السلام عليكم
انا سعيده جدا انو لقيت موقع مشاكل وحلول دا أفضفض بيه اصل جواية كلام كتير بيخنقني نفسي اعبر عنو واتشجعت لانو لقيت كتير بنات بيطرحوا مشاكلهم هنا وهي شبيه بمشكلتي وحاسة فيهم واواقات بيعيط علي كلامهم ,,انا زي كل بنت عمري في اواخر العشرينات متعلمة تعليم عالي بنت ناس واصول وربنا انعم عليه باخلاق وطيبة وشكل جميل ,,ولكن مشكلتي هي زي اغلب البنات هنا انو لسا ما اتجوزت ودي حاجة بتألمني جدا لاسباب كتير اولا انا سابقا ايام الجامعه ماكنتش بفكر بالارتباط كنت حاسة نفسي صغيره ولسا بدري ولكن بعد التخرج والشغل بعد ما شفت كل البنات الي كانوا معايا كلهم كلهم بلا استثناء الي اتجوزت والي خطبت والي بقت ام حسيت اد ايه ان في حاجة ناقصه في حياتي حاسة بفراغ ووحده لان ببساطة لان الفترة دي هي المفروض تكون فترة ارتباط وتكوين اسرة واستقرار عاطفي ,,انا انسانه عاطفيه ورومانسيه وبنفس الوقت ليه شخصيه رائعه انا لا امدح نفسي ولا كامل الا الله تعالى بس لما بشوف ان في بنات اقل مني بكتايييييير بحاجات كتير اتجوزت بقيت اسال نفسي اشمعنى انا؟ ليه انا الوحيده الي غاية دلوقتي مش مرتبطة عارفين يعني ايه جواز؟ يعني شخص يكون هو الزوج والاخ وصديق والسند في الدنيا دي انا وحيده ماعنديش سند في دنيا غير والدي وغير كده ماعنديش حد؟ انا اولى منهم كل وحده ليها عيله واخوات واقرايب وبرضو متزوجه وعندها اولاد انا ليه مين؟ كتير كنت بفكر بيني وبين نفسي بقول يعني ربنا بيعاقبني ولا انا ماليش نصيب ويمكن لحكمة عند ربنا مش هعرفها وارجع اقول تاني مافي كتير ناس بعرفهم بيغلطو غلطات كتير وربنا غفور رحيم وبرضو اتجوزو يعني انا الي ماعملتش حاجة ليه مش زيهم انا مش هقول ليه لانو ياما دعيت ربنا ولقت يارب لو انت مش كاتبلي الرزق دا خليني انسى بس لاسف مش قادرة انسى قلبي بيوجعني لما بشوف طفل صغير نفسي يكون ابني لما اشوف اتين ما شين سوى ومتجوزين واقول يابختها عايشه متهنيه لما اشوف صحباتي الي قدي واصغر مني متجوزات وبيفرحو ويتخطبو ويجيبو اولاد وانا زي ما انا كان الزمن وقف لغاية عني زي ما انا في حياتي الممله الروتينيه القاتله الجافه الي مالهاش هدف او دافع او فيها حاجة تخليها ليها معنى وطعم ولون انا عارفه في كتير هيقولوا ماهو في متجوزات مش مرتاحات تصوروا برضو بفكر وبقول يابختهم بمشاكلهم مش هضحك علي نفسي واقول انا احسن منهم لانو حره ومن كلام دا لا الوحده مننا مش هتحس بطعم الدنيا من غير ما يكون في طفل بين ايديها وشخص يهتم بيها اي كانت مشاكل بعد كده
انا بتقهر لانو بقالي فترة زادت الموضوع جوايا اوي بالرغم انو زمان ماكنش شاغل بالي بتقهر وبيصعب عليه نفسي انا فيني ايه يعني عشان ماحدش يفكر يرتبط فيني بنات اقل مني وفيهم عيوب كتيره اهم فاتحين بيت وانا احسن منهم ودا بشهادة الناس مش مرتبطة اشمعنى انا؟ عقاب من ربنا؟ ولا فعلا نصيب؟ ولا الوقت لسا ماجاش
