انا فتاة عندى 20 سنه مخطوبة بحب خطيبى اوى وهو كمان بيحبنى بس المشكله انا خايفه من بعض الصفات فيه انا حاسه انه صعب ومتحكم ومدى شويه انا بحبه اوى ومش عرفه سكوتى معنا انى شخصيتى ضعيف قدامه احيانا بقوله على حاجات بتديقنى وكتير مش بقول عشان بخاف اديقه هو حساس اوى ومش عايزه يبقى جوايا حاجه وهو مش عرفها وخايفه اقوله يزعل عشان خبيت احنا متفقين نقول لبعض كل حاجه وكمان حاسه ان كلامى هيجرحه احنا لينا سنه مخطوبين انا دلوقتى محتاره اوى خايفه اسيبه وانا بحبه وخايفه اكمل اكون بظلمه ومش عرفه انا هقدر استحمل الصفات دى ولا لأ ياريت تساعدونى انا خايفه اخد خطوه واندم عليها
مشاكل الخطوبة
اواجه خطيبي واجرحه ولا اسيبه
اضيف بتاريخ: Monday, September 20th, 2010 في 01:02
كلمات مشاكل وحلول: خطوبة, فتاة, مخطوبة, مشاكل الخطوبة
بصى نصحتى ان انتى تحافظى على حبكو ولازم كل واحد يبقى فيه عيوب مش ممكن تسيببيه وييجى واحد تانى فيه اكتر من عيب
في رأي المتواضع حضرتك من غير زعل بتدلعي شوية يا أختي الراجل راجل والست ست يعني اية متحكم ويعني اية صعب بقينا فى زمن الست عايزة تبقي هي الراجل عكس ما ذكره رب العالمين الرجال قوامون على النساء أنا شايف لو حضرتك سبتيه هتخسري كثيررررررررررررررر
تاكدى انا الزمان بيغر كل الاشكال والطباع هو ممكن يكون شايف انى دى فترة موقته فى بداية الحياةوتاكدى ان المحافظة على الحب من اهم الصفات يارب يوفق بينكم ممكن تفكرى ازاى تكلمى معه وفى وقت معين وبطريقة تحافظ على الشكل بينكم وتاكدى انه ممكن يتغير لكن الاكيد ان الحب مش ينفع يتغير خليكى قوية وحافظى على الحب وحافظى على العلاقة دى وربنا يكرمك بس مش معنى كده انك مش تكلمى لا اكلمى بس بطريقة شيك لا تتركى الاموار للزمان كل شىء على الله فى الاول والاخر ولكن خلى عندك ايمان بالمبدا حاولى تقربى من طريقة تفكيرة ممكن تحبية وحاولى تكونى مقنعه فى كلامك وفى تفكيرك اتمنى لكى التوفيق.
الحمد الله طبعا هو حد كتير محترم وكويس انا قررت ابعد عن فكرة انى اسيبه عشان بحبه اوى واخليها للنصيب هو لو نصيبى هتجوره وححاول اقوله على اللى حاجات اللى بتدايقنى
لازم تكونوا متفقين على كل حاجة قبل الجواز يعنى صارحيه وانا اساسا مش بحب الراجل المتسلط دا وانتى بقى قررى علشان انتى هتعيشى معااااااة العمر كله هتقدرى تستحملى ؟
صعب ومتحكم ومادي ؟؟؟
اذا كان صعب .. فهو رجل حكيم
واذا كان متحكم .. فهو رجل شرقي
واذا كان مادي .. فهو رجل اقتصادي
ومن راي ان هذه الصفات اذا توفرت في رجل في هذا الزمان فيجب ان تحمد المرأة ربنا عليه لانه يعيش بعيدا عن الشذوذ و بعيدا عن ظل الرجل وبعيدا عن الكثير من المستهترين في صفاتهم .
وعايزين نرجع لبعض تانى والأهل مش موافقين
كل واحد فينا أتخلق وفيه عيوب يعنى لو انت اللى فيكى العيوب دى كنتى ترضى انه يسيبك؟ ولا أهون عليكى أنه يصارحك؟ ولو كل واحدة سابت خاطبها عشان فيه عيوب بسيطة زى دى وهى بتحبه عمر ما واحدة هاتعيش مع الإنسان اللى بتحبه كل العيوب دى ممكن تتغير احمدى ربنا انك ما حبتيش واحد نصاب أو حرامى كانت حيرتك هتبقى اكبر من كدة بكتير صدقينى انا خاطيبى متحكم زى خطيبك وبحاول اغيره وسيبنا بعض واحنا الأتنين تعبنا ومش عايزين نرجع والأهل مش موافقين وربنا يوفقك فى اللى فيه الخير
انتى مش هتجيلج الجرأة انتك تواجهيه ببعض عيوبه يعنى عمرك ما هتقوليله انك شايفاه مادى لأنه طبيعى هيزعل منك ممكن تقوليله انه بيتحكم فيكى بس انصحك لو قلتيله حاجة يبقى فى وقت هو رايق فيه وتكون انتوا الأتنين أعدين أعدة رومانسية عشان وهو أكيد هيرد عليكى ويقولك انه بيعمل كدة عشان بيغير عليكى وبيخاف عليكى وما واوعى تسيبيه لو سيبتيه وانتى بتحبيه أكيد هتندمى ومش هتنسيه بسهولة
مم
بصى انا مش هلومك انتى دلعيه شويه خدى بالك منه مش تخليه عاوز حاجه لما يقولك حاجه اعمليها قوليله تعاله نخرج علميه الرومنسيه علميه ازاى يتكلم معاكى بلطف ازاى تهزروا مع بعض وقت الى يكون فيه ضحك قوليله انا بحبك انا بموت فيك وانتى علميه ازاى يعملك خديه واخرجى اتفوقوا ازاى تعاملوا بعض
بصى انا عندى نفس المشكله دى انا مخطوبه وبحب خطيبى اووى وهو كمان بس انا لحظت ان هو متحكم شويه ومش بياخد رايى فى امور كتيره قلت لازم اكلم معاه لانى مش بحب كده وهيحصل مشاكل بعد كده لو سكتى اقعدى معاه وكلميه بصراحه وهدوء وكل حاجه هتتحل ان شاء الله
تصرحيه وسيبها ع الله