انا كنت فى سفر والبيت خطبلى بنت مكنتش اعرفها قبل كدا بس كلمتها على النت وشوفتها كميرا وقولتلهم موافق وخلال الخطوبة اكتشفت ان البنت متمردة جدا عندية جدا نكدية جدا وغلوطة بتغلط ومفيش احترام ليا خطيبها اللى هبقى جوزها وياما ردت على امها وعلى ابوها لحد ما وصلت انى اسيبها سبتها وطلبت الشبكة اللى كنت جايبها كنت جايب بعشر الاف شبكة ابوها رفض يدينى الشبكة علشان انا اللى سايب مع العلم انها اتخطبت بعد ما سبتها باسبوعين وانا خطبتها اقل من سنة يعنى مكنتش سبب فى انها عنزت والا حاجة وانا سبتها وانا فى السفر يعنى عمرى ما قعدت معاها والا دخلت عندهم والا خرجت معاها والا شى
اهلى بيضغطوا عليا عاوزنى اشتكى بالشبكة والمحامى قال انة هيجبهم من اول جلسة وعاوزينى اعمل توكيل للمحامى قبل ما اسفر وانا رافض مش عاوز اشهر بالبنت وخصوصا انها مخطوبة دلوقتى فمش عارف هل فعلا اشتكر بالشبكة والا اكمل زى ما انا ومعملش التوكيل
اقدر اقولك انت صح وقرارك صح مش مشكلة مبلغ زي كده استعوضه عند ربنا … واكيد ربنا هيبارك ليك في حاجات تانيه ويعوضك عنه وبلاش تشهر بيها علشان خاطر زوجتك واولادك في المستقبل ربنا يسترها معاهم صدقني
اعمل التوكيل للمحامى و استرد حقك لانها ماتستاهلش انك تخاف عليها من التشهير و خصوصا انها اكيد كانت بتنكد عليك و تفتعل المشاكل على شان تخلص منك و تفوز بالشبكة لانك انت الى سيبت و بكدة يبقة الشبكة من حقها بس لو هى الى سابت كانت تبقة من حقك انت الشبكة
ممكن تعمل محضر في القسم لو الشبكة مكتوبة باسمك و لو اهلها بخافوا على سمعتها حيدولك كل اللي انت عايزة عشان الفضيحة في وسط المنطقة… ولو الشبكة مكتوبة باسمها صعب انك تعمل موضوع القسم ده و ارفع قضية ازا كان موقفك مضمون فيها … انا كنت خاطب واحدة بنت **** زي دي قبل كدا و كانت حتوصل لاقسام و قواضي لولا انهم عارفين احنا مين و عيلتي تبقى ايه و لحقوا نفسهم
من حقك تشتكي وتخد حقك احنا في الغربه بنجيب القرش بالساهل وهم كانو دخلين ع طمع ولدم هما طمعو في السبكه كون احسن منهم وقولهم اشبعو بيها لو انتى مش محتجها لكن لو محتجها خدها من عنيهم
اسال شيخ لو كان مش من حقها يبقى حرام تسيب حقك
توكل على الله واشتكى … انت عندك حق فى كل حاجة .. المفروض ان الشبكة دى انت جايبها عشان المفروض هتتجوزها .. والجواز ما تمش .. يبقى تاخد شبكتك والكلام اللى بقولهولك دة على اساس دينى .. وعدين حتى لو انت اللى سايب مانت سبتها عشان اخلاقها الوحشة .. هو انت سيبتها عشان مزاجك قالك سيبها .. البنت مليانه عيوب .. يبقى انت ليك حق فى الشبكة
وبعدين واضح انهم ناس اى كلام .. اتكل على الله وخد شبكتك شكلهم ناس طماعيين
استمر يا اخى ع قرارك ولا تشهر بالبنت رغم كل عيوبها هذه فهذاان دل على شئ فهو يدل ع نبل اخلاقك واحترامك وسمو روحك واستعوض الله فى نقودك هذه فالله لا يرضى بالظلم ابدا وسوف يعاقبها بعملها هذا قريبا جداويجازيك انت خيرا بما فعلته