بقيت افكر يعني الي فيه عين او حسد او حتى مس؟ بقيت اسمع رقية شرعيه واشرب ميه مقروء عليها بس فترة وبطلت يعني في كتير بنات بيغلطو وكتير بنات ليهم عيوب وكتير بنات مايعرفوش ربنا وكتير بنات وحشات وبرضو متجوزات وانا لا؟انا بجد جوايا كان في كلام كتير بس دلوقتي مش عارفه اعبر عنو
غير انو تعبت بجد حاسة انو حياتي انتهت ادمرت لانو مش عايشه الحياة الطبيعيه الي مفروض اعشها زوج واولاد ومشاكل زوجيه واولاد يكبرو واحس ان لي هدف في الدنيا دي
المشكلة الاقي عيون الاعجاب تلاحقني بكل مكان بس مش بتتعدى نظرات مافيش حد فيهم ممكن يتكلم ويتقدم او تلاقيهم من الاساس مرتبطين وبتفاجأة بالنهايه مش عارفه اعمل ايه ؟انا عارفه في بنات كتير بيقرؤ كلامي دلوقتي وحاسين بيه قولولي اعمل ايه ازاي انسى امنيت حياتي انو اشيل ابني بين اديه ازاي عاوزيني الاغي فكرت انو يكون لي زوج يحن عليه ويكن سند ليه في الدنيا دي ما انا وحدانيه وماليش حد ايه حكمة افضل كدا لا زوج ولا اولاد ولا حياة مستقره انا بكتب وانا بعيط
دا وصلت مرحلة زميله ليه قالتالي انتي ناوية تفضلي كدا من غير جواز لغاية ما تعنيسي؟ كلمة قتلتني وجرحتني موت علما انا اجمل منها بكتير وشخصيتي افضل منها بمراحل وهي لا شكل ولا انوثه ولا جمال ولا شخصيه ولا حاجة بس متجوزة وعندها 3 اولاد شعور غريب واحساس اغرب
اعمل ايه قولولي انا في رمضان دعيت ربنا كتير وقلت يارب ارزقني شخص صالح وذريه صالحه بس ديما بفكر بيني وبين نفسي ليه تاخرت في الارتباط وانا مش ناقصني حاجة ليه؟
وشكرا
مشاكل العنوسة
عانس وتعبت من نظرة المجتمع ليا
اضيف بتاريخ: Thursday, September 20th, 2012 في 14:01
كلمات مشاكل وحلول: العنوسة, بنات, بنت, عانس
سلام،
أنا أعاني من نفس مشكلتك عيأأختاه أبلغ من العمر 29 سنة و في كل مرة يتقدم شخص لا يتم النصيب و تشفل العلاقة و بقيت أتسأل في كل مرة علاش غير أنا و علاش لي قدي كامل تزوجوا و داروا لا الأولاد و بعد نقول الحمد الله على كل شيء ربي أعطاني صحتي و الزواج مكتوب مع أني متعلمةو و مثقفة و جميلة و أحسن تدبير المنزل الا النصيب لايوجد الا حد الآن ربما أنت لديك أب يخاف عليك أن أبي تخلى عنا أنا و أختي عندما كنا صغار و طلاق الوالدين شكل لي عقدة أصبحت أحلم بالزوج الأب و الأخ و الصديق لكن في أيام هاذي للأسف الشباب لا يقدر المسوؤلية و هاذ الدنيا حلو أو مر و لازم نصبروا على و اش عطالنا ربي و نقبلوا به أتمنالك الزوج الطيب و لي و لك انشاء الله ياربي في أقرب الآجال أنا أريد أن أستقر أو راني حاسة بيك أنا نعيش نفس الحالة أختك في الله من الجزائر .
