مشاكل الخطوبة

اهل خطيبى منكدين عليا وبخلاء

بأختصار انا مخطوبه لواحد بحبه و بيحبني بس مش حاسه اني فرحانه ابدا اهل خطيبى بخلا اوي واحنا اتنازلنا عن حاجات كتير عشان الموضوع يمشي بس انا حاسه انهم مش بيقدروني حتي احنا عزمناهم في رمضان وهما ولا عبرونا ومش بيتصلوا باهلي غير في المناسبات حتي مش بيجولي في المناسبات وانا بس اللي بتصل بيهم ده غير انهم بخلا اوي وده باين اوي من مواقف كتير واخت خطيبي متدخله في كل حاجه بالنسبه للشقه وعيزاني اقتنع برأيها وخلاص هو لسه الشقه ماتوضبتش اصلا وهي من دلوقتي عماله تتكلم وعيزاني اقتنع بكلامها وبحس ان خطيبي برضو بخيل زي اهله وماسك اوي علي الفلوس بس بصراحه لما بطلب منه بيجبلي هو بيطلع عيني شويه بس برضو باخد اللي عيزاه بس انا نفسي هو يجبلي من نفسه وانا مطلبش انا اكيد مش مستنيه منه حاجه بس اي بنت بيبقي نفسها تحس بالاهتمام ده غير ان في عيد ميلادي وفي رمضان والمواسم مامته مش بتجيلي وبيبقي منظري وحش ادام اهلي والمشكله اني هسكن في بيت عيلة 🙁

مشاكل وحلول ذات صلة

اضيف بتاريخ: Tuesday, August 30th, 2011 في 20:47

كلمات مشاكل وحلول: , ,

8 رد to “اهل خطيبى منكدين عليا وبخلاء”

  1. sahar saad
    18/02/2021 at 02:08

    بخصوص البخل أن كان من اهله فمافيش مشكله المهم خطيبك لايكون بخيل لأن بعد الجواز هتتحرمي من حقوقك كزوجه من لبس وفسح وطلبات المهم انه يكون كريم معاك عشان هيكون كريم في مشاعره ولاتعطي فرصه لأخته انهم يدخلوا في أبسط حق لك في انك تختاري شقتك وتجهيزها إلى انتي عايزاه وخلي معاملتك معاهم بالمثل أن قدموا هديه لك قدمي أن عزموا اهلك اعزميهم وعيشي بطريقتهم معاهم لكن مع خطيبك عيشي معاه بطريقتك

  2. ملك
    11/08/2012 at 05:33

    انا كمان اخوات خطيبى بيتدخلو فى اللى ملهومش فية خالص وخطيبى مسافر وساعات بحس انو شخصيتة ضعيفة اوى مش قادرة احكم مباشر لانة مسافر بس بصلى صلاة استخارة كل يوم لانى لسة على البر احسن ما اتجوز واطلق ففكرى كويس واسالى نفسك هل انتى هتقدرى تسيطرى على الوضع وانتى مستريحة ولا لا

