مشكلتى انى بعد 16 سنة عذاب مع اهل زوجي وبعد ما ظلموني واتهمات باطلة يردون انهم ترجع علاقتى بيهم بعد ما اتهمونى بالسحر واتهمونى بشرفى واتهمونى بالسرقة واتهمونى بافظع الاتهمات يردون الان بعد ان كبرو اولادى انى ارجع معهم مثل اول يوم شوفتهم ويعلم ربى انا قد اية كنت بموت من سوء معملتهم ويعلم ربى ان قلوبهم مش كويسة انا عايشة فى بيت العيلة بس لوحدى يعنى مش بحتك بيهم ولا فى فرح ولا فى موت هل انا مخطئا علم بانى طيبة جدا بس من كتر الظلم اللذى لحق بيا مش قدرة اغفر لهم ولا اسامحهم وانا احساسى بيهم انهم قلبهم مش كويس يبقا انا كدة غلطانة
مشاكل عائلية
اهل زوجي ظلموني واتهموني بشرفي
اضيف بتاريخ: Monday, January 10th, 2011 في 16:03
كلمات مشاكل وحلول: بيت العيلة, زوج, مشاكل اجتماعية, مشاكل عائلية
اصعب شي على الانسان في هذة الحياة ان يتهم في شرفه فهذا الشي لايمكن ان يتسامح فيه اويتصالح مع من طعن في شرفه سواكان قريب اوبعيد وانت امراة مومنة بالله عزوجل وتريدي العيش بكرامة وعزة نفس قد عرفت هولاء الناس وعاشرتيهم وماوجدت منهم خير الا الاذى والطعن في الشرف والاتهام بالسرقة والسحر وغيره فلا ترجعي لهم ابدا مهماكانت الظروف والاحوال المومن لايلدغ من جحر مرتين اياك ثم اياك والرجوع للعيش معهم او التسامح منهم بيت اهلك اولى بك واصبري حتى ياتيك الفرج من عنده سبحانه وتعالي قادر على كل شي بيكرمك ويعوضك بالزوج الصالح اللي يعرف قيمتك وقدرك ويصونك ويسترعليك وتلاقي معه كل الخير والامان والراحة والسعادة في حياتك الزوجية
اني هم نفس المشكلة هذه الاخت وتهموني اهل زوجي بسرقة ولم انا بل اختهم الصغيرة واعترفت بذالك ،وانا ايضا عشر سنوات اعاني من اهل زوجي وسامحتهم كثيرا واتيت بصف بيتهم واعطيتهم مبلغ مالي كهدية قيمتها عشرة الاف دولار ومع هذا لم يعدلوا من اسلوبهم الحقير معي بل بالعكس اعتبروا طيبتي معهم ضعف وقالوا انها زوجة ابننالزقوا تهمة السرقة هذه السنوات في حتا يحمون سمعة ابنتهم وفي الاخر ام زوجي رفعت سكينة علي وانا الان وبعد كل الي عملته لاهل زوجي وتنازلاتي سوف اقدم عليهم دعوة في المحمكة بتهمة التهديد بالقتل وتشويه السمعة وزوجي هو معي الان يدافعلي ،سامحتهم كثير لكن اهل زوجي لا يفيد بهم اي شي
معلش ماهو انتى لوبصيتى لحقك فى الدنيا حتلاقيه مهضوم لكن لو بصيتى لاجرك عند ربنا حتقدرى تسامحى يااختى العزيزة عاملى ربنا واعرفى ان كل حد ظلمك يوم القيامه ياخد سيئاتك وتاخدى حسناته على اد ما افترى وظلمك يعنى انتى اللى كسبانه ربنا بيقول من عفا واصلح فاجره على الله شوفى بئه لما الكريم بجلاله يؤجرك على ظلمك متزعليش عسى ان تكرهو شيئا وهو خير لكم الابئلاءات رحمه اتكلمى عادى معاهم وسامحى يمكن الامور تكون احسن بكتير من الاول لو لقيتيهم لسه زى الاول خدى جنب تانى واتوكلى على الله ربنا يكرمك