بصي يااختي صحيح ان انا راجل بس اكيد ان مامتك بتدعيلك ربنا يعطيك ولد الحلال فاانتي عارفه ان اولاد الحلال اليومين دول قليلين كتير وكمان مافي شي اسمه عنوسه بس في شي اسمه ان البنت حبت تكمل حياتها من دون شريك الحياه
انا قرات مشكلتك واتمني ان تكوني قد تزوجتي
ولكن ان كنتي لحد الان انسه فاحب ان اقدم لكي بعض النصائح اللتي تساعدك باذن الله علي الزواج فانتي تعملين ومن دون قصد اشياء تمنع عنكي الزواج وهذه الاشياء تتلخص في 3 نقاط
اولا وللاسف الشديد انتي غير واثقه في قدره الله علي زواجك فانتي دائما معترضه وتقولي لماذا لم اتزوج يارب لماذا انا حظي هكذا وكانك تعاتبين رب هذا الكون حتي وانتي تدعين الله في صلاتك بالزواج تدعين دون ثقه بان الله لن يزوجك وفعلا الله لن يزوجك طالما ثقتك بالله مفقوده
لان الله سبحانه وتعالي يقول انا عند ظن عبدي
اي انكي لو وثقتي بالله انه سيزوجك فستتزوجين وان كانت ثقتك بالله معدومه فلن تتزوجين
لذالك ابدئي في تغيير تفكيرك ويجب ان تثقي يقدره الله علي كل شي
وعندما تدعي الله في صلاتك ان تتزوجي يجب ان تدعي وانتي واثقه جدا من الله وانتي تدعي كوني متفائله مبتسمه كانك تري العريس قد بعته الله لكي وكلما كانت ثقتك بالله قويه كلما كان حظك في الزواج اسرع وكلما كانت ثقتك بالله قليله فستنتظرين سنيين لكي تتزوجي
النقطه الثانيه
هل تعلمين انكي كل شي تتكلمينه عن الزواج سواء شي ايجابي او سلبي سينجذب اليكي ويلتصق بكي فانتي عندما تقولي لماذا انا لم اتزوج وغيري يتزوج فعلا ستمر الايام وانتي لم تتزوجي وغيرك سيتزوج وعندما تقولي انا ليس لي نصيب فعلا ستبقي دون نصيب
لذالك احذري من طريقه كلامك وابداي غيري من طرقه تفكيرك وكلامك
مثلا ابداي قولي للناس وباحساس صادق انك واثقه بانك ستتزوجين لانه كلما كان تفكيرك ايجابي ستجذبين العرسان لكي وكلما كنتي سلبيه وتحسدي فلانه انها تزوجت فلن يتقدم لكي عريس
3 هل تعلمين ان الانتظار هو قوه طارده فحتي ان هناك مثل يقول ان الدنيا تعطي اللي ما يحتاج فانتي لو بقيتي تحرقي اعصابك وتنتظري العريس بفارغ الصبر ان يدق بابك فهو قد لا ياتي
لذا انتي اعملي اللي عليكي وثقي وادعي الله وانتي واثقه جدا الاجابه وباذن الله ستتزوجين عما قريب
اشغلى وقتك وتفكيرك فى حفظ القران وطلعى الموضوع من دماغك وخليكى وثقة ان ربنا هيعوضك خير وادعى كتير (رنى انى لما انزلت اليه من خير فقير ) وان شاء الله ربنا هيرزقك ويرزقنى بالازواج الصالحة
يا جدعان ربنا عايز كده هتعرضو
انا حاسة بكل اللى بتقوليه لانها نفس مشكلتى بس انا مقتنعة ان لسه نصيبى مجاش ربنا يرزقنى الزوج والذرية الصالحة انا وكل بنات المسلمين
والله كلامك وجع قلبى اناعمرى 32و هخطب ان شاء الله بنت قريبا عمرها 29 سنة عادى سنك كويس مكبتريش ولا حاجة ادعيلى لربنا كتير وسيبة علية وان شاء الله هيرزقك ابن الحلالر
بصى انا عمرى ٣٥ سنة واعذب إلى الأن ومشكلتى نفس مشكلتك بالظبط لسه محصلش نصيب ولا عمرى كان ليه اي علاقات مع اي بنت وكل اصدقائى ال اصغر منى بكتير وكل اقرابى اتجوزا وكونوا عائلات ده حتى ال لسه مجوزش مرتبط عاطفياً مع حد وناوي يجوز أو حتى ال مش مرتبط عاطفياً ليه أصدقاء كتير أولاد وبنات وفي فرصه انه يتعرف على حد مستقبلاً أما انا مفيش خالص حيث ان حياتى الان العمل والعمل حتى مفيش مجال انى اتعرف فيه على حد جديد وبيت وشكلها كده الموضوع نصيب انا عارف احساسك ايه وكل الكلام ال قلتيه لأنه كله انا فكرت فيه برده بس الاجابة ان الموضوع مش