  3. صاحبة المشكلة :(
    20/10/2011 at 09:51

    شكرا بجد علي ردودكم و ربنا يوفقكم كلكم ان شاء الله … انا دلوقتي بقيت مش بحط اهله في دماغي بس هو انا مش فاهمة اذا كان بخيل ولا لاء يعني ساعات الاقيه بيجبلي بس كل فين و فين و ساعات كتير ممكن انزل معاه و مايجبليش حتي بونبوناية انا والله مش مستنية حاجه منه بس انا شايفه صحابي كل خطابهم بيجبولهم وبيقدروهم ادام اهاليهم لكن انا عمرة ما فكر يجبلي هدية غير في المناسبات و بس ده غير انه مش بيخرجني اصلا من اول الخطوبه ولو حصل ونزلنا يقعدنيهنا في اي كافيه جنب البيت يعني مفيش اي تغير وكتير اتخانقنا بسبب انه مش بيخرجني ولا بيوديني اي مكان بيعد يتحجج مليون حجة و برضو مش بيتغير و كتير يقولي هجبلك و هسوي و هعمل و في الالخر يطنش ده غير كل ما اطلب منه حاجه بيكبر دماغه برضو حتي في العيد قالي هديكي تجيبي طقم وجه العيد قالي هديكي بعد العيد و العيد خلص و مش اداني اي حاجه فا انا مش عارفه ده بخيل ولا ايه و ساعات الاقيه بيعزمني عالغدا بس برضو في اي مكان هنا جنب البيت يعني اماكن عادية اوي وممكن مش ببقي مبسوطه فيها لان انا متعودة مش بخرج في اي مكان و متعودة علي مستوي معين لكن هو مش بيفرق معاه يعني انا اعد بالساعتين البس واقف ادام المرايه عشان تيجي تنزلني هنا جنب البيت !!!! ده غير ان دلوقتيبنوضب الشقه وحاسه انهم عايزيين يسترخصوا في السيراميك و الحمام و المطبخ وبيقولي انا ليه اروح لشركه تعملي المطبخ و تاخد مني فلوس زيادة وبقوله انا عايزة شغل معين الصنايعي العادي مش بيعرف يعمله عشان مش عنده المكن اللي بيتصنع بيه الشغل يقولي لا مش هروح شركات حتي مامته عايزة تسترخص في السيراميك انا بجد تعبت منهم ومش عايشه فتره خطوبتي ولا حاسه بفرحه وفي نفس الوقت مستحيل اقدر اسيبه انا بحبه للاسف فيدوني بجد اعمل ايه وهل هو بيخيل ولا ايه مش فاهمه

  4. جنا
    10/09/2011 at 05:53

    خلى بالك ده جواز وحاولى تفكرى كويس انتى موافقه على بخله ده لو بتحبيه وممكن تستحملى ماشى لكن خدى القرار الصح عشان متندميش انما اهله انتى وشطارتك انتى ممكن تكسبيهم بذكائك وحكاية انهم بخلا مالكيش دعوه المهم تغيرى جوزك بس خاولى تكسبيهم ربنا يوفقك

  5. نونو
    01/09/2011 at 21:50

    والله ما دام بتحبيه يبقى خلاص ولو هوبيحبك عمره ما هيبخل عليكى احلى حاجة الحب ممكن يكون ماسك عليكى من اهله

  6. منى
    01/09/2011 at 14:52

    انا عندى نفس مشكلتك بس الاسوا ان خطيبى مسافر يعنى كل حاجة بيجبهالى بتبقى عن طريق مامته يعنى متظلميش اهل خطيبك لانهم لو مش مهتمين بيكى ده لان ابنهم اصلا مش مهتم فدى نتيجة طبيعية كمان اخت خطيبى فعلا بتتدخل فى حاجات ملهاش دعوة فيها وكذه مرة لما بتيجى عندنا تقولى ماما كانت هتجبلك بس انا قولتلها على ايه يعنى تخيلى انا بقى احساسى كان ايه ساعتها كانى مليش اى قيمة وكمان عيد ميلادى عدى ولا حد عبرنى بحاجة بس انا اللى مصبرنى انى بحبه وعندى امل اننا لما نتجوز يمكن اقدر اخليه يتغير….

  7. sun
    31/08/2011 at 18:37

    بصي حل مشكلتك دي في ايدك انتي حقولك ازاي يعني انتي مخطوبه وبتحبي خطيبك وهو كمان بيحبك اسالي نفسك بقي هل الشخص ده فعلا بتحبيه وهو اللي حتبقي سعيده معاه ولا لا هل بخله ده مضايقك ولا عادي هل انتي حاسه انك مش مرتاح وحاسه انه بالغرم من انك بتحبيه الا انك تفضلي جو هادي من غير مشاكل مع اهله واو انك تستحملي عشانه المشاكل والمعامله من اهله عشان حبك ليه ولا لا جاوبي بنفسك ورائي انا بقي قصه اهله دي مش مشكله لانك لو انتي عاملتيهم حلو وابنهم حلو حيحبوكي لان الحياه مليئه بالمشاكل وبالنسبه لانه بخيل فده عيب واي انسان فيه عيوب ومميزات بس لازم انتي تتكيفي مع العيوب دي لو انتي شايفه انك متقدريش تعيشي مع حد بخيل يبقي خلاص اتركيه بسلام قبل ان تندمي فكري كويس وشوفي حتقدري تبعدي عنه ولا لا وبتمنالك كل خير

  8. lola
    31/08/2011 at 07:17

    صلى صلاة أستخاره

اترك رداً أو حلاً لهذه المشكلة