يمكن يا اختى هما شعروا بخطاهم ناحيتك وندموا وتابوا وعاوزين يبتدوا صفحه جديده معاكى صدقينى فيه ناس كثير بتظلم ولكن بيجى الوقت اللى بيندموا فيه ويتوبوا وبيحاولوا يبتدوا صفحه جديده مع اللى ظلموهم يمكن يكونوا كده انا عارفه ان الظلم وحش قوى ولكن لازم الواحد يعامل ربنا طبعا انتى مجروحه منهم لكن طريقه تعاملهم معكى الان تغفر لهم الماضى حتى لو مقدرتيس تنسى عامليهم كويس علشان ربنا واللى فى القلب فى القلب ومتدخليش فيهم قوى يعنى تكلميهم بالمعقول وفى الحدود لكن متعمقيش العلاقه قوى علشان متتقلبش عليكى تانى يعنى جامليهم فى فرحهم واحزانهم وخلى ولادك دايما يزوروهم وبعدين انتى بتقولى انك طيبه يعنى معدنك اصيل ومن السهل انك تعاملى الناس كويس حتى لو اخاوا فى حقك علشان ربنا
بسم الله الرحمن الرحيم
اختى الظلم ظلمات يوم القيامه.ويمكن هما الان فهموا انهم غير مخلودن وعاوزين يحسنوا العلاقه بيكى فالمسامح كريم فاعفوى واصفحى الصفح الجميل ولكن لا تتدخلى فيهم بزياده يعنى روحى افراحهم واحزانهم ولكن فى حدود يعنى لا يعرفوا عنك حاجه ولا تحاولى تعرفى عنهم حاجه لان التداخل الزياده هو سبب المشاكل يعنى مثل المثل ما بيقول صباح الخير يا جارى انا فى حالى وانت فى حالك بس كده وعيالك طبعا دول اهلهم لازم تكلموهم لان دى صله رحم وجوزك الله يكون فى عونه ويساعده على الاحسان لهم ولكى والله المستعان
اصبري واحتسبي طالما زوجك معاكي وواقف في صفك خلاص ومنهم لله لان ربنا جبار واخذه اليم جدا ودائما قولي اللهم اجرني في مصيبتي واخلفني خيرا منها وقولي كمان اللهم اني اجعلك في نحورهم واكفني شرورهم. وعلي فكرة ده ابتلاء من الله فاوعي تعترضي ابدا وتذكري ان كل شيء وله اخر واكيد مش هيفضلو عايشين .بالنسبة ليكي احسن متحتكيش بيهم وربنا يهدي الله اعلم ممكن هما يجولك ويراضوكي .اصبري وتفاءلي ان مكنش عشان خاطرك فعشان خاطر اولادك لانك لو جرالك حاجة مش هيزعلو ولا هيتاثرو فبالله عليك هوني علي نفسك لان في ناس كتيرعندهم نفس مشكلتك وكمان ازواجهم ضدهم فدايمااحمدي ربنا
موجود بس يخاف يزعلهم وبيقولى انا عارف انك مظلومة
زوجى موجود بس بيعمل لهم حساب ويعمل اكن مش شايف حاجة ولا سامع اهم حاجة علاقته بيهم تبقا كويسة اما انا بيقولى انا عارف انك مظلومة منهم لله
لكن لم تذكري هل زوجك علي قيد الحياه ؟وما هي ظروفه وموقفه وعلاقته بكي وبالاهل عموما الطيب احسن والسماح مطلوب وشويه شويه وخليكي حريصه وطيبه زي ما بتفولي
خليكى فى حالك وملكيش دعوة بيهم وخلى اولادك بس هما اللى يكلموهم عشان صلة الرحم