اكتر من نصيب وانا عارف ان الموضوع صعب بس انا شايف الحل الوحيد انك تتقربى إلى ربنا كثيراً (حتى تكونى من المقربين) حباً فى الله وتقرباً إلى الله (عوضاً عن الحب بين البشر هذا ما افكر فيه واحاول اتجاوز بيه الوضع ال انا فيه طبعاً أنا ولا طبعا من المقربين ولا حاجة بس عندي امل ان ربنا يعوضنى بالقرب منه ومكانة عالية عوضاً على الدنيا والرزق وليس تتقربى لغرض اجابة دعائك وان ربنا يرزقك بل تقربى طلباً لله سواء استجاب لك ورزقك الزوج الذى تتمنيه مستقبلاً ام لم يرزقك هذا الزوق وكان هذا نصيبك من الدنيا(اعتقد هو ده الحل الوحيد ليكى) وهو ده الحل ال انا بحاول اتماسك بيه بالنسبة لي وطبعاً كل الأفكار ديه نجاية ربنا بيها وكذا مرة بعد هذا أسمع بعد المناجاه والدعاء مباشرةً هذه الأية وارجوا ان تكون هذه الأية اجابة من الله لما انا فيه وانتى فيه (وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا) وكذالك هذه الأية أكثر من مرة سمعتها فى اماكن ومواقف مختلفة بعد دعائى لله (فَاصْبِرْ لِحُكْمِ رَبِّكَ وَلا تَكُن كَصَاحِبِ الْحُوتِ إِذْ نَادَى وَهُوَ مَكْظُومٌ) أرجوا ان اكون قد سعادتك وافدتك
المشكله ان الناس شايفه ان الجواز هو االاكسجين مع انى شيفاه شئ ثانوى لو جالى نصيبي وعجبنى هتجوز لو ماجاش خلاص يعنى الدنيا ما خلصتش حولى تستمتعى بالوقت الى انتى فيه لغايه ما هتلاقى الراجل المناسب لو نساتى الموضوع ده هتلاقى العريس صدقينى بس حولى تختارى كويس مش تقولى اى واحد وخلاص وما ترخصيش نفسك وبرضه ماتبينيش لحد دلوقتى ان موضوع تأخر الجواز ده مضايقك لان بكده ممكن الناس تضحك عليكى بسهوله وربنا يوفقك
يابنتي الزواج قسمةونصيب وماحدش ماخذالا اللي مكتوب له ومقدرمن رب العالمين ماتفكريش كثير لحسن تتعقدي وسيبيهالله واكثري من الدعاءفي جوف الليل والناس نيام ان الله يرزقك بابن الحلال اللي يسعدك ويهنيك ولاتايسي من روح الله انه لايايس من روح الله الاالقوم القانطون
مرحبا انا قرات ماكتبت وشعرت بماتشعرين به لاني اشعر بمثله بالظبط وحين كنت بعمرك كان عندي باقي امل ان شيا سيتغير واني ساتزوج كباقي زميلاتي رغم انهن كن يراهن على اني ساكون اول واحدة تتزوج فيهن امر مضحك مبكي حقا ولاني الان على اعتاب الثامنة والثلاثين ولن يتغير شي ولم يكن املي ولا دعائي مجديين اتمنى الا تنتهي مثلي محطا لاشفاق الكل ومجالا لشماتة اخرين وتعجب من البعض الاخر والاحباط يحيطني كيف ساكمل لوحدي والقادم اسوا حين يختفي من حولي بسبب او اخر وان صبرا او لم نصبر فالحزن رفيقا الوحيد
ربّي إنّي لما أنزلت إليّ من خير فقيرة
ربّي إنّي مسّني الضّر و أنت أرحم الراحمين
ياااااااه بصي يا ستي المشكله دي مش عندك انتي بس عند بنات كتير من معنى كلامك ان انتي مش مديه فرصه لنفسك ادي فرصه لفنسك وانا على اتم الاستعداد للزواج منك والله الموفق والمستعان وعلى ما اقول شهيد
والله يا اختى انا هقول كلام والله المستعان فوتى امرك لله وان شاء الله هتلقى طلبك بامر الله بس هتقولى انت بقالك فتره بتدعى وكدا ولسه ف عبد من عباد الله ربنا بيحب يسمع صوت دعائه فمن الممكن تكون انتى من العباد ديه تانى حاجه الصبر يمكن ربنا ليه حكمه ف كدا يمكن لو كنتى اتجوزتى مبكرا كنتى حصل مشاكل ولقدر الله حصل انفصال او اي شى تانى فالصبر وان شاء الله الفرج موجود اهم حاجه الصلاه والدعاء والله المستعان والزوج سيصل وسيكون افضل حال وسيرعاك وستري اولادك يا اختى بس ان شاء الله لما يحصل ان معزوم على العرس وشكرا
