السلام عليكم
انا بنت عندى 19 سنة متطوعة فى جمعية خيرية و ببقى مبسوطة اوى لما بساعد محتاج و يقعد يدعيلى بعدها و مع الوقت حبى للموضوع دة بيزيد انا قبل ما اتطوع ما كنتش عندى اى هدف و مكنش ليا اى فايدة و كان يومى بيتكرر هو هو كل يوم و مكانش عندى اصحاب لان اولا كانت شخصيتى ضعيفة جدا و خجولة لدرجة انى بتكسف اصاحب اى حد و بعد لما تطوعت حياتى بقت ليها معنى حاسة انى بقدم حاجة كويسة حاسة ان بقا ليا دور و هدف و بقى عندى اصحاب كتير و شخصيتى اتغيرت 180 درجة بجد و بقيت اعرف اتعامل مع الناس و كل الناس بقيت تشوفنى انى حاجة كبيرة اوى ماعادا بابا و ماما كانوا فى الاول مبسوطين شوية لكن بعد كدة مش عارفة اقلكم بيكرهوا قد ايه انى اعمل اى عمل خيرى بقيت حياتى كلها مشاكل معاهم انا هكيلكم قصة ابسط حاجة من المشاكل اللى بتحصلنا
كنت الاسبوع اللى فات فى الجمعية و طلبوا منى اخد ادوية كتيرة اوى اوديها للقصر العينى و انا اصلا طالبة فى كلية طب القصر العينى بابا لما بيجى يروحنى من الجمعية ساعات بياخدنى من على الباب و ساعات بياخدنى من اول الشارع فاتصلت بيه فلتلة معلش يا بابا خدنى من على الباب عشان معايا حاجات كتير مش هعرف اشيلها قالى ماشى اول لما وصل لقيته مكشر اوى و حطيت انا و زمايلى الحاجات فى العربية و لما زمايلى سلموا عليه كلمهم باسلوب وحش اول لما ركبت زعقلى بصوت عالى انى ازاى تجيبى الحاجات دى كلها هو انا شغال عندك مش تستاذنى مع انى والله كل مرة بجيب حاجات معايا و مش بيقولى حاجة قلتله يا بابا انا هوديها القصر العينى معايا و انا رايحة الكلية قعد يزعق قلتله و انا بعيط انى خلاص انا هروح مواصلات و هوديها انا زعقلى اكتر و قالى انا مش هوديكى تانى و حلف انه مش هيودى الحاجة اللى معايا و لما رجعنا حكى لماما و ماما زعقتلى من غير ما تفهم الموضوع و قالتلى اعتذرى لبابا اعتذرت قالى مش قابل اعتذارك و من ساعتها و هما بيكلمونى وحش جدا و بجد مش قادرة اعيش بالاسلوب دة قولولى اعمل ايه و قولولى انا غلطانة فى ايه يا ريت بجد تفيدونى قولولى اتصرف ازاى و سفة على الازعاج
مشاكل عائلية
انا بحب اعمل الخير و بابا و ماما متضايقين
اضيف بتاريخ: Sunday, October 7th, 2012 في 07:15
كلمات مشاكل وحلول: بنت, مشاكل عائلية
للأسف أغلب الأباء كدة بس مش كلهم بيكون تعاملهم عصبي مع ابنائهم وعدم التفاهم لكن للاسف في النهاية هم ابائنا وواجب علينا ارضائهم وطاعتهم في بعض الامر بس نصيحتي ليكي اجلسي معهم وواجهيهم ما هو سبب كرههم للعمل الخيري