع وتواجه أي احد يغلط فيك انت راجل مش عيل صغير عشان نقولك تعمل ايه وأصبحت متزوج ومسوول عن مراتك وبنتك فلازم تعرف ازاي تحميهم وتدافع عنهم في هذه الحياة وربنا يبارك فيك ويستر عليك

اترك رداً أو حلاً لهذه المشكلة