اكتب اليكى يا سيدتى بعد ما قرات رسالتك مره بعينى ومرات تلو مرات بقلبى وعقلى ووجدانى ووالله انى لاشعر بما تشعرين فلستن وحدكن النساء من تشعرن بالم الوحده ومراره الجفاء ولكنا نحن الرجال ايضا نتوق الى حب وعاطفه صادقين فى اطار من القيم والمبادىء التى تتسق مع صحيح الدين ولكنى اود ان اذكرك بقول احد الصالحين علمت ان رزقى لن ياخذه غيرى فاستراح قلبى والزواج يا اختاه رزقا فاعلمى انه ات وان لم يأتى فى الدنيا فان الله سيبدلك خيرا منه فى الاخره وعليكى اختاه بالدعاء فكم من اقدار تغيرت بدعاء صادق لله فى جوف الليل واعلمى اختاه انك طالما حافظت على شرع الله وقيمه واوامره فان الله لن يحزنك ابدا ولن يخذلك فان ما عند الله لن تبلغيه الا بطاعته يسر الله لك الزواج ولكل بنات وشباب المسلمين اللهم امين
والله ياريت كنت اعرف طريق بابكم كنت تقدمت ليكى على الفور والله المستعان
و لا تدايقي نفسك ، انت مش عاارفه النصيب فين .. و الحياه دي حااجه صغيره بالنسبه للاخره ، انا حاسه بيكي اووي ، انا زيك ع فكره 31 سنه ، بس الفرق بيني و بينك انه مش بيهمني لانه ده رزق من عند لله.. ممكن يكون مش مكتوبلي اني اتجوز حد في الدنيا دي ، لانه ما تخلقش لسه اللي يستاهلني ..و بعدين افرضي انك شوفتي مستقبلك و عرفتي انه مالكش نصيب في الجواز هتعملي ايه في حياتك؟؟ هل هتستمري بتفكيرك ده وتتعبي نفسك بحاجه مش موجوده ، و لا هتبصي لحياتك و تستمتعي بيها .. عاوزاكي تعرفي حاجه انه الوحده لما تتجوز ده مش انجاز ليها ولا هيا لها يد في ده ، دي رزقه من عنده وحده..
نصيحتي ليكي اشغلي حياتك باي حاجه تحبيها و خرجي الفكره دي من بالك و استمتعي بحياتك، هتلاقي العريس هو اللي يخبط ع بابك و انتي ساعتها هيبقى ليكي الاختيار من غير ما تكوني مجبره ع الموافقه ، لانك ببساطه هتكون عرفتي تعيشي من غيره و الحياه عمرها ما هتتوقف ع عريس 🙂 ياريت تكوني فهمتيني
انا هكلمك بكل صراحه لاكن ياريت متزعليش منى وان شاء الله هتلاقى اجابه شافيه فى اخر رسالتى وانا قريت رسالتك حرف حرف والتقيت فى اغلب كلماتك انو انتى بتمجدى فى نفسك لدرجه الكبرياء والعظمه ولو عايزه نصيحتى اولا لو قريتى القران كلو وشربتى مياه الانهار وسمعتى الرقيا الشرعيه باكثر من طريقه مستحيل كل ده يسبق اراده الله ثانيا لا تدخل لبشر فى امر الله تعالى ثالثا لازم تعرفى حاجه مهمه جدا ان الزواج والموت فى منزله واحده الزواج له ساعه ووقت معلوم والموت كذالك ساعه ووقت معلوم رابعا : انا معاكى ان النفس البشريه دايما تواقه للحياه بكل ما فيها انتى فى الاول وهبتى نفسك للعلم وبلغتى الهدف بتوفيق من الله واجتهاد منك بعدها طلبتى العمل وسعيتى من اجله وايضا وفقك الله ومارستى العمل بقيت امامك امنيه واحده وهي الزواج وانا اؤكدلك ان زوجك موجود بمعرفة الله ومشيئته لاكن امتى سياتى الزوج حينما تنظرين لنفسك انتى فقط ولا تقولى انا افضل من فلانه واحسن من فلانه وفيه كتير بنات معيوبات واتزوجن وفيه عاهرات اتزوجن انسي كل ده وعيش حياتك مع الله وبس وقتها هيدق الباب بانسان وهبه الله لكى ليكون خير سند لخير جليسه ولا تتعجلى فاراده الله اقوى من اراده البشر ولا تشركى بالله لان الاعتراض الزائد على الله شرك والله واحد لا شريك له ولا تدخل للبشر فى امره ارجو ان تكونى استوعبتى كلماتى وشكرا والله المستعان
انا لم اقرا سوي عمرك في نهاية العشرينيات وهذا السن لا يجوز ابداا ان يطلق عليه عانس انتي مازلتي صغيرةولا تيئسي من رحمة الله.
انا بنفس عمرك ونفس مشكلتك وحاسة بكل الي كتبتية حرف حرف بس مافي شي بيدينا غير اننا ندعي ربنا لان ربنا حنين عليناوهو سبحانة احن علينا من كل الناس خلي ثقتك ويقينك ان ربنا هيعوض صبرك خير والله كل الي يعرفني يستغرب لية لسة مافي مرة اخرج الا واعجاب من الناس بس مش بيكون اكتر من اعجاب بس عندي ثقة بربنا ان يعوضنا خير حتى لو تاخرنا المهم النصيب الكويس عندك انا بيحاولو يخلوني اقبل باي واحد بس علشان مابقة عانس طول العمر شوفي عذاب بس برفض وانا نفسيتي مدمرة وعندي يقين ان ربنا هينصرني عليهم (انما اشكو بثي وحزني الى الله واعلم من الله مالايعلمون)اكثري من قراءة سورة البقرةبنية الزواج من زوج صالح واكثري من سورة الضحى كمان لان فيها اية بمنتهى الروعة(ولسوف يعطيك ربك فترضى )واهم حاجة انتي مش لوحدك انتي معاكي ربنا وحارسك وهيعوضك باذن الله بس احسني الظن بالله وهدعيلك مع نفسي وكل بنات المسلمين ياربي يسترهم بالازواج الصالحين
اختى الفاضله …. السلام عليكم
الجواز قسمة ونصيب وربنا كتب مقادير الخلق قبل بدايه الكون ب70 الف سنة (رفعت الاقلام وجفت الصحف) انتى متعرفيش مكتوبلك ايه؟ يمكن بكرة تلاقي عريس بيخبط علي باب بيتكم لان ربنا قادر في يوم وليله يرزقك الزوج الصالح وكله بمعاد ربنا يعلمة ومحددوا ومحدش عارف المعاد دة امتى ولازم يكون عندك حسن ظن بالله (انا عند حسن ظن عبدى بي فأن كان خير فهو خير وان كان شر فهو شر) اعرفي ان ربنا دايما بيختار الخير للانسان (وعسي ان تكرهوا شيئا وهو خيرا لكم وعسي ان تحبوا شيئا وهو شرا لكم) انتى متعرفيش الخير فين واعرفي ان كمان كل واحد ربنا كاتبلوا رزقه والجواز دة رزق يعنى كل واحد هيتجوز مراته اللي مكتوباله ومش هيتجوز غيرها وكل بنت هتتجوز الزوج المكتوبلها يعنى انتى نصيبك هيجيلك هيجيلك وكل تاخيره وفيها خيرة لان ربنا بيعوض خير اووووووى , ممكن كنتى تتجوزى صغيرة وتعيشي حياه كلها مشاكل وتعب نفسيه ويمكن ربنا اخر الجواز شويه عشان تعيشي حياه جميله لما تتجوزى اكيد ليه حكمة في كدة , والنصيب يااختى مالوش دعوة بالسن ولا بالجمال ولا بالشكل ولا الشخصيه انتى عليكى تقيمى الليل وتدعى في التلت الاخير من الليل وتقرأي دعاء تيسير الزواج وخليكى علي يقين ان ربنا هيتقبل دعواتك وان شاء الله هيقبلها وياريت توسعى الصلات الاجتماعيه بالناس تحضري حفلات وافراح وتروحى النادى مثلا وتكونى صداقات جديدة اسأل الله العظيم رب العرش العظيم ان يرزقك الزوج الصالح والزريه الصالحة انتى وبنات المسلمين اجمعين وان شاء الله هنباركلك علي الارتباط قريب امين يارب العالمين
حبايب قلبي والله العظيم كلكوا هتتجوزوا بازن الله وهتفرحوا وهتتهنوا وربنا يرزقك بالل يطلع عينكم زي ولادي
انا كنت نفس مشكلتك يا قمر والله العظيم اتجوزت يمكن على 27 سنة بعد معاناه مع اهلي عايزين يفرحوا بيه وامي كانت لما تشوف عروسة كانت بتحزن عشاني لانهم اقل مني جمالا وتعليم نفس مشكلتك وفي الاخر عشان ار ضيها اتجوزت اربع سنوات وماارتحتش وفي الاخر تم الطلاق وفضلت 3 سنين مطلقة ووالدي الله يرحمه عمل عمره واتوفى بعد ادائها في رمضان في مكة وهناك دعالي وربنا كرمني بعد وفاته ب10 ايام بزوجي زي العسل والسكر احسن من الاول مليون مره شكلا وموضوعا كل شيء في حلو واهله زي العسل وطيبين معايا عكس الاولاني
وكمان ربنا عطاني ولد وبنتين في 3 سنوات
قصدي اقولك اصبري والله العظيم ربنا هيعوض صبرك خير
وكمان يا ستي ياام 29 سنة وزعلانه اوي
انا اختي عندها 32 سنة وبرده كانت نفس مشكلتك كل اصحابها اتجوزوا وخلفوا وهي لاء
وفي الاخر نصيبها جالها واتجوزت من شهر ومبيسوطة الحمد لله
انت بس ابكي في سجودك زي وادعي ربنا يعطيكي الزوج الصالح والزرية الصالحة
انا كنت في سجودي بدعي ربنا يعوضني والحمد لله ربنا عطاني
يارب عقبالك وعقبال كل البنات تتجوزوا ويرزقكم باللي يطلع عينكم زي ولادي
بس انتي ابقى طمنيني عليكي
وربنا يوفك ويوفق الجميع بازن الله
انا عندي نفس المشكله بس اهلي مش عايزين يتقبلو الموضوع اني ما اتجوزت لهلأ و عمري 33 سنه و دايما بحسسوني بالذنب انو باقي البنات عرفت تظبط نفسها و تلاقي عريس و انا لأ , توترهم بعملي مشكله نفسيتي تعبانه و كثير بفكر اموت نفسي حاسه الحياه واقفه و مليش قيمه.
الأخت العزيزة…..لقد تأثرت جدا بإحساسك.. و لكني كرجل أحب ان اطمنك…. البنات المحترمة و أصحاب الخلق دول عملة نادرة جدا الأيام ده…و أكيد في ناس كتير بتدور عليك بس لسه ما جاش الوقت المناسب… و إن شاء الله نصيبك هيجيلك و يكون أحسن مما تتخيلي… أنصحك بالصبر و التقرب من الله…. محدش يباخد أكتر من اللي اتكتبله و نصيبه…المرة الجاية هتتكتبيلنا هنا انك اتخطبتي و مبسوطة بإذن الله
ماشاء الله عليكي في سرد مشكلتك اسلوبك رائع وكل الاسئله طرحتيها وجاوبتي عليها من نفسك ومن حقك تتمني وتتحقق امانيك لكن كل شئ بحكمة رب العالمين في وقت لايعلمه الا هو عليكي بالصبر والتمسك باخلاقك مثل ماانتي عليه وراح يجي النصيب اكثري من الدعاء في جوف الليل ربي يسعدك ويرزقك ويعفك بحلاله ويكفيكي بفضله عمن سواه وان يستر كل بنات المسلمين بازواج صالحين وان شاء الله هيجي بس ابقي اعزمينا ربي يوفقك
حبيبتى انا نفس مشكلتك مؤدبة و بنت ناس و حلوة و بردوا مفيش حد بيتقدملى و كل ما افكر فى الموضوع دة افتكر دعاء بيرحنى اوى “و عسى ان تكرهوا شيئا وهو خيرا لكم و عسى ان تحبوا شيئا و هو شرا لكم “
انتي شكلك طيبه. خلي عندك ثقه بالله.مش هقولك غير حاجه واحده:اخويا لسه متجوز واحده عندها 29 وعاااادي .رغم ان البنت دي كانت فاكره انه خلاص راح عليها,وجيراني هنا فوق 30 ولسه نصيبهم ما جاش.واعرفي ان ربنا كاتب لك حد كويس الكل هيحسدك عليه.بس انتي اخرجي كتير وروحي افراح ويعني خليكي شيك ومحترمه برضو@ شكرا